← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62007: P Ju

Click on a word for lexical analysis
Click on a red-colored coordinate for comments and/or translations of the line

previous chapter


11:01 ܘܢܦܬܚ ܓܠܥܕܝܐ ܓܢܒܪ ܗܘܐ ܚܝܠܗ܂ ܘܗܘ ܒܪ ܐܢܬܬܐ ܗܘܐ ܙܢܝܬܐ܂ ܘܐܘܠܕ ܓܠܥܕ ܠܢܦܬܚ܂
11:02 ܘܝܠܕܬ ܐܢܬܬܗ ܕܓܠܥܕ ܠܗ ܒ̈ܢܝܐ܂ ܘܪܒܘ ܒܢܝܗ ܕܐܢܬܬܐ ܘܛܪܕܘܗܝ ܠܢܦܬܚ܂ ܘܐܡܪܝܢ ܠܐ ܢܐܪܬ ܒܝܬ ܐܒܘܢ܂ ܡܛܠ ܕܒܪ ܐܢܬܬܐ ܗܘ ܐܚܪܬܐ/ܙܢܝܬܐ#2#/܂
11:03 ܘܥܪܩ ܢܦܬܚ ܡܢ ܩܕܡ ܐ̈ܚܘܗܝ܂ ܘܐܝܬܒ ܒܐܪܥܐ ܛܒܬܐ܂ ܘܐܬܠܩܛܘ ܠܘܬ ܢܦܬܚ ܐܢܫ̈ܐ ܣܪ̈ܝܩܐ ‍<‍ܘܦ̈ܚܙܐ#3#‍>‍܂ ܘܢܦܩܘ ܥܡܗ܂
11:04 ܘܗܘܐ ܡܢ ܒܬܪ ܝܘܡ̈ܬܐ܂ ܘܐܬܟܬܫܘ ܒܢ̈ܝ ܥܡܘܢ ܥܡ ܒܢ̈ܝ ܐܝܣܪܝܠ܂
11:05 ܘܟܕ ܐܬܟܬܫܘ/ܐܬܟܢܫܘ#2#/ ܒܢ̈ܝ ܥܡܘܢ ܥܡ ܒܢ̈ܝ ܐܝܣܪܝܠ܂ ܐܙܠܘ ܩܫܝ̈ܫܐ ܕܓܠܥܕ ܠܡܕܒܪܗ ܠܢܦܬܚ ܡܢ ܐܪܥܐ ܛܒܬܐ܂
11:06 ܘܐܡܪܘ ܠܢܦܬܚ܂ ܬܐ ܗܘܝ ܠܢ ܪܝܫܐ܂ ܘܢܬܟܬܫ ܥܡ ܒܢ̈ܝ ܥܡܘܢ܂
11:07 ܘܐܡܪ ܢܦܬܚ ܠܩܫܝ̈ܫܐ ܕܓܠܥܕ܂ ܠܐ ܐܢܬܘܢ ܣܢܝܬܘܢܢܝ ܘܛܪܕܬܘܢܢܝ ܡܢ ܒܝܬ ܐܒܝ܂ ܘܗܫܐ ܡܢܐ ܐܬܝܬܘܢ ܠܘܬܝ ܟܕ ܥܩܬ ܠܟܘܢ܂
11:08 ܘܐܡܪܘ ܠܗ ܩܫܝܫ̈ܐ ܕܓܠܥܕ ܠܢܦܬܚ܂ ܡܛܠ ܗܢܐ ܗܫܐ ܗܐ ܐܬܝܢ ܠܘܬܟ܂ ܙܠ ܥܡܢ ܘܢܬܟܬܫ ܥܡ ܒ̈ܢܝ ܥܡܘܢ܂ ܘܗܘܝ ܪܝܫܐ ܠܟܠ ܝܬܒ̈ܝ ܓܠܥܕ܂
11:09 ܘܐܡܪ ܢܦܬܚ ܠܩ̈ܫܝܫܐ ܕܓܠܥܕ܂ ܐܢ ܡܗܦܟܝܢ ܐܢܬܘܢ ܠܝ ܕܐܬܟܬܫ ܥܡ ܒ̈ܢܝ ܥܡܘܢ܂ ܘܡܫܠܡ ܠܗܘܢ ܡܪܝܐ ܩܕܡܝ/ܒܐ̈ܝܕܝ#2#/܂ ܐܢܐ ܐܗܘܐ ܠܟܘܢ ܪܝܫܐ܂
11:10 ܘܐܡܪܘ ܠܗ ܩܫܝܫ̈ܐ ܕܓܠܥܕ܂ ܡܪܝܐ ܢܗܘܐ ܫܡܘܥܐ ܒܝܢܬܢ ܐܠܐ ܐܝܟ ܡܠܬܟ ܗܟܢܐ ܢܥܒܕ/ܢܗܘܐ#3#/܂
11:11 ܘܐܙܠ ܢܦܬܚ ܥܡ ܩܫܝ̈ܫܐ ܕܓܠܥܕ܂ ܘܐܩܝܡܘܗܝ ܥܠܝܗܘܢ ܪܝܫܐ ܘܫܠܝܛܐ܂ ܘܐܡܪ ܢܦܬܚ ܟܠܗܝܢ ܡ̈ܠܘܗܝ ܩܕܡ ܡܪܝܐ ܒܡܨܦܝܐ܀܀
11:12 ܘܫܕܪ ܢܦܬܚ ܐܝ̈ܙܓܕܐ ܠܘܬ ܡܠܟܐ ܕܒܢ̈ܝ ܥܡܘܢ ܠܡܐܡܪ ܠܗ܂ ܡܐ ܠܝ ܘܠܟ ܕܐܬܝܬ ܠܡܬܟܬܫܘ ܒܐܪܥܝ܂
11:13 ܘܐܡܪ ܡܠܟܐ \ܕܒܢܝ ܥܡܘܢ /ܕܥܡܘܢ#3#/ ܠܐܝ̈ܙܓܕܘܗܝ ܕܢܦܬܚ܂ ܡܛܠ ܕܢܣܒܘ ܗܘܘ ܒܢ̈ܝ ܐܝܣܪܝܠ ܐܪܥܝ܂ ܟܕ ܣܠܩܝܢ ܗܘܘ ܡܢ ܐܪܥܐ ܕܡܨܪܝܢ܂ ܡܢ ܐܪܢܘܢ ܘܥܕܡܐ ܠܐܒܩ/ܠܐܦܩ#3#/ ܘܥܕܡܐ ܠܝܘܪܕܢܢ܂ ܗܫܐ ܦܢܐ ܐܢܝ̈ܢ ܠܝ ܒܫܠܡܐ܂
11:14 ܘܗܦܟ ܬܘܒ ܢܦܬܚ ܘܫܕܪ ܐܓܪܬܐ ܘܐܝ̈ܙܓܕܐ ܠܘܬ ܡܠܟܐ ܕܒܢ̈ܝ ܥܡܘܢ܂
11:15 ܘܐܡܪ ܠܗ܂ ܗܟܢܐ ܐܡܪ ܢܦܬܚ܂ ܠܐ ܢܣܒ ܐܝܣܪܝܠ ܐܪܥܐ ܕܡܘܐܒ ܘܐܪܥܐ ܕܒܢ̈ܝ ܥܡܘܢ܂
11:16 ܡܛܠ ܕܟܕ ܣܠܩܝܢ ܗܘܘ ܡܢ ܡܨܪܝܢ܂ ܗܠܟܘ ܗܘܘ ܒ̈ܢܝ ܐܝܣܪܐܝܠ ܒܡܕܒܪܐ ܥܕܡܐ ܠܝܡܐ ܕܣܘܦ܂ ܘܡܛܝܘ ܠܪܩܡ܂܀܀
11:17 ܘܫܕܪ ܗܘܐ ܐܝܣܪܝܠ ܐܝ̈ܙܓܕܐ ܠܘܬ ܡܠܟܐ ܕܐܕܘܡ ܠܡܐܡܪ ܠܗ܂ ܢܥܒܪ/ܕܢܥܒܪ#3#/ ܒܐܪܥܟ܂ ܘܠܐ ܫܡܥ ܡܠܟܐ ܕܐܕܘܡ܂ ܘܐܦ ܠܡܠܟܐ ܕܡܘܐܒ ܫܠܚ ܘܠܐ ܐܬܛܦܝܣ ܠܗ܂ ܘܐܝܬܒ ܐܝܣܪܝܠ ܒܪܩܡ܂
11:18 ܘܗܠܟ ܒܡܕܒܪܐ܂ ܘܐܬܟܪܟ ܐܪܥܐ ܕܐܕܘܡ ܘܐܪܥܐ ܕܡܘܐܒ ܘܫܪܘ ܒܥܒܪܐ ܕܐܪܢܘܢ܂ ܘܠܐ ܥܠܘ ܒܬܚܘܡܐ/ܠܬܚܘܡܐ#3#/ ܕܡܘܐܒ܂ ܡܛܘܠ ܕܐܪܢܘܢ ܬܚܘܡܐ ܗܘܐ ܕܡܘܐܒ܂
11:19 ܘܫܕܪ ܗܘܐ ܐܝܣܪܝܠ ܐܝܙ̈ܓܕܐ ܠܘܬ ܣܝܚܘܢ ܡܠܟܐ ܕܐܡܘܪ̈ܝܐ ܘܡܠܟܐ ܕܚܫܒܘܢ܂ ܘܐܡܪ ܠܗ ܐܝܣܪܝܠ܂ ܢܥܒܪ ܒܐܪܥܟ ܥܕܡܐ ܠܐܪܥܝ܂
11:20 ܘܠܐ ܗܝܡܢ ܣܝܚܘܢ ܠܐܝܣܪܝܠ ܕܢܥܒܪ ܒܬܚܘܡܗ܂ ܘܟܢܫ ܣܝܚܘܢ ܠܟܠܗ ܥܡܗ ܘܫܪܘ ܒܝܗܨ܂ ܘܐܬܟܬܫ ܥܡ ܐܝܣܪܝܠ܂
11:21 ܘܐܫܠܡ ܡܪܝܐ ܐܠܗܢ ܠܣܝܚܘܢ ܘܠܟܠܗ ܥܡܗ ܒܐܝܕܐ ܕܐܝܣܪܝܠ܂ ܘܐܘܒܕ ܐܝܣܪܝܠ ܐܪܥܐ ܕܐܡܘܪ̈ܝܐ܂
11:22 ܘܐܝܪܬ ܟܠܗ ܬܚܘܡܗܘܢ܂ ܡܢ ܐܪܢܘܢ ܘܥܕܡܐ ܠܐܒܩ/ܠܐܦܩ#3#/܂ ܘܡܢ ܡܕܒܪܐ ܘܥܕܡܐ ܠܝܘܪܕܢܢ܂
11:23 ܘܗܫܐ ܡܪܝܐ ܐܠܗܐ ܐܘܒܕ ܠܐܡܘܪ̈ܝܐ ܡܢ ܩܕܡ ܥܡܗ ܐܝܣܪܝܠ܂ ܘܐܢܬ ܝܪܬ ܐܢܬ ܠܗܘܢ܂
11:24 ܠܐ ܗܘܐ ܡܕܡ ܕܐܘܪܬܟ ܟܡܘܫ ܐܠܗܟ ܝܪܬ ܐܢܬ܂ ܘܡܕܡ/ܘܐܚܢܢ ܡܕܡ#3#/ ܕܐܘܒܕ ܡܪܝܐ ܐܠܗܢ ܡܢ ܩܕܡܝܢ܂ ܠܗ ܗܘ ܝܪܬܝܢ ܚܢܢ܂
11:25 ܗܫܐ ܡܛܒ ܛܒ ܐܢܬ ܡܢ ܒܠܩ ܒܪ ܨܦܘܪ ܡܠܟܐ ܕܡܘܐܒ܂ ܕܠܡܐ ܡܬܚܪܝܘ ܐܬܚܪܝ ܗܘܐ ܥܡ ܐܝܣܪܝܠ܂ ܐܘ ܡܬܟܬܫܘ ܐܬܟܬܫ ܗܘܐ ܥܡܗܘܢ܂
11:26 ܟܕ ܝܬܒ ‍<‍ܗܘܐ#3#‍>‍ ܐܝܣܪܐܝܠ ܒܚܫܒܘܢ ܘܒܟܦܪ̈ܘܢܝܗ ܘܒܥܕܘܥܝܪ ܘܒܟܦܪ̈ܘܢܝܗ܂ ܘܒܟܠܗܝܢ ܩܘܪ̈ܝܐ ܕܥܠ ܓܢܒ ܐܪܢܘܢ ܬܠܬܡܐܐ ܫܢܝ̈ܢ܂ ܠܡܢܐ ܠܐ ܐܥܕܝܬܘܢ ܐ̈ܢܝܢ ܒܙܒܢܐ ܗܘ܂
11:27 ܐܠܐ ܐܢܐ ܗܫܐ ܠܐ ܚܛܝܬ ܠܟ܂ ܘܐܢܬ ܥܒܕ ܐܢܬ ܥܡܝ ܒܝܫܬܐ ܠܡܬܟܬܫܘ ܥܡܝ܂ ܢܕܘܢ ܡܪܝܐ ܝܘܡܢܐ ܕܝܢܐ ܒܝܢܝ ܒܢ̈ܝ ܐܝܣܪܝܠ ܘܠܒܝܬ ܒܢ̈ܝ ܥܡܘܢ܂
11:28 ܘܠܐ ܫܡܥ ܡܠܟܐ ܕܒܢ̈ܝ ܥܡܘܢ ܡ̈ܠܘܗܝ/ܠܡܠܘ̈ܗܝ#3#/ ܕܢܦܬܚ ܕܫܠܚ ܠܗ܂
11:29 ܘܗܘܬ ܥܠ ܢܦܬܚ ܪܘܚܗ ܕܡܪܝܐ܂ ܘܥܒܪ ܠܓܠܥܕ ܘܠܡܢܫܐ܂ ܘܥܒܪ ܠܡܨܦܝܐ ܕܓܠܥܕ܂ ܘܡܢ ܡܨܦܝܐ ܕܓܠܥܕ ܥܒܪ ܠܒܢ̈ܝ ܥܡܘܢ܂܀
11:30 ܘܢܕܪ ܢܦܬܚ ܢܕܪܐ ܠܡܪܝܐ ܘܐܡܪ܂ ܐܢ ܡܫܠܡܘ ܬܫܠܡ ܠܒܢ̈ܝ ܥܡܘܢ ܒܐ̈ܝܕܝ܂
11:31 ܡ݁ܢ ܕܢܦܩ ܡܢ ‍<‍ܠܘܬ#3#‍>‍ ܬܪܥܐ ܕܒܝܬܝ ܠܐܘܪܥܝ܂ ܡܐ ܕܐܬܝܬ ܒܫܠܡܐ ܡܢ ܒܢ̈ܝ ܥܡܘܢ܂ ܢܗܘܐ ܠܡܪܝܐ ܘܐܣܩܝܘܗܝ ܠܥܠܬܐ܂
11:32 ܘܥܒܪ ܢܦܬܚ ܥܠ/ܠܘܬ#3#/ ܒܢ̈ܝ ܥܡܘܢ ܠܡܬܟܬܫܘ ܥܡܗܘܢ܂ ܘܐܫܠܡ ܐܢܘܢ ܡܪܝܐ ܒܐܝܕܗ܂
11:33 ܘܡܚܐ ܐܢܘܢ ܡܢ ܥܕܘܥܝܪ܂ ܘܥܕܡܐ ܠܡܥܠܢܐ ܕܡܟܝܪ܂ ܥܣܪ̈ܝܢ ܩܘܪ̈ܝܐ܂ ܘܥܕܡܐ ܠܐܒܠ ܟܪ̈ܡܝܢ܂ ܡܚܘܬܐ ܪܒܬܐ ܕܛܒ܂ ܘܐܬܬܒܪܘ ܒܢ̈ܝ ܥܡܘܢ ܩܕܡ ܒܢ̈ܝ ܐܝܣܪܝܠ܂
11:34 ܘܐܬܐ ܢܦܬܚ ܠܡܨܦܝܐ ܠܒܝܬܗ܂ ܘܗܐ ܒܪܬܗ ܢܦܩܬ ܠܐܘܪܥܗ ܒ̈ܦܠܓܐ ܘܒܪ̈ܒܝܥܐ܂ ܘܗܝ ܝܚܝܕܝܬܐ ܗܘܬ ܠܗ܂ ܘܠܝܬ ܗܘܐ ܠܗ ܒܪܐ ܐܘ ܒܪܬܐ ܠܒܪ ܡܢܗ݀܂
11:35 ܘܟܕ ܚܙܗ݀܂ ܨܪܝ ܠܒܘܫ̈ܘܗܝ ܘܐܡܪ܂ ܐܘܗ/ܐܘ#3#/ ܒܪܬܝ ܡܣܚܦ ܣܚܦܬܝܢܝ܂ ܘܐܢܬ ܗܘܝܬܝ ܝܘܡܢܐ ܡܢ ܣܚ̈ܘܦܝ܂ ܕܗܐ ܐܢܐ ܦܬܚܬ ܦܘܡܝ ܠܘܬ ܐܠܗܐ܂ ܘܠܐ ܡܫܟܚ ܐܢܐ ܕܐܗܦܘܟ܀܀
11:36 ܘܐܡܪܬ ܠܗ ܒܪܬܗ܂ ܐܒܝ܂ ܦܬܚܬ ܦܘܡܟ ܠܘܬ ܐܠܗܐ܂ ܥܒܕ ܠܝ ܐܝܟ ܡܕܡ ܕܢܦܩ ܡܢ ܦܘܡܟ܂ ܡܢ ܒܬܪ ܕܥܒܕ ܠܟ ܡܪܝܐ/ܐܠܗܐ#3#/ ܢܩܡܬܐ ܡܢ ܒ̈ܥܠܕܒܒܝܟ ܡܢ ܒܢ̈ܝ ܥܡܘܢ܂
11:37 ܘܐܡܪܐ ܠܐܒܘܗ܂ ܒܠܚܘܕ ܥܒܕ ܠܝ ܗܕܐ ܐܪܦܢܝ ܬܪ̈ܝܢ ܝܪ̈ܚܝܢ ܘܐܙܠ ܐܗܠܟ ܥܠ ܛܘܪ̈ܐ܂ ܘܐܒܟܐ ܥܠ ܒܬܘܠܘܬܝ ܐܢܐ ܘܚܒܪ̈ܬܝ܂
11:38 ܘܐܡܪ ܠܗ݀ ܙܠ܂ ܘܫܕܪܗ݀ ܬܪ̈ܝܢ ܝܪ̈ܚܝܢ܂ ܘܐܙܠܬ ܗܝ ܘܚܒܪ̈ܬܗ݀܂ ܘܒܟܬ ܥܠ ܒܬܘܠܘܬܗ݀ ܥܠ ܛܘܪ̈ܐ܂
11:39 ܘܡܢ ܒܬܪ ܬܪ̈ܝܢ ܝܪ̈ܚܝܢ܂ ܐܬܬ ܠܘܬ ܐܒܘܗ܂ ܘܥܒܕ ܠܗ݀ ܐܝܟ ܢܕܪܐ ܕܢܕܪ܂ ܘܗܝ ܠܐ ܚܟܡܗ݀ ܓܒܪ܂ ܘܗܘܬ \ܠܗ ܐܬܐ /ܠܐܬܐ#3#/ ܒܝܢܝ/ܒܝܢܬ#3#/ ܒܢ̈ܝ ܐܝܣܪܝܠ܂
11:40 ܘܡܢ ܥܕܢ ܠܥܕܢ܂ ܐܙ̈ܠܢ ܗ̈ܘܝ ܒܢ̈ܬ ܐܝܣܪܐܝܠ܂ ܘܒ̈ܟܝܢ ܘܐ̈ܠܝܢ ܥܠ ܒܪܬܗ ܕܢܦܬܚ ܓܠܥܕܝܐ܂ ܐܪܒܥܐ ܝܘ̈ܡܝܢ/ܝܪ̈ܚܝܢ#2#/ ܒܫܢܬܐ܀܀܂

next chapter