← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62009: P 2S

Click on a word for lexical analysis
Click on a red-colored coordinate for comments and/or translations of the line

previous chapter


10:01 ܘܡܢ ܒܬܪܟܝܢ ܡܝܬ ܡܠܟܐ ܕܒܢ̈ܝ ܥܡܘܢ ܘܐܡܠܟ ܚܢܘܢ ܒܪܗ ܒܬܪܗ܂
10:02 ܘܐܡܪ ܕܘܝܕ ܐܥܒܕ ܛܝܒܘܬܐ܂ ܥܡ ܚܢܘܢ ܒܪ ܢܚܫ ܐܝܟ ܕܥܒܕ ܐܒܘܗܝ ܥܡܝ ܛܝܒܘܬܐ܂ ܘܫܕܪ ܕܘܝܕ ܠܡܒܝܐܘܬܗ ܥܠ ܐܒܘܗܝ ܒܝܕ ܥܒ̈ܕܘܗܝ܀܀܂ ܘܐܬܘ ܥܒ̈ܕܘܗܝ ܕܕܘܝܕ ܠܐܪܥܐ ܕܒܢ̈ܝ ܥܡܘܢ܂
10:03 ܘܐܡܪ̈ܝܢ ܪ̈ܘܪܒܢܐ ܕܒܢ̈ܝ ܥܡܘܢ ܠܚܢܘܢ ܡܪܗܘܢ ܡܝܩܪܘ ܡܝܩܪ ܗܘܐ ܕܘܝܕ ܠܐܒܘܟ ܒܥܝܢ̈ܝܟ ܕܫܕܪ ܠܘܬܟ ܡܒܝܐ̈ܢܐ܂ ܠܐ ܗܘܐ ܡܛܘܠ ܕܢܓܫܝܗ݀ ܠܩܪܝܬܐ ܘܢܒܕܩܝܗ݀ ܘܢܗܦܟܝܗ݀ ܫܕܪ ܕܘܝܕ ܥܒ̈ܕܘܗܝ ܠܘܬܟ܂
10:04 ܘܐܚܕ ܐܢܘܢ ܚܢܘܢ ܠܥܒ̈ܕܘܗܝ ܕܕܘܝܕ ܘܓܪܥ ܦܠܓܐ ܕܕܩܢܝ̈ܗܘܢ ܘܡܚܝ ܟܘܬܝܢ̈ܝܬܗܘܢ ܒܓܐܪ̈ܐ ܥܕܡܐ ܠܐܫܬ̈ܝܗܘܢ ܘܫܕܪ ܐܢܘܢ܂
10:05 ܘܚܘܝܘ ܠܕܘܝܕ ܘܫܕܪ ܠܐܘܪܥܗܘܢ ܡܛܠ ܕܗܘܘ ܐܢܫܐ ܒܗܝܬܝܢ ܛܒ܂ ܐܡܪ ܠܗܘܢ ܡܠܟܐ ܬܒܘ ܒܐܝܪܝܚܘ ܥܕܡܐ ܕܢܐܥܘܢ ܕܩܢܝܟܘܢ ܘܗܝ ܕܝܢ ܬܐܬܘܢ܂
10:06 ܘܚܙܘ ܒܢܝ ܥܡܘܢ ܕܐܣܟܠܘ ܒܕܘܝܕ ܘܫܕܪܘ ܒ̈ܢܝ ܥܡܘܢ ܘܐܓܪܘ ܠܐܕܘܡ ܒܪ ܪܚܘܒ ܘܠܐܕܘܡ ܒܪ ܨܘܒܐ ܥܣܪ̈ܝܢ ܐ̈ܠܦܝܢ ܪ̈ܓܠܝܝܢ ܘܡܢ ܡܠܟܐ ܕܡܥܟܐ ܐܠܦ ܓܒܪ̈ܝܢ ܘܕܐܫܝܛܘܒ ܬܪ̈ܥܣܪ ܐ̈ܠܦܝܢ ܪ̈ܓܠܝܝܢ܀܀܂
10:07 ܘܫܡܥ ܕܘܝܕ ܘܫܕܪ ܠܝܘܐܒ ܘܠܟܠܗ ܚܝܠܐ ܕܓܒܪ̈ܐ܂
10:08 ܘܢܦܩܘ ܒܢ̈ܝ ܥܡܘܢ ܘܣܕܪܘ ܩܪܒܐ ܒܡܥܠܢܐ ܕܬܪܥܐ ܕܐܕܘܡ ܒܪ ܪܚܘܒ ܘܕܐܕܘܡ ܒܪ ܨܘܒܐ ܘܕܐܫܝܛܘܒ ܘܕܡܥܟܐ ܒܠܚܘܕܝܗܘܢ ܒܚܩܠܐ܂
10:09 ܘܚܙܐ ܝܘܐܒ ܕܐܬܬܣܝܡ ܥܠܘܗܝ ܩܪܒܐ ܡܢ ܩܕܡܘܗܝ ܘܡܢ ܒܣܬܪܗ ܘܓܒܐ ܡܢ ܟܘܠܗܘܢ ܓܒ̈ܝܐ/ܓܒܪ̈ܐ#3#/ ܕܐܝܣܪܝܠ ܘܣܕܪ ܠܘܩܒܠ ܐܕܘܡ܂
10:10 ܘܫܪܟܐ ܕܥܡܐ ܐܫܠܡ ܠܐܒܝܫܝ ܐܚܘܗܝ ܘܣܕܪ ܠܘܩܒܠ ܒܢ̈ܝ ܥܡܘܢ܂
10:11 ܘܐܡܪ ‍<‍ܠܗ#3#‍>‍ ܠܐܒܝܫܝ ܐܚܘܗܝ ܐܢ ܢܥܫܢ ܡܢܝ ܐܕܘܡ ܗܘܝ ܠܝ ܡܥܕܪܢܐ ܘܐܢ ܒܢ̈ܝ ܥܡܘܢ ܢܥܫܢܘܢ ܡܢܟ ܐܬܐ ܘܐܥܕܪܟ܂
10:12 ܘܢܬܚܝܠ ܘܢܣܬܕܪ/ܘܢܬܟܬܫ#3#/ ܥܠ ܐ̈ܦܝ ܥܡܢ ܘܥܠ ܐ̈ܦܝ ܩܘܪ̈ܝܐ ܕܐܠܗܢ܂ ܘܡܪܝܐ ܢܥܒܕ ܡܕܡ ܕܫܦܝܪ ܒܥܝܢ̈ܘܗܝ܂
10:13 ܘܩܪܒ ܝܘܐܒ ܘܥܡܐ ܕܥܡܗ ܠܡܬܟܬܫܘ ܥܡ ܐܕܘܡ ܘܥܪܩܘ ܡܢ ܩܕܡܘܗܝ܂
10:14 ܘܒܢ̈ܝ ܥܡܘܢ ܚܙܘ ܕܥܪܩ ܐܕܘܡ ܘܥܪܩܘ ܐܦ ܗܢܘܢ ܡܢ ܩܕܡ ܐܒܝܫܝ ܘܥܠܘ ܠܩܪܝܬܐ܀܂ ܘܗܦܟ ܝܘܐܒ ܡܢ ܒܢ̈ܝ ܥܡܘܢ ܘܥܠ ܠܐܘܪܫܠܡ܂
10:15 ܘܚܙܐ ܐܕܘܡ ܕܐܬܬܒܪ ܩܕܡ ‍<‍ܒܢ̈ܝ#3#‍>‍ ܐܝܣܪܝܠ ܘܐܬܟܢܫܘ ܐܟܚܕܐ܂
10:16 ܘܫܕܪ ܗܕܪܥܙܪ ܘܐܦܩ ܠܐܕܘܡ ܕܡܢ/ܡܢ#3#/ ܥܒܪ ܢܗܪܐ ܘܐܬܘ ܠܚܝܠܡ ܘܫܘܒܟ ܪܒ ܚܝܠܐ ܕܗܕܪܥܙܪ ܩܕܡܝܗܘܢ܂
10:17 ܘܚܘܝܘ ܠܕܘܝܕ܂ ܘܟܢܫ ܠܟܠܗ ܐܝܣܪܝܠ ܘܥܒܪܘ ܝܘܪܕܢܢ ܘܐܬܘ ܠܚܝܠܡ܂ ܘܫܘܒܟ ܪܒ ܚܝܠܐ ܕܗܕܪܥܙܪ ܩܕܡܝܗܘܢ܂ ܘܐܣܬܕܪ ܐܕܘܡ ܠܘܩܒܠ ܐܝܣܪܝܠ܂ ܘܕܘܝܕ ܐܬܟܬܫ ܥܡ ܐܕܘM܂
10:18 ܘܥܪܩ ܐܕܘܡ ܩܕܡ ܐܝܣܪܝܠ ܘܩ݁ܛܠ ܕܘܝܕ ܡܢ ܐܕܘܡ \ܐܠܦ ܘܫܒܥܡܐܐ /ܫܒܥܡܐܐ#3#/ ܡܪ̈ܟܒܢ ܘܐܪܒܥܐ ܐ̈ܠܦܝܢ ܦܪ̈ܫܝܢ ܘܥܡܐ ܣܓܝܐܐ܂ ܘܠܫܘܒܟ ܪܒ ܚܝܠܐ ܕܗܕܪܥܙܪ ܡܚܝܗܝ ܘܡܝܬ ܬܡܢ܂
10:19 ܘܚܙܘ ܟܠܗܘܢ ܥܒ̈ܕܘܗܝ ܕܗܕܪܥܙܪ ܕܐܬܬܒܪܘ ܩܕܡ ܒܢ̈ܝ ܐܝܣܪܝܠ ܘܐܫܠܡܘ ܠܐܝܣܪܝܠ ܘܦܠܚܘ ܐܢܘܢ܂ ܘܕܚܠܘ ܐܕܘܡ ܠܡܥܕܪܘ ܬܘܒ ܠܒܢ̈ܝ ܥܡܘܢ܀܂

next chapter