The Comprehensive Aramaic Lexicon


03:01	ܘܛܠܝܐ ܫܡܘܐܝܠ ܡܫܡܫ ܗܘܐ ܩܕܡ ܡܪܝܐ ܩܕܡ ܥܠܝ ܟܗܢܐ܂ ܘܦܬܓܡܗ ܕܡܪܝܐ ܝܩܪ/ܝܩܝܪ#3#/ ܗܘܐ ‍<‍ܒܗܘܢ#3#‍>‍ ܒܝ̈ܘܡܬܐ ܗܢܘܢ܂ ܠܝܬ ܚܙܘܐ ܕܓܠܐ܀܀

03:02	ܘܗܘܐ ܒܝ̈ܘܡܬܐ ܗܢܘܢ܂ ܘܥܠܝ ܕܡܟ ܒܕܘܟܬܗ܂ ܘܥܝܢ̈ܘܗܝ ܫܪܝ ܝܩܪ̈ܢ܂ ܘܠܐ ܡܫܟܚ ܗܘܐ ܠܡܚܙܐ܂
03:03	ܘܫܪܓܗ ܕܡܪܝܐ ܥܕܟܝܠ ܠܐ ܕܥܟ܂ ܘܫܡܘܐܝܠ ܕܡܟ ܒܗܝܟܠܗ ܕܡܪܝܐ ܕܬܡܢ ܩܒܘܬܗ ܕܐܠܗܐ/ܕܡܪܝܐ ܐܠܗܐ#3#/܂
03:04	ܘܩܪܐ ܡܪܝܐ ܠܫܡܘܐܝܠ܂ ܘܐܡܪ ܗܐ ܐܢܐ܂
03:05	ܘܪܗܛ ܠܘܬ ܥܠܝ܂ ܘܐܡܪ ܗܐ ܐܢܐ ܕܩܪܝܬܢܝ/ܩܪܝܬܢܝ#3#/ ‍<‍ܒܪܝ#3#‍>‍܂ ܘܐܡܪ ܠܐ ܩܪܝܬ ܙܠ ܕܡܟ܂ ܘܐܙܠ ܕܡܟ܂
03:06	ܘܐܘܣܦ ܬܘܒ ܡܪܝܐ ܠܡܩܪܐ ܠܫܡܘܐܝܠ ܘܩܡ ܫܡܘܐܝܠ ܘܐܙܠ ܠܘܬ ܥܠܝ܂ ܘܐܡܪ ‍<‍ܠܗ#3#‍>‍ ܗܐ ܐܢܐ ܕܩܪܝܬܢܝ܂ ܘܐܡܪ ‍<‍ܠܗ#3#‍>‍ ܠܐ ܩܪܝܬ ܒܪܝ ܙܠ ܕܡܟ܂
03:07	ܘܫܡܘܐܝܠ ܥܕܟܝܠ ܠܐ ܝܕܥ ܠܡܪܝܐ܂ ܘܥܕܟܝܠ ܠܐ ܐܬܓܠܝ ܥܠܘܗܝ ܦܬܓܡܗ ܕܡܪܝܐ܂
03:08	ܘܐܘܣܦ ܬܘܒ ܡܪܝܐ ܠܡܩܪܐ ܠܫܡܘܐܝܠ/ܫܡܘܐܝܠ#3#/ ܕܬܠܬ ܙܒܢܝܢ܂ ܘܩܡ ܫܡܘܐܝܠ ܘܐܙܠ ܠܘܬ ܥܠܝ܂ ܘܐܡܪ ܗܐ ܐܢܐ ܕܩܪܝܬܢܝ܂ ܘܐܬܒܝܢ ܥܠܝ ܕܡܪܝܐ ܩܪܐ ܠܛܠܝܐ܂
03:09	ܘܐܡܪ ܥܠܝ ܠܫܡܘܐܝܠ܂ ܙܠ ܕܡܟ܂ ܘܐܢ ܢܩܪܝܟ ܐܡܪ܂ ܡܠܠ ܡܪܝܐ ܡܛܠ ܕܫܡ݁ܥ ܥܒܕܟ܂ ܘܐܙܠ ܫܡܘܐܝܠ ܘܕܡܟ ܒܕܘܟܬܗ܂
03:10	ܘܐܬܐ ܡܪܝܐ ܘܩܡ ܘܩܪܐ ܬܪ̈ܬܝܢ ܙܒܢܝܢ܂ ܫܡܘܐܝܠ ܫܡܘܐܝܠ܂ ܘܐܡܪ ܫܡܘܐܝܠ܂ ܡܠܠ ܡܪܝܐ ܡܛܘܠ ܕܫܡ݁ܥ ܥܒܕܟ܂
03:11	ܘܐܡܪ ܡܪܝܐ ܠܫܡܘܐܝܠ܂ ܗܐ ܥܒܕ ܐܢܐ ܦܬܓܡܐ ܒܐܝܣܪܝܠ܂ ܕܟܠ ܕܢܫܡܥܝܘܗܝ ܢܨܠܢ ܬܪ̈ܬܝܗܝܢ ܐ̈ܕܢܘܗܝ܂
03:12	ܒܝܘܡܐ ܗ݀ܘ܂ ܘܐܩܝܡ ܥܠ ܥܠܝ ܟܠ ܕܐܡܪܬ ܥܠ ܒܝܬܗ܂ ܫܘܪܝܐ ܘܓܡܘܪܝܐ܂
03:13	ܘܐܚܘܝܘܗܝ܂ ܕܕܐܢ ܐܢܐ ܠܒܝܬܗ ܠܥܠܡ܂ ܒܥܘܠܐ ܕܝܕܥ ܗܘܐ ܕܡܨܥܪܝܢ ܗܘܘ ܗܠܝܢ ܒܢ̈ܘܗܝ ܠܥܡܐ ܘܠܐ ܟܐܐ ܒܗܘܢ܂
03:14	ܡܛܠ ܗܢܐ ܐܡܝܬ ܠܕܒܝܬ ܥܠܝ܂ ܘܠܐ ܢܬܚܣܐ ܥܘܠܐ ܕܒܝܬ ܥܠܝ ܒܕܒܚ̈ܐ ܘܒܩܘܪ̈ܒܢܐ ܥܕܡܐ ܠܥܠܡ܂
03:15	ܘܕܡܟ ܫܡܘܐܝܠ ܥܕܡܐ ܠܨܦܪܐ܂ ܘܦܬܚ ܬܪܥܐ ܕܒܝܬܗ ܕܡܪܝܐ܂ ܘܫܡܘܐܝܠ ܕܚܠ ܕܢܚܘܐ ܚܙܘܐ ܠܥܠܝ܂
03:16	ܘܩܪܐ ܥܠܝ ܠܫܡܘܐܝܠ ܘܐܡܪ܂ ܫܡܘܐܝܠ ܒܪܝ܂ ܘܐܡܪ ܗܐ ܐܢܐ܂
03:17	ܘܐܡܪ ܠܗ܂ ܡܢܐ ܗܘ ܦܬܓܡܐ ܕܐܡܪ ܠܟ ܡܪܝܐ܂ ܠܐ ܬܒܗܬ ܡܢܝ܂ ܗܟܢܐ ܢܥܒܕ ܠܟ ܐܠܗܐ ܘܗܟܢܐ ܢܘܣܦ ܠܟ܂ ܐܢ ܬܟܣܐ ܡܢܝ ܡܠܬܐ܂ ܡܢ ܟܠ ܦܬ̈ܓܡܐ ܕܐܡܪ ܠܟ ܡܪܝܐ܂
03:18	ܘܚܘܝܗ ܫܡܘܐܝܠ ܟܠܗܝܢ ܡ̈ܠܐ ܘܠܐ ܟܣܝ ܡܢܗ܀܂ ܘܐܡܪ ܥܠܝ܂ ܡܪܝܐ ܗܘ܂ ܟܠ ܕܫܦܝܪ ܒܥܝ̈ܢܘܗܝ ܢܥܒܕ܂
03:19	ܘܝܕܥ ܫܡܘܐܝܠ ܕܡܪܝܐ ܗܘܐ ܥܡܗ܂ ܘܠܐ ܐܪܡܝ ܡܢ ܟܠܗܝܢ ܡ̈ܠܘܗܝ ܥܠ ܐܪܥܐ܂
03:20	ܘܝܕܥ ܟܠܗ ܐܝܣܪܝܠ ܡܢ ܕܢ ܘܥܕܡܐ ܠܒܪܫܒܥ ܕܐܬܗܝܡܢ ܫܡܘܐܝܠ ܢܒܝܐ ܠܐܠܗܐ܂
03:21	ܘܐܘܣܦ ܬܘܒ ܡܪܝܐ ܠܡܬܓܠܝܘ ܒܫܝܠܘ ܒܦܬ̈ܓܡܘܗܝ܂