← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62008: P 1S

Click on a word for lexical analysis
Click on a red-colored coordinate for comments and/or translations of the line

previous chapter


17:01 ܘܟܢܫܘ ܦܠܫ̈ܬܝܐ ܡܫܪ̈ܝܬܗܘܢ ܠܩܪܒܐ܂ ܘܐܬܟܬܫܘ/ܘܐܬܟܢܫܘ#1##2#/ ܒܣܘܦܐ ܕܝܗܘܕܐ܂ ܘܫܪܘ ܒܝܬ ܣܘܦܐ ܠܒܝܬ ܥܪܩܐ ܒܐܦܪܣܡܝܢ܂
17:02 ܘܫܐܘܠ ܘܓܒܪ̈ܐ ܕܐܝܣܪܝܠ܂ ܐܬܟܢܫܘ ܘܫܪܘ ܒܥܘܡܩܐ ܕܒܛܡܬܐ܂ ܘܣܕܪܘ ܩܪܒܐ ܠܘܩܒܠ ܦܠܫ̈ܬܝܐ܂
17:03 ܘܦܠܫ̈ܬܝܐ ܩܝܡܝܢ ܥܠ ܛܘܪܐ ܡܟܐ܂ ܘܐܝܣܪܝܠ ܩܝܡܝܢ ܥܠ ܛܘܪܐ ܡܟܐ܂ ܘܢܚܠܐ ܒܝܢܬܗܘܢ܀܂
17:04 ܘܢܦܩ ܓܒܪܐ ܓܢܒܪܐ ܡܢ ܡܫܪܝܬܐ ܕܦܠܫ̈ܬܝܐ܂ ܓܘܠܝܕ ܫܡܗ ܡܢ ܓܬ܂ ܪܘܡܗ ܫܬ ܐ̈ܡܝܢ ܘܙܪܬ܂
17:05 ܘܣܢܘܪܬܐ ܕܢܚܫܐ ܒܪܝܫܗ܂ ܘܫܪܝܢܐ ܕܛܣܐ ܠܒܝܫ܂ ܘܡܬܩܠܐ ܕܫܪܝܢܗ܂ ܚܡܫܐ ܐ̈ܠܦܝܢ ܡܬܩ̈ܠܝܢ ܕܢܚܫܐ܂
17:06 ܘܒܪ̈ܙܢܩܐ ܕܢܚܫܐ ܒܪ̈ܓܠܘܗܝ܂ ܘܛܪܦܢܣܐ ܕܢܚܫܐ ܒܝܬ ܟܬ̈ܦܬܗ܂
17:07 ܘܩܝܣܐ ܕܢܝܙܟܗ ܐܝܟ ܢܘܠܐ ܕܓܪ̈ܕܝܝܐ܂ ܘܫܢܢܐ ܕܢܝܙܟܗ ܡܢ ܫܬܡܐܐ ܡܬܩ̈ܠܝܢ ܕܦܪܙܠܐ܂ ܘܫܩ݁ܠ ܣܟܪܐ ܐ݁ܙܠ ܩܕܡܘܗܝ܂
17:08 ܘܩܡ ܘܩܪܐ ܠܣܕܪ̈ܐ ܕܐܝܣܪܝܠ ܘܐܡܪ ܠܗܘܢ܂ ܠܡܢܐ ܢܦܩܝܢ ܐܢܬܘܢ ܠܡܣܕܪ ܩܪܒܐ܂ ܗܐ ܐܢܐ ܦܠܫܬܝܐ܂ ܘܐܢܬܘܢ ܥܒ̈ܕܘܗܝ ܕܫܐܘܠ܂ ܓܒܘ ܠܟܘܢ ܓܒܪܐ ܕܢܦܘܩ ܥܠܝ܂
17:09 ܐܢ ܐܫܟܚ ܠܡܬܟܬܫܘ ܥܡܝ ܘܢܩܛܠܢܝ܂ ܢܗܘܐ ܠܟܘܢ ܥܒ̈ܕܐ܂ ܘܐܢ ܐܢܐ ܐܙܟܝܘܗܝ ܘܐܩܛܠܝܘܗܝ ܬܗܘܘܢ ܠܢ ܥܒ̈ܕܐ ܘܬܦܠܚܘܢܢ܂
17:10 ܘܐܡܪ ܦܠܫܬܝܐ܂ ܐܢܐ ܚܣܕܬ ܠܣܕܪ̈ܘܗܝ ܕܐܝܣܪܝܠ ܝܘܡܢܐ܂ ܗܒܘ ܠܝ ܓܒܪܐ ܢܬܟܬܫ ܐܝܟ ܚܕܐ܂
17:11 ܘܫܡܥ ܫܐܘܠ ܘܟܠܗ ܐܝܣܪܝܠ ܡ̈ܠܘܗܝ ܕܦܠܫܬܝܐ܂ ܘܙܥܘ ܘܕܚܠܘ ܛܒ܀
17:12 ܘܕܘܝܕ ܒܪ ܓܒܪܐ ܗܘܐ ܐܦܪܬܝܐ ܡܢ ܒܝܬ ܠܚܡ ܕܝܗܘܕܐ܂ ܘܫܡܗ ܐܝܫܝ܂ ܘܠܗ ܬܡܢܝܐ ܒܢܝ̈ܢ ܘܓܒܪܐ ܒܝ̈ܘܡܘܗܝ ܕܫܐܘܠ ܣܐܒ ܘܥܠ ܒܫ̈ܢܝܐ܂
17:13 ܘܐܙܠܘ ܬܠܬܐ ܒܢ̈ܘܗܝ ܕܐܝܫܝ ܪ̈ܘܪܒܐ ܒܬܪ ܫܐܘܠ ܠܩܪܒܐ܂ ܘܫܡ̈ܗܝܗܘܢ ܐܠܝܒ ܒܘܟܪܗ܂ ܘܬܢܝܢܗ ܐܒܝܢܕܒ܂ ܘܬܠܝܬܝܐ ܫܡܐ܂
17:14 ܘܕܘܝܕ ܗܘܐ ܙܥܘܪܐ܂
17:15 ܘܗܘ ܕܘܝܕ ܗܦܟ ܗܘܐ ܡܢ ܠܘܬ ܫܐܘܠ ܘܐܙܠ ܠܡܪܥܐ ܥܢܐ ܕܐܒܘܗܝ ܒܝܬ ܠܚܡ܂
17:16 ܘܩܪܒ ܦܠܫܬܝܐ ܡܩܕܡ ܘܡܚܫܟ܂ ܘܩܡ ܐܪ̈ܒܥܝܢ ܝܘܡ̈ܝܢ܀܂
17:17 ܘܐܡܪ ܐܝܫܝ ܠܕܘܝܕ ܒܪܗ܂ ܐܘܒܠ ܠܐ̈ܚܝܟ ܣܐܐ ܩܠܝܬ̈ܐ ܘܥܣܪ̈ ܕܠܚܡܐ܂ ܘܐܪܗܛ ܠܡܫܪܝܬܐ ܠܐ̈ܚܝܟ܂
17:18 ܘܥܣܪ̈ ܓܘܒ̈ܢܐ ܗܠܝܢ ܕܚܠܒܐ ܐܘܒܠ ܠܪܒ ܐܠܦܐ܂ ܘܐ̈ܚܝܟ ܦܩܘܕ ܒܫܠܡܐ܂ ܘܣܒܪܬܗܘܢ ܐܝܬܐ ܠܝ܂
17:19 ܘܫܐܘܠ ܘܟܠܗܘܢ ܓܒܪ̈ܐ ܕܐܝܣܪܝܠ \ܒܥܘܡܩܐ ܕܒܛܡܬܐ /ܬܚܝܬ ܒܛܡܬܐ#3#/ ܡܬܟܬܫܝܢ ܥܡ ܦܠܫܬ̈ܝܐ܂
17:20 ܘܩܕܡ ܕܘܝܕ ܒܨܦܪܐ܂ ܘܫܒܩ ܥܢܐ ܥܠ ܢܛܘܪ̈ܐ܂ ܘܫܩܠ ܘܐܙܠ ܐܝܟ ܕܦܩܕܗ ܐܝܫܝ܂ ‍<‍ܘܐܙܠ#3#‍>‍ ܘܐܬܐ ܠܡܫܪܝܬܐ ܠܢܚܠܐ ܕܢܦ݁ܩ ܠܣܕܪܐ܂ ܘܝܒܒܘ ܠܩܪܒܐ܂
17:21 ܘܐܣܬܕܪܘ ܐܝܣܪܝܠ ܘܦܠܫ̈ܬܝܐ ܣܕܪܐ ܠܘܩܒܠ ܣܕܪܐ܂
17:22 ܘܐܢܝܚ/ܘܐܛܪ#3#/ ܕܘܝܕ ܡܐ̈ܢܐ܂ ܡܢܗ ܥܠ ܓܢܒ ܡܐ̈ܢܐ ܘܪܗܛ ܠܣܕܪܐ܂ ܘܫܐܠ ܒܫܠܡܐ ܕܐ̈ܚܘܗܝ܂
17:23 ܘܥܕ ܗܘ ܡܡܠܠ ܥܡܗܘܢ܂ ܗܐ ܓܒܪܐ ܓܢܒܪܐ ܣ݁ܠܩ܂ ܓܘܠܝܕ ܦܠܫܬܝܐ ܫܡܗ ܡܢ ܓܬ܂ ܡܢ ܣܕܪܐ ܕܦܠܫ̈ܬܝܐ܂ ܘܐܡܪ ܡ̈ܠܐ ܗܠܝܢ܂ ܘܫܡܥ ܕܘܝܕ܂
17:24 ܘܟܠܗܘܢ ܓܒܪ̈ܐ ܕܐܝܣܪܝܠ ܟܕ܂ ܚܙܐܘܗܝ ܠܓܢܒܪܐ܂ ܕܚܠܘ ܘܥܪܩܘ ܡܢ ܩܕܡܘܗܝ܂
17:25 ܘܐܡܪܘ ܓܒܪ̈ܐ ܕܐܝܣܪܝܠ܂ ܚܙܝܬܘܢ ܓܒܪܐ ܗܢܐ܂ ܕܠܡܚܣܕܘܬܗ ܠܐܝܣܪܝܠ ܣܠܩ܂ ܓܒܪܐ/ܠܓܒܪܐ#3#/ ܕܢܩܛܠܝܘܗܝ܂ ܢܥܬܪܝܘܗܝ ܡܠܟܐ ܥܘܬܪܐ ܪܒܐ܂ ܘܒܪܬܗ ܢܬܠ ܠܗ܂ ܘܠܒܝܬ ܐܒܘܗܝ ܢܥܒܕ ܡܚܪ̈ܪܐ ܒܐܝܣܪܝܠ܂
17:26 ܘܐܡܪ ܕܘܝܕ ܠܓܒܪ̈ܐ ܕܩܝܡܝܢ ܠܘܬܗ܂ ܡܢܐ ܢܬܥܒܕ ܠܓܒܪܐ ܕܢܩܛܠܝܘܗܝ ܠܦܠܫܬܝܐ ܗܢܐ ܥܘܪܠܐ܂ ܘܢܥܒܪ ܚܣܕܐ ܡܢ ܐܝܣܪܝܠ܂ ܡܛܠ ܕܡܢܘ ܦܠܫܬܝܐ ܗܢܐ ܥܘܪܠܐ ܕܡܚܣܕ ܠܣܕܪ̈ܘܗܝ ܕܐܠܗܐ ܚܝܐ܂
17:27 ܘܐܡܪܘ ܠܗ ܥܡܐ ܐܝܟ ܡܠܬܐ ܗܕܐ܂ ܕܗܟܢܐ ܢܬܥܒܕ ܠܓܒܪܐ ܕܢܩܛܠܝܘܗܝ܂
17:28 ܘܫܡܥ ܐܠܝܒ ܐܚܘܗܝ ܩܫܝܫܐ ܟܕ ܐܡܪ ‍<‍ܠܗܘܢ#3#‍>‍ ܠܓܒܪ̈ܐ܂ ܘܐܬܚܡܬ ܪܘܓܙܗ ܕܐܠܝܒ ܥܠ ܕܘܝܕ ܘܐܡܪ ܠܗ܂ ܡܢܐ/ܠܡܢܐ#3#/ ܢܚܬܬ܂ ܘܥܠ ܡ݁ܢ ܫܒܩܬ ܥܢܐ ܗܠܝܢ ܩܠܝܠ ܕܒܡܕܒܪܐ܂ ܐܢܐ ܝܕܥ ܐܢܐ ܡܪܚܘܬܟ ܘܒܝܫܘܬ/ܘܩܫܝܘܬ#3#/ ܠܒܟ܂ ܕܠܡܚܙܐ ܗܘ ܩܪܒܐ ܢܚܬܬ܂
17:29 ܘܐܡܪ ܕܘܝܕ ܡܢܐ ܥܒܕܬ ܗܫܐ ܗܐ ܡܠܬܐ ܗܝ܂
17:30 ܘܐܬܦܢܝ ܡܢ ܠܘܬܗ ܠܓܒܐ ܐܚܪܢܐ ܘܐܡܪ ܐܝܟ ܡܠܬܐ ܗܕܐ܂ ܘܐܬܝܒܘܗܝ ܥܡܐ ܦܬܓܡܐ ܐܝܟ ܦܬܓܡܐ ܩܕܡܝܐ܀
17:31 ܘܐܫܬܡܥ ܡ̈ܠܐ ‍<‍ܗܠܝܢ#3#‍>‍ ܕܡܠܠ ܕܘܝܕ ܩܕܡ ܫܐܘܠ ܘܕܒܪܗ܂
17:32 ܘܐܡܪ ܕܘܝܕ ܠܫܐܘܠ܂ ܠܐ ܢܦܠ ܠܒܗ ܕܐܕܡ ܥܠܘܗܝ܂ ܥܒܕܟ ܐ݁ܙܠ ܘܡܬܟܬܫ ܥܡ ܦܠܫܬܝܐ ܗܢܐ܂
17:33 ܘܐܡܪ ܫܐܘܠ ܠܕܘܝܕ ܠܐ ܡܫܟܚ ܐܢܬ ܠܡܐܙܠ ܥܠ ܦܠܫܬܝܐ ܗܢܐ ܠܡܬܟܬܫܘ ܥܡܗ܂ ܡܛܠ ܕܛܠܝܐ ܐܢܬ܂ ܘܗܘ ܓܒܪܐ ܗܘ ܩܪܒܬܢܐ܂ ܡܢ ܛܠܝܘܬܗ܂
17:34 ܘܐܡܪ ܕܘܝܕ ܠܫܐܘܠ܂ ܪܥܐ ܗܘܐ ܥܒܕܟ ܠܐܒܝ ܥܢܐ܂ ܘܐܬܐ ܐܪܝܐ ܘܕܐܒܐ܂ ܘܫܩܠ ܐܡܪܐ ܡܢ ܓܙܪܐ܂
17:35 ܘܢܦܩܬ ܒܬܪܗ܂ ܘܡܚܝܬܗ ܘܐܥܕܝܬܗ ܡܢ ܦܘܡܗ܂ ܘܐܬܡܪܡܪ ܥܠܝ܂ ܘܐܚܕܬܗ ܒܕܩܢܗ ܘܡܚܝܬܗ ܘܩܠܝܬܗ܂
17:36 ܘܐܦ ܐܪܝܐ ܘܐܦ ܕܐܒܐ ܩܛܠ ܥܒܕܟ܂ ܢܗܘܐ ܦܠܫܬܝܐ ܗܢܐ ܥܘܪܠܐ ܐܝܟ ܚܕ ܡܢܗܘܢ/ܒܗܘܢ#3#/܂ ܡܛܠ ܕܚܣܕ ܠܣܕܪ̈ܘܗܝ ܕܐܠܗܐ ܚܝܐ܀
17:37 ܘܐܡܪ ܕܘܝܕ܂ ܡܪܝܐ ܕܦܨܝܢܝ ܡܢ ܐܝܕܐ ܕܐܪܝܐ ܘܡܢ ܐܝܕܐ ܕܕܐܒܐ܂ ܗܘ ܢܦܨܝܢܝ ܡܢ ܐܝܕܘ̈ܗܝ ܕܦܠܫܬܝܐ ܗܢܐ ‍<‍ܥܘܪܠܐ#3#‍>‍܂ ܘܐܡܪ ܫܐܘܠ ܠܕܘܝܕ܂ ܙܠ ܘܡܪܝܐ ܢܗܘܐ ܥܡܟ܂
17:38 ܘܐܠܒܫ ܫܐܘܠ ܠܕܘܝܕ ܡܐ̈ܢܘܗܝ܂ ܘܣܡ ܣܢܘܪܬܐ ܕܢܚܫܐ ܒܪܝܫܗ܂ ܘܐܠܒܫܗ ܫܪܝܢܐ܂
17:39 ܘܐܣܪ ܕܘܝܕ ܣܝܦܗ ܠܥܠ ܡܢ ܡܐ̈ܢܘܗܝ܂ ܘܠܐ ܨܒܐ ܠܡܐܙܠ܂ ܡܛܠ ܕܠܐ ܢܣܝ ܐܢܘܢ܂ ܘܐܥܒܪ ܐܢܘܢ ܕܘܝܕ ܡܢܗ܂
17:40 ܘܢܣܒ ܚܘܛܪܗ ܒܐܝܕܗ܂ ܘܓܒܐ ܠܗ ܚܡܫܐ ܫ̈ܥܥܝܢ ܕܟܐܦܐ ܡܢ ܚܠܐ܂ ܘܣܡ ܐܢܘܢ ܒܡܐܢܐ ܕܝܠܗ ܕܪ̈ܥܘܬܐ ܒܬܪܡܠܗ܂ ܘܩܠܥܗ ܒܐܝܕܗ܂ ܘܩܪܒ ܠܘܬ ܦܠܫܬܝܐ܂
17:41 ܘܗܐ ܦܠܫܬܝܐ ܐܬܐ ܘܩܪܒ ܠܘܬ ܕܘܝܕ܂ ܘܓܒܪܐ ܫܩ݁ܠ ܣܟܪܐ ܩܕܡܘܗܝ܂
17:42 ܘܐܕܝܩ ܦܠܫܬܝܐ ܘܚܙܐ ܠܕܘܝܕ ܘܒܣܪ ܥܠܘܗܝ܂ ܡܛܠ ܕܛܠܝܐ ܣܡܩܪܝ ܗܘܐ ܘܫܦܝܪ ܚܙܘܗ܂
17:43 ܘܐܡܪ ܦܠܫܬܝܐ ܠܕܘܝܕ܂ ܟܠܒܐ ܐܢܐ ܕܐܬܐ ܐܢܬ ܥܠܝ ܒܚܘܛܪܐ ‍<‍ܘܒܩܠܥܐ#3#‍>‍܂ ܘܨܚܝ ܦܠܫܬܝܐ ܠܕܘܝܕ ܒܐ̈ܠܗܘܗܝ܂
17:44 ܘܐܡܪ ܦܠܫܬܝܐ ܠܕܘܝܕ܂ ܬܐ ܠܘܬܝ܂ ܘܐܬܠܝܘܗܝ ܒܣܪܟ ܠܥܘܦܐ/ܠܦܪܚܬܐ#3#/ ܕܫܡܝܐ ܘܠܚܝܘܬܐ ܕܕܒܪܐ܂
17:45 ܘܐܡܪ ܕܘܝܕ ܠܦܠܫܬܝܐ܂ ܐܢܬ ܐܬܐ ܐܢܬ ܥܠܝ ܒܣܝܦܐ ܘܒܢܝܙܟܐ ܘܒܣܟܪܐ܂ ܘܐܢܐ ܐܬܐ ܐܢܐ ܥܠܝܟ ܒܫܡܗ ܕܡܪܝܐ ܐܠܗܐ "ܨܒܐܘܬ"܂ ܕܣܕܪ̈ܐ ܕܐܝܣܪܝܠ ܚܣܕܬ܂
17:46 ܝܘܡܢܐ ܢܫܠܡܟ ܡܪܝܐ ܒܐ̈ܝܕܝ܂ ܘܐܩܛܠܟ ܘܐܣܒ ܪܝܫܟ ܡܢܟ܂ ܘܐܬܠ ܫ̈ܠܕܐ ܕܡܫܪ̈ܝܬܐ ܕܦܠܫ̈ܬܝܐ ܝܘܡܢܐ܂ ܠܚܝܘܬܐ ܕܕܒܪܐ/ܕܐܪܥܐ#3#/ ܘܠܥܘܦܐ/ܘܠܦܪܚܬܐ#3#/ ܕܫܡܝܐ ܘܢܕܥܘܢ ܟܠܗ݀ ܐܪܥܐ ܕܐܝܬ ܐܠܗܐ ܠܐܝܣܪܝܠ/ܒܐܝܣܪܝܠ#3#/܂
17:47 ܘܢܕܥܘܢ ܟܠܗ ܟܢܫܐ ܗܢܐ ܕܠܐ ܗܘܐ \ܒܣܝܦܐ ܘܒܢܝܙܟܐ /ܒܢܝܙܟܐ ܘܒܣܝܦܐ#3#/ ܦܪܩ ܡܪܝܐ/ܐܠܗܐ#3#/܂ ܡܛܠ ܕܕܡܪܝܐ ܗܘ ܩܪܒܐ܂ ܘܢܫܠܡܟܘܢ ܒܐܝܕܢ܂
17:48 ܘܗܐ ܦܠܫܬܝܐ ܐܬܐ ܘܩܪܒ ܠܐܘܪܥܗ ܕܕܘܝܕ܂ ܘܐܣܬܪܗܒ ܕܘܝܕ܂ ܘܪܗܛ ܠܣܕܪܐ/ܡܢ ܣܕܪܐ#3#/ ܠܐܘܪܥܗ ܕܦܠܫܬܝܐ܂
17:49 ܘܐܘܫܛ ܕܘܝܕ ܐܝܕܗ ܠܡܐܢܗ܂ ܘܢܣܒ ܡܢ ܬܡܢ ܟܐܦܐ܂ ܘܐܟܪܟ ܘܡܚܝܗܝ ܠܦܠܫܬܝܐ ܒܝܬ ܥܝܢ̈ܘܗܝ܂ ܘܛܒܥܬ ܟܐܦܐ ܒܝܬ ܥܝ̈ܢܘܗܝ܂ ܘܢܦܠ ܥܠ ܐ̈ܦܘܗܝ ܥܠ ܐܪܥܐ܂
17:50 ܘܥܫܢ ܕܘܝܕ ܡܢ ܦܠܫܬܝܐ ܒܩܠܥܐ ܘܒܟܐܦܐ܂ ܘܡܚܝܗܝ ܠܦܠܫܬܝܐ ܘܩܛܠܗ܂ ܘܣܝܦܐ ܠܝܬ ܒܐܝܕܗ ܕܕܘܝܕ܂
17:51 ܘܪܗܛ ܕܘܝܕ ܘܩܡ ܥܠ ܦܠܫܬܝܐ܂ \ܘܢܣܒ ܣܝܦܗ /ܘܢܣܒܘ ܠܣܝܦܗ#3#/ ܘܫܡܛܗ ܡܢ ܚܠܬܗ܂ ܘܩܛܠܗ ܘܦܣܩ ܪܝܫܗ܂ ܘܚܙܘ ܦܠܫ̈ܬܝܐ ܕܡܝܬ ܓܢܒܪܗܘܢ ܘܥܪܩܘ܂
17:52 ܘܩܡܘ ܐܢܫܐ ܕܐܝܣܪܝܠ ܘܕܝܗܘܕܐ܂ ܘܐܬܠܒܒܘ ܘܪܕܦܘ ܠܦܠܫ̈ܬܝܐ ܥܕܡܐ ܠܡܥܠܢܐ ܕܢܚܠܐ܂ ܘܥܕܡܐ ܠܢܚܠܐ/ܠܬܪܥܐ#3#/ ܕܥܩܪܘܢ܂ ܘܢܦܠܘ ܩ̈ܛܝܠܐ ܕܦܠܫ̈ܬܝܐ ܒܐܘܪܚܐ ܕܫܪܝܢ܂ ܘܥܕܡܐ ܠܓܬ ܘܥܕܡܐ ܠܥܩܪܘܢ܂
17:53 ܘܗܦܟܘ ܒܢ̈ܝ ܐܝܣܪܝܠ ܕܪܕܦܝܢ ܗܘܘ ܒܬܪ ܦܠܫ̈ܬܝܐ ܘܒܙܘ ܡܫܪ̈ܝܬܗܘܢ܂
17:54 ܘܢܣܒ ܕܘܝܕ ܪܝܫܗ ܕܦܠܫܬܝܐ ܘܐܝܬܝܗ ܠܐܘܪܫܠܡ܂ ܘܡܐ̈ܢܘܗܝ ܣܡ ܒܡܫܟܢܗ܀܂
17:55 ܘܟܕ ܚܙܝܗܝ ܫܐܘܠ ܠܕܘܝܕ ܕܢܦܩ ܠܐܘܪܥܗ ܕܦܠܫܬܝܐ܂ ܐܡܪ ܠܐܒܢܝܪ ‍<‍ܒܪ ܢܝܪ#3#‍>‍ ܪܒ ܚܝܠܗ܂ ܒܪ ܡܢܘ ܛܠܝܐ ܗܢܐ܂ ܘܐܡܪ ܐܒܢܝܪ܂ ܚܝܐ ܗܝ ܢܦܫܟ ܡܠܟܐ ܕܠܐ ܝܕܥ ܐܢܐ܂
17:56 ܘܐܡܪ ܡܠܟܐ܂ ܫܐܠ ܐܢܬ ܒܪ ܡܢܘ ܗܢܐ ܥܠܝܡܐ܂
17:57 ܘܟܕ ܗܦܟ ܕܘܝܕ ܟܕ ܩܛܠܗ ܠܦܠܫܬܝܐ܂ ܕܒܪܗ ܐܒܢܝܪ ܘܐܥܠܗ ܩܕܡ ܫܐܘܠ܂ ܘܪܝܫܗ ܕܦܠܫܬܝܐ ܒܐܝܕܗ܂
17:58 ܐܡܪ ܠܗ ܫܐܘܠ܂ ܒܪ ܡ݁ܢ ܐܢܬ ܛܠܝܐ܂ ܐܡܪ ܠܗ ܕܘܝܕ܂ ܒܪ ܥܒܕܟ ܐܝܫܝ ܕܡܢ ܒܝܬ ܠܚܡ܂

next chapter