The Comprehensive Aramaic Lexicon

27:01	ܘܐܡܪ ܕܘܝܕ ܒܠܒܗ܂ ܗܫܐ ܐܢ ܢܦܠ ܐܢܐ ܚܕ ܝܘܡ ܒܐ̈ܝܕܘܗܝ ܕܫܐܘܠ ܠܝܬ ܠܝ ܛܒܬܐ܂ ܐܠܐ ܐܬܦܠܛ ܠܝ ܠܐܪܥܐ ܕܦܠܫ̈ܬܝܐ܂ ܘܢܠܐܐ ܫܐܘܠ ܠܡܒܥܝܢܝ ܬܘܒ ܒܟܠܗ ܬܚܘܡܐ ܕܐܝܣܪܐܝܠ܂ ܘܐܫܬܘܙܒ ܡܢ ܐ̈ܝܕܘܗܝ܂
27:02	ܘܩܡ ܕܘܝܕ ܘܥܒܪ ܗܘ ܘܫܬܡܐܐ ܓܒܪ̈ܝܢ ܕܥܡܗ ܠܘܬ ܐܟܝܫ ܒܪ ܡܥܟܐ ܡܠܟܐ ܕܓܬ܂
27:03	ܘܝܬܒ ܕܘܝܕ ܥܡ ܐܟܝܫ ܒܓܬ ܗܘ ܘܓܒܪ̈ܘܗܝ ܘܐܢܫ̈ܝ ܒܝܬܗ ܕܕܘܝܕ ܘܬܪ̈ܬܝܢ ܢܫ̈ܘܗܝ ܐܚܝܢܥܡ ܕܡܢ/ܡܢ#3#/ ܐܝܙܪܥܝܠ ܘܐܒܝܓܠ ܐܢܬܬܗ ܕܢܒܠ ܕܡܢ ܟܪܡܠܐ܂
27:04	ܘܚܘܝܘ ܠܫܐܘܠ ܕܢܚܬ ܕܘܝܕ ܠܓܬ܂ ܘܠܐ ܐܘܣܦ ܬܘܒ ܠܡܒܥܝܗ܀܂
27:05	ܘܐܡܪ ܕܘܝܕ ܠܐܟܝܫ܂ ܐܢ ܐܫܟܚܬ ܪ̈ܚܡܐ ܒܥܝܢ̈ܝܟ܂ ܢܬܠܘܢ ܠܝ ܕܘܟܬܐ ܒܚܕܐ ܡܢ ܩܘܪ̈ܝܐ ܕܒܡܕܒܪܐ ܘܐܬܒ ܬܡܢ܂ ܘܠܐ ܢܬܒ ܥܒܕܟ ܒܩܪܝܬܐ ܕܡܠܟܘܬܐ ܥܡܟ܂
27:06	ܘܝܗܒ ܠܗ ܐܟܝܫ ܒܝܘܡܐ ܗ݀ܘ ܠܨܢܩܠܓ܂ ܡܛܠ ܗܢܐ ܗܘܬ ܨܢܩܠܓ ܠܡܠܟܐ ܕܝܗܘܕܐ ܥܕܡܐ ܠܝܘܡܢܐ܀܂
27:07	ܘܗܘܐ ܡܢܝܢܐ ܕܝܘܡ̈ܬܐ ܕܝܬܒ ܕܘܝܕ ܒܐܪܥܐ ܕܦܠܫ̈ܬܝܐ܂ ܥܕܢ ܒܥܕܢ ܘܐܪ̈ܒܥܐ ܝܪ̈ܚܝܢ܂

27:08	ܘܣܠܩ ܕܘܝܕ ‍<‍ܗܘ#3#‍>‍ ܘܓܒܪ̈ܘܗܝ/ܘܓܢܒܪ̈ܘܗܝ#2#/ܘܚܒܪ̈ܘܗܝ#3#/܂ ܘܗܠܟܘ ܥܠ ܓܫܘܪ ܘܥܠ ܓܕܘܠܐ ܘܥܠ ܥܡܠܝܩ܂ ܡܛܠ ܕܗܠܝܢ ܗܘܘ ܝܬܒ̈ܐ ܕܐܪܥܐ ܕܡܢ ܥܠܡ܂ ܘܗܠܟܘ ܥܠ ܓܫܘܪ ܘܥܕܡܐ ܠܐܪܥܐ ܕܡܨܪܝܢ܂

27:09	ܘܚܪܒ ܕܘܝܕ ܠܐܪܥܐ܂ ܘܠܐ ܐܚܝ ܓܒܪܐ ܐܘ ܐܢܬܬܐ ܘܢܣܒ ܥܢܐ ܘܬܘܪ̈ܐ ܘܚܡܪ̈ܐ ܘܓܡ̈ܠܐ ܘܡܐ̈ܢܐ܂ ܘܗܦܟ ܕܘܝܕ ܘܐܬܐ ܠܘܬ ܐܟܝܫ܂
27:10	ܘܐܡܪ ܐܟܝܫ ܠܕܘܝܕ܂ ܐܝܟܐ ܗܘܝܬܘܢ ܝܘܡܢܐ܂ ܘܐܡܪ ܕܘܝܕ܂ ܥܠ ܢܓܒ ܕܝܗܘܕܐ ܘܥܠ ܢܓܒ ܕܝܪܚܡܠ ܘܥܠ ܢܓܒ ܕܩܥܝܠܐ܂
27:11	ܘܓܒܪܐ ܘܐܢܬܬܐ ܠܐ ܐܚܝ ܕܘܝܕ܂ ܕܢܐܬܐ ܠܓܬ ܠܡܐܡܪ܂ ܕܠܐ ܢܚܘܘܢ ܥܠܝܢ ‍<‍ܒܓܬ#2#‍>‍ ܘܢܐܡܪܘܢ܂ ܕܗܟܢܐ/ܗܟܢܐ#3#/ ܥܒܕ ܕܘܝܕ܂ ܘܗܢܐ ܗܘܐ ܢܡܘܣܗ܂ ܟܠܗܘܢ ܝܘܡ̈ܬܐ ܕܝܬܒ ܕܘܝܕ ܒܐܪܥܐ ܕܦܠܫ̈ܬܝܐ܂
27:12	ܘܗܝܡܢ ܐܟܝܫ ܠܕܘܝܕ ܘܐܡܪ܂ ܡܒܐܫܘ ܐܒܐܫ ܒܥܡܗ ܐܝܣܪܝܠ/ܒܐܝܣܪܝܠ#3#/܂ ܗܐ ܗܘܐ ܠܝ ܥܒܕܐ ܠܥܠܡ܀