← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62007: P Ju

Click on a word for lexical analysis
Click on a red-colored coordinate for comments and/or translations of the line

previous chapter


07:01 ܘܩܕܡ ܢܕܘܒܥܠ ܕܗܘܝܘ ܓܕܥܘܢ ܘܟܠܗ ܥܡܐ ܕܥܡܗ܂ ܘܫܪܘ ܥܠ ܥܝܢ ܚܕܪ܂ ܘܡܫܪܝܬܐ ܕܡܕܝܢ ܗܘܬ ܠܗ݀ ܡܢ ܓܪܒܝܐ ܕܓܒܥܬ ܪܡܬܐ܂ ܒܥܘܡܩܐ܂
07:02 ܘܐܡܪ ܡܪܝܐ ܠܓܕܥܘܢ܂ ܣܓܝ ܗܘ ܥܡܐ ܗܢܐ ܕܥܡܟ܂ ܕܐܫܠܡ/ܘܐܫܠܡ#2#/ ܐܢܘܢ ܠܡܕܝ̈ܢܝܐ ܒܐ̈ܝܕܟܘܢ܂ ܕܠܐ ܢܫܬܒܗܪ ܐܝܣܪܐܝܠ ܘܢܐܡܪ ܐܝܕܝ ܗܘ ܙܟܝܬܢܝ܂
07:03 ܗܫܐ ܩܪܝ ܒܐ̈ܕܢܝ ܥܡܐ ܘܐܡܪ܂ ܡܢ ܕܕܚܝܠ ܘܪܬܝܬ܂ ܢܦܘܫ ܠܗ ܘܢܗܦܘܟ ܡܢ ܛܘܪܐ ܕܓܠܥܕ܂ ܘܗܦܟ ܡܢ ܥܡܐ ܥܣܪ̈ܝܢ ܘܬܪ̈ܝܢ ܐ̈ܠܦܝܢ ‍<‍ܒܠܚܘܕ#3#‍>‍܂ ܘܥܣܪܐ ܐ̈ܠܦܝܢ ܐܫܬܚܪܘ܂
07:04 ܘܐܡܪ ܡܪܝܐ ܠܓܕܥܘܢ܂ ܬܘܒ ܣܓܝ ܗܘ ܥܡܐ ܗܢܐ ‍<‍ܥܡܟ#3#‍>‍܂ ܐܚܬ ܐܢܘܢ ܠܡ̈ܝܐ܂ ܘܐܒܩܐ ܐܢܘܢ ܠܟ ܬܡܢ܂ ܘܠܡܢ ܕܐܡܪ ܠܟ ܕܗܘ/ܕܗܢܐ#3#/ ܢܐܙܠ ܥܡܟ܂ ܗܘ ܢܐܙܠ ܥܡܟ ܘܠܡܢ ܕܐܡܪ ܠܟ ܕܗܘ ܠܐ ܢܐܙܠ ܥܡܟ܂ ܗܘ ܠܐ ܢܐܙܠ ܥܡܟ܂
07:05 ܘܐܚܬܗ ܠܥܡܐ ܠܡ̈ܝܐ܂ ܘܐܡܪ ܡܪܝܐ ܠܓܕܥܘܢ܂ ܟܠ ܕܠܐܥ/ܕܠܐܝܥ#3#/ ܡ̈ܝܐ ܒܠܫܢܗ܂ ܐܝܟ ܕܠܐܥ/ܕܠܐܝܥ#3#/ ܟܠܒܐ܂ ܐܩܝܡ ܐܢܘܢ ܐܝܟ ܚܕܐ܂ ܘܟܠ ܕܒܪܟ ܥܠ ܒܘܪ̈ܟܘܗܝ ܠܡܫܬܐ ‍<‍ܡܝ̈ܐ#3#‍>‍܂ ܐܩܝܡܝܗܝ ܐܟܚܕܐ܂
07:06 ܘܗܘܐ ܡܢܝܢܐ ܕܐܝܠܝܢ ܕܠܥܝܢ ܒܐ̈ܝܕܝܗܘܢ ܠܦܘܡܗܘܢ܂ ܬܠܬܡܐܐ ܓܒܪ̈ܝܢ܂ ܘܟܠܗ ܫܪܟܗ ܕܥܡܐ܂ ܒܪܟܘ ܥܠ ܒܘܪ̈ܟܝܗܘܢ ܠܡܫܬܐ ܡ̈ܝܐ܂
07:07 ܘܐܡܪ ܡܪܝܐ ܠܓܕܥܘܢ܂ ܒܗܠܝܢ ܬܠܬܡܐܐ ܓܒܪ̈ܝܢ ܕܠܥܝܢ ܡ̈ܝܐ ܒܐ̈ܝܕܝܗܘܢ ܠܦܘܡܗܘܢ ‍<‍ܒܗܘܢ#3#‍>‍ ܐܦܪܘܩܟܘܢ܂ ܘܐܫܠܡ ‍<‍ܐܢܘܢ#3#‍>‍ ܠܡܕܝܢ̈ܝܐ ܒܐ̈ܝܕܝܟܘܢ܂ ܘܟܠܗ ܥܡܐ ܢܐܙܠܘܢ ܐܢܫ ܠܐܬܪܗ܂
07:08 ܘܢܣܒܘ ܙܘܕܝ̈ܗܘܢ ܟܠܗ ܥܡܐ ܒܐ̈ܝܕܝܗܘܢ܂ ܘܩܪ̈ܢܬܗܘܢ܂ ܘܠܟܠܗܘܢ ܒܢܝ ܐܝܣܪܝܠ ܫܪܐ ܐܢܘܢ ܐܢܫ ܠܝܪܬܘܬܗ ܘܠܡܫܟܢܗ܂ ܘܒܬܠܬܡܐܐ ܓܒܪ̈ܝܢ ܐܬܚܝܠ܂ ܘܡܫܪܝܬܐ ܕܡܕܝܢ ܗܘܬ ܠܗ݀ ܠܬܚܬ ܒܥܘܡܩܐ܀
07:09 ܘܗܘܐ ܒܠܠܝܐ ܗܘ܂ ܘܐܡܪ ܠܗ ܡܪܝܐ܂ ܩܘܡ ܚܘܬ ܠܡܫܪܝܬܐ ܡܛܠ ܕܐܫܠܡܬܗ݀ ܒܐ̈ܝܕܝܟ܂
07:10 ܘܐܢ ܕܚܠ ܐܢܬ ܠܡܚܬ܂ ܚܘܬ ܐܢܬ ܘܦܐܪܐ ܥܠܝܡܟ ܠܡܫܪܝܬܐ܂
07:11 ܘܬܫܡܥ ܡܕܡ ܕܡܡܠܠܝܢ܂ ܘܗܝܕܝܢ ܢܬܚ̈ܝܠܢ ܐ̈ܝܕܝܟ܂ ܘܢܚܬ ܠܡܫܪܝܬܐ/ܥܠ ܡܫܪܝܬܐ#3#/ ܗܘ ܘܦܐܪܐ ܥܠܝܡܗ܂ ܥܠ ܪܝܫ ܚܡܫܝܢ ܕܒܡܫܪܝܬܐ܂
07:12 ܘܡܕܝܢ/ܕܡܕܝܢ#3#/ ܘܥܡܠܝܩ ܘܟܠܗܘܢ ܒܢ̈ܝ ܪܩܡ܂ ܢܦܠܘ ܒܥܘܡܩܐ ܐܝܟ ܩܡܨܐ ܣܓܝܐܐ܂ ܘܠܗܘܢ ܘܠܓܡ̈ܠܝܗܘܢ ܠܝܬ ‍<‍ܗܘܐ#3#‍>‍ ܡ̈ܢܝܢ܂ ܐܝܟ ܚܠܐ ܕܥܠ ܣܦܬܗ ܕܝܡܐ ܣܘܓܐܐ܂
07:13 ܘܐܬܐ ܓܕܥܘܢ ܘܚܙܐ ܓܒܪܐ/ܠܓܒܪܐ#3#/ ܡܫܬܥܐ/ܕܡܫܬܥܐ#3#/ ܠܚܒܪܗ ܚܠܡܐ ܘܐܡܪ ܠܗ܂ ܚܙܝܬ ܒܚܠܡܝ ܟܘܟܐ ܕܠܚܡܐ ܕܣܥܪ̈ܐ ܡܬܗܦܟ ܒܡܫܪܝܬܐ ܕܡܕܝܢ܂ ܘܡܛܝ ܥܕܡܐ ܠܡܫܟܢܐ ܘܗܦܟܗ ܠܥܠ ܘܢܦܠ ܡܫܟܢܐ܂
07:14 ܥܢܐ ܚܒܪܗ ܘܐܡܪ ܠܗ܂ ܠܐ ܐܝܬܝܗ ܗܕܐ܂ ܐܠܐ ܐܢ ܚܪܒܗ ܕܓܕܥܘܢ ܒܪ ܝܘܐܫ ܓܢܒܪܐ/ܓܒܪܐ#3#/ ܕܐܝܣܪܝܠ ܕܐܫܠܡ ܐܠܗܐ ܒܐܝܕܗ ܠܡܫܪܝܬܐ ܕܡܕܝܢ܂
07:15 ܘܟܕ ܫܡܥ ܓܕܥܘܢ ܬܫܥܝܬܗ ܕܚܠܡܐ ܘܦܫܪܗ܂ ܣܓܕ ܘܗܦܟ ܠܡܫܪܝܬܐ ܕܐܝܣܪܝܠ܂ ܘܐܡܪ܂ ܩܘܡܘ ܡܛܠ ܕܐܫܠܡ ܡܪܝܐ ܒܐ̈ܝܕܝܟܘܢ ܠܡܫܪܝܬܐ ܕܡܕܝܢ܂
07:16 ܘܦܠܓ ܬܠܬܡܐܐ ܓܒܪ̈ܝܢ ܠܬܠܬܐ/ܬܠܬܐ#3#/ ܪ̈ܫܝܢ܂ ܘܐܘܚܕ ܩܪ̈ܢܬܐ ܒܐ̈ܝܕܝܗܘܢ ܕܟܘܠܗܘܢ܂ ܘܩ̈ܘܠܐ ܣܪ̈ܝܩܬܐ ܘܠܡܦܐ̈ܕܐ ܒܓܘ ܩܘ̈ܠܐ܂
07:17 ܘܐܡܪ ܠܗܘܢ܂ ܠܝ ܚܙܘ ܘܗܟܢܐ ܥܒܕܘ܂ ܗܐ ܥܐܠ ܐܢܐ ܒܓܘ ܡܫܪܝܬܐ܂ ܐܝܟܢܐ ܕܥܒܕ ܐܢܐ ܗܟܢܐ ܥܒܕܘ܂
07:18 ܘܩܪܐ ܐܢܐ ܒܫܝܦܘܪܐ ܐܢܐ ܘܟܠܗ ܥܡܐ ܕܥܡܝ܂ ܘܩܪܘ ܐܦ ܐܢܬܘܢ ܒܫܝܦܘܪܐ ܒܚܕܪ̈ܝ ܟܠܗ݀ ܡܫܪܝܬܐ܂ ܘܐܡܪܘ ܚܪܒܐ ܠܡܪܝܐ ܘܠܓܕܥܘܢ܂
07:19 ܘܥܠ ܓܕܥܘܢ ܘܡܐܐ ܓܒܪ̈ܝܢ ܕܥܡܗ/ܥܡܗ#3#/ ܒܪܝܫ ܡܫܪܝܬܐ ܒܡܛܪܬܐ ܡܨܥܝܬܐ܂ ܘܡܩܡܘ ܐܩܝܡ ܠܢܛܘܪ̈ܐ/ܢܛܘܪ̈ܐ#1##2#/܂
07:20 ܘܩܪܘ ܬܠܬܡܐܐ ܪ̈ܫܝܢ ܒܩܪ̈ܢܬܐ ܘܬܒܪܘ ܩ̈ܘܠܐ܂ ܘܐܚܕܘ ܒܣ̈ܡܠܝܗܘܢ ܠܡܦܐ̈ܕܐ܂ ܘܒܝܡܝ̈ܢܝܗܘܢ ܩܪ̈ܢܬܐ ܕܢܩܪܘܢ ‍<‍ܒܗܝܢ#3#‍>‍܂ ܘܩܪܘ ܚܪܒܐ ܠܡܪܝܐ ܘܠܓܕܥܘܢ܂
07:21 ܘܩܡܘ ܐܢܫ ܒܕܘܟܬܗ ܚܕܪ̈ܝ ܡܫܪܝܬܐ܂ ܘܪܗܛܬ ܟܘܠܗ݀ ܡܫܪܝܬܐ܂ ܘܝܒܒܘ ܘܥܪܩܘ܂
07:22 ܘܩܪ̈ܝ ܬܠܬܡܐܐ ܩܪ̈ܢܢ܂ ܘܣܡ ܡܪܝܐ ܚܪܒܗ ܕܓܒܪܐ ܒܚܒܪܗ ܒܟܘܠܗ݀ ܡܫܪܝܬܐ܂ ܘܥܪܩܬ ܟܘܠܗ݀ ܡܫܪܝܬܐ ܥܕܡܐ ܠܒܝܬ ܫܒ̈ܛܐ ܘܠܨܕܕܬ/ܘܠܨܪܪܬ#3#/ ܘܥܕܡܐ ܠܣܦܬܐ ܕܐܒܠ ܡܚܘܠܐ ܕܥܠ ܝܛܒܬ܂
07:23 ܘܩܥܘ ܒܢ̈ܝ ܐܝܣܪܝܠ ܡܢ ܢܦܬܠܝ ܘܡܢ ܐܫܝܪ܂ ܘܡܢ ܟܠܗ ܡܢܫܐ܂ ܘܪܕܦܘ ܒܬܪ ܡܕܝܢ܂
07:24 ܘܐ̈ܝܙܓܕܐ ܫܕܪ ܓܕܥܘܢ ܒܟܠܗ ܛܘܪܐ ܕܐܦܪܝܡ܂ ܘܐܡܪ܂ ܚܘܬܘ ܠܐܘܪܥܐ/ܠܐܪܥܐ#1##2#/ ܕܡܕܝܢ܂ ܘܐܚܘܕܘ ܡ̈ܝܐ ܥܕܡܐ ܠܒܝܬ ܒܪܐ ܕܥܠ ܓܢܒ ܝܘܪܕܢܢ܂ ܘܩܥܘ ܟܠܗܘܢ ܕܒܝܬ ܐܦܪܝܡ ܘܐܚܕܘ ܡ̈ܝܐ ܥܕܡܐ ܠܒܝܬ ܒܪܐ ܕܝܘܪܕܢܢ܂
07:25 ܘܐܚܕܘ ܠܬܪ̈ܝܢ ܪ̈ܘܪܒܢܐ ܕܡܕܝܢ܂ ܠܥܘܪܝܒ ܘܠܙܝܒ܂ ܘܩܛܠܘܗܝ ܠܥܘܪܝܒ ܒܨܘܪ܂ ܘܠܙܝܒ ܩܛܠܘ \ܒܝܬ ܩܒܪܒ /ܒܝܬ ܩܪܩܒ#3#/܂ ܘܪܕܦܘ ܠܡܕܝܢ/ܒܬܪ ܡܕܝܢ#3#/܂ ܘܠܪ̈ܫܝܗܘܢ ܕܥܘܪܝܒ ܘܕܙܝܒ/ܘܙܝܒ#3#/ ܐܝܬܝܘ ܠܓܕܥܘܢ ܠܥܒܪܐ ܕܝܘܪܕܢܢ܂

next chapter