The Comprehensive Aramaic Lexicon

16:01)1(	ܘܗܘܐ ܦܬܓܡܗ ܕܡܪܝܐ ܥܠ ܝܗܘ ܒܪ ܚܢܢ ܥܠ ܒܥܫܐ ܠܡܐܡܪ܂

16:02)1(	ܗܟܢܐ ܐܡܪ ܡܪܝܐ܂ ܚܠܦ ܕܐܪܝܡܬܟ ܡܢ ܥܦܪܐ ܘܥܒܕܬܟ ܡܕܒܪܢܐ ܥܠ ܥܡܝ ܐܝܣܪܝܠ܂ ܘܗܠܟܬ ܒܐܘܪ̈ܚܬܗ ܕܝܘܪܒܥܡ܂ ܘܐܚܛܝܬ ܠܥܡܝ ܐܝܣܪܝܠ܂ ܕܢܪܓܙܘܢܢܝ \ܒܥܒܕ ܐܝ̈ܕܝܗܘܢ /ܒܥ̈ܒܕܝܗܘܢ#3#/܂

16:03)1(	ܗܐ ܡܒܥܪ ܐܢܐ ܒܬܪ ܒܥܫܐ ܘܒܬܪ ܒܝܬܗ܂ ܘܐܥܒܕܝܘܗܝ ܠܒܝܬܗ ܐܝܟ ܒܝܬܗ ܕܝܘܪܒܥܡ ܒܪ ܢܒܛ܂
16:04)1(	ܕܢܡܘܬ ܠܒܥܫܐ ܒܩܪܝܬܐ ܢܐܟܠܘܢ ܟ̈ܠܒܐ܂ ܘܕܢܡܘܬ ܠܗ ܒܕܒܪܐ ܬܐܟܘܠ ܦܪܚܬܐ ܕܫܡܝܐ܂
16:05)1(	ܘܫܪܟܐ ܕܦܬ̈ܓܡܘܗܝ ܕܒܥܫܐ ܘܟܠ ܡܕܡ ܕܥܒܕ ܘܟܠܗ ܓܢܒܪܘܬܗ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܝܠ܂
16:06)1(	ܘܫܟܒ ܒܥܫܐ ܥܡ ܐ̈ܒܗܘܗܝ܂ ܘܐܬܩܒܪ ܒܬܪܨܐ܂ ܘܐܡܠܟ ܐܠܐ ܒܪܗ ܒܬܪܗ܀
16:07)1(	ܘܐܦ ܒܝܕ ܝܗܘ ܒܪ ܚܢܢ ܢܒܝܐ܂ ܗܘܐ ܦܬܓܡܗ ܕܡܪܝܐ ܥܠ ܒܥܫܐ ܘܥܠ ܟܠܗ ܒܝܬܗ ܥܠ ܟܠܗ ܒܝܫܬܐ ܕܥܒܕ ܩܕܡ ܡܪܝܐ܂ ܕܢܪܓܙܝܘܗܝ ܒܥܒܕ ܐ̈ܝܕܘܗܝ܂ ܕܢܗܘܐ ܐܝܟ ܒܝܬܗ ܕܝܘܪܒܥܡ ܥܠ ܕܩܛܠܗ܀
16:08)1(	ܒܫܢܬ ܥܣܪ̈ܝܢ ܘܫܬ ܫ̈ܢܝܢ ܠܐܣܐ ܡܠܟܐ ܕܝܗܘܕܐ܂ ܐܡܠܟ ܐܠܐ ܒܪ ܒܥܫܐ ܥܠ ܐܝܣܪܝܠ܂ ܒܬܪܨܐ ܬܪ̈ܬܝܢ ܫ̈ܢܝܢ܂
16:09)1(	ܘܡܪܕ ܥܠܘܗܝ ܙܡܪܝ ܥܒܕܗ ܪܒ ܦܠܓܘܬ ܪ̈ܟܒܐ܂ ܘܗܘ ܒܬܪܨܐ ܫܬܐ ܗܘܐ ܥܬܝܩܐ܂ ܒܝܬ ܐܪܥܐ ܕܒܢܐ ܒܬܪܨܐ܂
16:10)1(	ܘܥܠ ܙܡܪܝ ܘܡܚܝܗܝ ܘܩܛܠܗ܂ ܒܫܢܬ ܥܣܪ̈ܝܢ ܘܫܒܥ ܫ̈ܢܝܢ ܠܐܣܐ ܡܠܟܐ ܕܝܗܘܕܐ ܘܐܡܠܟ ܒܬܪܗ܂
16:11)1(	ܘܟܕ ܐܡܠܟ ܘܝܬܒ ܥܠ ܟܘܪܣܝܗ܂ ܡܚܐ ܠܟܠܗ ܒܝܬ ܒܥܫܐ܂ ܘܠܐ ܫܒܩ ܠܗ ܕܬܐܢ ܒܐܣܬܐ܂ ܘܟܠ ܩܪ̈ܝܒܘܗܝ ܘܪܚ̈ܡܘܗܝ܂
16:12)1(	ܘܐܘܒܕ ܙܡܪܝ ܠܟܠܗ ܒܝܬ ܒܥܫܐ܂ ܐܝܟ ܦܬܓܡܗ ܕܡܪܝܐ ܕܡܠܠ ܥܠ/ܥܡ#3#/ ܒܥܫܐ ܒܐܝܕܐ ܕܝܗܘ ܢܒܝܐ܂
16:13)1(	ܥܠ ܟܠܗܘܢ ܚ̈ܛܗܘܗܝ ܕܒܥܫܐ ܘܚ̈ܛܗܘܗܝ ܕܐܠܐ ܒܪܗ܂ ܕܚܛܘ ܘܐܚܛܝܘ ܠܐܝܣܪܝܠ܂ ܠܡܪܓܙܘ ܠܡܪܝܐ ܐܠܗܐ ܕܐܝܣܪܝܠ ܒܕܚ̈ܠܬܗܘܢ܂
16:14)1(	ܘܫܪܟܐ ܕܦܬ̈ܓܡܘܗܝ ܕܐܠܐ ܘܟܠܡܕܡ ܕܥܒܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܝܠ܀܂
16:15)1(	ܒܫܢܬ ܥܣܪ̈ܝܢ ܘܫܒܥ ܫ̈ܢܝܢ ܠܐܣܐ ܡܠܟܐ ܕܝܗܘܕܐ܂ ܐܡܠܟ ܙܡܪܝ ܫܒܥܐ ܝܘܡ̈ܝܢ ܒܬܪܨܐ܂ ܘܥܡܐ ܫܪܝܢ ܥܠ ܓܬ ܕܦܠܫ̈ܬܝܐ܂
16:16)1(	ܘܫܡܥܘ ܥܡܐ ܕܫܪܝܢ ܘܐܡܪܝܢ܂ ܡܪܕ ܙܡܪܝ ܘܐܦ ܩܛܠ ܠܡܠܟܐ܂ ܘܐܡܠܟܘ ܟܘܠܗ ܐܝܣܪܝܠ ܥܠܝܗܘܢ܂ ܠܥܡܪܝ ܪܒ ܚܝܠܐ ܥܠ ܐܝܣܪܝܠ ܒܝܘܡܐ ܗܘ ܒܡܫܪܝܬܐ܂
16:17)1(	ܘܣܠܩ ܥܡܪܝ ܘܟܠܗ ܐܝܣܪܝܠ ܥܡܗ ܡܢ ܓܬ܂ ܘܫܪܘ ܥܠ ܬܪܨܐ܂
16:18)1(	ܘܟܕ ܚܙܐ ܙܡܪܝ ܕܐܬܟܒܫܬ ܬܪܨܐ ܥܠ ܠܗ ܠܢܘܣܐ ܕܒܝܬ ܡܠܟܐ܂ ܘܐܘܩܕܘ ܥܠܘܗܝ ܒܝܬ ܡܠܟܐ ܒܢܘܪܐ ܘܡܝܬ܂
16:19)1(	ܥܠ ܚ̈ܛܗܘܗܝ ܕܚܛܐ ܘܥܒܕ ܕܒܝܫ ܩܕܡ ܡܪܝܐ܂ ܠܡܗܠܟܘ ܒܐܘܪ̈ܚܬܗ ܕܝܘܪܒܥܡ ܒܪ ܢܒܛ܂ ܘܒܚ̈ܛܗܘܗܝ ܕܐܚܛܝ ܠܐܝܣܪܝܠ܂
16:20)1(	ܘܫܪܟܐ ܕܦܬ̈ܓܡܘܗܝ ܕܙܡܪܝ ܘܡܪܕܐ ܕܡܪܕ܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܐܝܠ܂
16:21)1(	ܗܝܕܝܢ ܐܬܦܠܓܘ ܥܡܐ ܕܐܝܣܪܝܠ ܦ̈ܠܓܘܬܐ܂ ܦܠܓܗ ܕܥܡܐ ܗܘܐ ܒܬܪ ܬܒܢܝ ܒܪ ܓܢܝܬ ܠܡܡܠܟܘܬܗ܂ ܘܦܠܓܗ ܒܬܪ ܥܡܪܝ܂
16:22)1(	ܘܥܫܢ ܥܡܐ ܕܒܬܪ/ܕܥܡ#3#/ ܥܡܪܝ ܡܢ ܥܡܐ ܕܒܬܪ ܬܒܢܝ܂ ܘܡܝܬ ܬܒܢܝ ܘܐܡܠܟ ܥܡܪܝ ‍<‍ܒܬܪܗ#3#‍>‍܂
16:23)1(	ܒܫܢܬ ܬܠܬܝܢ ܘܚܕܐ ܫ̈ܢܝܢ ܠܐܣܐ ܡܠܟܐ ܕܝܗܘܕܐ܂ ܐܡܠܟ ܥܡܪܝ ܥܠ ܐܝܣܪܝܠ ‍<‍ܫܒܥ ܫ̈ܢܝܢ#3#‍>‍ ܬܪ̈ܬܥܣܪܐ ܫ̈ܢܝܢ܂ ܒܬܪܨܐ ܐܡܠܟ ܫܬ ܫ̈ܢܝܢ܂
16:24)1(	ܘܙܒܢܗ ܠܛܘܪܐ ܕܫܡܪܝܢ ܡܢ ܫܡܝܪ ܒܟܟܪܐ ܕܟܣܦܐ܂ ܘܒܢܝܗܝ ܠܛܘܪܐ/ܛܘܪܐ#3#/܂ ܘܩܪܐ ܫܡܗ ܕܩܪܝܬܐ ܕܒܢܐ܂ ܥܠ ܫܡ ܫܡܝܪ ܡܪܗ ܕܛܘܪܐ ܫܡܪܝܢ/ܕܫܡܪܝܢ#3#/܂
16:25)1(	ܘܥܒܕ ܥܡܪܝ ܕܒܝܫ ܩܕܡ ܡܪܝܐ܂ ܘܐܒܐܫ ܡܢ ܟܠܗܘܢ ܡ̈ܠܟܐ ܕܗܘܘ ܩܕܡܘܗܝ܂
16:26)1(	ܘܗܠܟ ܒܟܠܗ ܐܘܪܚܗ ܕܝܘܪܒܥܡ ܒܪ ܢܒܛ܂ ܘܒܚ̈ܛܗܘܗܝ ܕܐܚܛܝ ܠܐܝܣܪܝܠ܂ ܠܡܪܓܙܘ ܠܡܪܝܐ ܐܠܗܐ/ܠܐܠܗܐ#3#/ ܕܐܝܣܪܝܠ ܒܕܚ̈ܠܬܗܘܢ܂
16:27)1(	ܘܫܪܟܐ ܕܦܬ̈ܓܡܘܗܝ ܕܥܡܪܝ ܘܟܠܡܕܡ ܕܥܒܕ܂ ܘܟܠܗ ܓܢܒܪܘܬܗ/ܓܒܪܘܬܗ#2#/܂ ܗܐ ܟܬܝܒܝܢ ܒܣܦܪ ܕܒܪܝܡܝܢ ܕܡ̈ܠܟܐ ܕܐܝܣܪܝܠ܂
16:28)1(	ܘܫܟܒ ܥܡܪܝ ܥܡ ܐ̈ܒܗܘܗܝ܂ ܘܐܬܩܒܪ ܒܫܡܪܝܢ܂ ܘܐܡܠܟ ܐܚܒ ܒܪܗ ܒܬܪܗ܀
16:29)1(	ܘܐܚܒ ܒܪ ܥܡܪܝ ܐܡܠܟ ܥܠ ܐܝܣܪܝܠ܂ ܒܫܢܬ ܬܠܬܝܢ ܘܬܡܢܐ ܫ̈ܢܝܢ ܠܐܣܐ ܡܠܟܐ ܕܝܗܘܕܐ܂ ܐܡܠܟ ܐܚܒ ܒܪ ܥܡܪܝ ܥܠ ܐܝܣܪܝܠ܂ ܒܫܡܪܝܢ ܥܣܪ̈ܝܢ ܘܬܪ̈ܬܝܢ ܫ̈ܢܝܢ܂
16:30)1(	ܘܥܒܕ ܐܚܒ ܒܪ ܥܡܪܝ ܕܒܝܫ ܩܕܡ ܡܪܝܐ܂ ܡܢ ܟܠ ܕܗܘܘ ܩܕܡܘܗܝ܂
16:31)1(	ܘܡ݂ܢ ܕܩܠܝܠ ܗܘܐ ܒܥܝ̈ܢܘܗܝ܂ ܕܢܗܠܟ ܒܚ̈ܛܗܘܗܝ ܕܝܘܪܒܥܡ ܒܪ ܢܒܛ܂ ܐܙܠ ܘܢܣܒ ܐܢܬܬܐ܂ ܠܐܝܙܒܠ ܒܪܬ ܐܝܬܒܥܠ ܡܠܟܐ ܕܨܝ̈ܕܢܝܐ܂ ܘܐܙܠ ܘܦܠܚ ܠܒܥܠܐ ܘܣܓܕ ܠܗ܂
16:32)1(	ܘܐܩܝܡ ܡܕܒܚܐ ܠܒܥܠܐ܂ ܒܝܬ ܒܥܠܐ ܕܒܢܐ ܒܫܡܪܝܢ܂
16:33)1(	ܘܦܠܚ ܐܚܒ ܠܕܚ̈ܠܬܐ܂ ܘܐܘܣܦ ܐܚܒ ‍<‍ܒܕܚ̈ܠܬܐ#3#‍>‍ ܠܡܦܠܚ ܘܠܡܪܓܙܘ ܩܕܡ ܡܪܝܐ ܐܠܗܐ ܕܐܝܣܪܝܠ܂ ܡܢ ܟܠܗܘܢ ܡ̈ܠܟܐ ܕܐܝܣܪܐܝܠ ܕܗܘܘ ܩܕܡܘܗܝ܂
16:34)1(	ܘܒܝ̈ܘܡܘܗܝ ܒܢܐ ܐܚܒ ܒܝܬ ܠܘܛܬܐ ܠܐܝܪܝܚܘ/ܕܐܝܪܝܚܘ#3#/܂ ܒܐܒܝܪܡ ܒܘܟܪܗ ܫܟܠܠܗ܂ ܘܒܫܟܘܒ ܙܥܘܪܗ ܐܩܝܡ ܬܪ̈ܥܝܗ܂ ܐܝܟ ܦܬܓܡܗ ܕܡܪܝܐ ܕܡܠܠ ܒܐܝܕܐ ܕܝܫܘܥ ܒܪ܆ܢܘܢ܀