The Comprehensive Aramaic Lexicon

01:01)1(	ܘܡܠܟܐ ܕܘܝܕ ܣܐܒ ܘܥܠ ܒܫ̈ܢܝܐ܂ ܘܡܟܣܝܢ ܗܘܘ ܠܗ ܒܠܒܘܫ̈ܐ ܘܠܐ ܫܚܢ܂
01:02)1(	ܘܐܡܪܘ ܠܗ ܥܒ̈ܕܘܗܝ܂ ܗܐ ܥܒ̈ܕܝܟ ܩܕܡܝܟ܂ ܢܒܥܘܢ ܠܡܪܢ/ܠܡܪܝ#3#/ ܡܠܟܐ ܥܠܝܡܬܐ ܒܬܘܠܬܐ܂ ܘܬܩܘܡ ܩܕܡ ܡܠܟܐ܂ ܘܬܗܘܐ ܠܗ ܡܫܡܫܢܝܬܐ܂ ܘܬܫܟܒ ܒܥܘܒܟ ܘܢܫܚܢ ܠܡܪܢ ܡܠܟܐ܂
01:03)1(	ܘܒܥܘ ܥܠܝܡܬܐ ܕܫܦܝܪܐ ܒܟܠܗ ܬܚܘܡܐ ܕܐܝܣܪܝܠ܂ ܘܐܫܟܚܘ ܠܐܒܝܫܓ ܫܝܠܘܡܝܬܐ܂ ܘܐܝܬܝܘܗ ܠܡܠܟܐ܂
01:04)1(	ܘܥܠܝܡܬܐ ܫܦܝܪܐ ܗܘܬ ܒܚܙܘܗ ܛܒ܂ ܘܗܘܬ ܠܡܠܟܐ ܡܫܡܫܢܝܬܐ܂ ܘܡܫܡܫܐ ܠܗ ܘܡܠܟܐ ܠܐ ܝܕܥܗ܀
01:05)1(	ܘܐܕܘܢܝܐ ܒܪ ܚܓܝܬ܂ ܡܬܪܘܪܒ ‍<‍ܗܘܐ#3#‍>‍ ܘܐܡܪ ܐܢܐ ܐܡܠܟ܂ ܘܥܒܕ ܠܗ ܡܪ̈ܟܒܬܐ ܘܦܪ̈ܫܐ܂ ܘܚܡܫܝܢ ܓܒܪ̈ܝܢ ܕܪܗܛܝܢ ܗܘܘ ܩܕܡܘܗܝ܀
01:06)1(	ܘܠܐ ܟܐܐ ܒܗ ܐܒܘܗܝ ܡܢ ܝܘܡ̈ܘܗܝ܂ ܘܐܡܪ ܠܗ܂ ܡܛܠ ܡܢܐ ܗܟܢܐ ܥܒܕ ܐܢܬ܂ ܘܐܦ ܗܘ ܫܦܝܪ ܗܘܐ ܒܚܙܘܗ ܛܒ܂ ܘܠܗ ܝܠܕܬ ܒܬܪ ܐܒܫܠܘܡ܂
01:07)1(	ܘܗܘܘ ܦܬ̈ܓܡܘܗܝ ܥܡ ܝܘܐܒ ܒܪ ܨܘܪܝܐ ܘܥܡ ܐܒܝܬܪ ܟܗܢܐ܂ ܘܡܥܕܪܝܢ ‍<‍ܗܘܘ#3#‍>‍ ܒܬܪ ܐܕܘܢܝܐ܀܀܂
01:08)1(	ܘܨܕܘܩ ܟܗܢܐ ܘܒܢܝܐ ܒܪ ܝܘܝܕܥ ܘܢܬܢ ܢܒܝܐ ܘܫܡܥܝ ܘܕܥܝ ܘܓܢܒܪ̈ܐ ܕܕܘܝܕ܂ ܠܐ ܗܘܘ ܒܬܪ ܐܕܘܢܝܐ܂
01:09)1(	ܘܕܒܚ ܐܕܘܢܝܐ ܥܢܐ ܘܬܘܪ̈ܐ ܘܡܦܛܡ̈ܐ܂ ܥܠ ܟܐܦܐ ܪܒܬܐ ܕܥܠ ܓܒ ܥܝܢ ܩܨܪܐ܂ ܘܩܪܐ ܠܟܠܗܘܢ ܐ̈ܚܘܗܝ ܒ̈ܢܝ ܡܠܟܐ܂ ܘܠܟܠܗܘܢ ܕܒܝܬ ܝܗܘܕܐ܂ ܘܠܥܒ̈ܕܝ ܡܠܟܐ܂
01:10)1(	ܘܠܢܬܢ ܢܒܝܐ ܘܠܒܢܝܐ ܒܪ ܝܘܝܕܥ ܘܠܓܢܒܪ̈ܐ ܕܕܘܝܕ܂ ܘܠܫܠܝܡܘܢ ܐܚܘܗܝ ܠܐ ܩܪܐ܂
01:11)1(	ܘܐܡܪ ܢܬܢ ܢܒܝܐ ܠܒܬܫܒܥ ܐܡܗ ܕܫܠܝܡܘܢ܂ ܠܐ ܫܡܥܬܝ ܕܐܡܠܟ ܐܕܘܢܝܐ ‍<‍ܒܪ ܚܓܝܬ#3#‍>‍܂ ܘܡܪܢ ܕܘܝܕ/ܡܠܟܐ#3#/ ܠܐ ܝܕܥ܂
01:12)1(	ܗܫܐ/ܡܟܝܠ#3#/ ܬܝ ܐܡܠܟܟܝ ܡܠܟܐ܂ ܘܦܠܛܝ ܢܦܫܟܝ ܘܢܦܫܐ ܕܒܪܟܝ ܫܠܝܡܘܢ܂
01:13)1(	ܙܠܝ ܥܘܠܝ ܠܘܬ ܡܠܟܐ ܕܘܝܕ ܘܐܡܪܝ ܠܗ܂ ܠܐ ܐܢܬ ܡܪܝ ܡܠܟܐ ܝܡܝܬ ܠܐܡܬܟ ‍<‍ܘܐܡܪܬ#3#‍>‍܃ ܕܫܠܝܡܘܢ ܒܪܟܝ ܢܡܠܟ ܒܬܪܝ܃ ܘܗܘ ܢܬܒ/ܝܬܒ#3#/܂ ܥܠ ܟܘܪܣܝ܂ ܡܛܠ ܡܢܐ ܐܡܠܟ ܐܕܘܢܝܐ܂
01:14)1(	ܘܥܕ/ܘܟܕ#3#/ ܐܢܬܝ ܡܡܠܠܐ ܬܡܢ ܩܕܡ ܡܠܟܐ܂ ܐܢܐ ܐܬܐ ܒܬܪܟܝ ܘܐܫܡܠܐ ܡ̈ܠܝܟܝ܂܀܀
01:15)1(	ܘܥܠܬ ܒܬܫܒܥ ܠܘܬ ܡܠܟܐ ܕܘܝܕ ܠܩܝܛܘܢܐ܂ ܘܡܠܟܐ ܣܐܒ ܛܒ܂ ܘܐܒܝܫܓ ܫܝܠܘܡܝܬܐ ܡܫܡܫܐ ܗܘܬ ܠܡܠܟܐ/ܠܗ#3#/܂
01:16)1(	ܘܒܪܟܬ ܒܬܫܒܥ ܘܣܓܕܬ ܠܡܠܟܐ܂ ܐܡܪ ܠܗ ܡܠܟܐ܂ ܡܐ ܠܟܝ ܒܬܫܒܥ܂
01:17)1(	ܐܡܪܐ ܠܗ܂ ܡܪܝ ܡܠܟܐ܂ ܐܢܬ ܐܝܡܝܬ ܒܡܪܝܐ ܐܠܗܟ ܠܐܡܬܟ܂ ܕܫܠܝܡܘܢ ܒܪܟܝ ܢܡܠܟ ‍<‍ܡܢ#3#‍>‍ ܒܬܪܝ܂ ܘܗܘ ܢܬܒ/ܝܬܒ#3#/ ܥܠ ܟܘܪܣܝ܂
01:18)1(	ܘܗܫܐ ܗܐ ܐܕܘܢܝܐ ܐܡܠܟ܂ ܘܐܢܬ ܡܪܝ ܡܠܟܐ ܠܐ ܝܕܥܬ܂
01:19)1(	ܘܕܒܚ ܬܘܪ̈ܐ ܘܡ̈ܦܛܡܐ ܘܥܢܐ ܣܘܓܐܐ܂ ܘܩܪܐ ܠܟܠܗܘܢ ܒܢ̈ܝ ܡܠܟܐ܂ ܘܠܐܒܝܬܪ ܟܗܢܐ ܘܠܝܘܐܒ ܪܒ ܚܝܠܐ܂ ܘܠܢܬܢ ܢܒܝܐ ܘܠܒܢܝܐ ܒܪ ܝܘܝܕܥ ܘܠܫܠܝܡܘܢ ܥܒܕܟ ܠܐ ܩܪܐ܂
01:20)1(	ܘܐܢܬ ܡܪܝ ܡܠܟܐ܂ ܥܝܢ̈ܘܗܝ ܕܟܠܗ ܐܝܣܪܝܠ ܥܠܝܟ ܗܘ܂ ܕܬܚܘܐ ܐܢܘܢ ܡ^ܢ ܢܬܒ/ܝܬܒ#3#/ ܥܠ ܟܘܪܣܝܗ ܕܡܪܝ ܡܠܟܐ ܡܢ ܒܬܪܗ܂
01:21)1(	ܘܡܐ ܕܫܟܒ ܡܪܝ ܡܠܟܐ ܠܘܬ ܐ̈ܒܗܘܗܝ ܒܫܠܡܐ܃ ܐܗܘܐ ܐܢܐ ܘܒܪܝ ܫܠܝܡܘܢ ܚܛܝ̈ܝܢ܀
01:22)1(	ܘܥܕ ܗܝ ܡܡܠܠܐ ܬܡܢ ܩܕܡ ܡܠܟܐ܂ ܘܢܬܢ ܢܒܝܐ ܐܬܐ܂
01:23)1(	ܘܚܘܝܘ ܠܡܠܟܐ ܘܐܡܪܘ ܠܗ܂ ܕܗܐ/ܗܐ#3#/ ܢܬܢ ܢܒܝܐ ܐܬܐ܂ ܘܥܠ ܩܕܡ ܡܠܟܐ܂ ܘܢܦܠ ܥܠ ܐ̈ܦܘܗܝ ܥܠ ܐܪܥܐ ܘܣܓܕ܂
01:24)1(	ܘܐܡܪ ܢܬܢ܂ ܡܪܝ ܡܠܟܐ܂ ܐܢܬ ܐܡܪܬ ܕܐܕܘܢܝܐ ܢܡܠܟ ܒܬܪܝ܂ ܘܗܘ ܢܬܒ ܥܠ ܟܘܪܣܝ܂
01:25)1(	ܕܢܚܬ ܐܕܘܢܝܐ ܝܘܡܢܐ܂ ܘܕܒܚ ܬܘܪ̈ܐ ܘܡ̈ܦܛܡܐ ܘܥܢܐ ܣܘܓܐܐ܂ ܘܩܪܐ ܠܟܠܗܘܢ ܒܢ̈ܝ ܡܠܟܐ܂ ܘܠܪ̈ܒܝ ܚܝ̈ܠܐ ܘܠܐܒܝܬܪ ܟܗܢܐ܂ ܘܗܐ ܐܟܠܝܢ ܘܫܬܝܢ ܩܕܡܘܗܝ܂ ܘܐܡܪ̈ܝܢ ܢܚܐ ܡܠܟܐ ܐܕܘܢܝܐ܂
01:26)1(	ܘܠܝ ܕܐܢܐ ܥܒܕܟ܃ ܘܠܨܕܘܩ ܟܗܢܐ ܘܠܒܢܝܐ ܒܪ ܝܘܝܕܥ ܘܠܫܠܝܡܘܢ ܥܒܕܟ ܠܐ ܩܪܐ܂
01:27)1(	ܐܝܢ/ܐܢ#3#/ ܡܢ ܩܕܡܝܟ ܡܪܝ ܡܠܟܐ ܗܘܐ ܦܬܓܡܐ ܗܢܐ܃ ܘܠܐ ܚܘܝܬ ܠܥܒ̈ܕܝܟ/ܠܥܒܕܟ#3#/ ܡ݁ܢ ܢܬܒ ܥܠ ܟܘܪܣܝܗ ܕܡܪܝ ܡܠܟܐ ܡܢ ܒܬܪܗ܂
01:28)1(	ܘܥܢܐ/ܘܐܡܪ#3#/ ܡܠܟܐ ܕܘܝܕ ܘܐܡܪ܂ ܩܪܘ ܠܝ ܠܒܬܫܒܥ܂ ܘܥܠܬ ܩܕܡܘܗܝ ܘܩܡܬ ܩܕܡ ܡܠܟܐ܂
01:29)1(	ܘܝܡܐ ܠܗ ܡܠܟܐ ܘܐܡܪ܂ ܚܝ ܗܘ ܡܪܝܐ ܕܦܪܩ ܢܦܫܝ ܡܢ ܟܠ ܥܩܐ܂
01:30)1(	ܐܠܐ ܐܝܟܢܐ/ܐܝܟ#3#/ ܕܝܡܝܬ ܠܟܝ ܒܡܪܝܐ ܐܠܗܐ ܕܐܝܣܪܝܠ ܘܐܡܪܬ܃ ܕܫܠܝܡܘܢ ܒܪܟܝ ܢܡܠܟ ܒܬܪܝ ܘܗܘ ܢܬܒ/ܝܬܒ#3#/ ܥܠ ܟܘܪܣܝ ‍<‍ܒܬܪܝ#3#‍>‍܂ ܗܟܢܐ ܐܥܒܕ ܝܘܡܢܐ܂
01:31)1(	ܘܒܪܟܬ ܒܬܫܒܥ ܥܠ ܐ̈ܦܝܗ ܥܠ ܐܪܥܐ܂ ܘܣܓܕܬ ܠܡܠܟܐ ܘܐܡܪܬ܂ ܢܚܐ ܡܪܝ ܡܠܟܐ ܕܘܝܕ ܠܥܠܡ܂܀
01:32)1(	ܘܐܡܪ ܡܠܟܐ ܕܘܝܕ܂ ܩܪܘ ܠܝ ܠܨܕܘܩ ܟܗܢܐ܂ ܘܠܢܬܢ ܢܒܝܐ܂ ܘܠܒܢܝܐ ܒܪ ܝܘܝܕܥ܂ ܘܐܬܘ ܩܕܡ ܡܠܟܐ܂
01:33)1(	ܘܐܡܪ ܠܗܘܢ ܡܠܟܐ܂ ܩܘܡܘ ܕܒܪܘ ܥܡܟܘܢ ܠܥܒ̈ܕܐ ܕܡܪܟܘܢ܂ ܘܐܪܟܒܘ ܠܫܠܝܡܘܢ ܒܪܝ ܥܠ ܟܘܕܢܬܐ ܕܝܠܝ܂ ܘܐܘܒܠܘܗܝ ܠܫܝܠܘܚܐ܂
01:34)1(	ܘܢܡܫܚܘܢܗ ܬܡܢ܂ ܨܕܘܩ ܟܗܢܐ ܘܢܬܢ ܢܒܝܐ ܕܢܡܠܟ/ܘܢܡܠܟ#3#/ ܥܠ ܐܝܣܪܝܠ܂ ܘܩܪܘ ܒܫܝܦܘܪܐ ܘܐܡܪܘ܂ ܢܚܐ ܡܠܟܐ ܫܠܝܡܘܢ܂
01:35)1(	ܘܣܩܘ ܒܬܪܗ܂ ܘܢܐܬܐ ܘܢܬܒ ܥܠ ܟܘܪܣܝ܂ ܘܗܘ ܢܡܠܟ ܒܬܪܝ܂ ܠܗ ܦܩܕܬ ܕܢܗܘܐ ܡܠܟܐ ܥܠ ܐܝܣܪܝܠ ܘܥܠ ܝܗܘܕܐ܂
01:36)1(	ܘܥܢܐ ܒܢܝܐ ܒܪ ܝܘܝܕܥ ܘܐܡܪ ܩܕܡ ܡܠܟܐ܂ ܐܡܝܢ܂ ܗܟܢܐ \ܢܥܒܕ ܡܪܝܐ ܐܠܗܟ /ܢܗܘܐ#3#/܂
01:37)1(	ܘܐܝܟ ܕܗܘܐ ܡܪܝܐ ܥܡ ܡܪܝ ܡܠܟܐ܂ ܗܟܢܐ ܢܗܘܐ ܐܦ ܥܡ ܫܠܝܡܘܢ܂ ܘܢܘܪܒ ܟܘܪܣܝܗ ܡܢ ܟܘܪܣܝܗ ܕܡܪܝ ܡܠܟܐ ܕܘܝܕ܀
01:38)1(	ܘܢܚܬ ܨܕܘܩ ܟܗܢܐ ܘܢܬܢ ܢܒܝܐ ܘܒܢܝܐ ܒܪ ܝܘܝܕܥ ܘܩܫܬ̈ܐ ܘܕܫܕܝܢ ܒܩ̈ܠܥܐ܂ ܘܐܪ̈ܟܒܘܗܝ ܠܫܠܝܡܘܢ ܥܠ ܟܘܕܢܬܐ ܕܡܠܟܐ ܕܘܝܕ ܘܐܘܒܠܘܗܝ ܠܫܝܠܘܚܐ܂
01:39)1(	ܘܢܣܒ ܨܕܘܩ ܟܗܢܐ ܘܢܬܢ ܢܒܝܐ ܩܪܢܐ ܕܡܫܚܐ ܡܢ ܡܫܟܢܐ܂ ܘܡܫܚܘܗܝ ܠܫܠܝܡܘܢ܂ ܘܩܪܘ ܒܫܝܦܘܪܐ܂ ܘܐܡܪܘ ܟܠܗ ܥܡܐ܂ ܢܚܐ ܡܠܟܐ ܫܠܝܡܘܢ܂
01:40)1(	ܘܣܠܩܘ ܟܠܗ ܥܡܐ ܒܬܪܗ܂ ܘܥܡܐ ܪ̈ܒܥܝܢ ܒܪ̈ܒܝܥܐ܂ ܘܚܕܝܢ ‍<‍ܥܡܐ#3#‍>‍ ܚܕܘܬܐ ܪܒܬܐ܂ ܘܐܨܛܪܝܬ ܐܪܥܐ ܒܩܠܗܘܢ܂
01:41)1(	ܘܫܡܥ ܐܕܘܢܝܐ ܘܟܠ ܕܡܙܡܢܝܢ ܗܘܘ ܠܗ ܟܕ ܓܡܪܘ ܠܡܐܟܠ܂ ܘܟܕ ܫܡܥ ܝܘܐܒ ܩܠܐ ܕܫܝܦܘܪܐ ܐܡܪ܂ ܡܢܘ ܩܠܐ ܗܢܐ ܕܩܪܝܬܐ ܐܫܬܓܫܬ܂
01:42)1(	ܘܥܕ/ܘܟܕ#3#/ ܗܘ ܡܡܠܠ܂ ܗܐ ܢܬܢ ܒܪ ܐܒܝܬܪ ܟܗܢܐ ܐܬܐ܂ ܘܐܡܪ ܠܗ ܐܕܘܢܝܐ܂ ܥܘܠ ܡܛܠ ܕܓܢܒܪ ܚܝܠܐ ܐܢܬ܂ ܘܛܒܬܐ ܡܣܒܪ ܐܢܬ܂
01:43)1(	ܘܥܢܐ ܢܬܢ ܘܐܡܪ ܠܐܕܘܢܝܐ܂ ܫܪܝܪܐܝܬ ܡܪܢ ܡܠܟܐ ܕܘܝܕ ܐܡܠܟ ܠܫܠܝܡܘܢ܂
01:44)1(	ܘܫܕܪ ܥܡܗ ܡܠܟܐ܂ ܠܨܕܘܩ ܟܗܢܐ ܘܠܢܬܢ ܢܒܝܐ ܘܠܒܢܝܐ ܒܪ ܝܘܝܕܥ܂ ܘܠܩܫ̈ܬܐ ܘܠܕܫܕܝܢ ܒܩ̈ܠܥܐ܂ ܘܐܪܟܒܘܗܝ ܠܫܠܝܡܘܢ ܥܠ ܟܘܕܢܬܐ ܕܡܠܟܐ܂
01:45)1(	ܘܡܫܚܘܗܝ ܬܡܢ ܨܕܘܩ ܟܗܢܐ ܘܢܬܢ ܢܒܝܐ܂ ܕܢܗܘܐ/ܘܗܘܐ#3#/ ܡܠܟܐ ܒܫܝܠܘܚܐ܂ ܘܣܠܩܘ ܡܢ ܬܡܢ ܟܕ ܚܕܝܢ܂ ܘܚܕܝܬ/ܘܐܫܬܓܫܬ#3#/ ܟܠܗ ܩܪܝܬܐ܂ ܗ݀ܘ ܗܘ݂ ܩܠܐ ܕܫܡܥܬܘܢ܂
01:46)1(	ܘܐܦ ܝܬܒ ܫܠܝܡܘܢ ܥܠ ܟܘܪܣܝܐ ܕܡܠܟܘܬܐ܂
01:47)1(	ܘܐܦ ܐܬܘ ܥܒܕ̈ܘܗܝ ܕܡܠܟܐ ܠܡܒܪܟܘܬܗ ܠܡܪܢ ܡܠܟܐ ܕܘܝܕ ܘܐܡܪܘ܂ ܢܛܐܒ ܡܪܝܐ ܐܠܗܟ ܫܡܗ ܕܫܠܝܡܘܢ ܡܢ ܫܡܟ܂ ܘܢܘܪܒ ܟܘܪܣܝܗ ܡܢ ܟܘܪܣܝܟ܂ ܘܣܓܕ ܡܠܟܐ ܥܠ ܡܫܟܒܗ܂
01:48)1(	ܘܐܦ ܡܠܟܐ ܗܟܢܐ ܐܡܪ܂ ܒܪܝܟ ܗܘ ܡܪܝܐ ܐܠܗܐ ܕܐܝܣܪܝܠ܂ ܕܝܗܒ ܠܝ ܒܪܐ ܝܘܡܢܐ ܕܢܬܒ/ܕܝܬܒ#3#/ ܥܠ ܟܘܪܣܝ ܘܥܝܢ̈ܝ ܚܙܝܢ/ܢܚ̈ܙܝܢ#3#/܂

01:49)1(	ܘܕܚܠܘ ܟܘܠܗܘܢ ܓܒܪ̈ܐ ܕܡܙܡܢܝܢ ܗܘܘ ܠܐܕܘܢܝܐ܂ ܘܩܡܘ ܘܐܙܠܘ ܓܒܪ ܠܐܘܪܚܗ܂

01:50)1(	ܘܐܕܘܢܝܐ ܕܚܠ ܡܢ ܩܕܡ ܫܠܝܡܘܢ܂ ܘܩܡ ܐܙܠ ܘܐܚܕ ܓܘܣܐ ܒܩܪ̈ܢܬܐ ܕܡܕܒܚܐ܂
01:51)1(	ܘܐܬܚܘܝ ܠܡܠܟܐ ܫܠܝܡܘܢ ܕܗܐ ܕܚܠ ܐܕܘܢܝܐ ܡܢ ܩܕܡܝܟ܂ ܘܐܚܕ ܓܘܣܐ ܒܩܪ̈ܢܬܐ ܕܡܕܒܚܐ܂ ܘܐܡܪ ܢܐܡܐ ܠܝ ܝܘܡܢܐ ܡܠܟܐ ܫܠܝܡܘܢ ܕܠܐ ܢܩܛܘܠ ܠܥܒܕܗ ܒܚܪܒܐ܂
01:52)1(	ܘܐܡܪ ܫܠܝܡܘܢ܂ ܐܢ ܢܗܘܐ ܒܪ ܚܝܠܐ ܠܐ ܢܦܠ ܡܢ ܣܥܪܐ ܕܪܝܫܗ ܥܠ ܐܪܥܐ܂ ܘܐܢ ܒܝܫܬܐ ܬܫܬܟܚ ܒܗ/ܒܬܪܗ#3#/ ܢܡܘܬ܂
01:53)1(	ܘܫܕܪ ܡܠܟܐ ܫܠܝܡܘܢ ܘܐܝܬܝܗ ܡܢ ܡܕܒܚܐ܂ ܘܐܬܐ ܘܣܓܕ ܠܡܠܟܐ/ܩܕܡ ܡܠܟܐ#3#/ ܫܠܝܡܘܢ܂ ܘܐܡܪ ܠܗ ܫܠܝܡܘܢ ܙܠ ܠܒܝܬܟ܀܂