← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62008: P 1S

Click on a word for lexical analysis
Click on a red-colored coordinate for comments and/or translations of the line

previous chapter


09:01 ܘܗܘܐ ܓܒܪܐ ܚܕ ܡܢ ܒܢܝܡܝܢ ܘܫܡܗ ܩܝܫ܂ ܒܪ ܐܒܝܠ ܒܪ ܨܪܘܕ܂ ܒܪ ܒܟܪܘܬ ܒܪ ܐܦܝܚ܂ ܓܒܪܐ ܡܢ ܒܢܝܡܝܢ ܓܢܒܪ ܚܝܠܐ܂
09:02 ܘܠܗ ܗܘܐ ܒܪܐ ܘܫܡܗ/ܕܫܡܗ#3#/ ܫܐܘܠ܂ ܓܒܪ ܘܛܒ܂ ܘܠܝܬ ‍<‍ܗܘܐ#3#‍>‍ ܓܒܪܐ ܡܢ ܒܢ̈ܝ ܐܝܣܪܝܠ ܕܛܒ ܡܢܗ܂ ܘܡܢ ܟܬܦܗ ܘܠܥܠ ܪܡ ܗܘܐ ܡܢ ܟܠܗ ܥܡܐ܂
09:03 ܘܐܒܕ ܐ̈ܬܢܐ ܕܩܝܫ ܐܒܘܗܝ ܕܫܐܘܠ܂ ܘܐܡܪ ܩܝܫ ܠܫܐܘܠ ܒܪܗ܂ ܕܒܪ ܥܡܟ ܠܚܕ ܡܢ ܛ̈ܠܝܐ܂ ܘܩܘܡ ܙܠ ܒܥܝ ܐ̈ܬܢܐ܂ ܘܩܡ ܫܐܘܠ ܘܐܙܠ ܘܕܒܪ ܥܡܗ ܚܕ/ܠܚܕ#3#/ ܡܢ ܛ̈ܠܝܐ܂ ܘܐܙܠ ܠܡܒܥܐ ܐ̈ܬܢܐ ܕܐܒܘܗܝ܂
09:04 ܘܥܒܪ ܒܛܘܪܐ ܕܐܦܪܝܡ܂ ܘܥܒܪ ܒܐܪܥܐ ܕܓܘܡܪ̈ܐ/ܕܥܡܘܪܐ#3#/ ܘܠܐ ܐܫܟܚ܂ ܘܥܒܪ ܒܐܪܥܐ ܕܬܥ̈ܠܐ ܘܠܝܬ܂ ܘܥܒܪ ܒܐܪܥܐ ܕܒܢܝܡܝܢ ܘܠܐ ܐܫܟܚ܂
09:05 ܘܐܬܘ ܠܗܘܢ ܠܐܪܥܐ ܕܨܘܪ܂ ܘܐܡܪ ܫܐܘܠ ܠܛܠܝܐ ܕܥܡܗ܂ ܬܐ ܢܗܦܘܟ܂ ܕܠܡܐ ܢܫܒܘܩ ܐܒܝ ܪܢܝܐ ܕܐܬ̈ܢܐ ܘܢܕܚܠ ܥܠܝܢ܂
09:06 ܘܐܡܪ ܠܗ ܛܠܝܗ܂ ܗܐ ܓܒܪܐ ܚܕ ܕܐܠܗܐ ܒܩܪܝܬܐ ܗܕܐ܂ ܘܓܒܪܐ ܝܩܝܪ ܒܥܝܢ̈ܝ ܥܡܐ܂ ܘܟܠ ܕܐܡ݁ܪ ܡܐܬܐ ܐܬܐ܂ ܗܫܐ ‍<‍ܬܐ#3#‍>‍ ܢܐܙܠ ܠܬܡܢ܂ ܛܟ ܢܚܘܝܢ ܐܘܪܚܐ ܕܐܬܝܢ ܥܠܝܗ܂
09:07 ܘܐܡܪ ܫܐܘܠ ܠܛܠܝܗ܂ ܗܐ ܐܙܠܝܢܢ܂ ܡܢܐ ܢܘܒܠ ܠܓܒܪܐ ܕܐܠܗܐ܂ ܡܛܠ ܕܠܚܡܐ ܛܠܩ ܡܢ ܡܐ̈ܢܝܢ܂ ܘܙ̈ܘܕܐ ܠܝܬ ܕܢܘܒܠ ܠܓܒܪܐ ܕܐܠܗܐ܂ ܡܛܠ ܕܠܝܬ ܠܢ܂
09:08 ܘܐܘܣܦ ܛܠܝܐ ܘܥܢܐ ܠܡܪܗ ܘܐܡܪ܂ ܗܐ ܐܫܬܟܚ ܒܐܝܕܝ ܪܘܒܥܗ ܕܡܬܩܠܐ ܕܟܣܦܐ܂ ܢܬܠ ܠܓܒܪܐ ܕܐܠܗܐ ܘܢܚܘܝܢ ܐܘܪܚܢ܂
09:09 ܡܛܠ ܕܡܢ ܠܘܩܕܡ ܒܐܝܣܪܝܠ ܗܟܢܐ ܐܡ݁ܪ ܗܘܐ ܓܒܪܐ܂ ܡܐ ܕܐ݁ܙܠ ܗܘܐ ܠܡܒܥܐ ܡܢ ܐܠܗܐ܂ ܬܘ ܢܐܙܠ ܥܕܡܐ ܠܚܙܝܐ܂ ܡܛܠ ܕܢܒܝܐ ܕܝܘܡܢܐ ܡܢ ܩܕܝܡ ܚܙܝܐ ܡܬܩܪܐ ܗܘܐ܂
09:10 ܘܐܡܪ ܫܐܘܠ ܠܛܠܝܗ܂ ܛܒ ܦܬܓܡܟ ܬܐ ܢܐܙܠ܂ ܘܐܙܠܘ ܠܩܪܝܬܐ ܕܬܡܢ ܓܒܪܐ ܕܐܠܗܐ܂
09:11 ܗܢܘܢ ܣܠܩܝܢ ܒܡܣܩܢܐ ܕܩܪܝܬܐ܂ ܘܐܫܟܚܘ ܥܠܝ̈ܡܬܐ ܕܢܦܩ̈ܢ ܠܡܡܠܐ ܡ̈ܝܐ܂ ܘܐܡܪ ܠܗܝܢ ܫܐܘܠ܂ ܐܝܬ ܗܪܟܐ ܚܙܝܐ܂
09:12 ܘܥܢ̈ܝ ܘܐܡܪ̈ܢ܂ ܐܝܬ ܗܐ ܩܕܡܝܟ܂ ܣܩܘ ܗܫܐ ܒܥܓܠ܂ ܡܛܠ ܕܝܘܡܢܐ ܐܬܐ ܠܩܪܝܬܐ܂ ܡܛܠ ܕܕܒܚܬܐ ܝܘܡܢܐ ܠܥܡܐ ܒܒܝܡ
09:13 ܘܡܐ ܕܥܠܬܘܢ ܠܩܪܝܬܐ ܗܟܢܐ ܬܫܟܚܘܢܗ܂ ܥܕܠܐ ܣ݁ܠܩ ܠܒܝܡ ܠܡܠܥܣ܂ ܡܛܠ ܕܠܐ ܠܥ݁ܣ ܥܡܐ ܥܕܡܐ ܕܐܬܐ܂ ܡܛܠ ܕܗܘ ܡܒܪܟ ܕܒܚ̈ܐ܂ ܘܒܬܪܟܢ ܐܟܠܝܢ ܐܝܠܝܢ ܕܩܪܝܢ܂ ܘܗܫܐ ܣܩܘ܂ ܡܛܠ ܕܝܘܡܢܐ/ܕܠܗ ܝܘܡܢܐ#3#/ ܡܫܟܚܝܢ ܐܢܬܘܢ ܠܗ܂
09:14 ܘܣܠܩܘ ܠܩܪܝܬܐ܂ ܗܢܘܢ ܥܐܠܝܢ ܒܡܥܠܢܐ ܕܩܪܝܬܐ܂ ܘܗܐ ܫܡܘܐܝܠ ܢܦܩ ܠܐܘܪܥܗܘܢ ܠܡܣܩ ܠܒܝܡ܂
09:15 ܘܡܪܝܐ ܐܡܪ ܠܫܡܘܐܝܠ܂ ܝܘܡܐ ܚܕ ‍<‍ܡܢ#2#‍>‍ ܩܕܡ ܕܢܐܬܐ ܫܐܘܠ ܠܡܐܡܪ܂
09:16 ܠܙܒܢܐ ܕܡܚܪ ܐܫܕܪ ܠܘܬܟ ܓܒܪܐ ܡܢ ܐܪܥܐ ܕܒܢܝܡܝܢ܂ ܡܫܘܚܝܗܝ ܠܡܕܒܪܢܐ ܥܠ ܥܡܝ ܐܝܣܪܝܠ܂ ܘܢܦܪܩܝܘܗܝ ܠܥܡܝ ܡܢ ܐܝܕܐ ܕܦܠܫ̈ܬܝܐ܂ ܡܛܠ ܕܚܙܝܬܗ ܠܥܡܝ܂ ܘܥܠܬ ܓܥܬܗܘܢ ܠܘܬܝ܂
09:17 ܘܫܡܘܐܝܠ ܚܙܝܗܝ ܠܫܐܘܠ ܕܡܪܝܐ ܓܒܝܗܝ܂ ܘܡܪܝܐ ܐܡܪ ܠܫܡܘܐܝܠ܂ ܗܐ ܓܒܪܐ ܕܐܡܪܬ ܠܟ܂ ܗܢܐ ܢܐܚܘܕ ܒܥܡܝ܂
09:18 ܘܩܪܒ ܫܐܘܠ ܠܘܬ ܫܡܘܐܝܠ ܒܓܘ ܬܪܥܐ ܘܐܡܪ܂ ܚܘܢܝ ܐܝܟܘ ܒܝܬ ܚܙܝܐ܂
09:19 ܘܥܢܐ ܫܡܘܐܝܠ ܘܐܡܪ ܠܫܐܘܠ܂ ܐܢܐ ܗܘ ܚܙܝܐ܂ ܣܩ ܩܕܡܝ ܠܒܝܡ܂ ܘܐܟܘܠ ܥܡܝ ܝܘܡܢܐ ܘܐܫܕܪܟ ܒܨܦܪܐ܂ ܘܟܠ ܕܒܠܒܟ ܐܚܘܝܟ܂
09:20 ܘܥܠ ܐ̈ܬܢܐ ܕܐܒܕ ܠܟ ܝܘܡܢܐ ܗܐ ܬܠܬܐ ܝܘܡ̈ܝܢ܂ ܠܐ ܬܣܝܡ ܠܒܟ ܥܠܝܗܝܢ ܡܛܠ ܕܐܫܬܟܚ܂ ܘܕܡ݁ܢ ܗܝ ܟܠܗ݀ ܪܓܬܐ ܕܒܝܬ ܐܝܣܪܝܠ܂ ܐܠܐ ܐܢ ܕܝܠܟ ܘܕܒܝܬ ܐܒܘܟ܂
09:21 ܘܥܢܐ ܫܐܘܠ ܘܐܡܪ ܠܫܡܘܐܝܠ܂ ܗܐ ܒܪ ܒܢܝܡܝܢ ܐܢܐ ܡܢ ܙܥܘܪܐ ܕܫ̈ܒܛܐ ܕܐܝܣܪܝܠ܂ ܘܫܪܒܬܝ ܙܥܘܪܝܐ ܗܝ ܡܢ ܟܠܗܝܢ ܫܪ̈ܒܬܐ ܕܫܒܛܐ ܕܒܢܝܡܝܢ܂ ܘܠܡܢܐ/ܘܥܠ ܡܢܐ#1##2#/ ܐܡܪܬ ܠܝ ܡܠܬܐ ܗܕܐ܂
09:22 ܘܕܒܪ ܫܡܘܐܝܠ ܠܫܐܘܠ ܘܠܛܠܝܗ܂ ܘܐܥܠ ܐܢܘܢ ܠܒܝܬܐ܂ ܘܝܗܒ ܠܗܘܢ ܕܘܟܬܐ \ܒܪܝܫ ܩܪ̈ܝܐ /ܒܪܝܫܐ ܕܡܙܡܢܐ#3#/ ܘܗܢܘܢ ܐܝܟ ܬܠܬܝܢ ܓܒܪ̈ܝܢ܂
09:23 ܘܐܡܪ ܫܡܘܐܝܠ ܠܛܒܚܐ܂ ܗܒ ܡܢܬܐ ܕܝܗܒܬ ܠܟ ܘܐܡܪܬ ܠܟ ܣܝܡ ܠܘܬܟ܂
09:24 ܘܐܪܝܡ ܛܒܚܐ ܫܩܐ ܘܥܠܝܬܐ ܘܣܡ ܩܕܡ ܫܐܘܠ܂ ܘܐܡܪ܂ ܗܐ ܕܐܫܬܚܪ ܣܝܡ ܩܕܡܝܟ ܘܐܟܘܠ܂ ܡܛܠ ܕܡܢ ܙܒܢܐ ܢܛܝܪ ‍<‍ܗܘܐ#3#‍>‍ ܠܟ܂ ܘܐܟܠ ܫܐܘܠ ܥܡ ܫܡܘܐܝܠ ܒܝܘܡܐ/ܒܙܒܢܐ#3#/ ܗ݀ܘ܂
09:25 ܘܢܚܬ ܡܢ ܒܝܡ ܠܩܪܝܬܐ܂ ܘܡܠܠ ܥܡ ܫܐܘܠ ܥܠ ܐܓܪܐ܂
09:26 ܘܩܕܡ ܗܘܐ ܟܕ ܣܠܩ ܫܦܪܐ/ܨܦܪܐ#3#/܂ ܘܩܪܐ ܫܡܘܐܝܠ ܠܫܐܘܠ ܠܐܓܪܐ ܘܐܡܪ܂ ܩܘܡ ܐܫܕܪܟ܂ ܘܩܡ ܫܐܘܠ܂ ܘܢܦܩܘ ܬܪ̈ܝܗܘܢ ܗܘ ܘܫܡܘܐܝܠ ܠܒܪ܂
09:27 ܗܢܘܢ ܢܚܬܝܢ ܒܣܘܦܗ݀ ܕܩܪܝܬܐ܂ ܘܫܡܘܐܝܠ ܐܡܪ ܠܫܐܘܠ܂ ܐܡܪ ܠܛܠܝܐ ܕܢܥܒܪ ܩܕܡܝܢ܂ ܘܐܢܬ ܩܘܡ ܐܝܟ ܕܝܘܡܢܐ/ܝܘܡܢܐ#3#/܂ ܘܐܫܡܥܟ ܦܬܓܡܗ ܕܐܠܗܐ܂

next chapter