The Comprehensive Aramaic Lexicon

09:01	ܘܐܙܠ ܐܒܝܡܠܟ ܒܪ ܢܕܘܒܥܠ ܠܫܟܝܡ ܠܘܬ ܐܚ̈ܐ ܕܐܡܗ܂ ܘܐܡܪ ܠܗܘܢ ܘܠܟܠܗ݀ ܫܪܒܬܐ ܕܒܝܬ ܐܒܘܗ ܕܐܡܗ܂
09:02	ܐܡܪ ܩܕܡ ܟܠܗܘܢ ܡܪ̈ܝܗ ܕܫܟܝܡ܂ ܡܢܐ ܦܩܚ ܠܟܘܢ܂ ܕܢܫܬܠܛܘܢ ܒܟܘܢ ܫܒܥܝܢ ܓܒܪ̈ܝܢ ܒܢ̈ܘܗܝ ‍<‍ܟܠܗܘܢ#3#‍>‍ ܕܢܕܘܒܥܝܠ܂ ܐܘ ܕܢܫܬܠܛ ܒܟܘܢ ܚܕ ܓܒܪ܂ ܘܐܬܕܟܪܘ ܕܓܪܡܟܘܢ ܐܢܐ ܘܒܣܪܟܘܢ܂
09:03	ܘܐܡܪܘ ܐ̈ܚܐ ܕܐܡܗ ܩܕܡ ܟܘܠܗܘܢ ܡܪ̈ܝܗ ܕܫܟܝܡ ܥܠܘܗܝ ܟܠܗܝܢ ܡ̈ܠܐ ܗܠܝܢ܂ ܘܐܨܛܒܝ ܠܒܗܘܢ ܒܬܪ ܐܒܝܡܠܟ܂ ܘܐܡܪܝܢ ܐܚܘܢ ܗܘ܂
09:04	ܘܝܗܒܘ ܠܗ ܫܒܥܝܢ ܕܟܣܦܐ ܡܢ ܒܝܬ ܒܥܠ ܩܝܡܐ܂ ܘܐܓܪ ܒܗܘܢ ܐܒܝܡܠܟ ܐܢܫܐ/ܠܐܢܫܐ#3#/ ܣܪ̈ܝܩܐ ܘܦܚ̈ܙܐ܂ ܘܐܙܠܘ ܒܬܪܗ܂
09:05	ܘܥܠ ܠܒܝܬ ܐܒܘܗܝ ܠܥܘܦܪܐ܂ ܘܩܛܠ ܠܐ̈ܚܘܗܝ ܒܢ̈ܘܗܝ ܕܢܕܘܒܥܝܠ ܫܒܥܝܢ ܓܒܪ̈ܝܢ ܥܠ ܟܐܦܐ ܚܕܐ܂ ܘܐܫܬܚܪ ܝܘܬܡ ܒܪ ܢܕܘܒܥܝܠ ܙܥܘܪܐ ܡܛܠ ܕܐܬܛܫܝ܂
09:06	ܘܐܬܟܢܫܘ ܟܠܗܘܢ ܡܪ̈ܝܗ ܕܫܟܝܡ ܘܟܘܠܗ ܥܡܐ ܕܒܝܬ ܡܠܘ܂ ܘܐܙܠܘ ܘܐܩܝܡܘ ܠܐܒܝܡܠܟ ܕܢܗܘܐ ܥܠܝܗܘܢ ܡܠܟܐ܂ ܥܠ ܓܢܒ ܒܠܘܛܐ ܕܡܨܦܝܐ/ܕܒܡܨܦܝܐ#3#/ ܕܐܝܬ ܒܫܟܝܡ܂
09:07	ܘܚܘܝܘ ܠܝܘܬܡ܂ ܘܣܠܩ ܘܩܡ ܒܪܝܫ ܛܘܪܐ ܕܓܪܙܝܡ܂ ܘܐܪܝܡ ܩܠܗ ܘܐܡܪ܂ ܫܘܡܥܘܢܝ ܡܪ̈ܝܗ ܕܫܟܝܡ ܕܢܫܡܥܟܘܢ ܐܠܗܐ܂
09:08	ܡܐܙܠ ܐܙܠܘ ܐ̈ܝܠܢܐ ܕܢܡܫܚܘܢ ܥܠܝܗܘܢ ܡܠܟܐ܂ ܐܡܪܝܢ ܠܙܝܬܐ ܐܡܠܟ ܥܠܝܢ܂
09:09	ܐܡܪ ܠܗܘܢ ܙܝܬܐ܂ ܠܐ ܫܒܩ ܐܢܐ ܕܘܗܢܝ܂ ܕܒܝ ܡܬܝܩܪܝܢ ܐ̈ܠܗܐ ܘܐ̈ܢܫܐ܂ ܘܐܙܠ ܐܢܐ ܠܡܢܕ ܥܠ ܐ̈ܝܠܢܐ܂
09:10	ܐܡܪܝܢ ܐ̈ܝܠܢܐ ܠܬܬܐ܂ ܬܝ ܐܢܬܝ ܐܡܠܟ ܥܠܝܢ܂
09:11	ܐܡܪܐ ܠܗܘܢ ܬܬܐ܂ ܠܐ ܫܒܩܐ ܐܢܐ ܚܠܝܘܬܝ ܘܐܒܝ ܛܒܐ܂ ܘܐܙܠܐ ܐܢܐ ܠܡܢܕ ܥܠ ܐ̈ܝܠܢܐ܂
09:12	ܐܡܪ̈ܝܢ ܐܝ̈ܠܢܐ ܠܓܦܬܐ܂ ܐܢܬܝ ܬܝ ܐܡܠܟ ܥܠܝܢ܂
09:13	ܐܡܪܐ ܠܗܘܢ ܓܦܬܐ܂ ܠܐ ܫܒܩܐ ܐܢܐ ܐܕܫܝ܂ ܕܡܚܕܐ ܠܒܐ ܕܐ̈ܠܗܐ ܘܐܢܫܐ/ܘܕܐܢܫܐ#3#/܂ ܘܐܙܠܐ ܐܢܐ ܠܡܢܕ ܥܠ ܐ̈ܝܠܢܐ܂
09:14	ܐܡܪܝܢ ܐܝ̈ܠܢܐ ܟܠܗܘܢ ܠܗܛܛܐ܂ ܐܢܬ ܐܡܠܟ ܥܠܝܢ܂
09:15	ܐܡܪ ܗܛܛܐ ܠܐ̈ܝܠܢܐ܂ ܐܢ ܒܫܪܪܐ ܡܫܚܝܢ ܐܢܬܘܢ ܠܝ ܕܐܡܠܟ ܥܠܝܟܘܢ܂ ܬܘ ܐܣܬܬܪܘ ܒܛܠܠܝ܂ ܘܐܠܐ ܬܦܘܩ ܢܘܪܐ ܡܢ ܗܛܛܐ܂ ܘܬܐܟܘܠ ܠܐܪ̈ܙܐ/ܐܪ̈ܙܐ#3#/ ܕܒܠܒܢܢ/ܕܠܒܢܢ#3#/
09:16	ܘܗܫܐ ܐܢ ܒܩܘܫܬܐ ܘܒܫܪܪܐ ܥܒܕܬܘܢ ܘܐܡܠܟܬܘܢ/ܕܐܡܠܟܬܘܢ#3#/ ܠܐܒܝܡܠܟ܂ ܘܐܢ ܛܒܬܐ ܥܒܕܬܘܢ ܥܡ ܢܕܘܒܥܝܠ ܘܥܡ ܒܝܬܗ܂ ܐܘ ܐܝܟ ܥܡܠܐ ܕܐ̈ܝܕܘܗܝ ܦܪܥܬܘܢܝܗܝ܂
09:17	ܕܐܬܟܬܫ ܐܒܝ ܥܠ ܐ̈ܦܝܟܘܢ܂ ܘܫܕܐ ܢܦܫܗ ܡܢ ܩܒܘܠ܂ ܘܦܨܝܟܘܢ ܡܢ ܐܝܕܐ ܕܡܕܝܢ܂
09:18	ܘܐܢܬܘܢ ܩܡܬܘܢ ܥܠ ܒܝܬ ܐܒܝ ܝܘܡܢܐ܂ ܘܩܛܠܬܘܢ ܠܒܢ̈ܘܗܝ ܫܒܥܝܢ ܓܒܪ̈ܝܢ ܥܠ ܟܐܦܐ ܚܕܐ ܘܐܡܠܟܬܘܢ ܠܐܒܝܡܠܟ ܒܪ ܐܡܬܗ ܥܠ ܡܪ̈ܝܗ ܕܫܟܝܡ܂ ܡܛܠ ܕܐܚܘܟܘܢ ܗܘ܂
09:19	ܘܐܢ ܒܩܘܫܬܐ ܘܒܫܪܪܐ ܥܒܕܬܘܢ ܥܡ ܕܒܝܬ/ܒܝܬܪ#3#/ ܢܕܘܒܥܝܠ ܘܥܡ ܒܝܬܗ ܝܘܡܢܐ܂ ܚܕܘ ܒܐܒܝܡܠܟ ܘܐܦ ܗܘ ܢܚܕܐ ܒܟܘܢ܂
09:20	ܘܐܠܐ ܬܦܘܩ ܢܘܪܐ ܡܢ ܐܒܝܡܠܟ܂ ܘܬܐܟܘܠ ܠܡܪ̈ܝܗ ܕܫܟܝܡ ܘܠܡܪ̈ܝܗ ܕܡܠܘ܂ ܘܬܦܘܩ ܢܘܪܐ ܡܢ ܒܝܬ ܡܪ̈ܝܗ ܕܫܟܝܡ ܘܡܪ̈ܝܗ/ܘܡܢ ܡܪ̈ܝܗ#3#/ ܕܡܠܘ܂ ܘܬܐܟܠܝܘܗܝ ܠܐܒܝܡܠܟ܂
09:21	ܘܥܪܩ ܝܘܬܡ ܘܐܬܦܠܛ ܘܐܙܠ ܠܕܒܝܪ ܘܐܝܬܒ ܬܡܢ܂ ܐܝܟܐ ܕܝܬ݁ܒ ܗܘܐ ܐܒܝܡܠܟ ‍<‍ܘܐܚ̈ܗܘܝ#3#‍>‍ ܡܢ ܩܕܝܡ܂
09:22	ܘܐܫܬܠܛ ܐܒܝܡܠܟ ܥܠ ܐܝܣܪܝܠ܂ ܬܠܬ ܫ̈ܢܝܢ܂
09:23	ܘܫܕܪ ܐܠܗܐ ܪܘܚܐ ܒܝܫܬܐ ܥܠ ܐܒܝܡܠܟ ܘܥܠ ܡܪ̈ܝܗ ܕܫܟܝܡ܂ ܘܕܓܠܘ ܡܪ̈ܝܗ ܕܫܟܝܡ ܒܐܒܝܡܠܟ܂
09:24	ܡܛܠ ܕܢܐܬܐ ܥܘܠܐ ܕܫܒܥܝܢ ܒ̈ܢܘܗܝ ܕܢܕܘܒܥܠ ܘܕܡܗܘܢ܂ ܠܡܣܡ ܥܠ ܐܒܝܡܠܟ ܐܚܘܗܘܢ ܕܩܛܠ ܐܢܘܢ܂ ܘܥܠ ܡܪ̈ܝܗ ܕܫܟܝܡ ܕܚܝܠܘ ܐ̈ܝܕܘܗܝ ܕܢܩܛܠ ܠܐܚ̈ܘܗܝ܂
09:25	ܘܐܟܡܢܘ/ܕܐܟܡܢܘ#3#/ ܠܗ/ܥܠܘܗܝ#3#/ ܟܡܐܢܐ ܥܠ ܪܝܫ ܛܘܪܐ܂ ܘܚܛܦܘ ܟܠ ܕܥܒܪ ܥܠܝܗܘܢ ܒܐܘܪܚܐ܂ ܘܐܬܚܘܝ ܠܐܒܝܡܠܟ܂
09:26	ܘܐܬܐ ܓܥܠ ܒܪ ܥܦܪ ‍<‍ܗܘ#3#‍>‍ ܘܐ̈ܚܘܗܝ ܘܥܒܪ ܒܫܟܝܡ܂ ܘܐܬܬܟܠܘ ܥܠܘܗܝ ܡܪ̈ܝܗ ܕܫܟܝܡ܂
09:27	ܘܢܦܩܘ ܠܕܒܪܐ܂ ܘܩܛܦܘ ܟܪ̈ܡܝܗܘܢ ܘܥܨܪܘ ܘܥܒܕܘ ܚܠܘܠܐ܂ ܘܥܠܘ ܠܒܝܬ ܐ̈ܠܗܝܗܘܢ ܘܠܥܣܘ ܘܐܫܬܝܘ܂ ܘܨܚܝܘ ܠܐܒܝܡܠܟ܂
09:28	ܘܐܡܪ ܓܥܠ ܒܪ ܥܦܪ܂ ܡܢܘ ܐܒܝܡܠܟ܂ ܘܡܢܘ ܫܟܝܡ ܕܢܦܠܚܝܘܗܝ܂ ܠܐ ܗܘܐ ܒܪ ܢܕܘܒܥܠ ܘܙܟܠ ܕܫܢܝ ܦܘܩܕܢܗ܂ ܦܠܚ ܠܐܢܫ̈ܝ ܚܡܘܪ ܐܒܘܗܝ ܕܫܟܝܡ܂ ܡܛܘܠ ܡܢܐ ܢܦܠܚܝܘܗܝ ܚܢܢ܂
09:29	ܡ݁ܢ ܕܝܢ ܐܫܠܡܗ ܠܥܡܐ ܗܢܐ ܒܐ̈ܝܕ܂ ܘܐܥܒܪܬܗ ܠܐܒܝܡܠܟ܂ ܘܐܡܪ ܠܐܒܝܡܠܟ܂ ܐܣܓܐ ܚܝܠܟ ܘܦܘܩ܂
09:30	ܘܫܡܥ ܙܟܠ ܫܠܝܛܐ ܕܩܪܝܬܐ ܡ̈ܠܘܗܝ ܕܓܥܠ ܒܪ ܥܦܪ܂ ܘܐܬܚܡܬ ܪܘܓܙܗ܂
09:31	ܘܫܕܪ ܐܝ̈ܙܓܕܐ ܠܘܬ ܐܒܝܡܠܟ ܒܢܟܠܐ ܘܐܡܪ܂ ܗܐ ܓܥܠ ܒܪ ܥܦܪ ܗܘ ܘܐܚ̈ܘܗܝ ܐܬܘ ܠܫܟܝܡ܂ ܘܗܐ ܚܕܝܪܝܢ/ܚܕܪܝܢ#3#/ ܠܩܪܝܬܐ ܥܠܝܟ܂
09:32	ܗܫܐ ܩܘܡ/ܩܕܡ#3#/ ܒܠܠܝܐ ܐܢܬ ܘܥܡܐ ܕܥܡܟ܂ ܘܐܬܟܡܢܘ ܒܕܒܪܐ/ܒܡܕܒܪܐ#3#/܂
09:33	ܘܒܨܦܪܐ ܡܐ ܕܕܢܚܬ ܫܡܫܐ܂ ܩܘܡ ܘܗܠܟ ܥܠ ܩܪܝܬܐ܂ ܘܗܐ ܗܘ ܘܥܡܐ ܕܥܡܗ ܢܦܩܝܢ ܠܘܬܟ܂ ܥܒܕ ܠܗܘܢ ܐܝܟ ܡܐ ܕܣܦܩܐ ܒܐ̈ܝܕܝܟ܂
09:34	ܘܩܡ ܐܒܝܡܠܟ ܘܟܠܗ ܥܡܐ ܕܥܡܗ ܒܠܠܝܐ܂ ܘܐܬܟܡܢܘ ܥܠ ܫܟܝܡ ܐܪܒܥܐ ܪ̈ܫܝܢ܂
09:35	ܘܢܦܩ ܓܥܠ ܒܪ ܥܦܪ ܘܩܡ ܒܡܥܠܢܐ ܕܬܪܥܐ ܕܩܪܝܬܐ܂ ܘܩܡ ܐܒܝܡܠܟ ܘܥܡܐ ܕܥܡܗ ܡܢ ܟܡܐܢܐ܂
09:36	ܘܚܙܐ ܓܥܠ ܠܥܡܐ ܘܐܡܪ ܠܙܟܠ܂ ܗܐ ܥܡܐ ܢܚܬܝܢ ܡܢ ܪ̈ܝܫܝ ܛܘܪ̈ܐ܂ ܘܐܡܪ ܠܗ ܙܟܠ܂ ܛܠܠܐ ܗܘ ܕܛܘܪ̈ܐ ܚܙܐ ܐܢܬ ܐܝܟ ܐܢܫ̈ܐ܂
09:37	ܘܐܘܣܦ ܓܥܠ ܘܐܡܪ ܠܙܟܠ܂ ܗܐ ܥܡܐ ܢܚܬܝܢ ܡܢ ܬܘܩܢܗ݀ ܕܐܪܥܐ܂ ܘܪܫܐ ܚܕ ܐܬܐ ܡܢ ܐܘܪܚܐ ܕܒܝܬ ܒܠܘܛܐ ܕܡܥܘܢܝܢ܂
09:38	ܐܡܪ ܠܗ ܙܟܠ܂ ܐܝܟܐ ܗܘ ܦܘܡܟ ܗܘ ܕܐܡܪ ܗܘܐ܂ ܕܡܢܘ/ܡܢܘ#3#/ ܐܒܝܡܠܟ ܕܢܦܠܚܝܘܗܝ܂ ܠܐ ܗܘܐ ܗܢܐ ܥܡܐ ܕܐܣܠܝܬ܂ ܦܘܩ ܗܫܐ ܘܐܬܟܬܫ ܥܡܗ܂
09:39	ܘܢܦܩ ܓܥܠ ܩܕܡ ܡܪ̈ܝܗ ܕܩܪܝܬܐ/ܕܫܟܝܡ#3#/܂ ܘܐܬܟܬܫ ܥܡ ܐܒܝܡܠܟ܂
09:40	ܘܪܕܦܗ ܐܒܝܡܠܟ ܘܥܪܩ ܡܢ ܩܕܡܘܗܝ܂ ܘܢܦܠܘ ܩ̈ܛܝܠܐ ܣ̈ܓܝܐܐ܂ ܥܕܡܐ ܠܡܥܠܢܐ ܕܬܪܥܐ܂
09:41	ܘܐܝܬܒ ܐܒܝܡܠܟ ܒܐܕܘܡܐ܂ ܘܛܪܕ ܙܟܠ ܠܓܥܠ ܘܠܐ̈ܚܘܗܝ ܕܠܐ ܢܬܒܘܢ ܒܫܟܝܡ܂
09:42	ܘܗܘܐ ܡܢ ܒܬܪ ܝܘܡܐ܂ ܘܢܦܩܘ ܥܡܐ ܠܕܒܪܐ܂ ܘܚܘܝܘ ܠܐܒܝܡܠܟ܂
09:43	ܘܕܒܪ ܠܥܡܐ ܘܦܠܓ ܐܢܘܢ ܠܬܠܬܐ ܪ̈ܫܝܢ ܘܐܬܟܡܢܘ ܒܕܒܪܐ܂ ܘܚܙܐ ܘܗܐ ܥܡܐ ܢܦܩ ܡܢ ܩܪܝܬܐ܂ ܘܩܡ ܥܠܝܗܘܢ ܘܩܛܠ ܐܢܘܢ܂
09:44	ܘܐܒܝܡܠܟ ܘܪ̈ܝܫܐ ܕܥܡܗ܂ ܗܠܟܘ ܘܩܡܘ ܒܡܥܠܢܐ ܕܬܪܥܐ ܕܩܪܝܬܐ܂ ܘܬܪ̈ܝܢ ܪ̈ܝܫܝܢ ܗܠܟܘ ܥܠ ܟܠ ܕܒܡܕܒܪܐ܂ ܘܩܛܠܘ ܐܢܘܢ܂
09:45	ܘܐܒܝܡܠܟ ܐܬܟܬܫ ܒܩܪܝܬܐ ܟܠܗ ܝܘܡܐ ܗܘ܂ ܘܟܒܫܗ݀ ܠܩܪܝܬܐ܂ ܘܠܟܠܗ ܥܡܐ \ܕܐܝܬ ܒܗ݀ /ܒܗ#3#/ ܩܛܠ܂ ܘܥܩܪܗ݀ ܠܩܪܝܬܐ ܘܙܪܥܗ݀ ܡܠܘܚܐ܂

09:46	ܘܫܡܥܘ ܟܠܗܘܢ ܡܪ̈ܝܗ ܕܡܓܕܠ ܫܟܝܡ܂ ܘܐܬܘ ܠܡܦܣܩ ܒܝܬ ܐܝܠ/ܒܒܝܬ ܐܝܠ#3#/ ܩܝܡܐ܂

09:47	ܘܚܘܝܘ ܠܐܒܝܡܠܟ ܕܐܬܟܢܫܘ ‍<‍ܟܠܗܘܢ#3#‍>‍ ܡܪ̈ܝܗ ܕܡܓܕܠ ܫܟܝܡ܂
09:48	ܘܣܠܩ ܐܒܝܡܠܟ ܠܛܘܪܐ ܕܨܠܡܘܢ܂ ܘܟܠܗ ܥܡܐ ܕܥܡܗ܂ ܘܢܣܒ ܐܒܝܡܠܟ ܢܪܓܐ ܒܐܝܕܗ ܘܦܣܩ ܣܘܟܬܐ ܕܩܝ̈ܣܐ ܘܫܩܠܗ݀ ܘܣܡܗ݀ ܥܠ ܟܬܦܗ܂ ܘܐܡܪ ܠܥܡܐ ܕܥܡܗ܂ ܡܐ ܕܚܙܝܬܘܢ ܕܥܒܕܬ܂ ܥܒܕܘ ܐܦ ܐܢܬܘܢ ܒܥܓܠ ܐܟܘܬܝ܂
09:49	ܘܦܣܩܘ ܓܒܪ ܣܘܟܬܗ܂ ܘܐܙܠܘ ܒܬܪ ܐܒܝܡܠܟ܂ ܘܣܡܘ ܟܫܝܬܐ܂ ܘܐܘܩܕܘܗ ܠܩܪܝܬܐ ܒܢܘܪܐ܂ ܘܡܝܬܘ ܟܠܗܘܢ ܐܢܫܐ ܕܐܝܬ ‍<‍ܗܘܘ#3#‍>‍ ܒܡܓܕܠ ܫܟܝܡ ܒܢܘܪܐ܂ ܐܝܟ ܐܠܦ ܒܝܬ ܓܒܪ̈ܐ ܠܢܫ̈ܐ܂
09:50	ܘܐܙܠ ܐܒܝܡܠܟ ܠܬܒܨ܂ ܘܫܪܐ ܒܬܒܨ܂ ܘܐܚܕܗ݀܂
09:51	ܘܡܓܕܠܐ ܥܫܝܢܐ ܗܘܐ \ܒܓܘܗ݀ ܕܩܪܝܬܐ /ܒܓܘ ܩܪܝܬܐ#3#/܂ ܘܥܪܩܘ ܠܬܡܢ ܟܠܗܘܢ ܓܒܪ̈ܐ ܘܢܫ̈ܐ܂ ܘܟܠܗܘܢ ܡܪ̈ܝܗ ܕܩܪܝܬܐ܂ ܘܐܚܕܘ ܒܐ̈ܦܝܗܘܢ܂ ܘܣܠܩܘ ܠܐܓܪܐ ܕܡܓܕܠܐ܂
09:52	ܘܡܛܝ ܐܒܝܡܠܟ ܥܕܡܐ ܠܡܓܕܠܐ܂ ܘܡܬܟܬܫ ܒܗ܂ ܘܩܪܒ ܥܕܡܐ ܠܬܪܥܐ ܕܡܓܕܠܐ ܕܢܘܩܕܝܘܗܝ ܒܢܘܪܐ܂
09:53	ܘܫܕܬ ܐܢܬܬܐ ܚܕܐ ܬܒܪܐ ܕܪܟܒܐ ܕܪܚܝܐ ܥܠ ܪܝܫܗ ܕܐܒܝܡܠܟ܂ ܘܬܒܪܬܗ ܠܪܝܫܗ܂
09:54	ܘܩܪܐ ܡܣܪܗܒܐܝܬ ܠܛܠܝܐ ܫ݁ܩܠ/ܕܫܩܠ#2#/ ܡܐ̈ܢܘܗܝ ܘܐܡܪ ܠܗ܂ ܫܡܘܛ ܣܝܦܟ ܘܩܛܘܠܝܢܝ ܒܗ܂ ܕܠܐ ܢܐܡܪܘܢ ܥܠܝ ܕܐܢܬܬܐ ܩܛܠܬܗ܂ ܘܕܩܪܗ ܥܠܝܡܐ/ܛܠܝܐ#3#/ ܘܡܝܬ܀܀
09:55	ܘܚܙܘ ܒ̈ܢܝ ܐܝܣܪܝܠ ܕܡܝܬ ܠܗ ܐܒܝܡܠܟ܂ ܘܐܙܠܘ ܐܢܫ ܠܐܬܪܗ܂
09:56	ܘܦܪܥܗ ܐܠܗܐ ܒܝܫܬܐ ܠܐܒܝܡܠܟ ܕܥܒܕ ܠܐܒܘܗܝ܂ ܘܩܛܠ ܫܒܥܝܢ/ܠܫܒܥܝܢ#3#/ ܐ̈ܚܘܗܝ܂
09:57	ܘܟܠܗ݀ ܒܝܫܬܐ ܕܥܒܕܘ ܐܢܫ̈ܝ ܫܟܝܡ܂ ܐܗܦܟ ܐܠܗܐ ܒܪܝܫܗܘܢ܂ ܘܐܬܬ ܥܠܝܗܘܢ ܟܠܗ݀ ܠܘܛܬܗ ܕܝܘܬܡ ܒܪ ܢܕܘܒܥܝܠ܂