The Comprehensive Aramaic Lexicon

05:01	ܘܦ̈ܠܫܬܝܐ ܕܒܪܘ ܩܒܘܬܗ ܕܐܠܗܐ ܘܐܝܬܝܘܗ݀ ܡܢ ܟܐܦܐ ܕܥܘܕܪܢܐ ܠܐܫܕܘܕ܂

05:02	ܘܕܒܪܘ ܦܠܫ̈ܬܝܐ ܠܩܒܘܬܗ ܕܐܠܗܐ܂ ܘܐܝܬܝܘܗ݀ ܠܒܝܬ ܕܓܘܢ܂ ܘܐܩܝܡܘܗ݀ ܥܠ ܓܢܒ ܕܓܘܢ܂

05:03	ܘܩܕܡܘ ܐܫ̈ܕܘܕܝܐ ܠܝܘܡܐ ܕܒܬܪܗ܂ ܘܐܫܟܚܘܗܝ ܠܕܓܘܢ܂ ܟܕ ܪܡܐ ܥܠ ܐ̈ܦܘܗܝ ܥܠ ܐܪܥܐ ܩܕܡ ܩܒܘܬܗ ܕܐܠܗܐ܂ ܘܢܣܒܘܗܝ ܠܕܓܘܢ ܘܐܬܩܢܘܗܝ ܥܠ ܕܘܟܬܗ܂
05:04	ܘܩܕܡܘ ܒܨܦܪܐ ܠܝܘܡܐ ܐܚܪܢܐ܂ ܘܗܐ ܕܓܘܢ ܪܡܐ ܥܠ ܐ̈ܦܘܗܝ ܥܠ ܐܪܥܐ ܩܕܡ ܩܒܘܬܗ ܕܡܪܝܐ܂ ܘܪܝܫܗ ܕܕܓܘܢ ܘܬܪ̈ܬܝܗܝܢ ܦܣ̈ܐ ܕܐ̈ܝܕܘܗܝ/ܕܪ̈ܓܠܘܗܝ#3#/ ܦܣܝ̈ܩܢ ܥܠ ܐܣܟܘܦܬܐ ܕܬܪܥܐ܂ ܘܓܘܫܡܗ ܕܕܓܘܢ ܐܫܬܚܪ܂
05:05	ܡܛܠ ܗܢܐ ܠܐ ܕܪܟܝܢ ܟܘܡܪ̈ܐ ܕܕܓܘܢ܂ ܘܟܠ ܕܥܐܠܝܢ ܥܠ ܐܣܟܘܦܬܐ ܕܕܓܘܢ ܒܐܫܕܘܕ ܥܕܡܐ ܠܝܘܡܢܐ܂܀܀܀܀܂
05:06	ܘܥܫܢܬ ܐܝܕܗ ܕܡܪܝܐ ܥܠ ܐ̈ܫܕܘܕܝܐ ܘܚܪܒ ܐܢܘܢ܂ ܘܡܚܐ ܐܢܘܢ ܒܛܚܘܪ̈ܝܗܘܢ/ܒܚܘܛܪ̈ܝܗܘܢ#2#/܂ ܠܐܫܕܘܕ ܘܠܬܚ̈ܘܡܝܗ܂
05:07	ܘܚܙܘ ܒܢ̈ܝ ܐܫܕܘܕ ܕܗܟܢܐ ܗܘܐ ܐܢܘܢ ܘܐܡܪܘ܂ ܠܐ ܬܬܒ ܩܒܘܬܗ \ܕܡܪܝܐ ܐܠܗܐ /ܕܐܠܗܐ#3#/ ܕܐܝܣܪܝܠ ܥܡܢ܂ ܡܛܠ ܕܥܫܢܬ ܐܝܕܗ ܥܠܝܢ ܘܥܠ ܕܓܘܢ ܐܠܗܢ܂
05:08	ܘܫܕܪܘ ܘܟܢܫܘ ܠܟܠܗܘܢ ܛܪ̈ܘܢܐ ܕܦܠܫ̈ܬܝܐ ܠܘܬܗܘܢ ܘܐܡܪܘ܂ ܡܢܐ ܢܥܒܕ ܠܩܒܘܬܗ ܕܡܪܝܐ ܐܠܗܐ ܕܐܝܣܪܝܠ܂ ܘܐܡܪܘ܂ ܠܓܬ ܬܗܦܘܟ ܩܒܘܬܗ ܕܡܪܝܐ ܐܠܗܐ ܕܐܝܣܪܝܠ܂ ܘܐܗܦܟܘܗ݀ ܠܩܒܘܬܗ ܕܡܪܝܐ ܐܠܗܐ ܕܐܝܣܪܝܠ܂
05:09	ܘܡܢ ܒܬܪ ܕܐܗܦܟܘܗ݀܂ ܗܘܬ ܐܝܕܗ ܕܡܪܝܐ ܒܩܪܝܬܐ ܡܚܘܬܐ \ܕܪܒܐ ܛܒ /ܪܒܬܐ ܕܛܒ#3#/܂ ܘܡܚܐ ܠܐܢܫ̈ܝܗ ܕܩܪܝܬܐ܂ ܡܢ ܙܥܘܪܐ ܘܥܕܡܐ ܠܪܒܐ܂ ܘܐܣܬܬܪܘ ܥܠܝܗܘܢ ܛܚܘܪ̈ܝܗܘܢ܂
05:10	ܘܫܕܪܘܗ ܠܩܒܘܬܗ ܕܐܠܗܐ ܠܥܩܪܘܢ܂ ܘܐܝܠܠܘ ܥܩܪ̈ܘܢܝܐ ܘܐܡܪܘ܂ ܐܗܦܟܘ ܥܠܝܢ ܩܒܘܬܗ/ܠܩܒܘܬܗ#3#/ ܕܐܠܗܐ/ܕܡܪܝܐ ܐܠܗܐ#2#/ ܕܐܝܣܪܝܠ ܕܬܩܛܠܢ ܠܢ ܘܠܥܡܢ܂
05:11	ܘܫܕܪܘ ܘܟܢܫܘ ܠܟܠܗܘܢ/ܟܠܗܘܢ#3#/ ܛܪ̈ܘܢܐ ܕܦܠܫ̈ܬܝܐ ܘܐܡܪܘ܂ ܫܕܪܘܗ݀ ܠܩܒܘܬܗ ܕܐܠܗܐ/ܕܡܪܝܐ ܐܠܗܐ#3#/ ܕܐܝܣܪܝܠ ܘܬܗܦܘܟ ܠܕܘܟܬܗ݀܂ ܕܠܐ ܬܩܛܠܢ ܠܢ ܘܠܥܡܢ܂ ܡܛܠ ܕܗܘܬ ܫܓܝܫܬܐ ܕܡܘܬܐ ܒܟܠܗ݀ ܩܪܝܬܐ܂ ܘܥܫܢܬ ܛܒ ܐܝܕܗ ܕܐܠܗܐ/ܕܡܪܝܐ#3#/ ܬܡܢ܂
05:12	ܘܐܢܫܐ ܕܠܐ ܡܝܬܘ܂ ܐܬܡܚܝܘ ܒܛܚܘܪ̈ܝܗܘܢ܂ ܘܣܠܩܬ ܓܥܬܐ ܕܩܪܝܬܐ ܥܕܡܐ ܠܫܡܝܐ܂