← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62007: P Ju

Click on a word for lexical analysis
Click on a red-colored coordinate for comments and/or translations of the line

previous chapter


03:01 ܘܗܠܝܢ ܥܡ̈ܡܐ ܕܫܒܩ ܡܪܝܐ ܠܡܢܣܝܘ ܒܗܘܢ ܠܐܝܣܪܝܠ܂ ܟܠ ܕܠܐ ܐܝܕܥܘ ܠܟܠܗܘܢ ܩܪ̈ܒܐ ܕܟܢ̈ܥܢܝܐ܂
03:02 ܒܠܚܘܕ ܡܛܠ ܕܢܕܥܘܢ ܕܪ̈ܐ ܕܒܢ̈ܝ ܐܝܣܪܝܠ܂ ܕܢܐܠܦܘܢ ܩܪܒܐ܂ ܒܠܚܘܕ ܩܕܡ̈ܝܐ ܠܐ ܐܝܕܥܘ܂
03:03 ܚܡ̈ܫܐ ܛܪ̈ܘܢܐ ܕܦ̈ܠܫܬܝܐ܂ ܘܟܠܗܘܢ ܟܢ̈ܥܢܝܐ ܘܨ̈ܝܕܢܝܐ܂ ܘܚ̈ܘܝܐ ܝܬ̈ܒܝ ܛܘܪܐ ܕܠܒܢܢ܂ ܘܡܢ ܛܘܪܐ ܕܒܢ̈ܝ ܚܪܡܘܢ ܘܥܕܡܐ ܠܡܥܠܢܐ ܕܚܡܬ܂
03:04 ܗܘܘ ܠܡܢܣܝܘ ܒܗܘܢ ܠܐܝܣܪܝܠ܂ ܕܢܕܥ ܐܢ ܫܡܥܝܢ ܦܘܩ̈ܕܢܘܗܝ ܕܡܪܝܐ ܕܦܩܕ ܠܐ̈ܒܗܝܗܘܢ ܒܐܝܕܐ ܕܡܘܫܐ܀
03:05 ܘܒܢ̈ܝ ܐܝܣܪܝܠ ܐܝܬܒܘ ܒܝܢܬ/ܒܝܬ#3#/ ܟܢܥ̈ܢܝܐ ܘܚ̈ܘܝܐ܂ ܘܐܡܘܪ̈ܝܐ ܘܦܪ̈ܙܝܐ܂ ܘܚ̈ܬܝܐ ܘܝܒܘܣ̈ܝܐ܂
03:06 ܘܢܣܒܘ ܡܢ ܒܢ̈ܬܗܘܢ ܠܗܘܢ ܢܫ̈ܐ܂ ܘܒܢ̈ܬܗܘܢ ܝܗܒܘ ܠܒ̈ܢܝܗܘܢ܂
03:07 ܘܦܠܚܘ ܠܐ̈ܠܗܝܗܘܢ܂ ܘܥܒܕܘ ܒܢ̈ܝ ܐܝܣܪܝܠ ܕܒܝܫ ܩܕܡ ܡܪܝܐ܂ ܘܛܥܘ ܠܡܪܝܐ ܐܠܗܗܘܢ܂ ܘܦܠܚܘ ܠܒܥܠܐ ܘܠܐܣܬܪ̈ܬܐ܂
03:08 ܘܐܬܚܡܬ ܡܪܝܐ ܥܠ ܐܝܣܪܝܠ܂ ܘܐܫܠܡ ܐܢܘܢ ‍<‍ܡܪܝܐ#3#‍>‍ ܒܐܝܕܐ ܕܟܘܫܢ ܥܘܠܐ ܡܠܟܐ ܕܐܪܡ ܢܗܪ̈ܝܢ܂ ܘܦܠܚܘ ܒܢ̈ܝ ܐܝܣܪܝܠ ܠܟܘܫܢ ܥܘܠܐ ܬܡܢܐ ܫ̈ܢܝܢ܂
03:09 ܘܩܪܘ ܒܢ̈ܝ ܐܝܣܪܝܠ ܠܡܪܝܐ܂ ܘܐܩܝܡ ܡܪܝܐ ܦܪܘܩܐ ܠܒܢ̈ܝ ܐܝܣܪܝܠ܂ ܘܦܪܩ ܐܢܘܢ ܥܬܢܐܝܠ ܒܪ ܩܢܙ ܐܚܘܗܝ ܕܟܠܒ ܕܙܥܘܪ ܡܢܗ܂
03:10 ܘܗܘܬ ܥܠܘܗܝ ܐܝܕܗ ܕܡܪܝܐ ܘܕܢ ܠܐܝܣܪܝܠ܂ ܘܢܦܩ ܠܩܪܒܐ܂ ܘܐܫܠܡ ܡܪܝܐ ܠܐ̈ܝܕܘܗܝ ܕܟܘܫܢ ܥܘܠܐ ܡܠܟܐ ܕܐܪܡ ܢܗܪ̈ܝܢ܂ ܘܥܫܢܬ ܐܝܕܗ ܥܠ ܟܘܫܢ ܥܘܠܐ܂
03:11 ܘܐܬܬܢܝܚܬ ܐܪܥܐ ܐܪ̈ܒܥܝܢ ܫ̈ܢܝܢ܂ ܘܡܝܬ ܥܬܢܐܝܠ ܒܪ ܩܢܙ܀܀
03:12 ܘܐܘܣܦܘ ܒܢ̈ܝ ܐܝܣܪܝܠ ܠܡܥܒܕ ܕܒܝܫ ܩܕܡ ܡܪܝܐ܂ ܘܚܝܠ ܡܪܝܐ ܠܥܓܠܘܢ ܡܠܟܐ ܕܡܘܐܒ ܥܠ ܐܝܣܪܝܠ܂ ܥܠ ܕܥܒܕܘ ܕܒܝܫ ܩܕܡ ܡܪܝܐ܂
03:13 ܘܟܢܫ ܥܠܝܗܘܢ ܠܒܢ̈ܝ ܥܡܘܢ ܘܠܥܡܠܝܩ܂ ܘܐܙܠܘ/ܘܐܬܘ#3#/ ܘܡܚܘ ܠܐܝܣܪܝܠ܂ ܘܝܪܬܘ ܩܪܝܬܐ ܕܕܩ̈ܠܐ܂
03:14 ܘܦܠܚܘ ܒܢܝ ܐܝܣܪܝܠ ܠܥܓܠܘܢ ܡܠܟܐ ܕܡܘܐܒ ܬܡܢܥܣܪܐ ܫ̈ܢܝܢ܂
03:15 ܘܩܪܘ ܒ̈ܢܝ ܐܝܣܪܝܠ ܠܡܪܝܐ܂ ܘܐܩܝܡ ܠܗܘܢ ܡܪܝܐ ܦܪܘܩܐ ܠܐܗܘܪ ܒܪ ܓܐܪܐ ܡܢ ܫܒܛܐ ܕܒܢܝܡܝܢ܂ ܓܒܪܐ ܕܦܫܝܓܐ ܗܘܬ ܐܝܕܗ ܕܝܡܝܢܐ܂ ܘܫܕܪܘ ܒܢ̈ܝ ܐܝܣܪܝܠ ܩܘܪܒܢܐ ܒܐܝܕܗ ܠܥܓܠܘܢ ܡܠܟܐ ܕܡܘܐܒ܂
03:16 ܘܥܒܕ ܠܗ ܐܗܘܪ ܣܝܦܐ ܕܬܪ̈ܝܢ ܦܘܡ̈ܘܗܝ܂ ܩܦܣ ܐܘܪܟܗ܂ ܘܐܣܪܗ ܠܓܘ ܡܢ ܠܒܘܫܗ/ܠܒܫܗ#3#/ ܥܠ ܥܛܡܗ ܕܝܡܝܢܐ܂
03:17 ܘܩܪܒ ܩܘܪܒܢܐ ܠܥܓܠܘܢ ܡܠܟܐ ܕܡܘܐܒ܂ ܘܥܓܠܘܢ ܡܠܟܐ ‍<‍ܕܡܘܐܒ#3#‍>‍ \ܓܒܪܐ ܗܘܐ ܕܒܪܝܪ ܛܒ /ܫܡܝܢ ܗܘܐ ܛܒ ܘܓܒܪܐ ܗܘܐ ܕܒܪܝܪ#3#/܂
03:18 ܘܟܕ ܓܡܪ ܠܡܩܪܒܘ ܩܘܪܒܢܐ܂ ܫܪܐ ܠܥܡܐ ܫܩܝ̈ܠܝ ܩܘܪܒܢܐ܂
03:19 ܘܗܘ ܗܦܟ ܡܢ ܦܣܝܠܝܢ ܕܥܠ ܓܢܒ ܓܠܓܠܐ ܘܐܡܪ ܠܗ܂ ܡܠܬܐ ܕܣܬܪܐ ܐܝܬ ܠܝ ܕܐܡܪ ܠܟ ܡܠܟܐ ܒܝܢܝ ܘܠܟ܂ ܘܐܡܪ ܡܠܟܐ܂ ܥܒܪܘ/ܫܘܪܘ#3#/ ܡܢ ܬܡܢ܂ ܘܦܪܩܘ ܠܗܘܢ ܟܠܗܘܢ ‍<‍ܐܝܠܝܢ#3#‍>‍ ܕܩܝܡܝܢ ܗܘܘ ܠܘܬܗ܂
03:20 ܘܐܗܘܪ ܥܠ ܠܘܬܗ܂ ܘܗܘ ܝܬܒ ܗܘܐ ܒܥܠܝܬܐ ܒܠܚܘܕܘܗܝ ܕܡܬܩܢܐ ܗܘܬ ܠܗ܂ ܘܐܡܪ ܠܗ ܐܗܘܪ܂܂ ܡܠܬܐ ܕܐܠܗܐ ܐܝܬ ܠܝ ܕܐܡܪ ܠܟ܂ ܘܩܡ ܥܓܠܘܢ ܡܢ ܟܘܪܣܝܗ܂
03:21 ܘܐܘܫܛ ܐܗܘܪ ܐܝܕܗ ܕܣܡܠܐ܂ ܘܢܣܒ ܣܝܦܐ ܡܢ ܥܛܡܗ ܕܝܡܝܢܐ܂ ܘܡܚܝܗܝ ܒܟܪܣܗ܂
03:22 ܘܐܬܐ ܡܪܩܩܗ ܒܬܪ ܡܚܘܬܗ܂ ܘܣܟܪܗ݀ ܚܠܒܐ ܠܡܚܘܬܐ܂ ܡܛܠ ܕܠܐ ܫܡܛܗ ܣܝܦܐ/ܠܣܝܦܐ#3#/ ܡܢ ܟܪܣܗ܂ ܘܢܦܩ ‍<‍ܗܘܐ#3#‍>‍ ܡܣܪܗܒܐܝܬ܂
03:23 ܘܢܦܩ ܐܗܘܪ ܠܟܣܣܛܪܘܢ܂ ܘܐܚܕ ܬܪܥܐ ܕܥܠܝܬܐ ܒܐ̈ܦܘܗܝ ܘܢܦܩ܂
03:24 ܘܗܘ ܢܦܩ܂ ܘܥܒ̈ܕܘܗܝ ܥܠܘ܂ ܘܚܙܝܢ ܬܪ̈ܥܐ ܕܥܠܝܬܐ ܛܦܝܢ܂ ܘܐܡܪܝܢ܂ ܟܒܪ ܠܦܪܘܬܕܩܐ/ܠܦܪܘܕܩܐ#2#/ ܢܦܩ ܒܬܘܘܢܐ ܕܥܠܝܬܐ܂
03:25 ܘܟܬܪܘ ܣܓܝ ܘܚܙܝܢ ܠܐ ܦܬܚ ܬܪ̈ܥܐ ܕܥܠܝܬܐ܂ ܘܢܣܒܘ ܐܩ̈ܠܝܕܐ ܘܦܬܚܘ܂ ܘܚܙܝܢ ܡܪܗܘܢ ܪܡܐ ‍<‍ܥܠ ܐܦ̈ܘܗܝ#3#‍>‍ ܥܠ ܐܪܥܐ ܘܡܝܬ܂
03:26 ܘܥܕ/ܘܟܕ#3#/ ܗܢܘܢ ܡܬܬܘܗܝܢ ܗܘܘ܂ ܐܗܘܪ ܥܒܪ ܠܦܣܝܠܝܢ ܘܐܬܦܠܛ܂ ܘܪܗܛ ܠܫܝܥܪܬ܂
03:27 ܘܟܕ ܐܬܐ ܩܪܐ ܒܫܝܦܘܪܐ ܒܛܘܪܐ ܕܐܦܪܝܡ܂ ܘܢܚܬܘ ܥܡܗ ܒܢ̈ܝ ܐܝܣܪܝܠ ܡܢ ܛܘܪܐ܂ ܘܗܘ ܩܕܡܝܗܘܢ܂
03:28 ܘܐܡܪ ܠܗܘܢ܂ ܬܘ ܒܬܪܝ܂ ܡܛܠ ܕܐܫܠܡ ‍<‍ܐܢܘܢ#3#‍>‍ ܡܪܝܐ ܒ̈ܥܠܕܒܒܝܟܘܢ/ܠܒ̈ܥܠܕܒܒܝܟܘܢ#3#/ ܡܘܐ̈ܒܝܐ ܒܐ̈ܝܕܝܟܘܢ܂ ܘܢܚܬܘ ܒܬܪܗ܂ ܘܐܚܕܘ ܡܥܒܪܬܐ ܕܝܘܪܕܢܢ ܕܡܘܐܒ܂ ܘܠܐ ܫܒܩܘ ܠܐܢܫ/ܐܢܫ#3#/ ܕܢܥܒܪ܂
03:29 ܘܩܛܠܘ ܡܢ ܡܘܐ̈ܒܝܐ ܒܗܘ ܙܒܢܐ ܐܝܟ ܥܣܪܐ ܐ̈ܠܦܝܢ ܓܒܪ̈ܝܢ܂ ܟܠ ܕܥܬܝܪ/ܕܥܬܝܕ#3#/ ܘܟܠ ܓܒܪ ܚܝܠܬܢ ܘܠܐ ܐܬܦܠܛ ܐܢܫ܂
03:30 ܘܐܬܬܒܪܘ ܡܘܐ̈ܒܝܐ ܒܗܘ ܙܒܢܐ ܬܚܝܬ ܐܝܕܐ ܕܐܝܣܪܝܠ܂ ܘܫܠܝܬ ܐܪܥܐ ܬܡܢܐܝܢ ܫ̈ܢܝܢ܀
03:31 ܘܒܬܪܗ ܗܘܐ ܫܡܓܪ ܒܪ ܥܢܬ܂ ܘܚܪܒ ܡܢ ܦܠܫ̈ܬܝܐ ܫܬܡܐܐ ܓܒܪ̈ܝܢ ܒܡܣܣܐ ܕܬܘܪ̈ܐ܂ ܘܦܪܩ ܐܦ ܗܘ ܠܐܝܣܪܐܝܠ܂

next chapter