← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62008: P 1S

Click on a word for lexical analysis
Click on a red-colored coordinate for comments and/or translations of the line

previous chapter


19:01 ܘܐܡܪ ܫܐܘܠ ܠܝܘܢܬܢ ܒܪܗ ܘܠܟܠܗܘܢ ܥܒ̈ܕܘܗܝ ܠܡܩܛܠܗ ܠܕܘܝܕ܂ ܘܝܘܢܬܢ ܒܪ ܫܐܘܠ ܨܒܐ ܗܘܐ ܒܕܘܝܕ ܛܒ܂
19:02 ܘܚܘܝ ܝܘܢܬܢ ܠܕܘܝܕ ܘܐܡܪ ܠܗ܂ ܒܥ݁ܐ ܫܐܘܠ ܐܒܝ ܠܡܩܛܠܟ܂ ܐܙܕܗܪ ܘܬܒ ܒܛܘܫܝܐ ܘܐܬܛܫܐ܂
19:03 ܘܐܢܐ ܗܐ ܢܦܩ ܐܢܐ ܘܩܐܡ ܐܢܐ ܥܠ ܓܢܒ ܐܒܝ ܒܚܩܠܐ܂ ܕܐܢܬ ܒܗ݀܂ ܘܐܢܐ ܐܡܪ ܥܠܝܟ ܠܐܒܝ܂ ܘܐܚܙܐ ܡܢܘ ܒܪ ܥܝܢܗ ܘܐܚܘܝܟ܂
19:04 ܘܐܡܪ ܝܘܢܬܢ ܥܠ ܕܘܝܕ ܛܒܬܐ ܠܫܐܘܠ ܐܒܘܗܝ܂ ܘܐܡܪ ܠܗ ܠܐ ܢܚܛܐ ܡܠܟܐ ܒܥܒܕܗ ܕܘܝܕ܂ ܡܛܠ ܕܠܐ ܚܛܐ ܠܟ܂ ܘܐܦ ܥܒ̈ܕܘܗܝ ܣܦܩܝܢ ܠܟ܂
19:05 ܕܣܡ ܢܦܫܗ ܒܐ̈ܝܕܝܟ ܘܩܛܠ ܠܦܠܫܬܝܐ܂ ܘܥܒܕ ܡܪܝܐ ܦܘܪܩܢܐ ܪܒܐ ܠܟܠܗ ܐܝܣܪܝܠ ܒܐܝܕܗ܂ ܘܚܙܝܬ ܘܚܕܝܬ܂ ܘܗܫܐ ܠܡܢܐ ܚܛܐ ܐܢܬ ܒܕܡܐ ܙܟܝܐ܂ ܘܩܛܠ ܐܢܬ ܠܗ ܠܕܘܝܐ ܡܓܢ܂
19:06 ܘܫܡܥ ܫܐܘܠ ܒܩܠܗ ܕܝܘܢܬܢ ܒܪܗ܂ ܘܐܝܡܐ ܫܐܘܠ ܘܐܡܪ܂ ܚܝ ܗܘ ܡܪܝܐ ܐܢ ܢܡܘܬ܂
19:07 ܘܩܪܐ ܝܘܢܬܢ ܠܕܘܝܕ ܘܚܘܝܗ ܟܠܗܝܢ ܡ̈ܠܐ ܗܠܝܢ܂ ܘܐܥܠܗ ܠܘܬ ܫܐܘܠ܂ ܘܗܘܐ ܠܘܬܗ ܐܝܟ ܕܐܬܡܠܝ ܘܐܝܟ ܕܡܢܬܡܠܝ܂
19:08 ܘܐܘܣܦ ‍<‍ܬܘܒ#2#‍>‍ ܩܪܒܐ ܠܡܗܘܐ܂ ܘܢܦܩ ܕܘܝܕ ܘܐܬܟܬܫ ܥܡ ܦܠܫܬܝܐ܂ ܘܡܚܐ ܒܗܘܢ ܡܚܘܬܐ ܪܒܬܐ܂ ܘܥܪܩܘ ܡܢ ܩܕܡܘܗܝ܂
19:09 ܘܗܘܬ ܪܘܚܗ ܕܡܪܝܐ ܒܝܫܬܐ ܥܠ ܫܐܘܠ܂ ܘܗܘ ܝܬ݁ܒ ܒܒܝܬܗ܂ ܘܡܘܪܢܝܬܗ ܒܐܝܕܗ܂ ܘܕܘܝܕ ܢܩ݁ܫ ܩܕܡܘܗܝ܂
19:10 ܘܒܥܐ ܫܐܘܠ ܠܡܡܚܝܗ݀ ܠܡܘܪܢܝܬܐ ܒܕܘܝܕ ܘܒܐܣܬܐ܂ ܘܥܪܩ ܠܗ ܡܢ ܩܕܡ ܫܐܘܠ܂ ܘܡܚܗ݀ ܠܡܘܪܢܝܬܐ ܒܐܣܬܐ܂ ܘܕܘܝܕ ܥܪܩ ܘܐܫܬܘܙܒ ܒܠܠܝܐ ܗ݀ܘ܂
19:11 ܘܫܕܪ ܫܐܘܠ ܐܝܙ̈ܓܕܐ ܠܒܝܬܗ ܕܕܘܝܕ܂ ܠܡܛܪܗ ܘܠܡܩܛܠܗ ܒܨܦܪܐ܂ ܘܚܘܝܬ ܠܕܘܝܕ ܡܠܟܠ ܐܢܬܬܗ ܘܐܡܪܬ ܠܗ܂ ܕܐܢ ܠܐ ܡܦܨܐ ܐܢܬ ܢܦܫܟ܂ ܡܚܪ ܡܐܬ ܐܢܬ܂
19:12 ܘܐܚܬܬܗ ܡܠܟܠ ܠܕܘܝܕ ܡܢ ܟܘܬܐ܂ ܘܥܪܩ ܘܐܙܠ ܘܐܬܦܨܝ܂
19:13 ܘܢܣܒܬ ܡܠܟܠ ܨܠܡܐ ܘܐܪܡܝܬ ܒܥܪܣܐ܂ ܘܡܫܟܐ ܕܥ̈ܙܐ ܣܡܬ ܐ̈ܣܕܘܗܝ܂ ܘܟܣܝܬ ܒܡܪܛܘܛܐ܂
19:14 ܘܫܕܪ ܫܐܘܠ ܐ̈ܝܙܓܕܐ ܠܡܕܒܪܗ ܠܕܘܝܕ܂ ܘܐܡܪܬ ܟܪܝܗ ܗܘ܂
19:15 ܘܫܕܪ ܫܐܘܠ ܐܝ̈ܙܓܕܐ ܠܡܚܙܝܗ/ܠܡܒܥܝܗ#3#/ ܠܕܘܝܕ܂ ܘܐܡܪ܂ ܐܣܩܘܗܝ ܠܘܬܝ ܒܥܪܣܐ ܠܡܩܛܠܗ܂
19:16 ܘܐܬܘ ܐ̈ܝܙܓܕܐ܂ ܘܗܐ ܨܠܡܐ ܒܥܪܣܐ܂ ܘܡܫܟܐ ܕܥ̈ܙܐ/ܕܣܥܪܐ#3#/ ܐ̈ܣܕܘܗܝ܂ ܘܚܘܝܘ ܠܫܐܘܠ܂
19:17 ܘܐܡܪ ܫܐܘܠ ܠܡܠܟܠ܂ ܠܡܢܐ ܗܟܢܐ/ܗܟܝܠ#3#/ ܢܟܠܬܝܢܝ܂ ܘܫܕܪܬܝ ܒܥܠܕܒܒܝ ܘܐܬܦܠܛ܂ ܘܐܡܪܬ ܡܠܟܠ ܠܫܐܘܠ܂ ܗܘ ܐܡܪ ܠܝ ܫܕܪܝܢܝ/ܕܫܕܪܝܢܝ#3#/ ܕܠܐ ܐܩܛܠܟܝ܂
19:18 ܘܕܘܝܕ ܥܪܩ ܘܐܬܦܠܛ܂ ܘܐܬܐ ܠܘܬ ܫܡܘܐܝܠ ܠܪܡܬܐ܂ ܘܚܘܝܗ ܟܠ ܕܥܒܕ ܠܗ ܫܐܘܠ܂ ܘܐܙܠ ܗܘ ܘܫܡܘܐܝܠ܂ ܘܝܬܒܘ ܒܝܘܢܬ ܕܒܪܡܬܐ܂
19:19 ܘܚܘܝܘ ܠܫܐܘܠ ܘܐܡܪܘ ܠܗ܂ ܗܐ/ܕܗܐ#3#/ ܕܘܝܕ ܒܝܘܢܬ ܕܒܪܡܬܐ܂
19:20 ܘܫܕܪ ܫܐܘܠ ܐܝ̈ܙܓܕܐ ܠܡܕܒܪܗ ܠܕܘܝܕ܂ ܘܚܙܘ ܟܢܫܐ ܕܢܒ̈ܝܐ ܕܡܬܢܒܝܢ܂ ܘܫܡܘܐܝܠ ܩܐܡ ܥܠܝܗܘܢ܂ ܘܗܘܬ ‍<‍ܐܦ#3#‍>‍ ܥܠ ܐܝ̈ܙܓܕܘܗܝ ܕܫܐܘܠ ܪܘܚܗ ܕܐܠܗܐ܂ ܘܐܬܢܒܝܘ ܐܦ ܗܢܘܢ܂
19:21 ܘܚܘܝܘ ܠܫܐܘܠ܂ ܘܫܕܪ ܬܘܒ ‍<‍ܘܐܦ#3#‍>‍ ܐܝܙ̈ܓܕܐ ܐܚܪ̈ܢܐ܂ ܘܐܬܢܒܝܘ ܘܐܦ ܗܢܘܢ܂ ܘܐܘܣܦ ܬܘܒ ܫܐܘܠ ܘܫܕܪ ܐܝ̈ܙܓܕܐ ܬ̈ܠܝܬܝܐ܂ ܘܐܬܢܒܝܘ ܘܐܦ ܗܢܘܢ܂
19:22 ܘܐܙܠ ܐܦ ܗܘ ܠܪܡܬܐ܂ ܘܡܛܝ ܠܓܘܒܐ ܪܒܐ ܕܒܣܘܦܐ܂ ܘܫܐܘܠ ܐܡܪ܂ ܐܝܟܘ ܫܡܘܐܝܠ ܘܕܘܝܕ܂ ܘܐܡܪܘ ܠܗ ܗܐ ܒܝܘܢܬ ܕܒܪܡܬܐ܂
19:23 ܘܐܙܠ ܠܬܡܢ ܠܝܘܢܬ ܕܒܪܡܬܐ܂ ܘܗܘܬ ܐܦ ܥܠܘܗܝ ܪܘܚܗ ܕܐܠܗܐ܂ ܘܐ݁ܙܠ ܡܐܙܠ ܘܡܬܢܒܐ܂ ܥܕܡܐ ܕܡܛܐ ܠܝܘܢܬ ܕܒܪܡܬܐ܂
19:24 ܘܫܠܚ ܐܦ ܗܘ ܡܐ̈ܢܘܗܝ ܘܐܬܢܒܝ ܩܕܡ ܫܡܘܐܝܠ܂ ܘܢܦܠ ܥܪܛܠ ܟܠܗ ܐܝܡܡܐ ܗ݀ܘ܂ ܘܟܠܗ ܠܠܝܐ܂ ܡܛܠ ܗܢܐ/ܗܕܐ#3#/ ܐܡܪܝܢ܂ ܕܗܐ/ܗܐ#3#/ ܐܦ ܫܐܘܠ ܒܢܒ̈ܝܐ܂

next chapter