The Comprehensive Aramaic Lexicon

15:01)1(	ܘܒܫܢܬ ܬܡܢܥܣܪܐ ܕܡܠܟܐ/ܠܡܠܟܐ#3#/ ܝܘܪܒܥܡ ܒܪ ܢܒܛ܂ ܐܡܠܟ ܐܒܝܐ ܥܠ ܝܗܘܕܐ
15:02)1(	ܬܠܬ ܫ̈ܢܝܢ ‍<‍ܐܡܠܟ#3#‍>‍ ܒܐܘܪܫܠܡ܂ ܘܫܡܐ ܕܐܡܗ ܡܥܟܐ ܒܪܬ ܥܒܕܫܠܘܡ܂
15:03)1(	ܘܗܠܟ ܒܟܠܗܘܢ ܚ̈ܛܗܘܗܝ ܕܐܒܘܗܝ ܕܥܒܕ ܩܕܡܘܗܝ܂ ܘܠܐ ܗܘܐ ܠܒܗ ܫܠܡ ܥܡ ܡܪܝܐ ܐܠܗܗ ܐܝܟ ܠܒܐ ܕܕܘܝܕ ܐܒܘܗܝ܂
15:04)1(	ܘܡܛܠ ܕܘܝܕ ܐܒܘܗܝ܂ ܝܗܒ ܠܗ ܡܪܝܐ ܐܠܗܐ ܫܪܓܐ ܒܐܘܪܫܠܡ܂ ܕܢܩܝܡ ܒܬܪܗ ܒܪܗ ܘܢܩܝܡܝܘܗܝ ܒܐܘܪܫܠܡ܂
15:05)1(	ܡܛܠ ܕܥܒܕ ܕܘܝܕ ܕܫܦܝܪ ܩܕܡ ܡܪܝܐ ܐܠܗܗ܂ ܘܠܐ ܣܛܐ ܡܢ ܟܠ ܡܕܡ ܕܦܩܕܗ ܟܠ ܝܘ̈ܡܝ ܚ̈ܝܘܗܝ܂ ܒܠܚܘܕ ܐܠܐ ܐܢ ܒܨܒܘܬܐ ܕܐܘܪܝܐ ܚܬܝܐ܂
15:06)1(	ܘܩܪܒܐ ܗܘܐ ܒܝܬ ܐܒܝܐ ܒܪ ܪܚܒܥܡ ܘܒܝܬ/ܠܒܝܬ#3#/ ܝܘܪܒܥܡ ܟܠ ܝܘ̈ܡܝ ܚ̈ܝܝܗܘܢ܂
15:07)1(	ܘܫܪܟܐ ܕܦܬ̈ܓܡܘܗܝ ܕܐܒܝܐ ܘܟܠܡܕܡ ܕܥܒܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܝܗܘܕܐ ‍<‍ܘܩܪܒܐ ܗܘܐ ܒܝܬ ܐܒܝܐ ܘܒܝܬ ܝܘܪܒܥܡ#3#‍>‍܂
15:08)1(	ܘܫܟܒ ܐܒܝܐ ܥܡ ܐ̈ܒܗܘܗܝ܂ ܘܐܬܩܒܪ ܒܩܪܝܬܐ ܕܕܘܝܕ܂ ܘܐܡܠܟ ܐܣܐ ܒܪܗ ܒܬܪܗ܂
15:09)1(	ܘܒܫܢܬ ܥܣܪ̈ܝܢ ‍<‍ܫ̈ܢܝܢ#3#‍>‍ ܠܝܘܪܒܥܡ ܡܠܟܐ ܕܐܝܣܪܝܠ܂ ܐܡܠܟ ܐܣܐ ܡܠܟܐ ܕܝܗܘܕܐ܂
15:10)1(	ܘܐܪ̈ܒܥܝܢ ܘܚܕܐ ܫ̈ܢܝܢ ܐܡܠܟ ܒܐܘܪܫܠܡ܂ ܘܫܡܐ ܕܐܡܗ ܡܥܟܐ ܒܪܬ ܥܒܕܫܠܘܡ܂
15:11)1(	ܘܥܒܕ ܐܣܐ ܕܫܦܝܪ ܩܕܡ ܡܪܝܐ ܐܝܟ ܕܘܝܕ ܐܒܘܗܝ܂
15:12)1(	ܘܐܥܒܪ ܙܢ̈ܝܐ ܡܢ ܐܪܥܐ܂ ܘܐܥܒܪ ܟܠܗܘܢ ܦܬܟܪ̈ܐ ܕܥܒܕܘ ܐ̈ܒܗܘܗܝ܂
15:13)1(	ܘܐܦ ܠܡܥܟܐ ܐܡܗ ܐܥܒܪܗ ܡܢ ܪܒܘܬܗ܂ ܥܠ ܕܥܒܕܐ ܗܘܬ ܥܐܕܐ ܠܕܚܠܬܗ ܘܦܣܩܗ ܐܣܐ ܠܦܬܟܪܬܗ܂ ܘܐܘܩܕܗ ܒܢܚܠܐ ܕܩܕܪܘܢ܂
15:14)1(	ܘܥ̈ܠܘܬܐ ܠܐ ܐܥܒܪ܂ ܒܪܡ ܠܒܗ ܕܐܣܐ ܫܠܡ ܗܘܐ ܥܡ ܡܪܝܐ ܐܠܗܗ ܟܠܗܘܢ ܝܘܡ̈ܬܗ܂
15:15)1(	ܘܐܝܬܝ ܩܘܕܫ̈ܐ ܕܐ̈ܒܗܘܗܝ ܘܩ̈ܘܕܫܘܗܝ ܠܒܝܬܗ ܕܡܪܝܐ܂ ܟܣܦܐ ܘܕܗܒܐ ܘܡܐ̈ܢܐ܂
15:16)1(	ܘܩܪܒܐ ܗܘܐ ܒܝܬ ܐܣܐ ܠܒܝܬ ܒܥܫܐ ܡܠܟܐ ܕܐܝܣܪܝܠ ܟܠܗܘܢ ܝܘܡ̈ܬܗܘܢ܀
15:17)1(	ܗܝܕܝܢ ܣܠܩ ܒܥܫܐ ܡܠܟܐ ܕܐܝܣܪܝܠ ܥܠ ܝܗܘܕܐ ܘܒܢܐ ܠܪܡܬܐ/ܪܡܬܐ#3#/܂ ܘܠܐ ܫܒܩ ܕܢܦܩ ܘܕܥܐܠ/ܘܥܐܠ#3#/ ܠܐܣܐ ܡܠܟܐ ܕܝܗܘܕܐ܂
15:18)1(	ܘܢܣܒ ܐܣܐ ܟܠܗ ܟܣܦܐ ܘܕܗܒܐ ܕܐܫܬܚܪ ܒܒܝܬܗ ܕܡܪܝܐ ܘܒܓܙܐ ܕܒܝܬ ܡܠܟܐ܂ ܘܝܗܒ ܒܐܝܕܐ ܕܥܒ̈ܕܘܗܝ܂ ܘܫܕܪ ܐܢܘܢ ܐܣܐ ܡܠܟܐ ܕܝܗܘܕܐ܂ ܠܘܬ ܒܪܗܕܕ ܒܪ ܛܒܪ ܐܡܘܢ ܒܪ ܚܙܝܘܢ ܡܠܟܐ ܕܐܕܘܡ܂ ܕܝܬܒ ‍<‍ܗܘܐ#3#‍>‍ ܒܕܪܡܣܘܩ ܠܡܐܡܪ܂

15:19)1(	ܩܝܡܐ ܒܝܢܝ ܘܠܟ ܘܒܝܬ ܐܒܝ ܠܐܒܘܟ܂ ܗܐ ܫܕܪܬ ܠܟ ܫܘܚܕܐ ܟܣܦܐ ܘܕܗܒܐ܂ ܙܠ ܒܛܠ/ܕܒܛܠ#3#/ ܩܝܡܟ ܕܥܡ ܒܥܫܐ ܡܠܟܐ ܕܐܝܣܪܝܠ ܘܢܫܩܘܠ ܡܢܝ܂

15:20)1(	ܘܫܡܥ/ܘܫܩܠ#3#/ ܒܪܗܕܕ ܡܢ ܐܣܐ ‍<‍ܡܠܟܐ#3#‍>‍܂ ܘܫܕܪ ܠܪ̈ܒܝ ܚ̈ܝܠܐ ܕܝܠܗ ܥܠ ܩܘܪ̈ܝܐ ܕܐܝܣܪܝܠ܂ ܘܚܪܒܘ ܠܥܝܘܢ ܘܠܕܢ܂ ܘܠܐܒܠ ܒܝܬ ܡܥܟܐ/ܘܠܐܒܠ ܒܝܬ ܡܠܟܐ#3#/܂ ܘܠܟܠܗܝܢ ܩܘܪ̈ܝܐ ܕܒܟܠܗ ܐܪܥܐ ܕܢܦܬܠܝ܂
15:21)1(	ܘܟܕ ܫܡܥ ܒܥܫܐ܂ ܦܫ ܡܢ ܕܢܒܢܝܗ ܠܪܡܬܐ ܘܝܬܒ ܒܬܪܨܐ܂
15:22)1(	ܘܡܠܟܐ ܐܣܐ ܐܫܡܥ ܠܟܠܗ ܝܗܘܕܐ ܘܠܝܬ/ܕܠܝܬ#3#/ ܕܚܣܝܟ܂ ܘܫܩܠܘ ܟܐ̈ܦܐ ܕܪܡܬܐ ܘܩܝ̈ܣܐ ܕܒܢܐ ܒܥܫܐ܂ ܘܒܢܐ ܒܗܘܢ ܡܠܟܐ ܐܣܐ ܠܓܒܥ ܕܒܢܝܡܝܢ ܘܠܡܨܦܝܐ܂
15:23)1(	ܘܫܪܟܐ ܕܦܬ̈ܓܡܘܗܝ/ܕܟܠܗܘܢ ܦܬ̈ܓܡܘܗܝ#3#/ ܕܐܣܐ ܘܟܠܗ ܓܢܒܪܘܬܗ ܘܟܠܡܕܡ ܕܥܒܕ ܘܩܘܪ̈ܝܐ ܕܒܢܐ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܝܗܘܕܐ܂ ‍<‍ܒܠܚܘܕ#3#‍>‍ ܘܒܙܒܢܐ ܕܣܝܒܘܬܗ ܕܐܣܐ ܐܬܟܪܗ ܡܢ ܪ̈ܓܠܘܗܝ܂
15:24)1(	ܘܫܟܒ ܐܣܐ ܥܡ ܐ̈ܒܗܘܗܝ܂ ܘܐܬܩܒܪ ܥܡ ܐ̈ܒܗܘܗܝ ܒܩܪܝܬܐ ܕܕܘܝܕ ܐܒܘܗܝ܂ ܘܐܡܠܟ ܝܘܫܦܛ ܒܪܗ ܒܬܪܗ܂
15:25)1(	ܘܢܕܒ ܒܪ ܝܘܪܒܥܡ ܐܡܠܟ ܥܠ ܐܝܣܪܝܠ܂ ܒܫܢܬ ܬܪ̈ܬܝܢ ܠܐܣܐ ܡܠܟܐ ܕܝܗܘܕܐ܂ ܘܐܡܠܟ ܥܠ ܐܝܣܪܝܠ ܬܪ̈ܬܝܢ ܫ̈ܢܝܢ܂
15:26)1(	ܘܥܒܕ ܕܒܝܫ ܩܕܡ ܡܪܝܐ܂ ܘܗܠܟ ܒܐܘܪܚܐ ܕܐܒܘܗܝ܂ ܘܒܚ̈ܛܗܘܗܝ ܕܐܚܛܝ ܠܐܝܣܪܝܠ܂
15:27)1(	ܘܡܪܕ ܥܠܘܗܝ ܒܥܫܐ ܒܪ ܐܚܝܐ ܡܢ ܒܝܬ ܐܝܣܟܪ ܘܩܛܠܗ ‍<‍ܒܥܫܐ#3#‍>‍܂ ܒܓܬ ܕܦܠܫ̈ܬܝܐ܂ ܘܢܕܒ ܘܟܠܗ ܐܝܣܪܝܠ ܟܪܝܟܝܢ ܥܠ ܓܬ܂
15:28)1(	ܘܩܛܠܗ ܒܥܫܐ܂ ܒܫܢܬ ܬܠܬ ܠܐܣܐ ܡܠܟܐ ܕܝܗܘܕܐ ܘܐܡܠܟ ܒܬܪܗ܂
15:29)1(	ܘܟܕ ܐܡܠܟ܂ ܡܚܐ ܠܟܠܗ ܒܝܬ ܝܘܪܒܥܡ܂ ܘܠܐ ܫܒܩ ܟܠ ܢܫܡܐ ܠܒܝܬ ܝܘܪܒܥܡ ܥܕܡܐ ܕܐܘܒܕܗ܂ ܐܝܟ ܦܬܓܡܗ ܕܡܪܝܐ ܕܡܠܠ ܒܐܝܕܐ ܕܥܒܕܗ ܐܚܝܐ ܢܒܝܐ ܫܝܠܘܢܝܐ
15:30)1(	ܥܠ ܝܘܪܒܥܡ ܒܪ ܢܒܛ܂ ܘܥܠ ܚ̈ܛܗܘܗܝ ܕܚܛܐ ܘܐܚܛܝ ܠܐܝܣܪܐܝܠ܂ ܒܪܘܓܙܐ ܪܒܐ ܕܐܪܓܙ ܠܡܪܝܐ ܐܠܗܐ ܕܐܝܣܪܝܠ܂
15:31)1(	ܘܫܪܟܐ ܕܦܬ̈ܓܡܘܗܝ ܕܢܕܒ ܘܟܠܡܕܡ ܕܥܒܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܐܝܠ܂
15:32)1(	ܘܩܪܒܐ ܗܘܐ ܒܝܬ ܒܥܫܐ ܘܒܝܬ/ܠܒܝܬ#3#/ ܐܣܐ ܡܠܟܐ ܕܝܗܘܕܐ ܟܠܗܘܢ ܝܘܡ̈ܬܗܘܢ܀
15:33)1(	ܘܒܫܢܬ ܬܠܬ ܠܐܣܐ ܡܠܟܐ ܕܝܗܘܕܐ܂ ܐܡܠܟ ܒܥܫܐ ܒܪ ܐܚܝܐ ܥܠ ܟܠܗ ܐܝܣܪܝܠ܂ ܒܬܪܨܐ ܥܣܪ̈ܝܢ ܘܐܪ̈ܒܥ ܫ̈ܢܝܢ܂
15:34)1(	ܘܥܒܕ ܕܒܝܫ ܩܕܡ ܡܪܝܐ܂ ܘܗܠܟ ܒܐܘܪ̈ܚܬܗ ܕܝܘܪܒܥܡ ܒܪ ܢܒܛ܂ ܘܒܚ̈ܛܗܘܗܝ ܕܐܚܛܝ ܠܐܝܣܪܝܠ܀܂