The Comprehensive Aramaic Lexicon

18:01)1(	ܘܗܘܐ ܠܝܘܡ̈ܬܐ ܣܓ̈ܝܐܐ ܗܢ݂ܘܢ܂ ܘܦܬܓܡܗ ܕܡܪܝܐ ܗܘܐ ܥܠ ܐܠܝܐ܂ ܒܫܢܬܐ ܬܠܝܬܝܬܐ ܠܡܐܡܪ܂ ܙܠ ܐܬܚܙܝܝ ܠܐܚܒ܂ ܘܐܬܠ ܡܛܪܐ ܥܠ ܐ̈ܦܝ ܐܪܥܐ܂
18:02)1(	ܘܐܙܠ ܐܠܝܐ ܠܡܬܚܙܝܘ ܠܐܚܒ܂ ܘܟܦܢܐ ܥܫܢ ܒܫܡܪܝܢ܂
18:03)1(	ܘܩܪܐ ܐܚܒ ܠܥܘܒܕܝܐ ܪܒܝܬܗ܂ ܘܥܘܒܕܝܐ ܕܚܠ ܗܘܐ ܡܢ ܩܕܡ ܡܪܝܐ ܛܒ܂
18:04)1(	ܘܟܕ ܩܛܠܬ ܐܝܙܒܠ ܠܢܒܝܘܗܝ ܕܐܠܗܐ܂ ܕܒܪ ܥܘܒܕܝܐ ܡܐܐ ܢܒܝ̈ܝܢ܂ ܘܛܫܝ ܐܢܘܢ ܚܡܫܝܢ ܚܡܫܝܢ ܓܒܪ̈ܝܢ ܒܡܥܪܬܐ܂ ܘܬܪܣܝ ܐܢܘܢ ܒܠܚܡܐ ܘܒܡ̈ܝܐ܂
18:05)1(	ܘܐܡܪ ܐܚܒ ܠܥܘܒܕܝܐ܂ ܙܠ ܗܠܟ ܒܐܪܥܐ܂ ܥܠ ܟܠ ܡܒ̈ܘܥܝ ܡ̈ܝܐ܂ ܘܥܠ ܟܠܗܘܢ ܢܚ̈ܠܐ܂ ܛܟ ܢܫܟܚ ܥܡܝܪܐ܂ ܘܢܚܐ ܪܟܫܐ ܘܟܘܕܢ̈ܘܬܐ܂ ܘܠܐ/ܕܠܐ#3#/ ܢܓܪܕܐ ܡܢ ܒܥܝܪܐ܂
18:06)1(	ܘܦܠܓܘ ܠܗܘܢ ܐܘܪܚܐ/ܐܪܥܐ#3#/ ܠܡܥܒܪ ܒܗ܂ ܐܚܒ ܐܙܠ ܒܐܘܪܚܐ ܚܕܐ ܒܠܚܘܕܘܗܝ܂ ܘܥܘܒܕܝܐ ܐܙܠ ܒܐܘܪܚܐ ܐܚܪܬܐ ܒܠܚܘܕܘܗܝ܂
18:07)1(	ܘܗܘܐ ܥܘܒܕܝܐ ܒܐܘܪܚܐ܂ ܘܗܐ ܐܠܝܐ ܐܪܥܗ ܘܐܫܬܘܕܥܗ܂ ܘܢܦܠ ܥܠ ܐ̈ܦܘܗܝ ܘܐܡܪ ܠܗ܂ ܐܢܬ ܗܘ ܡܪܝ ܐܠܝܐ܂
18:08)1(	ܐܡܪ ܠܗ ܐܢܐ ܗܘ܂ ܘܐܡܪ ܠܗ܂ ܙܠ ܐܡܪ ܠܡܪܟ ܕܗܐ ܐܠܝܐ܂
18:09)1(	ܘܐܡܪ ‍<‍ܠܗ#3#‍>‍ ܥܘܒܕܝܐ܂ ܡܢܐ ܚܛܝܬ ܕܡܫܠܡ ܐܢܬ ܠܗ ܠܥܒܕܟ ܒܐܝܕܗ ܕܐܚܒ ܠܡܩܛܠܢܝ܂
18:10)1(	ܚܝ ܗܘ ‍<‍ܓܝܪ#3#‍>‍ ܡܪܝܐ ܐܠܗܟ܂ ܐܢ ܐܝܬ ܥܡܐ ܐܘ ܡܠܟܘܬܐ ܕܠܐ ܫܕܪ ܡܪܝ ܠܡܒܥܝܟ ܬܡܢ܂ ܘܐܡܪܝܢ ܠܝܬ܂ ܘܐܘܡܝ ܠܡ̈ܠܟܘܬܐ ܘܠܥܡ̈ܡܐ ܕܐܢ ܠܐ ܐܫܟܚܘܟ܂
18:11)1(	ܘܗܫܐ ܐܡܪ ܐܢܬ ܠܝ܂ ܙܠ/ܕܙܠ#3#/ ܐܡܪ ܠܡܪܟ ܕܗܐ ܐܠܝܐ܂
18:12)1(	ܘܟܕ ܐܢܐ ܐܙܠ ܡܢ ܠܘܬܟ܂ ܪܘܚܗ ܕܡܪܝܐ/ܕܐܠܗܐ#3#/ ܬܫܩܠܟ܂ ܘܬܘܒܠܟ ܠܐܝܟ‍{‍ܢ‍}‍ܐ ܕܠܐ ܐܕܥ܂ ܘܐܙܠ ܠܡܚܘܝܘ ܠܐܚܒ܂ ܘܠܐ ܢܫܟܚܟ ܘܢܩܛܠܢܝ܂ ܘܥܒܕܟ ܕܚܠ ܡܢ ܡܪܝܐ ܡܢ ܛܠܝܘܬܗ܂
18:13)1(	ܘܠܐ ܚܘܝܬ ܠܡܪܝ ܡܕܡ ܕܥܒܕܬ܂ ܟܕ ܩܛܠܬ ܐܝܙܒܠ ܠܢܒ̈ܝܘܗܝ ܕܐܠܗܐ܂ ܕܒܪܬ ܡܢ ܢܒ̈ܝܘܗܝ ܕܡܪܝܐ ܡܐܐ ܓܒܪ̈ܝܢ܂ ܘܛܫܝܬ ܐܢܘܢ ܚܡܫܝܢ ܚܡܫܝܢ ܓܒܪ̈ܝܢ ܒܡܥܪܬܐ܂ ܘܬܪܣܝܬ ܐܢܘܢ ܒܠܚܡܐ ܘܒܡ̈ܝܐ܂
18:14)1(	ܘܗܫܐ ܐܡܪ ܐܢܬ ܠܝ܂ ܙܠ/ܕܙܠ#3#/ ܐܡܪ ܠܡܪܟ ܕܗܐ ܐܠܝܐ ܘܢܩܛܠܢܝ܂
18:15)1(	ܘܐܡܪ ܐܠܝܐ܂ ܚܝ ܗܘ ܡܪܝܐ ܚܝܠܬܢܐ܂ ܕܩܡܬ ܩܕܡܘܗܝ܂ ܐܠܐ ܝܘܡܢܐ ܐܬܚܙܐ ܠܗ܂
18:16)1(	ܘܐܙܠ ܥܘܒܕܝܐ ܠܐܘܪܥܗ ܕܐܚܒ ܘܚܘܝܗ ܠܐܚܒ܂ ܘܐܬܐ ܐܚܒ ܠܐܘܪܥܗ ܕܐܠܝܐ܂
18:17)1(	ܘܟܕ ܚܙܝܗܝ ܐܚܒ ܠܐܠܝܐ ܐܡܪ ܠܗ ‍<‍ܐܚܒ ܠܐܠܝܐ#3#‍>‍܂ ܐܢܬ ܗܘ ܗܢܐ ܕܠܘܚܗ ܕܐܝܣܪܝܠ܂
18:18)1(	ܐܡܪ ܠܗ ܐܠܝܐ܂ ‍<‍ܐܢܐ#3#‍>‍ ܠܐ ܕܠܚܬ ܠܐܝܣܪܝܠ܂ ܐܠܐ ܐܢܬ ܘܒܝܬ ܐܒܘܟ܂ ܕܫܒܩܬܘܢ ܦܘܩ̈ܕܢܘܗܝ ܕܡܪܝܐ/ܠܡܪܝܐ#3#/ ܘܐܙܠܬܘܢ ܒܬܪ ܒܥܠܐ܂
18:19)1(	ܘܗܫܐ ܫܕܪ ܟܢܫ ܠܝ ܠܟܘܠܗ ܐܝܣܪܝܠ ܠܛܘܪܐ ܕܟܪܡܠܐ܂ ܘܠܢܒ̈ܝܝ ܒܥܠܐ ܐܪܒܥܡܐܐ ܘܚܡܫܝܢ܂ ‍<‍ܘܠܝ#2#‍>‍ ܘܠܢܒܝ̈ܝ ܕܚ̈ܠܬܐ ܐܪܒܥܡܐܐ ܘܚܡܫܝܢ ‍<‍ܓܒܪ̈ܝܢ#3#‍>‍܂ ܕܐܟܠܝܢ ‍<‍ܡܢ#3#‍>‍ ܦܬܘܪܗ ܕܐܝܙܒܠ܂
18:20)1(	ܘܫܕܪ ܐܚܒ ܥܠ ܟܠܗܘܢ ܒܢ̈ܝ ܐܝܣܪܝܠ܂ ܘܟܢܫ ܐܢܘܢ ܠܓܒܪ̈ܐ ܠܛܘܪܐ ܕܟܪܡܠܐ܂
18:21)1(	ܘܩܪܒ ܐܠܝܐ ‍<‍ܢܒܝܐ#3#‍>‍ ܠܘܬ ܟܠܗ ܥܡܐ ܘܐܡܪ܂ ܥܕܡܐ ܠܐܡܬܝ ܦܠܝܓܝܢ ܐܢܬܘܢ ܠܬܪ̈ܬܝܢ ܦܠܓܘܢ܂ ܐܢ ܡܪܝܐ ܗܘ ܐܠܗܐ ܙܠܘ ܒܬܪܗ܂ ܘܐܢ ܒܥܠܐ ܗܘ ܙܠܘ ܒܬܪܗ܂ ܘܠܐ ܝܗܒܘ ܠܗ ܥܡܐ ܦܬܓܡܐ܂
18:22)1(	ܘܐܡܪ ܐܠܝܐ ‍<‍ܠܥܡܐ#3#‍>‍܂ ܐܢܐ ܗܘ ܒܠܚܘܕܝ/#3#/ ܐܫܬܚܪܬ ܢܒܝܐ ܠܡܪܝܐ ‍<‍ܒܠܚܘܕܝ#3#‍>‍܂ ܘܢܒܝ̈ܝ ܒܥܠܐ ܐܪ̈ܒܥܡܐܐ ܘܚܡܫܝܢ ܓܒܪ̈ܝܢ܂
18:23)1(	ܢܬܠܘܢ ܠܢ ܬܪ̈ܝܢ ܬܘܪ̈ܝܢ܂ ܘܢܓܒܘܢ ܠܗܘܢ ܚܕ ܬܘܪܐ܂ ܘܢܦܫܚܘܢ ܘܢܣܝܡܘܢ ܥܠ ܩܝܣ̈ܐ܂ ܘܢܘܪܐ ܠܐ ܢܣܝܡܘܢ܂ ܘܐܢܐ ܐܥܒܕ ܚܕ ܬܘܪܐ܂ ܘܐܦܫܚ ܘܐܣܝܡ ܥܠ ܩܝܣ̈ܐ܂ ܘܢܘܪܐ ܠܐ ܐܣܝܡ܂
18:24)1(	ܘܩܪܘ ܒܫܡ ܐ̈ܠܗܝܟܘܢ܂ ܘܐܢܐ ܐܩܪܐ ܒܫܡܗ ܕܡܪܝܐ ܐܠܗܝ܂ ܘܐܝܢܐ ܐܠܗܐ܂ ܕܥܢܐ ܒܢܘܪܐ ܗܘ ܗܘ ܐܠܗܐ܂ ܘܥܢܘ ܟܠܗ ܥܡܐ ܘܐܡܪܘ ܫܦܝܪ ܐܡܪܬ܀
18:25)1(	ܘܐܡܪ ܐܠܝܐ ܠܢܒ̈ܝܝ ܒܥܠܐ܂ ܓܒܘ ܠܟܘܢ ܚܕ ܬܘܪܐ ܘܥܒܕܘ ܩܕܡܝܬ܂ ܡܛܠ ܕܐܢܬܘܢ ܣ̈ܓܝܐܝܢ܂ ‍<‍ܘܩܪܘ ܒܫܡ ܐܠܗܝ̈ܟܘܢ ܘܢܘܪܐ ܠܐ ܬܣܝܡܘܢ#3#‍>‍܂
18:26)1(	ܘܢܣܒܘܗܝ ܠܬܘܪܐ/ܠܪܡܫܐ#3#/ ܕܐܬܝܗܒ ܠܗܘܢ ܘܥܒܕܘܗܝ܂ ܘܗܘܘ ܩܪܝܢ ܒܫܡܗ ܕܒܥܠܐ܂ ܡܢ ܨܦܪܐ ܘܥܕܡܐ ܠܛܗܪܐ܂ ܒܥܠܐ ܥܢܝܢ ܘܠܝܬ ܩܠ ܐܦ ܠܐ ܕܥܢܐ܂ ܘܐܬܟܬܫܘ ܥܠ ܡܕܒܚܐ ܕܥܒܕܘ܂
18:27)1(	ܘܟܕ ܗܘܐ ܛܗܪܐ܂ ܡܓܚܟ ‍<‍ܗܘܐ#3#‍>‍ ܒܗܘܢ ܐܠܝܐ܂ ܘܐܡܪ܂ ܩܪܘ ܒܩܠܐ ܪܡܐ܂ ܡܛܠ ܕܐܠܗܐ ܗܘ܂ ܕܠܡܐ ܪܢܝܐ ‍<‍ܗܘ#3#‍>‍ ܐܝܬ ܠܗ܂ ܐܘ ܕܠܡܐ ܨܒܘ ܣܥܪ܂ ܐܘ ܕܠܡܐ ܐܘܪܚܐ ܐܝܬ ܠܗ܂ ܐܘ ܕܠܡܐ ܕܡܟ ܗܘ ܘܢܬܬܥܝܪ܂
18:28)1(	ܘܩܪܘ ܒܩܠܐ ܪܡܐ܂ ܘܐܬܟܬܫܘ ܐܝܟ ܢܡܘܣܗܘܢ ܒܚܪܒܐ ܘܒܪ̈ܘܡܚܐ܂ ܥܕܡܐ ܕܐܬܐܫܕ ܕܡܗܘܢ ܥܠܝܗܘܢ܂
18:29)1(	ܘܟܕ ܥܒܪ ܛܗܪܐ܂ ܗܘܘ ܡܬܢܒܝܢ ܥܕܡܐ ܠܙܒܢܐ ܕܣܠܩ ܩܘܪܒܢܐ܂ ܘܠܝܬ ܩܠ ܐܦ ܠܐ ܕܥܢܐ ܐܦܠܐ ܕܨܐܬ܂ ܘܐܡܪ ܐܠܝܐ ܠܢܒܝ̈ܝ ܕܚ̈ܠܬܐ/ܒܥܠܐ#3#/܂ ܫܢܘ ܡܢ ܗܫܐ܂ ܘܐܦ ܐܢܐ ܐܥܒܕ ܝܩ̈ܕܝ ܫ̈ܠܡܐ ܂ܘܫܢܝܘ ܘܐܙܠܘ܀
18:30)1(	ܘܐܡܪ ܐܠܝܐ ܠܟܠܗ ܥܡܐ܂ ܩܪܘܒܘ ܠܘܬܝ܂ ܘܩܪ̈ܒܘ ܟܠܗ ܥܡܐ ܠܘܬܗ܂ ܘܬܪܣܝ ܡܕܒܚܐ ܕܡܪܝܐ ܕܡܣܚܦ ܗܘܐ܂
18:31)1(	ܘܢܣܒ ܐܠܝܐ ܬܪ̈ܬܥܣܪܐ ܟܐ̈ܦܝܢ܂ ܐܝܟ ܡܢܝܢܐ ܕܫ̈ܒܛܐ ܕܒܢ̈ܝ ܝܥܩܘܒ܂ ܗܘ ܕܗܘܐ ܥܠܘܗܝ ܦܬܓܡܗ ܕܡܪܝܐ ܘܐܡܪ ܠܗ܂ ܐܝܣܪܝܠ ܢܗܘܐ ܫܡܟ܂

18:32)1(	ܘܒܢܐ ܐ̈ܢܝܢ ܠܟܐ̈ܦܐ ‍<‍ܗܠܝܢ#3#‍>‍ ܡܕܒܚܐ ܒܫܡܗ ܕܡܪܝܐ܂ ܘܥܒܕ ܚܐܪܝܬܐ ܐܝܟ ܒܝܬ ܣܐܬܝܢ ܙܪܥܐ ܘܐܟܪܟܗ ܠܡܕܒܚܐ܂

18:33)1(	ܘܟܫܐ ܩܝ̈ܣܐ܂ ܘܦܫܚܗ ܠܬܘܪܐ ܘܣܡܗ ܠܥܠ ܡܢ ܩܝ̈ܣܐ܂
18:34)1(	ܘܐܡܪ ܡܠܘ \ܐܪ̈ܒܥ ܩܘܠܝܢ /ܐܢ̈ܝܢ ܩܘ̈ܠܐ#3#/ ܡ̈ܝܐ܂ ܘܣܘܟܘ ܥܠ ܥܠܬܐ ܘܥܠ ܩܝ̈ܣܐ܂ ܘܐܡܪ ܬܢܘ ܘܬܢܘ܂ ܘܐܡܪ ܬܠܬܘ ܘܬܠܬܘ܂
18:35)1(	ܘܗܠܟܘ ܡ̈ܝܐ ܚܕܪ̈ܘܗܝ ܕܡܕܒܚܐ܂ ܘܐܦ ܠܗ ܠܚܐܪܝܬܐ ܡܠܐܘܗ ܡ̈ܝܐ܂
18:36)1(	ܘܟܕ ܣܠܩ ܩܘܪܒܢܐ܂ ܩܪܒ ܐܠܝܐ ܢܒܝܐ ܘܐܡܪ܂ ܡܪܝܐ ܐܠܗܗ ܕܐܒܪܗܡ ܘܕܐܝܣܚܩ ܘܕܐܝܣܪܝܠ/ܘܕܝܥܩܘܒ#3#/܂ ‍<‍ܐܦ#3#‍>‍ ܝܘܡܢܐ ܢܬܝܕܥ ܕܐܢܬ ܗܘ ܐܠܗܐ ܒܐܝܣܪܝܠ܂ ܘܐܢܐ ܥܒܕܟ܂ ܘܒܦܬܓܡܟ ܥܒܕܬ ܟܠܗܘܢ ܦܬ̈ܓܡܐ ܗܠܝܢ܂
18:37)1(	ܥܢܝܢܝ ܡܪܝܐ ܥܢܝܢܝ܂ ܘܢܕܥܘܢ ܟܠܗ ܥܡܐ ܗܢܐ܂ ܕܐܢܬ ܗܘ ܡܪܝܐ ܐܠܗܐ܂ ܘܐܢܬ ܐܦܢܝܬ ܠܒܗܘܢ ܗܦܝܟܐ܂
18:38)1(	ܘܢܦܠܬ ܢܘܪܗ ܕܡܪܝܐ܂ ܘܐܟܠܬ ܥܠܬܐ ܘܩܝ̈ܣܐ ܘܟܐ̈ܦܐ ܘܥܦܪܐ܂ ܘܡ̈ܝܐ ܕܒܚܐܪܝܬܐ ܠܚܟܬ܂
18:39)1(	ܘܚܙܘ ܟܠܗ ܥܡܐ ܘܢܦܠܘ ܥܠ ܐ̈ܦܝܗܘܢ܂ ܘܐܡܪܘ܂ ܡܪܝܐ ܗܘ ܐܠܗܐ ܡܪܝܐ ܗܘ ܐܠܗܐ܂
18:40)1(	ܘܐܡܪ ܠܗܘܢ ܐܠܝܐ܂ ܐܚܘܕܘ ܐܢܘܢ ܠܢܒܝܝ̈ ܒܥܠܐ܂ ܘܐܢܫ ܠܐ ܢܬܦܠܛ ܡܢܗܘܢ܂ ܘܐܚܕܘ ܐܢܘܢ܂ ܘܐܚܬ ܐܢܘܢ ܐܠܝܐ ܠܢܚܠܐ ܕܩܝܫܘܢ܂ ܘܢܟܣ ܐܢܘܢ ܬܡܢ܀܂
18:41)1(	ܘܐܡܪ ܐܠܝܐ ܠܐܚܒ܂ ܣܩ ܠܥܣ ܘܐܫܬܝ܂ ܡܛܠ ܕܩܠܐ ܕܪܓܘܫܝܐ ܕܡܛܪܐ܂
18:42)1(	ܘܣܠܩ ܐܚܒ ܠܡܠܥܣ ܘܠܡܫܬܐ܂ ܘܐܠܝܐ ܣܠܩ ܠܪܝܫ ܟܪܡܠܐ܂ ܘܐܬܓܗܢ ܥܠ ܐܪܥܐ܂ ܘܣܡ ܐ̈ܦܘܗܝ ܒܝܬ ܒܘܪ̈ܟܘܗܝ܂
18:43)1(	ܘܐܡܪ ܠܬܠܡܝܕܗ܂ ܣܩ ܚܘܪ ܠܐܘܪܚܐ ܕܝܡܐ/ܕܬܝܡܢܐ#3#/܂ ܘܣܠܩ ܘܚܪ܂ ܘܐܡܪ ܠܝܬ ܡܕܡ܂ ܐܡܪ ܠܗ ܗܦܘܟ ܫܒܥ ܙܒ̈ܢܝܢ܂
18:44)1(	ܘܒܙܒܢܬܐ ܫܒܝܥܝܬܐ ܐܡܪ ‍<‍ܠܗ#3#‍>‍ ܚܙܝܬ܂ ܘܗܐ ܥܢܢܐ ܙܥܘܪܬܐ ܐܝܟ ܦܣܬܐ ܕܐܝܕܐ ‍<‍ܕܓܒܪܐ#3#‍>‍ ܣܠܩܐ ܡܢ ܝܡܐ܂ ܘܐܡܪ ܠܗ܂ ܣܩ ܐܡܪ ܠܐܚܒ܂ ܪܟܒ ܘܚܘܬ ܥܕܠܐ ܢܟܠܝܟ ܡܛܪܐ܂
18:45)1(	ܘܥܕ ܗܘ ܡܬܦܢܐ ܠܟܐ ܘܠܟܐ܂ ܫܡܝܐ ܐܬܟܒܢܘ ܥܢ̈ܢܐ ܘܪܘܚܐ܂ ܘܗܘܐ ܡܛܪܐ ܪܒܐ܂ ܘܪܟܒ ܐܚܒ ܘܐܙܠ ܠܐܝܙܪܥܝܠ܂
18:46)1(	ܘܐܝܕܗ/ܘܪܘܚܗ#3#/ ܕܡܪܝܐ ܗܘܬ ܥܠ ܐܠܝܐ܂ ܘܐܣܪ ܚܨ̈ܘܗܝ ܘܪܗܛ ܩܕܡ ܐܚܒ܂ ܥܕܡܐ ܕܥܠ ܠܐܝܙܪܥܝܠ܀