← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62010: P 1K

Click on a word for lexical analysis
Click on a red-colored coordinate for comments and/or translations of the line

previous chapter


19:01)1( ܘܚܘܝ ܐܚܒ ܠܐܝܙܒܠ ܟܠܡܕܡ ܕܥܒܕ ܐܠܝܐ܂ ܘܕܩܛܠ ܐܢܘܢ ܠܟܠܗܘܢ ܢܒܝ̈ܝ ܒܥܠܐ܂ ܘܕܚܘܓܒ̈ܐ ܒܚܪܒܐ܂
19:02)1( ܘܫܠܚܬ ܐܝܙܒܠ ܒܝܕ ܡܠܐܟܐ ܠܐܠܝܐ ܘܐܡܪܬ܂ ܗܟܢܐ ܢܥܒܕܘܢ ܠܝ ܐ̈ܠܗܐ ܘܗܟܢܐ ܢܘܣܦܘܢ ܠܝ܂ ܐܠܐ ܡܚܪ/ܠܡܚܪ#3#/ ܒܗܢܐ ܙܒܢܐ ܐܥܒܕܝܗ ܠܢܦܫܟ/ܢܦܫܟ#3#/ ܐܝܟ ܢܦܫܐ ܕܚܕ ܡܢܗܘܢ܂
19:03)1( ܘܕܚܠ ܐܠܝܐ ܘܩܡ ܐܙܠ ܕܢܦܠܛ ܢܦܫܗ܂ ܘܐܬܐ ܠܒܪܫܒܥ ܕܝܗܘܕܐ܂ ܘܫܒܩ ܬܡܢ ܬܠܡܝܕܗ܂
19:04)1( ܘܗܘ ܗܠܟ ܒܡܕܒܪܐ ܡܪܕܐ ܝܘܡܐ ܚܕ܂ ܘܝܬܒ ܬܚܝܬ ܒܛܡܬܐ ܚܕܐ܂ ܘܫܐܠ ܡܘܬܐ ܠܢܦܫܗ ܘܐܡܪ܂ ܣܓܝ ܠܝ܂ ܗܫܐ ܡܪܝܐ ܣܒ ܢܦܫܝ ܡܢܝ܂ ܡܛܠ ܕܠܐ ܗܘܝܬ ܛܒ ܐܢܐ ܡܢ ܐ̈ܒܗܝ܂
19:05)1( ܘܫܟܒ ܘܛܒܥ ܬܚܝܬ ܒܛܡܬܐ ‍<‍ܚܕܐ ܘܚܙܐ#3#‍>‍܂ ܘܗܐ ܡܠܐܟܐ ܩܪܒ ܠܗ/ܠܘܬܗ#3#/ ܘܐܡܪ ܠܗ܂ ܩܘܡ ܐܟܘܠ܂
19:06)1( ܘܐܬܦܢܝ ܘܚܙܐ ܐܣܕ̈ܘܗܝ܂ ܚܚܘܪܬܐ ܕܪܥܦܐ ܘܩܘܩܬܐ ܕܡ̈ܝܐ܂ ܘܠܥܣ ܘܐܫܬܝ ܘܗܦܟ ܕܡܟ܂
19:07)1( ܘܗܦܟ ܡܠܐܟܗ ܕܡܪܝܐ ܕܬܪ̈ܬܝܢ ܙܒ̈ܢܝܢ ܩܪܒ ܠܗ ܘܐܡܪ ‍<‍ܠܗ#3#‍>‍܂ ܩܘܡ ܐܟܘܠ ܘܐܫܬܝ܂ ܡܛܠ ܕܣܓܝܐܐ ܗܝ ܡܢܟ ܐܘܪܚܐ܂
19:08)1( ܘܩܡ ܐܟܠ ܘܐܫܬܝ܂ ܘܗܠܟ ܒܚܝܠܐ ܕܡܐܟܘܠܬܐ ܗܝ܂ ܐܪ̈ܒܥܝܢ ܐܝܡ̈ܡܝܢ ܘܐܪ̈ܒܥܝܢ ܠܝܠܘܢ܂ ܥܕܡܐ ܠܛܘܪܗ ܕܐܠܗܐ ܠܚܘܪܝܒ܂
19:09)1( ܘܥܠ ܠܬܡܢ/ܬܡܢ#3#/ ܠܡܥܪܬܐ ܘܒܬ ܬܡܢ܀ ܘܗܘܐ ܥܠܘܗܝ ܦܬܓܡܗ ܕܡܪܝܐ ܘܐܡܪ ܠܗ܂ ܡܢܐ ܥܒܕ ܐܢܬ ܗܪܟܐ ܐܠܝܐ܂
19:10)1( ܘܐܡܪ ‍<‍ܠܗ#3#‍>‍܂ ܡܛܢ ܛܢܬ ܠܡܪܝܐ ܐܠܗܐ ܚܝܠܬܢܐ܂ ܕܫܒܩܘ ܩܝܡܟ ܒܢ̈ܝ ܐܝܣܪܝܠ܂ ܡܕܒܚܟ ܣܚܦܘ܂ ܘܢܒܝ̈ܝܟ ܩܛܠܘ ܒܚܪܒܐ܂ ܘܐܫܬܚܪܬ ܐܢܐ ܒܠܚܘܕܝ܂ ܘܗܐ ܒܥܝܢ ܠܡܣܒ ܢܦܫܝ/ܠܢܦܫܝ#3#/ ‍<‍ܡܢܝ#3#‍>‍܂
19:11)1( ܘܐܡܪ ܠܗ܂ ܦܘܩ ܘܩܘܡ ܒܛܘܪܐ ܩܕܡ ܡܪܝܐ܂ ܘܗܐ ܡܪܝܐ ܥܒܕ/ܥܒܪ#3#/ ܪܘܚܐ ܪܒܬܐ ܘܬܩܝܦܬܐ ܡܦܪܩܐ ܛܘܪ̈ܐ ܘܡܬܒܪܐ ܫ̈ܘܥܐ ܩܕܡ ܡܪܝܐ܂ ܠܐ ܗܘܐ ܒܪܘܚܐ ܡܪܝܐ܂ ܘܒܬܪ ܪܘܚܐ ܙܘܥܐ܂ ܠܐ ܗܘܐ ܒܙܘܥܐ ܡܪܝܐ܂
19:12)1( ܘܒܬܪ ܙܘܥܐ ܢܘܪܐ܂ ܠܐ ܗܘܐ ܒܢܘܪܐ ܡܪܝܐ܂ ܘܒܬܪ ܢܘܪܐ ܩܠܐ ܕܡܡܠܠܐ ܪܟܝܟܐ܂
19:13)1( ܘܟܕ ܫܡܥ ܐܠܝܐ܂ ܟܪܟ ‍<‍ܐܢ̈ܝܢ#3#‍>‍ ܐ̈ܦܘܗܝ ܒܡܥܦܪܗ܂ ܘܢܦܩ ܘܩܡ ܠܗ ܒܦܘܡܗ/ܒܬܪܥܐ#3#/ ܕܡܥܪܬܐ܂ ܘܗܘܐ ܥܠܘܗܝ ܩܠܐ ܘܐܡܪ ܠܗ܂ ܡܢܐ ܥܒܕ ܐܢܬ ܗܪܟܐ ܐܠܝܐ܂
19:14)1( ܘܐܡܪ܂ ܡܛܢ ܛܢܬ ܠܡܪܝܐ ܐܠܗܐ ܚܝܠܬܢܐ܂ ܕܫܒܩܘ ܩܝܡܟ ܒܢ̈ܝ ܐܝܣܪܝܠ܂ ܡܕܒܚܟ ܣܚܦܘ܂ ܘܢܒܝ̈ܝܟ/ܘܠܢܒܝ̈ܝܟ#3#/ ܩܛܠܘ ܒܚܪܒܐ܂ ܘܐܫܬܚܪܬ ܐܢܐ ܒܠܚܘܕܝ܂ ܘܗܐ ܒܥܝܢ ܠܡܣܒ ܢܦܫܝ/ܠܢܦܫܝ#3#/܂
19:15)1( ܘܐܡܪ ܠܗ ܡܪܝܐ܂ ܗܦܘܟ ܙܠ ‍<‍ܠܟ#3#‍>‍ ܠܐܘܪܚܟ ܠܡܕܒܪܐ ܕܕܪܡܣܘܩ܂ ܘܙܠ ܡܫܘܚ ܠܚܙܐܝܠ ܕܢܡܠܟ ܥܠ ܐܕܘܡ܂
19:16)1( ܘܠܝܗܘ ܒܪ ܝܡܫܝ ܕܢܡܠܟ ܥܠ ܐܝܣܪܝܠ܂ ܘܠܐܠܝܫܥ ܒܪ ܫܦܛ ܕܡܢ/ܡܢ#3#/ ܐܒܠ ܡܚܘܠܐ܂ ܡܫܘܚ ܕܢܗܘܐ ܢܒܝܐ ܚܠܦܝܟ܂
19:17)1( ܘܡ݁ܢ ܕܢܬܦܠܛ ܡܢ ܚܪܒܐ ܕܚܙܐܝܠ ܢܩܛܠܝܘܗܝ ܝܗܘ܂ ܘܡ݁ܢ ܕܢܬܦܠܛ ܡܢ ܚܪܒܐ ܕܝܗܘ ܢܩܛܠܝܘܗܝ ܐܠܝܫܥ܂
19:18)1( ܘܐܘܬܪ ܡܢ ܐܝܣܪܝܠ ܫܒܥܐ ܐ̈ܠܦܝܢ܂ ܟܠ ܒܘܪ̈ܟܐ ܕܠܐ ܒܪܟܘ ܠܒܥܠܐ܂ ܘܟܠ ܦܘܡܐ ܕܠܐ ܢܫܩܗ܀
19:19)1( ܘܐܙܠ ܡܢ ܬܡܢ܂ ܘܐܫܟܚ ܠܐܠܝܫܥ ܒܪ ܫܦܛ ܕܕܒܪ ܗܘܐ ܦܕܢܐ܂ ܘܬܪ̈ܬܥܣܪܐ ܦܕܢܝ̈ܢ ܩܕܡܘܗܝ܂ ܘܗܘ ܚܕ ܡܢ ܬܪ̈ܥܣܪ ܗܘܐ܂ ܘܥܒܪ ܐܠܝܐ ܥܠܘܗܝ܂ ܘܫܕܐ ܡܥܦܪܗ ܥܠܘܗܝ܂
19:20)1( ܘܫܒܩܗ ܠܦܕܢܐ ܕܬܘܪ̈ܐ ܘܐܙܠ/ܘܪܗܛ#3#/ ܒܬܪ ܐܠܝܐ܂ ܘܐܡܪ ܠܗ܂ ܐܙܠ ܐܫܘܩ ܠܐܒܝ ܘܠܐܡܝ ܘܐܬܐ ܒܬܪܟ܂ ܐܡܪ ܠܗ ܗܦܘܟ ܙܠ ܠܟ܂ ܡܢܐ ܓܝܪ ܥܒܕܬ ܠܟ܂
19:21)1( ܘܗܦܟ ܡܢ ܒܬܪܗ܂ ܘܢܣܒܗ ܠܦܕܢܐ ܕܬܘܪ̈ܐ ܘܕܒܚ ܐܢܘܢ܂ ܘܒܡܐ̈ܢܐ ܕܬܘܪ̈ܐ ܒܫܠ ܒܣܪܐ܂ ܘܝܗܒ ܠܥܡܐ ܘܐܟܠܘ܂ ܘܩܡ ܐܙܠ ܒܬܪ ܐܠܝܐ ܢܒܝܐ ܘܫܡܫܗ܀

next chapter