The Comprehensive Aramaic Lexicon

26:01	ܘܐܬܘ ܙܝ̈ܦܝܐ ܠܘܬ ܫܐܘܠ ܠܓܒܥ ܘܐܡܪܘ ܠܗ܂ ܗܐ ܕܘܝܕ ܡܬܛܫܐ ܒܓܒܥܘܬ ܚܘܝܠܐ ܕܩܕܡ ܐܫܝܡܘܢ܂
26:02	ܘܩܡ ܫܐܘܠ ܘܢܚܬ ܠܡܕܒܪܐ ܕܙܝܦ܂ ܘܥܡܗ ܬܠܬܐ ܐ̈ܠܦܝܢ ܓܒܪ̈ܐ ܓܒ̈ܝܐ ܕܐܝܣܪܝܠ܂ ܠܡܒܥܐ ܠܕܘܝܕ ܒܡܕܒܪܐ ܕܙܝܦ܂
26:03	ܘܫܪܐ ܫܐܘܠ ܒܓܒܥܘܬ ܚܘܝܠܐ ܕܩܕܡ ܐܫܝܡܘܢ ܒܐܘܪܚܐ܂ ܘܕܘܝܕ ܝܬ݁ܒ ܒܡܕܒܪܐ܂ ܘܚܙܐ ‍<‍ܕܘܝܕ#3#‍>‍ ܕܐܬܐ ܫܐܘܠ ܒܬܪܗ ܠܡܕܒܪܐ܂
26:04	ܘܫܕܪ ܕܘܝܕ ܓܫ̈ܘܫܐ܂ ܘܝܕܥ ܕܐܬܐ ܫܐܘܠ ܒܬܪܗ܂
26:05	ܘܩܡ ܕܘܝܕ ܘܐܬܐ ܠܐܬܪܐ ܕܫܪܐ ܬܡܢ ܫܐܘܠ܂ ܘܚܙܐ ܕܘܝܕ ܕܘܟܬܐ ܕܕܡܟ ܬܡܢ ܫܐܘܠ܂ ܘܐܒܢܝܪ ܒܪ ܢܝܪ ܪܒ ܚܝܠܗ ܕܫܐܘܠ ܕܡܟ ܒܫܒܝܠܐ܂ ܘܥܡܐ ܫܪܐ ܚܕܪ̈ܘܗܝ܂
26:06	ܘܥܢܐ ܕܘܝܕ ܘܐܡܪ ܠܐܚܝܡܠܟ ܚܬܝܐ ܘܠܐܒܝܫܝ ܒܪ ܨܘܪܝܐ ܐܚܘܗܝ ܕܝܘܐܒ܂ ܘܐܡܪ܂ ܡ݁ܢ ܢܚܬ ܥܡܝ ܠܘܬ ܫܐܘܠ ܠܡܫܪܝܬܐ܂ ܘܐܡܪ ܐܒܝܫܝ ܐܢܐ ܢܚܬ ‍<‍ܐܢܐ#3#‍>‍ ܥܡܟ܂
26:07	ܘܐܬܐ ܕܘܝܕ ܘܐܒܝܫܝ ܠܘܬ ܥܡܐ ܒܠܠܝܐ܂ ܘܗܐ ܫܐܘܠ ܕܡܟ ܒܫܒܝܠܐ܂ ܘܡܘܪܢܝܬܗ ܣܝܡܐ ܥܠ ܐܪܥܐ ܐ̈ܣܕܘܗܝ܂ ܘܐܒܢܝܪ ܘܥܡܐ ܕܡܟܝܢ ܚܕܪ̈ܘܗܝ܂
26:08	ܘܐܡܪ ܐܒܝܫܝ ܠܕܘܝܕ܂ ܐܫܠܡ ܝܘܡܢܐ ܐܠܗܟ ܒܥܠܕܒܒܟ ܒܐ̈ܝܕܝܟ܂ ܗܫܐ ܐܡܚܝܘܗܝ ܒܡܘܪܢܝܬܐ ܗܕܐ ܕܒܐܪܥܐ ܙܒܢܬܐ ܚܕܐ ܘܠܐ ܐܬܢܝܘܗܝ܂
26:09	ܘܐܡܪ ܕܘܝܕ ܠܐܒܝܫܝ ܠܐ ܬܚܒܠ܂ ܡܛܠ ܕܠܝܬ ܕܡܘܫܛ ܐܝܕܗ ܥܠ ܡܫܝܚܗ ܕܡܪܝܐ ܘܙܟ݁ܐ܂
26:10	ܘܐܡܪ ܕܘܝܕ܂ ܚܝ ܗܘ ܡܪܝܐ܂ ܐܠܐ ܐܢ ܡܪܝܐ ܢܡܚܝܘܗܝ܂ ܐܘ ܝܘܡܗ ܢܐܬܐ ܘܢܡܘܬ܂ ܐܘ ܒܩܪܒܐ ܢܒܠܥ ܘܢܡܘܬ܂
26:11	ܚܣ ܠܝ ܡܢ ܡܪܝܐ ܕܐܘܫܛ ܐܝܕܝ ܒܡܫܝܚܗ ܕܡܪܝܐ܂ ܗܫܐ ܣܒ ܡܘܪܢܝܬܐ ܕܐܣ̈ܕܘܗܝ ܘܩܘܩܬܐ ܕܡ̈ܝܐ ܘܢܐܙܠ ܠܢ܂
26:12	ܘܢܣܒ ܕܘܝܕ ܡܘܪܢܝܬܐ ܘܩܘܩܬܐ ‍<‍ܕܡ̈ܝܐ#3#‍>‍ ܡܢ ܐ̈ܣܕܘܗܝ ܕܫܐܘܠ ܘܐܙܠܘ ܠܗܘܢ܂ ܘܐܢܫ ܠܐ ܚܙܐ ܘܠܐ ܝܕܥ ܘܠܐ ܐܬܬܥܝܪ ܡܛܠ ܕܟܠܗܘܢ ܕܡܟܝܢ ܗܘܘ܂ ܘܫܢܬܐ ܕܡܪܝܐ ܢܦܠܬ ܥܠܝܗܘܢ܂
26:13	ܘܥܒܪ ܕܘܝܕ ܡܢ ܠܘܬ ܫܐܘܠ܂ ܘܩܡ ܥܠ ܪܝܫܗ ܕܛܘܪܐ ܡܢ ܪܘܚܩܐ ܣܓܝܐܐ܂
26:14	ܘܩܪܐ ܕܘܝܕ ܠܡܠܟܐ ܘܠܐܒܢܝܪ ܒܪ ܢܝܪ ܘܐܡܪ܂ ܠܐ ܥܢܐ ܐܢܬ ܐܒܢܝܪ܂ ܘܥܢܐ ܐܒܢܝܪ ܘܐܡܪ܂ ܡ݁ܢ ܐܢܬ ܕܩܪܐ ܐܢܬ ܠܡܠܟܐ܂
26:15	ܘܐܡܪ ܕܘܝܕ ܠܐܒܢܝܪ܂ ܗܐ ܓܢܒܪܐ ܐܢܬ܂ ܘܡܢܘ ܐܟܘܬܟ ܒܟܠܗ ܐܝܣܪܝܠ܂ ܐܝܟܘ ܠܐ ܢܛܪܬ ܠܡܪܟ ܡܠܟܐ܂ ܕܐܬܐ ܚܕ ܝܘܡܢܐ/ܝܘܡܐ#3#/ ܕܢܚܒܠܝܘܗܝ ܠܡܠܟܐ ܡܪܟ܂
26:16	ܠܐ ܫܦܝܪ ܥܒܕܬ܂ ܚܝ ܗܘ ܡܪܝܐ ܕܒܢ̈ܝ ܡܘܬܐ ܐܢܬܘܢ܂ ܕܠܐ ܢܛܪܬܘܢ ܠܡܪܟܘܢ ܠܡܫܝܚܗ ܕܡܪܝܐ܂ ܗܫܐ ܚܙܝ ܐܝܟܐ ܗܝ ܡܘܪܢܝܬܗ ܕܡܠܟܐ܂ ܘܩܘܩܬܐ ܕܡ̈ܝܐ ܕܐ̈ܣܕܘܗܝ܂
26:17	ܘܫܡܥ ܫܐܘܠ ܩܠܗ ܕܕܘܝܕ ܘܐܡܪ ܠܗ܂ ܩܠܟ ܗܘ ܗܢܐ ܒܪܝ ܕܘܝܕ܂ ܘܐܡܪ ‍<‍ܠܗ ܕܘܝܕ#3#‍>‍ ܩܠܝ ܗܘ ܡܪܝ ܡܠܟܐ܂
26:18	ܘܐܡܪ ܕܘܝܕ ܠܡܢܐ ܪܕܦ ܐܢܬ ܡܪܝ ܒܬܪ ܥܒܕܟ܂ ܡܢܐ ܥܒܕܬ ܘܡܢܐ ܗܝ ܒܝܫܬܐ ܕܒܐ̈ܝܕܝ܂
26:19	ܗܫܐ ܢܫܡܥ ܡܪܝ ܡܠܟܐ ܡ̈ܠܘܗܝ ܕܥܒܕܗ ܐܢ ܡܪܝܐ ܓܪܝܟ ܒܝ ܢܩܪܒ ܩܘܪܒܢܐ܂ ܘܐܢ ܒܢ̈ܝ ܐܢܫܐ ܠܝܛܝܢ ܐܢܘܢ ܩܕܡ ܡܪܝܐ܂ ܡܛܠ ܕܛܪܕܘܢܝ ܕܠܐ ܐܬܛܦܐ ܒܝܪܬܘܬܗ ܕܡܪܝܐ܂ ܠܡܐܡܪ ܙܠ ܦܠܘܚ ܠܐ̈ܠܗܐ ܐܚܪ̈ܢܐ܂
26:20	ܗܫܐ ܠܐ ܢܦܠ ܕܡܝ ܥܠ ܐܪܥܐ ܡܢ ܩܕܡ ܡܪܝܐ܂ ܡܛܠ ܕܢܦܩ ܡܠܟܐ ܕܐܝܣܪܝܠ ܠܡܒܥܐ ‍<‍ܠܦܘܪܬܥܢܐ‍>‍ ܚܕ܂ ܐܝܟ ܕܪܕ݁ܦ ܚܓܠܐ ܒܛܘܪܐ܂
26:21	ܘܐܡܪ ܫܐܘܠ ܠܕܘܝܕ܂ ܚܛܝܬ܂ ܗܦܘܟ ܒܪܝ ܕܘܝܕ܂ ܡܛܠ ܕܠܐ ܐܒܐܫ ܠܟ ܬܘܒ܂ ܚܠܦ ܕܝܩܪܬ ܢܦܫܝ ܒܥܝܢ̈ܝܟ ܝܘܡܢܐ܂ ܗܐ ܐܣܟܠܬ ܘܚܛܝܬ ܛܒ ܣܓܝ܂
26:22	ܘܥܢܐ ܕܘܝܕ ܘܐܡܪ܂ ܗܐ ܡܘܪܢܝܬܗ ܕܡܠܟܐ܂ ܢܥܒܪ ܚܕ ܡܢ ܥ̈ܠܝܡܐ ܢܣܒܝܗ܂

26:23	ܘܡܪܝܐ ܢܗܦܟ ܠܓܒܪܐ ܙܕܝܩܘܬܗ ܘܗܝܡܢܘܬܗ܂ ܕܐܫܠܡܟ/ܘܐܫܠܡܟ#3#/ ܡܪܝܐ ܝܘܡܢܐ ܒܐ̈ܝܕܝ܂ ܘܠܐ ܨܒܝܬ ܠܡܘܫܛܘ ܐܝܕܝ ܒܡܫܝܚܗ ܕܡܪܝܐ܂

26:24	ܐܝܟ ܕܝܪܒܬ ܢܦܫܟ ܝܘܡܢܐ ܒܥܝܢ̈ܝ܂ ܗܟܢܐ ܬܐܪܒ ܢܦܫܝ ܒܥܝܢ̈ܝ ܡܪܝܐ܂
26:25	ܘܐܡܪ ܫܐܘܠ ܠܕܘܝܕ܂ ܒܪܝܟ ܐܢܬ ܒܪܝ܂ ܐܦ/ܘܐܦ#1##2#/ ܡܥܒܕ ܥܒܕܬ ܐܦ/ܘܐܦ#1##2#/ ܡܙܟܐ ܙܟܝܬ܂ ܘܐܙܠ ܕܘܝܕ ܠܐܘܪܚܗ܂ ܘܐܦ ܫܐܘܠ ܗܦܟ ܠܒܝܬܗ܂