← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62008: P 1S

Click on a word for lexical analysis
Click on a red-colored coordinate for comments and/or translations of the line

previous chapter


23:01 ܘܚܘܝܘ ܠܕܘܝܕ ܘܐܡܪܘ ܠܗ܂ ܗܐ ܦܠܫ̈ܬܝܐ ܡܬܟܬܫܝܢ ܒܩܥܝܠܐ܂ ܘܗܢܘܢ ܒܙܝܢ ܐܕܪ̈ܐ܂
23:02 ܘܫܐܠ ܕܘܝܕ ܒܡܪܝܐ ܘܐܡܪ܂ ܐܙܠ ܐܚܪܘܒ ܠܦܠܫ̈ܬܝܐ/ܦܠܫ̈ܬܝܐ#3#/ ܗܠܝܢ܂ ܘܐܡܪ ܠܗ ܡܪܝܐ܂ ܙܠ ܚܪܘܒ ܠܦܠܫ̈ܬܝܐ ܘܦܪܘܩ ܠܩܥܝܠܐ܂
23:03 ܘܐܡܪܘ ܠܗ ܐ̈ܢܫܘܗܝ ܠܕܘܝܕ܂ ܡܢ ܡܚܪ ܚܢܢ܂ ܗܪܟܐ ܚܢܢ܂ ܕܚܠܝܢ ܚܢܢ ܐܝܟܢܐ ܢܐܙܠ ܠܩܥܝܠܐ ܠܣܕܪܐ ܕܦܠܫ̈ܬܝܐ܂
23:04 ܘܐܘܣܦ ܬܘܒ ܕܘܝܕ ܠܡܫܐܠ ܒܐܠܗܐ܂ ܘܥܢܝܗܝ ܡܪܝܐ ܘܐܡܪ ܠܗ܂ ܩܘܡ ܚܘܬ ܠܩܥܝܠܐ܂ ܡܛܠ ܕܐܢܐ ܡܫܠܡ ܐܢܐ ܠܗܘܢ ܠܦܠܫ̈ܬܝܐ ܒܐ̈ܝܕܝܟ܂
23:05 ܘܐܙܠ ܕܘܝܕ ܘܓܒܪ̈ܘܗܝ ܠܩܥܝܠܐ܂ ܘܐܬܟܬܫ ܥܡ ܦܠܫ̈ܬܝܐ ܘܕܒܪܘ ܒܥܝܪܗܘܢ ܘܡܚܐ ܒܗܘܢ/ܐܢܘܢ#1##2#/܂ ܡܚܘܬܐ ܪܒܬܐ܂ ܘܦܪܩ ܕܘܝܕ ܠܥܡܘܪ̈ܝܗ ܕܩܥܝܠܐ܂
23:06 ܘܟܕ ܥܪܩ ܐܒܝܬܪ ܒܪ ܐܚܝܡܠܟ ܠܘܬ ܕܘܝܕ ܠܩܥܝܠܐ܂ ܦܕܬܐ ‍<‍ܕܒܘܨܐ#3#‍>‍ ܢܚܬܬ ܒܐܝܕܗ܂
23:07 ܘܚܘܝܘ ܠܫܐܘܠ ܕܥܠ ܕܘܝܕ ܠܩܥܝܠܐ܂ ܘܐܡܪ ܫܐܘܠ܂ ܐܫܠܡܗ ܐܠܗܐ ܒܐ̈ܝܕܝ܂ ܡܛܠ ܕܐܬܬܚܕ ܕܥܠ ܠܩܪܝܬܐ ܕܬܪ̈ܥܐ ܘܕܣܘܟܪ̈ܐ/ܘܣܘܟܪ̈ܐ#3#/܂
23:08 ܘܐܫܡܥ ܫܐܘܠ ܠܟܠܗ ܥܡܐ ܠܩܪܒܐ ܠܡܚܬ ܠܩܥܝܠܐ܂ ܠܡܚܒܫ ܠܕܘܝܕ ܘܠܓܒܪ̈ܐ ܕܥܡܗ܂
23:09 ܘܝܕܥ ܕܘܝܕ ܕܚܫܠ ܫܐܘܠ ܥܠܘܗܝ ܒܝܫܬܐ ܘܐܡܪ ܠܐܒܝܬܪ ܟܗܢܐ ܩܪܒ ܠܝ ܦܕܬܐ܂
23:10 ܘܐܡܪ ܕܘܝܕ܂ ܡܪܝܐ ܐܠܗܐ ܕܐܝܣܪܝܠ ܡܫܡܥ ܫܡܥ ܥܒܕܟ ܕܒܥ݁ܐ ܫܐܘܠ ܠܡܐܬܐ ܠܩܥܝܠܐ܂ ܠܡܚܒܠܘ ܠܩܪܝܬܐ ܡܛܠܬܝ܂
23:12 ܡܫܠܡܝܢ ܠܝ ܡܪ̈ܝܗ݀ ܕܩܪܝܬܐ ܘܠܓܒܪ̈ܐ ܕܥܡܝ ܒܐܝܕܗ ܕܫܐܘܠ܂ ܘܐܡܪ ܡܪܝܐ܂ ܡܫܠܡܝܢ ܠܟ܂ ܩܘܡ ܦܘܩ ܡܢ ܩܪܝܬܐ/ܩܥܝܠܐ#3#/܂
23:13 ܘܩܡ ܕܘܝܕ ܘܓܒܪ̈ܐ ܕܥܡܗ ܐܝܟ ܫܬܡܐܐ ܓܒܪ̈ܝܢ܂ ܘܢܦܩܘ ܡܢ ܩܥܝܠܐ܂ ܘܗܦܟܘ ܘܚܘܝܘ ܠܫܐܘܠ ܕܥܪܩ ܕܘܝܕ ܡܢ ܩܥܝܠܐ܂ ܘܦܫ ܠܗ ܡܢ ܕܠܡܦܩ ‍<‍ܒܬܪܗ#3#‍>‍܂
23:14 ܘܝܬܒ ܕܘܝܕ ܒܡܕܒܪܐ/ܒܦܩܥܬܐ#3#/ ܕܡܨܪܘܬ܂ ܘܝܬܒ ܒܛܘܪܐ ܒܡܕܒܪܐ/ܕܡܕܒܪܐ#3#/ ܕܙܝܦ܂ ܘܒܥܝܗܝ ܫܐܘܠ ܟܠܗܘܢ ܝܘܡ̈ܬܐ܂ ܘܠܐ ܐܫܠܡܗ ܐܠܗܐ ܒܐܝܕܗ܂
23:15 ܘܚܙܐ ܕܘܝܕ ܕܢܦܩ ܫܐܘܠ ܠܡܒܥܐ ܢܦܫܗ܂ ܘܕܘܝܕ ܒܡܕܒܪܐ ܕܙܝܦ ܒܥܒܐ܂
23:16 ܘܩܡ ܝܘܢܬܢ ܒܪ ܫܐܘܠ܂ ܘܐܙܠ ܠܘܬ ܕܘܝܕ ܠܥܒܐ܂ ܘܚܡܣܢ ܐ̈ܝܕܘܗܝ ܒܐܠܗܐ܂
23:17 ܘܐܡܪ ܠܗ ܠܐ ܬܕܚܠ܂ ܡܛܠ ܕܠܐ ܡܫܟܚܐ ܠܟ ܐܝܕܗ ܕܫܐܘܠ ܐܒܝ܂ ܘܐܢܬ ܬܡܠܟ ܥܠ ܐܝܣܪܝܠ܂ ܘܐܢܐ ܐܗܘܐ ܥܡܟ ܘܬܚܐ܂ ܘܐܦ ܫܐܘܠ ܐܒܝ ܝܕܥ݁ ܕܗܟܢܐ ܗܘ܂
23:18 ܘܐܩܝܡܘ ܬܪ̈ܝܗܘܢ ܩܝܡܐ ܩܕܡ ܡܪܝܐ ܝܬ݁ܒ ‍<‍ܥܠ#3#‍>‍ ܟܪ̈ܘܒܐ ܒܥܘܡܩܐ܂ ܘܝܘܢܬܢ ܐܙܠ ܠܒܝܬܗ܀܂
23:19 ܘܣܠܩܘ ܙܝ̈ܦܝܐ ܠܘܬ ܫܐܘܠ ܠܓܒܥ ܘܐܡܪܘ ܠܗ܂ ܗܐ ܕܘܝܕ ܡܬܛܫܐ ܥܡܢ ܒܡܨܪܘܬ܂ ܒܥܒܐ ܒܓܒܥܘܬ܂ ܒܢܚܠܐ ܕܡܢ ܝܡܝܢܐ ܕܐܫܝܡܘܢ܂
23:20 ܘܗܫܐ ܐܝܟ ܟܠ ܪܓܬܐ ܕܢܦܫܟ ܚܘܬ ܥܠܝܢ܂ ܘܚܢܢ ܢܫܠܡܝܘܗܝ ܒܐܝܕܐ ܕܡܠܟܐ܂
23:21 ܘܐܡܪ ܠܗܘܢ ܫܐܘܠ܂ ܒܪ̈ܝܟܝܢ ܐܢܬܘܢ ܠܐܠܗܐ ܕܚܣܬܘܢ ܥܠܝ܂
23:22 ܙܠܘ ܬܒܘ ܛܒܘ ܝܬܒܗ܂ ܘܕܥܘ ܘܚܙܘ ܕܘܟܬܗ ܕܬܗܘܐ ܪܓܠܗ ܕܡ݁ܢ ܕܚܙܝܗܝ ܬܡܢ܂ ܡܛܠ ܕܐܡܪܘ ܠܝ ܕܡܥܪܡܘ ܡܥܪܡ܂
23:23 ܘܕܥܘ ܘܚܙܘ ܡܢ ܟܘܠܗܝܢ ܡܛܫܝ̈ܬܐ ܕܡܛܫܝ ܬܡܢ܂ ܘܗܦܘܟܘ ܠܘܬܝ ܠܡܬܩܢܘܬܢܝ ܘܐܙܠ ܥܡܟܘܢ܂ ܕܐܢ ܐܝܬܘܗܝ ܒܐܪܥܐ܂ ܐܒܨܝܘܗܝ ܒܟܠܗܘܢ ܐ̈ܠܦܐ ܕܝܗܘܕܐ܂
23:24 ܘܩܡܘ ܘܐܙܠܘ ܠܙܝܦ ܩܕܡ ܫܐܘܠ܂ ܘܕܘܝܕ ܘܓܒܪ̈ܘܗܝ ܒܡܕܒܪܐ ܕܡܥܘܢ܂ ܒܥܪܒܐ/ܒܥܒܐ#3#/ ܥܠ ܓܢܒ ܐܫܝܡܘܢ܂
23:25 ܘܐܙܠ ܫܐܘܠ ܘܥܒ̈ܕܘܗܝ ܠܡܒܥܝܗ ܠܕܘܝܕ܂ ܘܚܘܝܘ ܠܕܘܝܕ ܘܢܚܬ ܠܗ ܠܣܠܥ܂ ܘܝܬܒ ܒܡܕܒܪܐ ܕܡܥܘܢ܂ ܘܫܡܥ ܫܐܘܠ ܘܪܕܦ ܒܬܪ ܕܘܝܕ ܠܡܕܒܪܐ ܕܡܥܘܢ܂
23:26 ܘܐܙܠ ܫܐܘܠ ܡܢ ܓܒܗ ܕܛܘܪܐ܂ ܘܕܘܝܕ ܘܓܒܪ̈ܘܗܝ ܡܢ ܓܒܗ ܐܚܪܢܐ܂ ܘܗܘܐ ܕܘܝܕ ܡܣܬܪܗܒ ܠܡܥܪܩ ܡܢ ܩܕܡ ܫܐܘܠ܂ ܘܫܐܘܠ ܘܥܒ̈ܕܘܗܝ/ܘܓܒܪ̈ܘܗܝ#3#/ ܡܬܟܪܟܝܢ ܥܠ ܕܘܝܕ ܘܥܠ ܓܒܪ̈ܘܗܝ/ܚܒܪ̈ܘܗܝ#3#/ܥܒܕ̈ܘܗܝ#3#/ ܠܡܐܚܕ ܐܢܘܢ܂
23:27 ܘܐܝܙܓܕܐ ܐܬܐ ܠܘܬ ܫܐܘܠ ܘܐܡܪ ܠܗ܂ ܒܥܓܠ ܬܐ܂ ܡܛܠ ܕܫܪܘ ܦܠܫܬ̈ܝܐ ܒܟܘܠܗ݀ ܐܪܥܐ܂
23:28 ܘܗܦܟ ܫܐܘܠ ܡܢ ܒܬܪ ܕܘܝܕ܂ ܘܐܙܠ ܠܐܘܪܥܐ/ܠܐܪܥܐ#3#/ ܕܦܠܫ̈ܬܝܐ܂ ܡܛܠ ܗܢܐ ܩܪܐܘܗ ܠܐܪܥܐ ܗ݀ܝ ܣܢܥܪ ܦܠܓܘܬܐ܂

next chapter