The Comprehensive Aramaic Lexicon

02:01)1(	ܘܩܪܒܘ ܝܘܡ̈ܘܗܝ ܕܕܘܝܕ ܠܡܡܬ܂ ܘܦܩܕ ܠܫܠܝܡܘܢ ܒܪܗ ܘܐܡܪ ܠܗ܂
02:02)1(	ܐܢܐ ܐܙܠ ܐܢܐ ܒܐܘܪܚܐ ܕܟܠܗ ܐܪܥܐ܂ ܐܬܚܝܠ ܘܗܘܝ ܓܒܪܐ܂
02:03)1(	ܘܛܪ ܢܛܘܪ̈ܬܗ ܕܡܪܝܐ ܐܠܗܟ܂ ܘܗܠܟ ܒܐܘܪ̈ܚܬܗ܂ ܘܛܪ ܩܝ̈ܡܘܗܝ ܘܦܘܩ̈ܕܢܘܗܝ܂ ܘܕܝܢ̈ܘܗܝ ܘܣ̈ܗܕܘܬܗ܂ ܐܝܟ ܕܟܬܝܒ ܒܢܡܘܣܐ ܕܡܘܫܐ܂ ܡܛܠ ܕܬܨܠܚ ܒܟܠ ܕܬܥܒܕ܂ ܘܠܐܝܟܐ ܕܬܐܙܠ ܬܟܫܪ܂
02:04)1(	ܡܛܠ ܕܢܩܝܡ ܡܪܝܐ ܦܬ̈ܓܡܘܗܝ ܕܐܡܪ ܥܠܝ܂ ܕܐܢ ܢܛܪܘܢ ܒܢܝ̈ܟ ܐܘܪ̈ܚܬܗܘܢ ܠܡܗܠܟܘ ܩܕܡܝ ܒܩܘܫܬܐ܂ ܡܢ ܟܠܗ ܠܒܗܘܢ ܘܡܢ ܟܘܠܗ ܢܦܫܗܘܢ ܠܡܐܡܪ܂ ܠܐ ܢܥܢܕ ܠܟ ܓܒܪܐ ܕܝܬܒ ܥܠ ܟܘܪܣܝܐ ܕܐܝܣܪܝܠ܂
02:05)1(	ܘܗܫܐ/ܐܦ#3#/ ܐܢܬ ܝܕܥ ܐܢܬ ܡܕܡ ܕܥܒܕ ܠܝ ܝܘܐܒ ܒܪ ܨܘܪܝܐ܂ ܘܡܕܡ ܕܥܒܕ ܠܬܪ̈ܝܢ/ܘܠܬܪܝܢ#3#/ ܪ̈ܒܝ ܚܝ̈ܠܘܬܐ ܕܐܝܣܪܝܠ܂ ܠܐܒܢܝܪ ܒܪ ܢܝܪ ܘܠܥܡܣܐ ܒܪ ܝܬܪ܂ ܕܩܛܠ ܐܢܘܢ ܘܚܫܒ/ܘܚܒܫ#3#/ ܐܢܘܢ ܐܝܟ ܕܒܩܪܒܐ/ܕܒܩܒܪܐ#3#/ ܘܐܫܕ/ܘܐܚܕ#3#/ ܕܡܗܘܢ ܒܣܝܦܐ ܕܒܚܨ̈ܘܗܝ ܘܕܫ ܒܡܣ̈ܢܐ ܕܪ̈ܓܠܘܗܝ܂
02:06)1(	ܘܥܒܕ ܠܗ ܐܝܟ ܚܟܝܡܘܬܟ܂ ܘܠܐ ܬܚܬ ܣܝܒܘܬܗ ܒܫܠܡܐ ܠܫܝܘܠ܂
02:07)1(	ܘܥܡ ܒܢ̈ܝ ܒܪܙܠܝ ܓܠܥܕܝܐ ܥܒܕ ܛܝܒܘܬܐ/ܚܣܕܐ#3#/܂ ܘܢܗܘܘܢ ܡܢ ܐ̈ܟܠܝ ܦܬܘܪܟ܂ ܡܛܠ ܕܗܢܘܢ ܫܡܫܘܢܝ ܒܟܠܡܕܡ ܟܕ ܥܪܩܬ ܡܢ ܩܕܡ ܐܒܫܠܘܡ ܐܚܘܟ܀
02:08)1(	ܘܗܐ ܫܡܥܝ ܒܪ ܓܐܪܐ ܥܡܟ܂ ܡܢ ܫܒܛܐ ܕܒܢܝܡܝܢ܂ ܡܢ ܒܝܬ ܚܘܪܝܡ ܘܗܘ ܨܚܝܢܝ ܨܘܚܝ̈ܬܐ ܡܪ̈ܝܪܬܐ ܒܝܘܡܐ ܕܐܙܠܬ ܠܡܚܢܝܡ܂ ܘܗܘ ܢܚܬ ‍<‍ܗܘܐ#3#‍>‍ ܠܐܘܪܥܝ ܠܝܘܪܕܢܢ܂ ܘܝܡܝܬ ܠܗ ܒܡܪܝܐ ܐܠܗܐ ܘܐܡܪܬ ܠܗ܂ ܕܐܢܐ ܠܐ/ܕܠܐ#3#/ ܐܩܛܠܟ ܒܚܪܒܐ܂
02:09)1(	ܗܫܐ ܠܐ ܬܙܟܝܘܗܝ܂ ‍<‍ܡܛܠ#3#‍>‍ ܕܓܒܪܐ ܐܢܬ ܚܟܝܡܐ܂ ܘܕܥ ܡܕܡ ܕܬܥܒܕ ܠܗ܂ ܘܐܗܦܟ ܣܟܠܘܬܗ ܥܠ ܪܝܫܗ܂ ܘܐܚܬ ܣܝܒܘܬܗ ܒܕܡܐ ܠܫܝܘܠ܀܂
02:10)1(	ܘܫܟܒ ܕܘܝܕ ܥܡ ܐ̈ܒܗܘܗܝ܂ ܘܐܬܩܒܪ ܒܩܪܝܬܐ ܕܕܘܝܕ܂
02:11)1(	ܘܝܘܡ̈ܬܐ ܕܐܡܠܟ ܕܘܝܕ ܥܠ ܐܝܣܪܝܠ ܐܪ̈ܒܥܝܢ ܫ̈ܢܝܢ܂ ܒܚܒܪܘܢ ܐܡܠܟ ܫܒܥ ܫܢܝ̈ܢ܂ ܘܒܐܘܪܫܠܡ ܐܡܠܟ ܬܠܬܝܢ ܘܬܠܬ ܫ̈ܢܝܢ܀
02:12)1(	ܘܫܠܝܡܘܢ ܝܬܒ ܥܠ ܟܘܪܣܝܗ ܕܕܘܝܕ ܐܒܘܗܝ܂ ܘܬܩܢܬ ܡܠܟܘܬܗ ܛܒ܀܀
02:13)1(	ܘܐܬܐ ܐܕܘܢܝܐ ܒܪ ܚܓܝܬ ܠܘܬ ܒܬܫܒܥ ܐܡܗ ܕܫܠܝܡܘܢ܂ ܘܐܡܪܐ ܠܗ܂ ܫܠܡ ܡܐܬܝܟ܂ ܘܐܡܪ ‍<‍ܠܗ#3#‍>‍ ܫܠܡ܂
02:14)1(	ܘܐܡܪ ܠܗ܂ ܡܠܬܐ ܐܝܬ ܠܝ ܕܐܡܪ ܠܟܝ܂ ܐܡܪܐ ܠܗ ܐܡܪ܂
02:15)1(	ܐܡܪ ܠܗ܂ ܐܢܬܝ ܝܕܥܐ ܐܢܬܝ ܕܠܝ ܙܕܩܐ ܗܘܬ ܡܠܟܘܬܐ܂ ܘܥܠܝ ܣܡܘ ܟܠܗ ܐܝܣܪܝܠ ܐ̈ܦܝܗܘܢ ܕܐܗܘܐ ‍<‍ܠܗܘܢ#3#‍>‍ ܡܠܟܐ܂ ܘܐܬܢܣܒܬ ܡܠܟܘܬܐ ܡܢܝ ܘܗܘܬ ܕܐܚܝ܂ ܡܛܠ ܕܡܢ ܡܪܝܐ ܗܘܬ ܠܗ܂
02:16)1(	ܘܗܫܐ ܫܐܠܬܐ ܚܕܐ ܫܐܠ ܐܢܐ ܠܟܝ܂ ܠܐ ܬܗܦܟܝܢ ܐ̈ܦܝ܂ ܘܐܡܪܬ ܠܗ ܐܡܪ܂
02:17)1(	ܐܡܪ ܠܗ܂ ܐܡܪܝ ܠܡܠܟܐ ܫܠܝܡܘܢ ܕܠܐ ܢܗܦܟ ܐ̈ܦܝܟܝ܂ ܘܢܬܠ ܠܝ ܠܐܒܝܫܓ ܫܝܠܘܡܝܬܐ ܐܢܬܬܐ܂
02:18)1(	ܘܐܡܪܬ ܒܬܫܒܥ܂ ܫܦܝܪ ܐܢܐ ܐܡܪ ܥܠܝܟ ܠܡܠܟܐ܂
02:19)1(	ܘܥܠܬ ܒܬܫܒܥ ܠܘܬ ܡܠܟܐ ܫܠܝܡܘܢ ܕܬܐܡܪ ܠܗ ܥܠ ܐܕܘܢܝܐ܂ ܘܩܡ ܡܠܟܐ ܠܐܘܪܥܗ ܘܣܓܕ ܠܗ܂ ܘܝܬܒ ܥܠ ܟܘܪܣܝܗ܂ ܘܐܪܡܝܘ ܟܘܪܣܝܐ ܠܐܡܗ ܕܡܠܟܐ ܘܝܬܒܬ ܡܢ ܝܡܝܢܗ܂
02:20)1(	ܘܐܡܪܬ܂ ܫܐܠܬܐ ܚܕܐ ܙܥܘܪܬܐ ܫܐܠܐ ܐܢܐ ܡܢܟ܂ ܠܐ ܬܗܦܟ ܐ̈ܦܝ܂ ܘܐܡܪ ܠܗ ܡܠܟܐ ܫܐܠܝ ܐܡܝ܂ ܡܛܠ ܕܠܐ ܡܗܦܟ ܐܢܐ ܐ̈ܦܝܟܝ܂
02:21)1(	ܘܐܡܪܬ ܠܗ܂ ܬܬܝܗܒ ܐܒܝܫܓ ܫܝܠܘܡܝܬܐ ܠܐܕܘܢܝܐ ܐܚܘܟ ܐܢܬܬܐ܀
02:22)1(	ܘܥܢܐ ܡܠܟܐ ܫܠܝܡܘܢ ܘܐܡܪ ܠܐܡܗ܂ ܠܡܢܐ ܫܐܠܬܝ ܐܒܝܫܓ/ܠܐܒܝܫܓ#1##2#/ ܫܝܠܘܡܝܬܐ ‍<‍ܐܢܬܬܐ#3#‍>‍ ܠܐܕܘܢܝܐ܂ ܐܠܐ ܫܐܠܝ ܠܗ ܡܠܟܘܬܐ܂ ܡܛܠ ܕܗܘܝܘ ܐܚܝ ܕܩܫܝܫ ܡܢܝ܂ ܘܠܗ ܐܒܝܬܪ ܟܗܢܐ ܘܝܘܐܒ/ܘܠܗ ܝܘܐܒ#3#/ ܒܪ ܨܘܪܝܐ ‍<‍ܪܒ ܚܝܠܐ#3#‍>‍܂
02:23)1(	ܘܝܡܐ ܡܠܟܐ ܫܠܝܡܘܢ ܒܡܪܝܐ ܘܐܡܪ܂ ܗܟܢܐ ܢܥܒܕ ܠܝ ܐܠܗܐ ܘܗܟܢܐ ܢܘܣܦ ܠܝ܂ ܐܠܐ ܒܢܦܫܗ ܡܠܠ ܐܕܘܢܝܐ ܦܬܓܡܐ ܗܢܐ܂
02:24)1(	ܘܗܫܐ ܚܝ ܗܘ ܡܪܝܐ ܕܐܬܩܢܢܝ ܘܐܘܬܒܢܝ ܥܠ ܟܘܪܣܝܗ ܕܕܘܝܕ ܐܒܝ܃ ܘܥܒܕ ܠܝ ܒܝܬܐ ܐܝܟ ܕܐܡܪ܂ ܐܠܐ ܝܘܡܢܐ ܢܬܩܛܠ ܐܕܘܢܝܐ܂
02:25)1(	ܘܫܕܪ ܡܠܟܐ ܫܠܝܡܘܢ ܠܒܢܝܐ ܒܪ ܝܘܝܕܥ܂ ܘܦܓܥ ܒܗ ܘܩܛܠܗ܂
02:26)1(	ܘܠܐܒܝܬܪ ܟܗܢܐ ܐܡܪ ܠܗ ܡܠܟܐ܂ ܠܥܢܬܘܬ ܙܠ ܠܟ ܠܚܩܠܟ܂ ܡܛܠ ܕܓܒܪܐ ܐܢܬ ܚܝܒ ܡܘܬܐ܂ ܘܝܘܡܢܐ ܠܐ ܐܩܛܠܟ܂ ܡܛܠ ܕܫܩܠܬ ܐܪܘܢܗ ܕܡܪܝܐ ܩܕܡ ܕܘܝܕ ܐܒܝ܂ ܘܐܨܛܥܪܬ ܒܟܠ ܐܬܪ ܕܐܨܛܥܪ ܒܗ ‍<‍ܕܘܝܕ#3#‍>‍ ܐܒܝ܂
02:27)1(	ܘܐܦܩܗ ܫܠܝܡܘܢ ܠܐܒܝܬܪ ܕܠܐ ܢܗܘܐ ܟܗܢܐ ܠܡܪܝܐ܂ ܕܢܫܬܡܠܐ ܦܬܓܡܗ ܕܡܪܝܐ ܕܡܠܠ ܥܠ ܒܝܬ/ܕܒܝܬ#3#/ ܥܠܝ ܒܫܝܠܘ܀܂
02:28)1(	ܘܛܒܐ ܡܛܝ ܠܝܘܐܒ ܕܐܬܩܛܠ ܐܕܘܢܝܐ܂ ܡܛܠ ܕܝܘܐܒ ܨܠܐ ܗܘܐ ܒܬܪ ܐܕܘܢܝܐ܂ ܘܒܬܪ ܫܠܝܡܘܢ ܠܐ ܨܠܐ܂ ܘܥܪܩ ܝܘܐܒ ܠܡܫܟܢܗ ܕܡܪܝܐ܂ ܘܐܚܕ ܓܘܣܐ ܒܩܪ̈ܢܬܗ ܕܡܕܒܚܐ܂
02:29)1(	ܘܚܘܝܘ ܠܡܠܟܐ ܫܠܝܡܘܢ ܕܥܪܩ ܝܘܐܒ ܠܡܫܟܢܗ ܕܡܪܝܐ܂ ܘܐܚܕ ܓܘܣܐ ܒܩܪ̈ܢܬܗ ܕܡܕܒܚܐ܂ ܘܫܕܪ ܡܠܟܐ ܫܠܝܡܘܢ ܠܒܢܝܐ ܒܪ ܝܘܝܕܥ ܘܐܡܪ ܠܗ܂ ܙܠ ܦܓܥ ܒܗ܂

02:30)1(	ܘܥܠ ܒܢܝܐ ܠܡܫܟܢܗ ܕܡܪܝܐ ܘܐܡܪ ܠܗ܂ ܗܟܢܐ ܐܡܪ ܡܠܟܐ ܦܘܩ܂ ܘܐܡܪ ‍<‍ܠܗ#3#‍>‍ ܠܐ ܢܦܩ ܐܢܐ܂ ܐܠܐ ܗܪܟܐ ܡܐܬ ܐܢܐ܂ ܘܦܢܝ/ܘܐܬܝܒ#3#/ ܒܢܝܐ ܦܬܓܡܐ ܠܡܠܟܐ ܘܐܡܪ܂ ܗܟܢܐ ܡܠܠ ܝܘܐܒ ܘܗܟܢܐ ܥܢܢܝ܂

02:31)1(	ܘܐܡܪ ‍<‍ܠܗ#3#‍>‍ ܡܠܟܐ܂ ܥܒܕ ܠܗ ܐܝܟ ܡܕܡ ܕܐܡܪ܂ ܘܦܓܥ ܒܗ ܘܩܛܘܠܝܗܝ܂ ܘܐܥܒܪ ܕܡܐ ܙܟܝܐ ܕܐܫܕ ܝܘܐܒ ܡܢܝ ܘܡܢ ܒܝܬ ܐܒܝ܂
02:32)1(	ܘܢܗܦܟ ܡܪܝܐ ܕܡܗ ܒܪܝܫܗ܂ ܕܦܓܥ ܒܬܪ̈ܝܢ ܓܒܪ̈ܝܢ ܕܙܕܝܩ̈ܝܢ/ܙܕܝܩ̈ܝܢ#3#/ ܘܛܒܝ̈ܢ ܡܢܗ܂ ܘܩܛܠ ܐܢܘܢ ܒܚܪܒܐ܂ ܘܐܒܝ ܕܘܝܕ ܠܐ ܝܕܥ܂ ܠܐܒܢܝܪ ܒܪ ܢܝܪ܂ ܪܒ ܚܝܠܐ ܕܐܝܣܪܝܠ܂ ܘܠܥܡܣܐ ܒܪ ܝܬܪ ܪܒ ܚܝܠܐ ܕܝܗܘܕܐ܂
02:33)1(	ܘܢܗܦܘܟ ܕܡܗܘܢ ܒܪܝܫܗ ܕܝܘܐܒ ܘܒܪܝܫܐ ܕܙܪܥܗ ܠܥܠܡ܂ ܘܠܕܘܝܕ ܘܠܙܪܥܗ ܘܠܒܝܬܗ ܘܠܟܘܪܣܝܗ܂ ܢܗܘܐ ܫܠܡܐ ‍<‍ܥܕܡܐ#3#‍>‍ ܠܥܠܡ ܡܢ ܩܕܡ ܡܪܝܐ܀
02:34)1(	ܘܣܠܩ ܒܢܝܐ ܒܪ ܝܘܝܕܥ ܘܦܓܥ ܒܗ ܘܩܛܠܗ܂ ܘܐܬܩܒܪ ܒܩܒܪܗ/ܒܒܝܬܗ#3#/ ܒܡܕܒܪܐ܂
02:35)1(	ܘܐܩܝܡ ܡܠܟܐ ܫܠܝܡܘܢ ܠܒܢܝܐ ܒܪ ܝܘܝܕܥ ܚܠܦܘܗܝ ܥܠ ܚܝܠܐ܂ ܘܠܨܕܘܩ ܟܗܢܐ ܐܩܝܡ ܡܠܟܐ ܚܠܦ ܐܒܝܬܪ܂
02:36)1(	ܘܫܕܪ ܡܠܟܐ ܩܪܐ ܠܫܡܥܝ ܘܐܡܪ ܠܗ܂ ܒܢܝ ܠܟ ܒܝܬܐ ܒܐܘܪܫܠܡ܂ ܘܬܒ ܬܡܢ܂ ܘܠܐ ܬܦܘܩ ܡܢ ܬܡܢ ܠܟܐ ܘܠܟܐ܂
02:37)1(	ܘܒܝܘܡܐ ܕܢܦܩ ܐܢܬ ܘܥܒܪ ܐܢܬ ܢܚܠܐ ܕܩܕܪܘܢ܂ ܕܥ ܡܕܥ ܕܡܡܬ ܬܡܘܬ܂ ܘܕܡܟ ܢܗܘܐ ܒܪܝܫܟ܂
02:38)1(	ܘܐܡܪ ܫܡܥܝ ܠܡܠܟܐ܂ ܫܦܝܪ ܦܬܓܡܐ ܕܐܡܪܬ ܡܪܝ ܡܠܟܐ܂ ܗܟܢܐ ܢܥܒܕ ܥܒܕܟ܂ ܘܝܬܒ ܫܡܥܝ ܒܐܘܪܫܠܡ܂ ܝܘܡ̈ܬܐ ܣ̈ܓܝܐܐ܀
02:39)1(	ܘܡܢ ܒܬܪ ܬܠܬ ܫ̈ܢܝܢ܂ ܥܪܩܘ ܬܪ̈ܝܢ ܥܒ̈ܕܘܗܝ ܕܫܡܥܝ ܠܘܬ ܐܟܝܫ ܒܪ ܡܥܟܐ ܡܠܟܐ ܕܓܬ܂ ܘܚܘܝܘ ܠܫܡܥܝ ܘܐܡܪܘ ܠܗ܂ ܗܐ ܥܒ̈ܕܝܟ ܒܓܬ܂
02:40)1(	ܘܩܡ ܫܡܥܝ ܘܐܪܡܝ ܥܠ ܚܡܪܗ ܘܐܙܠ ܠܓܬ܂ ܠܘܬ ܐܟܝܫ ܠܡܒܥܐ ܠܥܒ̈ܕܘܗܝ܂ ܘܐܙܠ ܫܡܥܝ ܘܐܝܬܝ ܠܥܒ̈ܕܘܗܝ ܡܢ ܓܬ܂
02:41)1(	ܘܚܘܝܘ ܠܡܠܟܐ ܫܠܝܡܘܢ ܕܐܙܠ ܫܡܥܝ ܡܢ ܐܘܪܫܠܡ ܠܓܬ ܘܗܦܟ܂
02:42)1(	ܘܫܕܪ ܡܠܟܐ ܩܪܐ ܠܫܡܥܝ ܘܐܡܪ ܠܗ܂ ܠܐ ܐܘܡܝܬܟ ܒܡܪܝܐ ܘܣܗܕܬ ܒܟ ܘܐܡܪܬ܃ ܕܒܝܘܡܐ ܕܬܦܘܩ ܡܢ ܐܘܪܫܠܡ ܘܬܥܒܪ ܢܚܠܐ ܕܩܕܪܘܢ܃ ܡܕܥ ܬܕܥ ܕܡܡܬ ܬܡܘܬ܂ ܘܐܡܪܬ ܕܫܦܝܪ/ܫܦܝܪ#3#/ ܦܬܓܡܐ ‍<‍ܕܫܡܥܬ#3#‍>‍ ܗܟܢܐ ܐܥܒܕ܂
02:43)1(	ܡܛܠ ܡܢܐ ܠܐ ܢܛܪܬ ܡܘܡܬܗ ܕܡܪܝܐ ܘܦܘܩܕܢܐ ܕܦܩܕܬܟ܂
02:44)1(	ܘܐܡܪ ܡܠܟܐ ܠܫܡܥܝ܂ ܐܢܬ ܝܕܥ ܐܢܬ ܟܠܗ ܒܝܫܬܐ ܕܝܕܥ ܠܒܟ ܕܥܒܕܬ ܠܕܘܝܕ ܐܒܝ܂
02:45)1(	ܘܐܗܦܟ ܡܪܝܐ ܒܝܫܬܟ ܒܪܝܫܟ܂ ܘܡܠܟܐ ܫܠܝܡܘܢ ܢܗܘܐ ܒܪܝܟ܂ ܘܟܘܪܣܝܗ ܕܕܘܝܕ ܢܗܘܐ ܡܬܩܢ ܩܕܡ ܡܪܝܐ ܥܕܡܐ ܠܥܠܡ܂
02:46)1(	ܘܦܩܕ ܡܠܟܐ ܠܒܢܝܐ ܒܪ ܝܘܝܕܥ܂ ܘܢܦܩ ܦܓܥ ܒܗ ܘܡܝܬ܀ ܘܡܠܟܘܬܐ ܬܩܢܬ ܒܐܝܕܗ ܕܫܠܝܡܘܢ܂