← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62008: P 1S

Click on a word for lexical analysis
Click on a red-colored coordinate for comments and/or translations of the line

previous chapter


12:01 ܘܐܡܪ ܫܡܘܐܝܠ ܠܟܠܗ ܐܝܣܪܐܝܠ܂ ܗܐ ܫܡܥܬ ܒܩܠܟܘܢ/ܠܩܠܟܘܢ#3#/ ܟܘܠ/ܒܟܠ#3#/ܠܟܠ ‍<‍ܡܕܡ‍>‍#3#/ ܕܐܡܪܬܘܢ ܠܝ܂ ܘܐܡܠܟܬ ܥܠܝܟܘܢ ܡܠܟܐ܂
12:02 ܘܗܫܐ ܗܐ ܡܠܟܐ ܩܕܡܝܟܘܢ܂ ܘܐܢܐ ܣܐܒܬ ܘܩܫܬ ܘܒܢ̈ܝ ܗܐ ܥܡܟܘܢ܂ ܘܐܢܐ ܗܠܟܬ ܩܕܡܝܟܘܢ܂ ܡܢ ܛܠܝܘܬܝ ܘܥܕܡܐ ܠܝܘܡܢܐ܂
12:03 ܗܐ ܩܐܡ ܐܢܐ ܩܕܡܝܟܘܢ܂ ܣܗܕܘ ܒܝ ܩܕܡ ܡܪܝܐ ܘܩܕܡ ܡܫܝܚܗ܂ ܬܘܪܐ ܕܡ݁ܢ ܕܒܪܬ܂ ܘܚܡܪܐ ܕܡ݁ܢ ܕܒܪܬ/ܢܣܒܬ#3#/܂ ܐܘ ܠܡ݁ܢ ܛܠܡܬ܂ ܐܘ ܠܡ݁ܢ ܐܠܨܬ܂ ܐܘ ܡܢ ܐܝܕܐ ܕܡ݁ܢ ܢܣܒܬ ܫܘܚܕܐ ܘܐܨܕܬ ܥܝܢܝ ܒܗ܂ ܐܡܪܘ ܠܝ ܘܐܢܐ ܐܦܪܘܥܟܘܢ܂
12:04 ܐܡܪܝܢ ܠܗ܂ ܠܐ ܛܠܡܬܢ ܘܠܐ ܐܠܨܬܢ܂ ܘܠܐ ܢܣܒܬ ܡܢ ܐܢܫ ܡܢܢ ‍<‍ܫܘܚܕܐ#3#‍>‍ ܡܕܡ܂
12:05 ܐܡܪ ܠܗܘܢ܂ ܣܗ݀ܕ ܒܟܘܢ ܐܠܗܐ ܘܣ݁ܗܕ ܒܟܘܢ ܡܫܝܚܗ ܝܘܡܢܐ ܕܠܐ ܐܫܟܚܬܘܢ ܒܐ̈ܝܕܝ ܡܕܡ܂ ܘܐܡܪܝܢ ܣܗ݀ܕ܀܀܂
12:06 ܘܐܡܪ ܫܡܘܐܝܠ ܠܥܡܐ܂ ܡܪܝܐ ܗܘ ܒܠܚܘܕ ܐܠܗܐ܂ ܕܥܒܕ ܠܡܘܫܐ ܘܠܐܗܪܘܢ܂ ܘܐܣܩ ܠܐ̈ܒܗܬܢ ܡܢ ܐܪܥܐ ܕܡܨܪܝܢ܂
12:07 ܩܘܡܘ ܗܫܐ ܘܐܕܘܢܟܘܢ ܩܕܡ ܡܪܝܐ܂ ܒܟܠܗ݀ ܙܕܝܩܘܬܗ ܕܥܒܕ ܥܡܟܘܢ ܘܥܡ ܐ̈ܒܗܝܟܘܢ܂
12:08 ܟܕ ܥܠ ܝܥܩܘܒ ܠܡܨܪܝܢ܂ ܘܨܠܝܘ ܐܒ̈ܗܝܟܘܢ ܩܕܡ ܡܪܝܐ܂ ܘܫܕܪ ܡܪܝܐ ܠܡܘܫܐ ܘܠܐܗܪܘܢ܂ ܘܐܣܩ ܠܐ̈ܒܗܝܟܘܢ ܡܢ ܐܪܥܐ ܕܡܨܪܝܢ܂ ܘܐܘܬܒ ܐܢܘܢ ܒܐܬܪܐ ܗܢܐ܂
12:09 ܘܛܥܘ ܠܡܪܝܐ ܐܠܗܗܘܢ܂ ܘܐܫܠܡ ܐܢܘܢ ܒܐܝܕܐ ܕܣܝܣܪܐ ܪܒ ܚܝܠܐ ܕܚܨܘܪ܂ ܘܒܐܝܕܐ ܕܦܠܫ̈ܬܝܐ ܘܒܐܝܕܐ ܕܡܠܟܐ ܕܡܘܐܒ ܘܐܬܟܬܫܘ ܥܡܗܘܢ܂
12:10 ܘܨܠܝܘ ܩܕܡ ܡܪܝܐ ܘܐܡܪܘ܂ ܚܛܝܢ ܥܠ ܕܫܒܩܢ ܠܡܪܝܐ ܐܠܗܢ܂ ܘܦܠܚܢ ܠܒܥܠܐ ܘܠܓܢܝ̈ܬܐ܂ ܘܗܫܐ ܦܨܢ ܡܢ ܐܝܕܐ ܕܒܥ̈ܠܕܒܒܝܢ ܘܢܦܠܚܟ܂
12:11 ܘܫܕܪ ܡܪܝܐ ܠܕܒܘܪܐ ܘܠܒܪܩ ܘܠܓܕܥܘܢ ܘܠܢܦܬܚ ܘܠܫܡܫܘܢ܂ ܘܦܨܝܟܘܢ ܡܢ ܐܝܕܐ ܕܒ̈ܥܠܕܒܒܝܟܘܢ ܕܡܢ ܚܕܪ̈ܝܟܘܢ܂ ܘܝܬܒܬܘܢ ܒܫܠܝܐ܂
12:12 ܘܚܙܝܬܘܢ ܠܢܚܫ ܡܠܟܐ ܕܒܢܝ ܥܡܘܢ ܕܐܬܐ ܥܠܝܟܘܢ܂ ܘܐܡܪܬܘܢ ܠܐ ܗܟܢܐ܂ ܐܠܐ ܡܠܟܐ ܢܡܠܟ ܥܠܝܢ܂ ܘܡܪܝܐ ܐܠܗܟܘܢ ܡܠܟܟܘܢ܂
12:13 ܘܗܫܐ ܗܐ ܡܠܟܐ ܕܓܒܝܬܘܢ ܘܫܐܠܬܘܢ܂ ܗܐ ܝܗܒ ܠܟܘܢ ܡܪܝܐ ܡܠܟܐ܂
12:14 ܘܐܢ ܬܕܚܠܘܢ ܡܢ ܡܪܝܐ ܘܬܦܠܚܘܢܗ ܘܬܫܡܥܘܢ ܒܩܠܗ ܘܠܐ ܬܡܪܡܪܘܢܗ܂ ܬܗܘܘܢ ܐܦ ܐܢܬܘܢ ܐܦ/ܐܝܟ#3#/ ܡܠܟܐ ܕܐܡܠܟ ܥܠܝܟܘܢ ܒܬܪ ܡܪܝܐ ܐܠܗܟܘܢ܂
12:15 ܘܐܠܐ ܬܫܡܥܘܢ ܒܩܠܗ ܕܡܪܝܐ ܐܠܗܟܘܢ ܘܬܡܪܡܪܘܢܗ܂ ܬܗܘܐ ܐܝܕܗ ܕܡܪܝܐ ܒܟܘܢ/ܥܡܟܘܢ#3#/ ܐܝܟ ܕܗܘܬ ܒܐ̈ܒܗܝܟܘܢ/ܥܡ ܐܒ̈ܗܝܟܘܢ#3#/܂
12:16 ܘܗܫܐ ܐܬܛܝܒܘ ܘܚܙܘ ܦܬܓܡܐ ܗܢܐ ܪܒܐ ܕܥܒ݁ܕ ܡܪܝܐ ܥܠܝܟܘܢ/ܥܡܟܘܢ#3#/܂
12:17 ܗܐ ܚܨܕܐ ܗܘ ܕܚ̈ܛܐ ܝܘܡܢܐ܂ ܐܩܪܐ ܠܡܪܝܐ ܘܢܬܠ ܩܠܐ ܘܡܛܪܐ܂ ܘܕܥܘ ܘܚܙܘ ܕܒܝܫܬܟܘܢ ܪܒܐ ܗܝ ܕܫܐܠܬܘܢ ܠܟܘܢ ܡܠܟܐ܂
12:18 ܗܝܕܝܢ ܩܪܐ ܫܡܘܐܝܠ ܠܡܪܝܐ܂ ܘܝܗܒ ܡܪܝܐ ܩܠܐ ܘܡܛܪܐ ܒܐܬܪܐ ܗ݀ܘ܂ ܘܕܚܠܘ ܟܘܠܗ ܥܡܐ ܛܒ ܡܢ ܡܪܝܐ ܘܡܢ ܫܡܘܐܝܠ܂
12:19 ܘܐܡܪܘ ܟܘܠܗ ܥܡܐ ܠܫܡܘܐܝܠ܂ ܨܠܐ ܥܠ ܥܒ̈ܕܝܟ ܩܕܡ ܡܪܝܐ ܐܠܗܟ ܘܠܐ ܢܡܘܬ܂ ܡܛܠ ܕܐܘܣܦܢ ܥܠ ܟܠܗܘܢ ܚ̈ܛܗܝܢ ܒܝܫܬܐ ‍<‍ܗܕܐ#3#‍>‍ ܪܒܬܐ ܕܫܐܠܢ ܠܢ ܡܠܟܐ܂
12:20 ܘܐܡܪ ܫܡܘܐܝܠ ܠܥܡܐ܂ ܠܐ ܬܕܚܠܘܢ܂ ܐܢܬܘܢ ܥܒܕܬܘܢ ܗܕܐ ܟܠܗ݀ ܒܝܫܬܐ܂ ܒܪܡ ܠܐ ܬܣܛܘܢ ܡܢ ܒܬܪܗ ܕܡܪܝܐ܂ ܐܠܐ ܦܘܠܚܘܗܝ ܠܡܪܝܐ ܒܟܠܗ/ܡܢ ܟܠܗ#3#/ ܠܒܟܘܢ܂
12:21 ܘܠܐ ܬܣܛܘܢ ܒܬܪ ܣܪ̈ܝܩܬܐ܂ ܕܠܐ ܬܡܘܬܘܢ܂ ܘܠܐ ܡ̈ܦܨܝܢ ܠܟܘܢ ܡܛܘܠ ܕܣܪ̈ܝܩܬܐ ܐ̈ܢܝܢ܂
12:22 ܡܛܠ ܕܠܐ ܫܒ݁ܩ ܡܪܝܐ ܠܥܡܗ܂ ܡܛܘܠ ܫܡܗ ܪܒܐ܂ ܡܛܠ ܕܐܬܛܦܝܣ ܠܡܥܒܕܟܘܢ ܠܗ ܥܡܐ܂
12:23 ܘܐܢܐ ܚܣ ܠܝ ܕܐܚܛܐ ܠܡܪܝܐ ܘܠܐ ܐܨܠܐ ܥܠܝܟܘܢ܂ ܘܐܠܦܟܘܢ ܐܘܪܚܐ ܛܒܬܐ ܘܬܪܝܨܬܐ܂
12:24 ܐܠܐ ܕܚܠܘ ܠܡܪܝܐ ܘܦܘܠܚܘܗܝ ܒܩܘܫܬܐ܂ ܒܟܠܗ ܠܒܟܘܢ ܘܒܟܠܗ݀ ܢܦܫܟܘܢ܂ ܘܚܙܘ ܕܡܘܪܒ ܥܡܟܘܢ܂
12:25 ܘܐܢ ܡܒܐܫܘ ܬܒܫܘܢ܂ ܐܦ ܐܢܬܘܢ ܐܦ ܡܠܟܟܘܢ ܬܡܘܬܘܢ܀

next chapter