← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62010: P 1K

Click on a word for lexical analysis
Click on a red-colored coordinate for comments and/or translations of the line

previous chapter


03:01)1( ܘܗܘܐ ܫܠܝܡܘܢ ܚܬܢܐ ܠܦܪܥܘܢ ܡܠܟܐ ܕܡܨܪܝܢ܂ ܘܢܣܒ ܠܒܪܬܗ ܕܦܪܥܘܢ ܘܐܥܠܗ ܠܩܪܝܬܗ ܕܕܘܝܕ܂ ܥܕܠܐ ܢܫܠܡ ܠܡܒܢܐ ܒܝܬܗ ܘܒܝܬܗ ܕܡܪܝܐ܂ ܘܫܘܪܐ ܕܐܘܪܫܠܡ ܟܕ ܚܕܪܐ܂
03:02)1( ܒܠܚܘܕ ܥܡܐ ܡܕܒܚܝܢ ܗܘܘ ܥܠ ܥ̈ܠܘܬܐ܂ ܡܛܠ ܕܥܕܟܝܠ ܠܐ ܐܬܒܢܝ ܗܘܐ ܒܝܬܐ ܠܫܡܗ ܕܡܪܝܐ ܥܕܡܐ ܠܝܘܡ̈ܬܐ ܗܢܘܢ܀܂
03:03)1( ܘܪܚܡ ܫܠܝܡܘܢ ܠܡܪܝܐ ܠܡܗܠܟܘ ܒܦܘܩ̈ܕܢܘܗܝ ܕܕܘܝܕ ܐܒܘܗܝ܂ ܒܠܚܘܕ ܥܠ ܥ̈ܠܘܬܐ/ܥܠܬܐ#3#/ ܡܕܒܚ ܗܘܐ ܘܣܐܡ ܒܣ̈ܡܐ܂
03:04)1( ܘܐܙܠ ܡܠܟܐ ܠܓܒܥܘܢ ܠܡܕܒܚܘ ܬܡܢ܂ ܡܛܠ ܕܗܝ ܗܝ ܥܠܬܐ ܪܒܬܐ܂ ܐܠܦ ܥ̈ܠܘܢ ܡܕܒܚ/ܡܣܩ#3#/ ܗܘܐ ܫܠܝܡܘܢ ܥܠ ܡܕܒܚܐ ܗܘ
03:05)1( ܕܒܓܒܥܘܢ܀ \ܗܝܕܝܢ ܐܬܓܠܝ /ܘܐܬܓܠܝ#3#/ ܡܪܝܐ ܥܠ ܫܠܝܡܘܢ ܒܚܙܘܐ/ܒܚܠܡܐ#3#/ ܕܠܠܝܐ܂ ܘܐܡܪ ܠܗ ܐܠܗܐ܂ ܫܐܠ ܡܢܐ ܐܬܠ ܠܟ܂
03:06)1( ܘܐܡܪ ܫܠܝܡܘܢ܂ ܐܢܬ ܥܒܕܬ ܥܡ ܥܒܕܟ ܕܘܝܕ ܐܒܝ ܛܝܒܘܬܐ/ܚܣܕܐ#3#/ ܪܒܬܐ/ܪܒܐ#3#/܂ ܐܝܟ ܕܗܠܟ ܩܕܡܝܟ ܒܩܘܫܬܐ ܘܒܗܝܡܢܘܬܐ܂ ܘܒܬܪܝܨܘܬܐ ܕܠܒܐ ܗܠܟ ܩܕܡܝܟ܂ ܘܢܛܪܬ ܠܗ ܗܕܐ/ܗܢܐ#3#/ ܛܝܒܘܬܐ/ܚܣܕܐ#3#/ ܪܒܬܐ/ܪܒܐ#3#/܂ ܘܝܗܒܬ ܠܗ ܒܪܐ ܕܢܬܒ/ܕܝܬܒ#3#/ ܥܠ ܟܘܪܣܝܗ ܐܝܟ ܕܝܘܡܢܐ܂
03:07)1( ܘܗܫܐ ܡܪܝܐ ܐܠܗܐ ܐܢܬ ܐܡܠܟܬ ܠܥܒܕܟ ܚܠܦ ܕܘܝܕ ܐܒܝ܂ ܘܐܢܐ ܛܠܝܐ ܐܢܐ ܙܥܘܪܐ܂ ܘܠܐ ܝܕܥ ܐܢܐ ܠܡܦܩ ܘܠܡܥܠ
03:08)1( ܒܓܘ ܥܡܟ ܕܓܒܝܬ܂ ܥܡܐ ܣܓܝܐܐ ܕܠܐ ܡܬܡܢܐ܂ ܘܠܐ ܡܬܚܫܒ ܡܢ ܣܘܓܐܗ܂
03:09)1( ܗܒ ܠܥܒܕܟ ܠܒܐ ܫܡܘܥܐ ܠܡܕܢ ܠܥܡܟ܂ ܘܠܡܣܬܟܠܘ ܒܝܬ ܛܒܬܐ ܠܒܝܫܬܐ܂ ܡܢܘ ܓܝܪ ܡܫܟܚ ܠܡܕܢܗ ܠܥܡܟ ܥܡܐ ܗܢܐ ܪܒܐ܂
03:10)1( ܘܫܦܪ ܦܬܓܡܐ ܗܢܐ ܩܕܡ ܡܪܝܐ ܟܕ ܫܐܠ ܫܠܝܡܘܢ ܦܬܓܡܐ ܗܢܐ܂
03:11)1( ܘܐܡܪ ܡܪܝܐ ܠܫܠܝܡܘܢ/ܠܗ#3#/܂ ܚܠܦ ܕܫܐܠܬ ܦܬܓܡܐ ܗܢܐ܃ ܘܠܐ ܫܐܠܬ ܠܟ ܥܘܬܪܐ܃ ܘܠܐ ܫܐܠܬ ܠܟ ܢܦܫ̈ܬܐ ܕܒ̈ܥܠܕܒܒܝܟ܃ ܘܠܐ ܫܐܠܬ ܠܟ ܝܘܡ̈ܬܐ ܣ̈ܓܝܐܐ܂ ܘܫܐܠܬ ܠܟ ܚܟܡܬܐ ܠܡܫܡܥ ܕܝܢܐ܂
03:12)1( ܗܐ ܥܒܕܬ ܠܟ ܐܝܟ ܦܬܓܡܟ܂ ܗܐ ܝܗܒܬ ܠܟ ܠܒܐ ܚܟܝܡܐ ܘܣܟܘܠܬܢܐ܂ ܕܐܟܘܬܟ ܠܐ ܗܘܐ ܩܕܡܝܟ܂ ܘܒܬܪܟ ܠܐ ܢܩܘܡ ܐܟܘܬܟ܂
03:13)1( ܘܐܦ ܡܕܡ ܕܠܐ ܫܐܠܬ ܝܗܒܬ ܠܟ܂ ܐܦ ܥܘܬܪܐ ܐܦ ܐܝܩܪܐ܂ ܕܠܐ ܗܘܐ ܐܟܘܬܟ ܐܢܫ ܒܡ̈ܠܟܐ/ܒܟܠܗܘܢ ܡ̈ܠܟܐ#3#/ ܟܠܗܘܢ ܝܘܡ̈ܝܟ܂
03:14)1( ܘܐܢ ܬܗܠܟ ܒܐܘܪ̈ܚܬܝ ܠܡܛܪ ܩܝ̈ܡܝ ܘܦܘܩ̈ܕܢܝ܃ ܐܝܟ ܕܗܠܟ ܕܘܝܕ ܐܒܘܟ܂ ܐܣܓܐ ܝܘ̈ܡܝܟ܂
03:15)1( ܘܐܬܬܥܝܪ ܫܠܝܡܘܢ ܘܚܙܐ/ܘܗܐ#3#/ ܚܠܡܐ ܗܘ܀܀܂ ܘܐܬܐ ‍<‍ܫܠܝܡܘܢ#3#‍>‍ ܠܐܘܪܫܠܡ܂ ܘܩܡ ܩܕܡ ܐܪܘܢܐ ܕܩܝܡܗ ܕܡܪܝܐ܂ ܘܐܣܩ ܥ̈ܠܘܬܐ ܘܥܒܕ ܫ̈ܠܡܐ܂ ܘܥܒܕ ܡܫܬܝܐ ܠܟܠܗܘܢ ܥܒ̈ܕܘܗܝ܀
03:16)1( ܗܝܕܝܢ ܐܬ̈ܝ ܬܪ̈ܬܝܢ ܢܫܝ̈ܢ ܙܢܝ̈ܬܐ ܠܡܕܢ/ܘܩܡ#3#/ ܩܕܡ ܡܠܟܐ ܫܠܝܡܘܢ܂
03:17)1( ܘܐܡܪܬ ܐܢܬܬܐ ܚܕܐ ܡܢܗܝܢ܂ ܒܥܝܐ ܐܢܐ ܡܢܟ ܡܪܝ܂ ܐܢܐ ܘܗܕܐ ܐܢܬܬܐ ܥܡܪ̈ܢ ܗ̈ܘܝܢ ܒܒܝܬܐ ܚܕ܂ ܘܝܠܕܬ ܥܡܗ ܒܒܝܬܐ܂
03:18)1( ܘܡܢ ܒܬܪ ܬܠܬܐ ܝܘܡ̈ܝܢ ܟܕ ܝܠܕܬ܂ ܝܠܕܬ ܐܦ ܗܕܐ ܐܢܬܬܐ܂ ܘܚܢܢ ܚܢܢ ܐܟܚܕܐ ܒܒܝܬܐ ܘܠܝܬ ܐܢܫ ܢܘܟܪܝܐ ܥܡܢ ‍<‍ܒܒܝܬܐ#3#‍>‍ ܐܠܐ ܐܢ ܬܪ̈ܬܝܢ ܚܢܢ ܒܒܝܬܐ܂
03:19)1( ܘܡܝܬ ܒܪܗ ܕܗܕܐ ܐܢܬܬܐ ܒܠܠܝܐ ܕܕܡܟܬ ܥܠܘܗܝ܂
03:20)1( ܘܩܡܬ ܒܦܠܓܗ ܕܠܠܝܐ܂ ܘܢܣܒܬ ܒܪܝ ܡܢ ܠܘܬܝ܂ ܘܐܡܬܟ ܕܡܟܐ ܗܘܬ܂ ܘܐܪܡܝܬܗ ܒܥܘܒܗ܂ ܘܠܒܪܗ ܡܝܬܐ ܐܪܡܝܬ ܒܥܘܒܝ܂
03:21)1( ܘܩܡܬ ܒܨܦܪܐ ܕܐܝܢܩ ܒܪܝ܂ ܘܚܙܝܐ ܐܢܐ ܡܝܬܐ ܗܘ܂ ܘܐܬܒܩܝܬ ܒܗ ܒܨܦܪܐ ܘܠܐ ܗܘܐ ܗܘ ܒܪܝ ܕܝܠܕܬ܂
03:22)1( ܘܐܡܪܬ ܐܢܬܬܐ ܗܝ ܐܚܪܬܐ܂ ܠܐ ܗܘܐ ܗܟܢܐ܂ ܒܪܝ ܗܘ ܚܝܐ ܘܒܪܟܝ ܡܝܬܐ܂ ܘܗܝ ܐܡܪܐ ܠܐ ܗܘܐ ܗܟܢܐ܂ ܒܪܟܝ ܗܘ ܡܝܬܐ ܘܒܪܝ ܚܝܐ܂ ܘܢܨ̈ܝܢ ܗ̈ܘܝ ܩܕܡ ܡܠܟܐ܂
03:24)1( ܘܐܡܪ ܡܠܟܐ܂ ܐܝܬܘ ܠܝ ܣܝܦܐ܂ ܘܐܝܬܝܘ ܣܝܦܐ ܩܕܡ ܡܠܟܐ܂
03:25)1( ܘܐܡܪ ܡܠܟܐ܂ ܦܘܣܩܘܗܝ ܠܗܘ ܛܠܝܐ ܕܚܝ܂ ܠܬܪ̈ܝܢ܂ ܘܗܒܘ ܦܠܓܗ ܠܚܕܐ ܘܦܠܓܗ ܠܚܕܐ܂
03:26)1( ܘܐܡܪܬ ܗܝ ܐܢܬܬܐ ܕܒܪܗ ܚܝ ܠܡܠܟܐ܂ ܡܛܠ ܕܐܬܗܦܟܘ ܪ̈ܚܡܝܗ ܥܠ ܒܪܗ܂ ܒܥܝܐ ܐܢܐ ܡܢܟ ܡܪܝ܂ ܗܒܘܗܝ ܠܗ ܠܛܠܝܐ ܟܕ ܚܝ܂ ܘܡܩܛܠ ܠܐ ܬܩܛܠܘܢܗ/ܢܩܛܠܘܢܗ#3#/܂ ܘܗܝ ܐܡܪܐ܂ ܠܐ ܠܝ ܐܦ ܠܐ ܠܟܝ ܢܗܘܐ ܦܘܣܩܘܗܝ܂
03:27)1( ܥܢܐ ܡܠܟܐ ܘܐܡܪ܂ ܗܒܘܗܝ ܠܗ ܠܛܠܝܐ ܟܕ ܚܝ܂ ܘܡܩܛܠ ܠܐ ܬܩܛܠܘܢܗ܂ ܗܝ ܗܝ ܐܡܗ܂
03:28)1( ܘܫܡܥܘ ܟܠܗ ܐܝܣܪܝܠ ܕܝܢܐ ܕܕܢ ܡܠܟܐ܂ ܘܕܚܠܘ ܡܢ ܩܕܡ ܡܠܟܐ܂ ܡܛܠ ܕܚܙܘ ܕܚܟܡܬܐ ܕܐܠܗܐ ܐܝܬ ܒܗ܂ ܠܡܥܒܕ ܕܝܢܐ܀܀

next chapter