← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62008: P 1S

Click on a word for lexical analysis
Click on a red-colored coordinate for comments and/or translations of the line

previous chapter


15:01 ܘܐܡܪ ܫܡܘܐܝܠ ܠܫܐܘܠ܂ ܠܝ ܫܕܪ ܡܪܝܐ ܠܡܡܫܚܟ܂ ܕܬܡܠܟ ܥܠ ܐܝܣܪܝܠ ܥܡܗ܂ ܗܫܐ ܫܡܥ ܠܩܠ ܦܬܓܡ̈ܘܗܝ ܕܡܪܝܐ܂
15:02 ܗܟܢܐ ܐܡܪ ܡܪܝܐ "ܨܒܐܘܬ"܂ ܕܟܝܪ ܐܢܐ ‍<‍ܟܠ#3#‍>‍ ܡܕܡ ܕܥܒܕ ܥܡܠܝܩ ܠܐܝܣܪܝܠ ܒܐܘܪܚܐ܂ ܟܕ ܣܠܩܝܢ ܗܘܘ ܡܢ ܡܨܪܝܢ܂
15:03 ܗܫܐ ܙܠ ܚܪܘܒ \ܠܚܛܝܐ ܥܡܠܝܩ /ܠܥܡܠܝܩ#3#/܂ ܘܐܘܒܕ ܠܟܠ ܕܐܝܬ ܠܗܘܢ܂ ܘܠܐ ܬܚܘܣ ܥܠܝܗܘܢ܂ ܘܩ݁ܛܠ/ܘܩܛܘܠ#3#/ ܡܢ ܓܒܪ̈ܐ ܘܥܕܡܐ ܠܢܫ̈ܐ܂ ܘܡܢ ܥ̈ܠܝܡܐ ܘܥܕܡܐ ܠܝ̈ܠܘܕܐ܂ ܘܡܢ ܬܘܪ̈ܐ/ܓܡ̈ܠܐ#3#/ ܘܥܕܡܐ ܠܐܡܪ̈ܐ/ܠܚܡܪ̈ܐ#3#/܂ ܘܡܢ ܓܡ̈ܠܐ/ܬܘܪ̈ܐ#3#/ ܘܥܕܡܐ ܠܚܡܪ̈ܐ/ܠܐܡܪ̈ܐ#3#/܂
15:04 ܘܐܫܡܥ ܫܐܘܠ ܠܟܠܗ ܥܡܐ ܠܩܪܒܐ܂ ܘܡܢܐ ܐܢܘܢ ܒ̈ܛܠܝܐ܂ ܡܐ̈ܬܝܢ ܐ̈ܠܦܝܢ ܪ̈ܓܠܝܐ܂ ܘܥܣܪܐ ܐ̈ܠܦܝܢ ܥܡ/ܡܢ#3#/ ܓܒܪ̈ܐ ܕܝܗܘܕܐ܂
15:05 ܘܐܬܐ ܫܐܘܠ ܥܕܡܐ ܠܩܪܝܬܐ ܕܥܡܠܝܩ ܘܕܢ ܒܢܚܠܐ܂
15:06 ܘܐܡܪ ܫܐܘܠ ܠܩܝܢ̈ܝܐ܂ ܣܛܘ ܘܙܠܘ ܘܚܘܬܘ ܡܢ ܓܘ ܥܡ̈ܠܩܝܐ ܕܠܐ ܐܘܒܕܟܘܢ ܥܡܗܘܢ܂ ܘܐܢܬܘܢ ܥܒܕܬܘܢ ܛܝܒܘܬܐ ܥܡ ܟܠܗܘܢ ܕܒܝܬ ܐܝܣܪܝܠ܂ ܟܕ ܣܠܩܝܢ ܗܘܘ ܡܢ ܡܨܪܝܢ܂ ܘܣܛܘ ܩܝܢ̈ܝܐ ܡܢ ܓܘ ܥܡܠܩ̈ܝܐ/ܥܡܠܝܩ#3#/܂
15:07 ܘܡܚܐ ܫܐܘܠ ܠܥܡܠܝܩ܂ ܡܢ ܚܘܝܠܐ ܕܒܡܥܠܢܐ ܕܫܘܕ/ܕܓܫܘܪ#3#/ ܕܩܕܡ ܡܨܪܝܢ܂
15:08 ܘܐܚܕ ܠܐܓܓ ܡܠܟܐ ܕܥܡܠܝܩ ܟܕ ܚܝ܂ ܘܠܟܠܗ ܥܡܐ ܐܘܒܕ ܒܦܘܡܐ ܕܚܪܒܐ܂
15:09 ܘܚܣ ܫܐܘܠ ܘܥܡܐ ܥܠ ܐܓܓ ܡܠܟܐ܂ ܘܥܠ ܫܘܦܪܐ ܕܥܢܐ ܘܕܬܘܪ̈ܐ ܘܕܫܡ̈ܝܢܐ ܘܕܡ̈ܦܛܡܐ܂ ܘܥܠ ܟܠܗ݀ ܛܒܬܐ܂ ܘܠܐ ܨܒܘ ܕܢܚܪܒܘܢ ܐܢܘܢ܂ ܘܟܠܗ݀ ܥܒܝܕܬܐ ܕܫܝܛܐ ܘܡܣܠܝܐ ܒܥܝܢ̈ܝܗܘܢ ܠܗ݀ ܐܘܒܕܘ܀
15:10 ܘܗܘܐ ܦܬܓܡܗ ܕܡܪܝܐ ܥܠ ܫܡܘܐܝܠ ܠܡܐܡܪ܂
15:11 ܐܬܬܘܝܬ ܕܐܡܠܟܬ ܠܫܐܘܠ ܡܠܟܐ܂ ܕܗܦܟ ܡܢ ܒܬܪܝ ܘܡ̈ܠܝ ܠܐ ܐܩܝܡ܂ ܘܐܬܒܐܫ ܠܫܡܘܐܝܠ܂ ܘܨܠܝ ܩܕܡ ܡܪܝܐ ܟܠܗ ܠܠܝܐ܂
15:12 ܘܩܕܡ ܫܡܘܐܝܠ ܒܨܦܪܐ ܠܐܘܪܥܗ ܕܫܐܘܠ܂ ܘܐܬܚܘܝ ܠܫܡܘܐܝܠ ܕܐܬܐ ܫܐܘܠ ܠܟܪܡܠܐ܂ ܘܗܐ ܡܬܩܢ ܠܗ ܐܬܪܐ܂ ܘܐܬܦܢܝ ܘܥܒܪ ܘܢܚܬ ܠܓܠܓܠܐ܂
15:13 ܘܐܬܐ ܫܡܘܐܝܠ܂ ܠܘܬ ܫܐܘܠ܂ ܘܐܡܪ ܠܗ ܫܐܘܠ ܒܪܝܟ ܗܘ ܡܪܝܐ ܕܐܩܝܡ ܦܬܓܡܗ܂
15:14 ܘܐܡܪ ܫܡܘܐܝܠ ܠܫܐܘܠ܂ ܡܢܘ ܩܠܐ ܗܢܐ ܕܥܢܐ ܒܐ̈ܕܢܝ܂ ܘܩܠܐ ܕܬܘܪ̈ܐ ܫܡܥ/ܕܫܡܥ#3#/ ܐܢܐ܂
15:15 ܘܐܡܪ ܫܐܘܠ܂ ܡܢ ܥܡܠܝܩ ܐܝܬܝܘ ܐܢܘܢ܂ ‍<‍ܡܛܠ#1##2#‍>‍ ܕܚܣ ܥܡܐ ܥܠ ܫܘܦܪܐ ܕܥܢܐ ܘܕܬܘܪ̈ܐ܂ ܘܐܝܬܝܘ ‍<‍ܐܢܘܢ#3#‍>‍ ܕܢܕܒܚܘܢ ܠܡܪܝܐ ܐܠܗܟ܂ ܘܫܪܟܐ ܚܪܒܢ܂
15:16 ܘܐܡܪ ܫܡܘܐܝܠ ܠܫܐܘܠ܂ ܫܬܘܩ ܐܚܘܝܟ ܡܕܡ ܕܐܡܪ ܠܝ ܡܪܝܐ ܒܠܠܝܐ܂ ܘܐܡܪ ܠܗ ܫܐܘܠ܂ ܐܡܪ܂
15:17 ܘܐܡܪ ܫܡܘܐܝܠ ܠܫܐܘܠ܂ ܗܐ ܐܢ ܙܥܘܪܐ ܐܢܬ ܒܥܝܢ̈ܝܟ܂ ܪܝܫ ܫܒ̈ܛܐ ܐܢܬ ܕܐܝܣܪܝܠ܂ ܘܡܫܚܟ ܡܪܝܐ ܕܬܡܠܟ ܥܠ ܐܝܣܪܝܠ܂
15:18 ܘܫܕܪܟ ܡܪܝܐ ܒܐܘܪܚܐ ܘܐܡܪ܂ ܙܠ ܚܪܘܒ ܠܚܛܝܐ ܥܡܠܝܩ ܘܐܬܟܬܫ ܥܡܗܘܢ ܥܕܡܐ ܕܬܓܡܪ ܐܢܘܢ܂
15:19 ܐܝܟܘ ܠܐ ܫܡܥܬ ܒܩܠܗ ܕܡܪܝܐ܂ ܐܠܐ ܐܬܦܢܝܬ ܥܠ ܒܙܬܐ܂ ܘܥܒܕܬ ܕܒܝܫ ܩܕܡ ܡܪܝܐ܂
15:20 ܘܐܡܪ ܫܐܘܠ ܠܫܡܘܐܝܠ܂ ܫܡܥܬ ܒܩܠܗ ܕܡܪܝܐ܂ ܘܐܙܠܬ ܒܐܘܪܚܐ ܕܫܕܪܢܝ܂ ܘܐܝܬܝܬ ܠܐܓܓ ܡܠܟܐ ܕܥܡܠܝܩ܂ ܘܠܥܡ̈ܠܩܝܐ ܐܘܒܕܬ܂
15:21 ܘܕܒܪ ܥܡܐ ܡܢ ܒܙܬܐ ܥܢܐ ܘܬܘܪ̈ܐ ܪܫܝܬܐ ܚܪܡܐ܂ ܕܢܕܒܚܘܢ ܠܡܪܝܐ ܐܠܗܟ ܒܓܠܓܠܐ܂
15:22 ܘܐܡܪ ܫܡܘܐܝܠ ܠܐ ܨܒܐ ܡܪܝܐ ܒ̈ܥܠܘܬܐ ܘܒܕܒ̈ܚܐ ܐܝܟ ܡܢ ܕܫܡܥ ܒܩܠܗ܂ ܗܐ ܫܡܥܐ ܡܢ ܕܒܚ̈ܐ ܛܒ܂ ܘܠܡܨܬ ܡܢ ܬܪܒܐ ܕܕܟܪ̈ܐ܂
15:23 ܡܛܘܠ ܕܚܛܝܬܗ ܕܩܨܡܐ ܡܡܪܡܪܢܘܬܐ܂ ܘܩܨܡܐ ܥܘܠܐ ܡܥܫܢܐ܂ ܥܠ ܕܐܣܠܝܬ ܡܠܬܗ ܕܡܪܝܐ܂ ܢܣܠܝܟ ܡܢ ܡܠܟܘܬܐ܂
15:24 ܘܐܡܪ ܫܐܘܠ ܠܫܡܘܐܝܠ܂ ܚܛܝܬ ܥܠ ܕܥܒܪܬ ܥܠ ܡܠܬ ܦܘܡܗ ܕܡܪܝܐ ܘܥܠ ܡ̈ܠܝܟ܂ ܡܛܠ ܕܕܚܠܬ ܡܢ ܥܡܐ ܘܫܡܥܬ ܒܩܠܗܘܢ܂
15:25 ܗܫܐ ܫܒܘܩ ܠܚܛܝܬܝ܂ ܘܗܦܘܟ ܥܡܝ ܐܣܓܘܕ ܠܡܪܝܐ܂
15:26 ܘܐܡܪ ܫܡܘܐܝܠ ܠܫܐܘܠ܂ ܠܐ ܐܗܦܘܟ ܥܡܟ܂ ܥܠ ܕܐܣܠܝܬ ܡܠܬܗ ܕܡܪܝܐ܂ ܐܣܠܝܟ ܡܪܝܐ ܕܠܐ ܬܗܘܐ ܡܠܟܐ ܥܠ ܐܝܣܪܝܠ܂
15:27 ܘܐܬܦܢܝ ܫܡܘܐܝܠ ܠܡܐܙܠ܂ ܘܐܚܕ ܫܐܘܠ ܒܟܢܦܐ ܕܦܪܝܣܗ ܘܨܪܝܗܝ܂
15:28 ܘܐܡܪ ܠܗ ܫܡܘܐܝܠ܂ ܨܪܗ݀ ܡܪܝܐ ܡܠܟܘܬܐ ܕܐܝܣܪܝܠ ܡܢܟ ܝܘܡܢܐ܂ ܘܝܗܒܗ݀ ܠܚܒܪܟ/ܠܥܒܕܟ#3#/ ܕܛܒ ܡܢܟ܂
15:29 ܘܐܦ ܢܨܝܚܗ ܕܐܝܣܪܝܠ ܠܐ ܡܕܓܠ ܘܐܦ ܠܐ ܡܬܡܠܟ܂ ܡܛܠ ܕܠܐ ܗܘܐ ܒܪ ܐܢܫܐ ܕܢܬܡܠܟ܂
15:30 ܘܐܡܪ ܫܐܘܠ܂ ܚܛܝܬ܂ ܗܫܐ ܝܩܪܝܢܝ/‍{‍ܢܩܪܝܢܝ#2#‍}‍/ ܩܕܡ ܣ̈ܒܐ ܕܥܡܝ ܘܩܕܡ ܐܝܣܪܝܠ܂ ܘܗܦܘܟ ܥܡܝ ܐܣܓܘܕ ܠܡܪܝܐ ܐܠܗܟ܂
15:31 ܘܗܦܟ ܫܡܘܐܝܠ ܒܬܪ ܫܐܘܠ܂ ܘܣܓܕ ܫܐܘܠ ܠܡܪܝܐ܀܂
15:32 ܘܐܡܪ ܫܡܘܐܝܠ܂ ܩܪܒܝܗܝ ܠܝ ܠܐܓܓ ܡܠܟܐ ܕܥܡܠܝܩ܂ ܘܐܡܪ ܐܓܓ܂ ܫܪܝܪܐܝܬ ܡܪܝܪ ܡܘܬܐ܂
15:33 ܘܐܡܪ ܫܡܘܐܝܠ܂ ܐܝܟܢܐ ܕܓܙܝܬ ܢܫ̈ܐ ܚܪܒܟ܂ ܗܟܢܐ ܬܓܙܐ ܐܡܟ ܡܢ ܢܫ̈ܐ܂ ܘܦܫܚ ܫܡܘܐܝܠ ܠܐܓܓ ܡܠܟܐ ܩܕܡ ܡܪܝܐ ܒܓܠܓܠܐ܂
15:34 ܘܐܙܠ ܫܡܘܐܝܠ ܠܪܡܬܐ܂ ܘܫܐܘܠ ܣܠܩ ܠܒܝܬܗ ܠܪܡܬܐ ܕܫܐܘܠ܂
15:35 ܘܠܐ ܐܘܣܦ ܬܘܒ ܫܡܘܐܝܠ ܠܡܚܙܝܗ ܠܫܐܘܠ ܥܕܡܐ ܠܝܘܡܐ ܕܡܝܬ܂ ܡܛܠ ܕܐܬܐܒܠ ܫܡܘܐܝܠ ܥܠ ܫܐܘܠ܂ ܘܡܪܝܐ ܐܬܬܘܝ ܥܠ ܕܐܡܠܟ ܠܫܐܘܠ ܥܠ ܐܝܣܪܝܠ܀܂

next chapter