The Comprehensive Aramaic Lexicon

07:01	ܘܐܬܘ ܐܢܫ̈ܝ ܩܘܪܝܬ ܢܥܪܝܢ܂ ܘܐܣܩܘܗܝ ܠܐܪܘܢܗ ܕܡܪܝܐ܂ ܘܐܝܬܝܘܗܝ ܠܒܝܬ ܐܒܝܢܕܒ ܕܒܓܒܥܬܐ܂ ܘܩܕܫ ܠܐܠܝܥܙܪ ܒܪܗ܂ ܘܢܛܪ ܐܪܘܢܗ ܕܡܪܝܐ܂
07:02	ܘܗܘܐ ܡܢ ‍<‍ܒܬܪ#3#‍>‍ ܝܘܡܐ ܕܝܬܒ ܐܪܘܢܐ ܒܩܘܪܝܬ ܢܥܪܝܢ܂ ܘܣܓܝܘ ܝܘܡ̈ܬܐ ܘܗܘܝ/ܕܗܘܝ#3#/ ܐܝܟ ܥܣܪ̈ܝܢ ܫ̈ܢܝܢ܂ ܘܐܫܬܕܝܘ ܟܠܗܘܢ ܕܒܝܬ/ܒܢ̈ܝ#3#/ ܐܝܣܪܝܠ ܒܬܪ/ܩܕܡ#3#/ ܡܪܝܐ܂

07:03	ܘܐܡܪ ܫܡܘܐܝܠ ܠܟܠܗ ܒܝܬ ܐܝܣܪܝܠ ܐܢ ܒܟܠܗ/ܡܢ ܟܠܗ#3#/ ܠܒܟܘܢ ܡܬܦܢܝܢ ܐܢܬܘܢ ܠܘܬ ܡܪܝܐ܂ ܐܥܒܪܘ ܐܠܗ̈ܐ ܢܘܟܪ̈ܝܐ ܡܢ ܒܝܢܬܟܘܢ ܘܓܢܝ̈ܬܐ܂ ܘܐܬܩܢܘ ܠܒܟܘܢ ܠܘܬ ܡܪܝܐ܂ ܘܦܘܠܚܘܗܝ ܠܗ ܒܠܚܘܕܘܗܝ܂ ܘܢܦܨܝܟܘܢ ܡܢ ܐܝܕܐ ܕܦܠܫ̈ܬܝܐ܂

07:04	ܘܐܥܒܪܘ ܒܢ̈ܝ ܐܝܣܪܝܠ ܒܥܠܐ ܘܓܢܝ̈ܬܐ܂ ܘܦܠܚܘ ܠܡܪܝܐ ܒܠܚܘܕܘܗܝ܂
07:05	ܘܐܡܪ ܫܡܘܐܝܠ܂ ܟܢܫܘ ܠܟܠܗ/ܟܠܗ#3#/ ܐܝܣܪܝܠ ܠܡܨܦܝܐ/ܒܡܨܦܝܐ#3#/܂ ܘܐܨܠܐ ܥܠܝܟܘܢ ܩܕܡ ܡܪܝܐ܂
07:06	ܘܐܬܟܢܫܘ ܠܡܨܦܝܐ܂ ܘܡܠܘ ܡ̈ܝܐ ܘܐܫܕܘ ܩܕܡ ܡܪܝܐ܂ ܘܨܡܘ ܒܝܘܡܐ ܗ݀ܘ܂ ܘܐܡܪܘ܂ ܡܛܠ ܕܚ̈ܛܝܢ ܠܡܪܝܐ܂ ܘܕܢ ܫܡܘܐܝܠ ܠܒܢ̈ܝ ܐܝܣܪܐܝܠ ܒܡܨܦܝܐ܂
07:07	ܘܫܡܥܘ ܦܠܫ̈ܬܝܐ ܕܐܬܟܢܫܘ ܒܢ̈ܝ ܐܝܣܪܐܝܠ ܠܡܨܦܝܐ܂ ܘܣܠܩܘ ܛܪ̈ܘܢܐ ܕܦܠܫ̈ܬܝܐ ܥܠ ܐܝܣܪܐܝܠ܂ ܘܫܡܥܘ ܒܢ̈ܝ ܐܝܣܪܝܠ܂ ܘܕܚܠܘ ܩܕܡ ܦܠܫ̈ܬܝܐ܂
07:08	ܘܐܡܪܘ ܒܢ̈ܝ ܐܝܣܪܝܠ ܠܫܡܘܐܝܠ܂ ܠܐ ܬܫܬܘܩ ܡܢܢ ܠܡܨܠܝܘ ܥܠܝܢ ܩܕܡ ܡܪܝܐ ܐܠܗܢ܂ ܕܢܦܪܩܢ ܡܢ ܐܝܕܐ ܕܦܠܫ̈ܬܝܐ܂
07:09	ܘܢܣܒ ܫܡܘܐܝܠ ܐܡܪܐ ܚܕ ܕܚܠܒܐ܂ ܘܐܣܩܗ ܥ݁ܠܬܐ/ܠܥ݁ܠܬܐ#3#/ ܓܡܝܪܬܐ ܠܡܪܝܐ܂ ܘܨܠܝ ܫܡܘܐܝܠ ܩܕܡ ܡܪܝܐ ܥܠ ܒܢܝ ܐܝܣܪܝܠ܂ ܘܥܢܝܗܝ ܡܪܝܐ܀܀
07:10	ܘܗܘܐ ܫܡܘܐܝܠ ܡܣܩ ܥ݁ܠܬܐ܂ ܘܦܠܫ̈ܬܝܐ ܩܪܒܘ ܠܡܬܟܬܫܘ ܥܡ ܒ̈ܢܝ ܐܝܣܪܝܠ܂ ܘܪܥܡ ܡܪܝܐ ܒܩܠܐ ܪܡܐ ܒܝܘܡܐ ܗ݀ܘ ܥܠ ܦܠܫ̈ܬܝܐ ܘܕܠܚ/ܘܕܚܠ#3#/ ܐܢܘܢ܂ ܘܐܬܬܒܪܘ ܩܕܡ ܐܝܣܪܝܠ܂
07:11	ܘܢܦܩܘ ܐܢܫܐ ܕܐܝܣܪܝܠ ܡܢ ܡܨܦܝܐ܂ ܘܪܕܦܘ ܠܦܠܫ̈ܬܝܐ ܘܚܪܒܘ ܐܢܘܢ܂ ܥܕܡܐ ܠܬܚܬ ܡܢ ܒܝܬ ܝܫܢ܂
07:12	ܘܢܣܒ ܫܡܘܐܝܠ ܟܐܦܐ ܚܕܐ܂ ܘܣܡ ܒܝܬ ܡܨܦܝܐ ܠܒܝܬ ܝܫܢ܂ ܘܩܪܐ ܫܡܗ݀ ܟܐܦܐ ܕܥܘܕܪܢܐ܂ ܘܐܡܪ ܥܕܡܐ ܠܗܪܟܐ ܥܕܪܢ ܡܪܝܐ܂
07:13	ܘܐܬܬܒܪܘ ܦܠܫ̈ܬܝܐ ܘܠܐ ܐܘܣܦܘ ܬܘܒ ܦܠܫ̈ܬܝܐ܂ ܠܡܐܬܐ ܠܬܚܘܡܐ ܕܐܝܣܪܝܠ܀ ܘܗܘܬ ܐܝܕܗ ܕܡܪܝܐ ܒܦܠܫ̈ܬܝܐ ܟܠܗܘܢ ܝܘܡ̈ܬܗ ܕܫܡܘܐܝܠ܂
07:14	ܘܐܗܦܟܘ/ܘܐܬܗܦܟܘ#3#/ ܩܘܪ̈ܝܐ ܕܢܣܒܘ ܦܠܫ̈ܬܝܐ ܡܢ ܐܝܣܪܝܠ ܠܐܝܣܪܝܠ܂ ܡܢ ܥܩܪܘܢ ܘܥܕܡܐ ܠܓܬ ܘܬܚ̈ܘܡܝܗܝܢ/ܘܠܬܚܘܡ̈ܝܗܝܢ#3#/ ܘܦܨܝ ܡܪܝܐ ܠܐܝܣܪܝܠ ܡܢ ܐܝܕܐ ܕܦܠܫ̈ܬܝܐ܂ ܘܗܘܐ ܫܠܡܐ ܒܝܬ ܐܝܣܪܝܠ ܠܐܡܘܪ̈ܝܐ܂
07:15	ܘܕܢ ܫܡܘܐܝܠ \ܠܒܢ̈ܝ ܐܝܣܪܝܠ /ܠܐܣܪܝܠ#3#/ ܟܘܠ ܝܘܡ̈ܝ ܚܝ̈ܘܗܝ܂
07:16	ܘܐܙܠ ܗܘܐ ܡܢ ܫܢܐ ܠܫܢܐ܂ ܘܡܬܟܪܟ ܠܒܝܬ ܐܝܠ ܘܠܓܠܓܠܐ ܘܠܡܨܦܝܐ܂ ܘܕܐܢ ܠܐܝܣܪܝܠ ܘܠܟܠܗܘܢ ܐܬܪ̈ܘܬܐ ܗܠܝܢ܂
07:17	ܘܗܦܟ ܗܘܐ ܠܪܡܬܐ܂ ܡܛܠ ܕܬܡܢ ܗܘܐ ܒܝܬܗ ܘܬܡܢ ܕܐܢ ܗܘܐ ܠܐܝܣܪܝܠ܂ ܘܒܢܐ ܬܡܢ ܡܕܒܚܐ ܠܡܪܝܐ܀