The Comprehensive Aramaic Lexicon

05:01	ܘܫܒܚܬ ܕܒܘܪܐ ܘܒܪܩ ܒܪ ܐܒܝܢܥܡ ܒܝܘܡܐ ܗܘ ܠܡܐܡܪ܂
05:02	ܒܦܘܪܥܢܘܬܐ ܕܐܬܦܪܥ ܐܝܣܪܝܠ܂ ܒܬܫܒܘܚܬܐ ܕܥܡܐ ܫܒܚܘ/ܕܫܒܚܘ#3#/ ܠܡܪܝܐ܂
05:03	ܫܡܥܘ ܡ̈ܠܟܐ܂ ܘܨܘܬܘ ܫ̈ܠܝܛܢܐ܂ ܐܢܐ ܠܡܪܝܐ ܐܫܒܚ܂ ܘܐܙܡܪ ܠܗ ܠܡܪܝܐ ܐܠܗܐ ܕܐܝܣܪܝܠ܂

05:04	ܡܪܝܐ ܒܡܦܩܟ ܕܡܢ ܣܥܝܪ܂ ܟܕ ܗܠܟܬ ܒܝܢܬ ܚܩ̈ܠܬܐ ܕܐܕܘܡ ܐܪܥܐ ܙܥܬ܂ ܐܦ ܫܡܝܐ ܢܛܦܘ܂ ܘܥܢ̈ܢܐ ܪܣ ܡ̈ܝܐ܂

05:05	ܘܛܘܪ̈ܐ ܕܠܘ ‍<‍ܡܢ#3#‍>‍ ܩܕܡ ܡܪܝܐ܂ ܘܗܢܐ ܣܝܢܝ ܡܢ ܩܕܡ ܡܪܝܐ ܩܕܝܫܐ/ܐܠܗܐ#3#/ ܕܐܝܣܪܝܠ܂
05:06	ܒܝ̈ܘܡܘܗܝ ܕܫܡܓܪ ܒܪ ܥܢܬ܂ ܘܒܝ̈ܘܡܝ ܥܢܐܝܠ ܦܣܩܘ ܐܘܪ̈ܚܬܐ܂ ܘܕܡܗܠܟܝܢ ܗܘܘ ܒܫܒܝ̈ܠܐ ܬܪ̈ܝܨܐ܂ ܗܠܟܘ ܒܐܘܪ̈ܚܬܐ ܡܥܩܡ̈ܬܐ܂
05:07	ܦܣܩܘ ܫܛܚ̈ܐ ܕܐܝܣܪܝܠ ܦܣܩܘ܂ ܥܕܡܐ ܕܩܡܬ ܐܢܐ ܕܒܘܪܐ܂ ܩܡܬ ܐܡܐ ܒܐܝܣܪܝܠ܂
05:08	ܢܓܒܐ ܐܠܗܐ ܚܕܬܐ܂ ܘܗܝܕܝܢ ܠܚܡܐ ܕܣܥܪ̈ܐ܂ ܘܣܝܦܐ ܘܪܘܡܚܐ ܠܐ ܢܬܚܙܐ ܒܝܢܬ ܐܪ̈ܒܥܝܢ ܐ̈ܠܦܐ ܕܐܝܣܪܝܠ܂
05:09	ܠܒܝ ܐܡܪ ܠܡܒܕܩܢܐ ܕܐܝܣܪܝܠ܂ ܐܝܠܝܢ ܕܦܪܝܫܝܢ ܒܥܡܐ ܒܪܟܘ ܠܡܪܝܐ܂
05:10	ܘܪ̈ܟܒܝ ܐܬ̈ܢܐ ܚܘܪ̈ܬܐ܂ ܘܝܬ̈ܒܝ ܒ̈ܒܬܐ ܘܡܗ̈ܠܟܝ ܒܐܘܪ̈ܚܬܐ܂
05:11	ܪܢܘ/ܐܪܢܘ#2#/ ܡܢ ܡ̈ܠܐ ܕܒܨ̈ܘܝܐ ܕܒܝܢܬ ܡ̈ܠܦܢܐ܂ ܬܡܢ ܢܬܠܘܢ ܙܕܝܩܘܬܗ ܕܡܪܝܐ܂ ܙܕܝܩܘܬܗ \ܕܐܣܓܝ ܒܐܝܣܪܝܠ /ܕܐܝܣܪܝܠ#3#/܂ ܗܝܕܝܢ ܢܚܬ ܠܬܪܥܐ ܥܡܗ ܕܡܪܝܐ܀܀
05:12	ܐܬܬܥܝܪܝ ܐܬܬܥܝܪܝ ܕܒܘܪܐ܂ ܐܬܬܥܝܪܝ ܘܐܬܝܕܝ/ܘܐܬܢܕܝ#2#/ ܘܡܠܠܝ ܬܫܒܘܚܬܐ܂ ܩܘܡ ܒܪܩ ܘܫܒܝ ܫܒܝ̈ܟ ܒܪܗ ܕܐܒܝܢܥܡ܂
05:13	ܘܗܝܕܝܢ ܢܚܬ ܡܦܨܝܢܐ ܠܡܫܒܚܘ ܩܕܡ ܡܪܝܐ܂ ܕܢܚܬ ܠܝ ܒܓܒܪܐ܂
05:14	ܡܢ ܐܦܪܝܡ ܘܥܒ̈ܕܘܗܝ ܒܥܡܠܝܩ܂ ܒܬܪܟ ܒܢܝܡܝܢ ܒܚܘܒܟ܂ ܡܢ ܡܟܝܪ ܢܦܩ ܡܒܕܩܢܐ܂ ܘܡܢ ܙܒܘܠܘܢ ܕܟܬܒܝܢ ܒܩܢܝܐ ܕܣܦܪܐ܂
05:15	ܪ̈ܘܪܒܢܐ ܕܐܝܣܟܪ ܥܡ ܕܒܘܪܐ܂ ܘܐܝܣܟܪ ܐܝܟ ܒܪܩ ܒܥܡ̈ܡܐ܂ ܐܫܬܕܪ ܒܪ̈ܓܠܘܗܝ ܠܦܠܓܘܬܐ ܕܪܘܒܝܠ܂ ܪ̈ܘܪܒܝܢ ܒܕܩ̈ܝ ܠܒܐ܂
05:16	ܠܡܢܐ ܝܬܒ ܐܢܬ ܒܝܢܬ ܫܒ̈ܝܠܐ ܠܡܫܡܥ ܣܘܩܐ ܕܥܪ̈ܕܐ ܠܦܠܓܘܬܐ ܕܪܘܒܝܠ܂ ܪ̈ܘܪܒܝܢ ܒܕܩ̈ܝ ܠܒܐ܂
05:17	ܓܕ ܒܥܒܪܐ ܕܝܘܪܕܢܢ ܫܪܐ܂ ܘܕܢ ܠܡܐܢܐ/ܠܡܢܐ#3#/ ܓܐܪ ܣܦܝ̈ܢܐ܂ ܐܫܝܪ ܝܬܒ ܥܠ ܣܦܪܐ ܕܝܡܐ܂ ܘܥܠ ܬܘܪܥܬܗ ܢܫܪܐ܂
05:18	ܙܒܘܠܘܢ ܥܡܐ ܕܚܣܕ ܢܦܫܗ ܠܡܘܬܐ܂ ܢܦܬܠܝ ܥܠ ܪܘܡܐ ܕܚܩܠܗ܂
05:19	ܐܬܘ ܡ̈ܠܟܐ ܘܐܬܟܬܫܘ/ܘܐܬܟܢܫܘ#3#/܂ ܘܗܝܕܝܢ ܐܬܟܢܫܘ ܡ̈ܠܟܐ ܕܟܢܥܢ܂ ܒܬܥܢܟ ܐܬܟܢܫܘ ܥܠ ܡ̈ܝܐ ܕܡܓܕܘ܂ ܩܢܝܢܐ ܘܟܣܦܐ ܠܐ ܢܣܒܘ܂
05:20	ܥܒܕܘ ܩܪܒܐ ܟܘܟܒ̈ܐ ܡܢ ܕܘܟܝ̈ܬܗܘܢ܂ ܩܪܒܐ ܡܢ ܫܡܝܐ ܥܡ/ܥܠ#3#/ ܣܝܣܪܐ܂
05:21	ܒܢܚܠܐ ܕܩܝܫܘܢ܂ ܓܪܦ ܐܢܘܢ ܢܚܠܐ ܕܩܝܫܘܢ ܘܢܚܠܐ ܕܩܪܡܝܢ܂ ܬܕܪܟ ܢܦܫܝ ܚܝܠܐ܂
05:22	ܗܝܕܝܢ ܢܦܠ ܥܩ̈ܒܐ ܕܪܟܫܗ܂ ܡܢ ܢܗܡܬܐ ܕܚܝܠܐ ܕܬܩܝ̈ܦܘܗܝ/ܘܬܩ̈ܝܦܘܗܝ#3#/܂
05:23	ܠܘܛܘ ܠܡܪܘܕ/ܠܡܪ̈ܝܗ ܕܡܪܘܕ#3#/ ܐܡܪ ܡܠܐܟܗ ܕܡܪܝܐ܂ ܠܘܛܘܗ ܘܠܘܛܘ ܠܝܬ̈ܒܝܗ܂ ܡܛܠ ܕܠܐ ܐܬܘ ܠܥܘܕܪܢܗ ܕܡܪܝܐ ܒܓܒܪ̈ܐ܂
05:24	ܬܬܒܪܟ ܡܢ ܢܫ̈ܐ܂ ܥܢܐܝܠ ܐܢܬܬܗ ܕܚܘܒܪ ܩܝܢܝܐ܂ ܡܢ ܢܫ̈ܐ ܕܒܡܫܟܢܐ ܬܬܒܪܟ܂
05:25	ܡ̈ܝܐ ܫܐܠ ܘܚܠܒܐ ܝܗܒܬ܂ ܒܟܣܐ ܕܓܢܒܪ̈ܐ ܩܪܒܬ ܚܐܘܬܐ܂
05:26	ܐܝܕܗ݀ ܥܠ ܣܟܬܐ ܐܘܫܛܬ܂ ܘܝܡܝܢܗ݀ ܠܐܪܙܦܬܐ/ܥܠ ܐܪܙܦܬܐ#3#/ ܕܢܓܪܐ܂ ܘܡܚܬܗ ܠܣܝܣܪܐ ܘܦܟܬܗ ܠܪܝܫܗ܂ ܡܚܬ ܘܐܥܒܪܬ ܒܨܕܥܗ܂
05:27	ܘܒܝܢܬ ܪ̈ܓܠܝܗ ܒܪܟ ܘܢܦܠ ܘܫܟܒ܂ ܒܕܘܟܬܐ ܕܒܪܟ ܬܡܢ ܢܦܠ ܒܙܘܙܐ܂
05:28	ܘܡܢ ܟܘܬܐ ܐܕܝܩܬ ܘܝܒܒܬ/ܘܝܬܒܬ#3#/ ܐܡܗ ܕܣܝܣܪܐ ܡܢ ܟܣܣܛܪܘܢ ܘܐܡܪܬ܂ ܡܢܐ ܗܘ ܐܫܬܘܚܪ ܡܪ̈ܟܒܬܗ ܕܒܪܝ ܠܡܐܬܐ܂ ܘܡܢܐ ܗܘ ܐܘܚܪ ܙܢܓܐ ܕܡܪ̈ܟܒܬܗ܂
05:29	ܚܟܝܡܬ ܥ̈ܠܝܡܬܗ݀ ܐܦ ܗܝ ܥܢܬ ܘܐܡܪܐ ܠܗ݀܂
05:30	ܟܒܪ ܐܙܠ ܘܐܫܟܚ ܒܙܬܐ ܣܓܝܐܬܐ܂ ܘܦܠܓ ܟܘܕܢܝܐ ܟܘܕܢܝܐ ܠܪܝܫ ܓܒܪܐ܂ ܘܒܙܬܐ ܣܓܝܐܬܐ ܘܨ̈ܘܒܥܢܐ ܘܨܘܪ̈ܬܐ ܠܣܝܣܪܐ ܘܨܘ̈ܒܥܢܐ ܘܨܘܪ̈ܬܐ ܥܠ ܨܘܪܐ ܕܒܙܘ̈ܙܐ܂
05:31	ܗܟܢܐ ܢܐܒܕܘܢ ܟܠܗܘܢ ܒ̈ܥܠܕܒܒܝܟ ܡܪܝܐ܂ ܘܪ̈ܚܡܝܟ ܐܝܟ ܡܦܩ ܫܡܫܐ ܒܓܢܒܪܘܬܗ܂ ܘܫܠܝܬ ܐܪܥܐ ܐܪ̈ܒܥܝܢ ܫܢ̈ܝܢ܀