The Comprehensive Aramaic Lexicon

20:01)1(	ܘܒܪܗܕܕ ܡܠܟܐ ܕܐܕܘܡ܂ ܟܢܫ ܟܠܗ ܚܝܠܗ܂ ܘܬܠܬܝܢ ܘܬܪ̈ܝܢ ܡ̈ܠܟܝܢ ܕܥܡܗ܂ ܘܪ̈ܟܫܐ ܘܡܪ̈ܟܒܬܐ ܘܣܠܩ ܘܫܪܐ ܥܠ ܫܡܪܝܢ ܘܐܬܟܬܫ ܥܡܗ܂
20:02)1(	ܘܫܕܪ ܐܝ̈ܙܓܕܐ ܠܘܬ ܐܚܒ ܡܠܟܐ ܕܐܝܣܪܝܠ ‍<‍ܠܩܪܝܬܐ#3#‍>‍
20:03)1(	ܘܐܡܪ ܠܗ܂ ܗܟܢܐ ܐܡܪ ܒܪܗܕܕ܂ ܟܣܦܟ ܘܕܗܒܟ ܕܝܠܝ ܗܘ܂ ܘܢܫ̈ܝܟ ܘܒܢܝܟ ܕܫܦܝܪ̈ܝܢ ܕܝܠܝ ܐܢܘܢ܂
20:04)1(	ܘܥܢܐ ܡܠܟܐ ܕܐܝܣܪܝܠ ܘܐܡܪ܂ ܐܝܟ ܦܬܓܡܟ ܡܪܝ ܡܠܟܐ܂ ܕܝܠܟ ܐܢܐ ܘܟܠ ܕܐܝܬ ܠܝ܂
20:05)1(	ܘܗܦܟܘ ܐܝ̈ܙܓܕܐ ܘܐܡܪܘ܂ ܗܟܢܐ ܐܡܪ ܒܪܗܕܕ ܕܫܠܚܬ ܠܟ ܒܩܕܡܝܬܐ ܕܟܣܦܟ ܘܕܗܒܟ ܘܢܫ̈ܝܟ ܘܒܢܝܟ ܬܬܠ ܠܝ܂
20:06)1(	ܡܚܪ/ܠܡܚܪ#3#/ ܠܗܢܐ ܥܕܢܐ/ܙܒܢܐ#3#/܂ ܐܫܕܪ ܥܒ̈ܕܝ ܠܘܬܟ܂ ܘܢܒܨܘܢ ܒܬ̈ܝܟ ܘܒ̈ܬܐ ܕܥܒ̈ܕܝܟ܂ ܘܟܠ ܪܓܬܐ ܕܥܝܢܝ̈ܗܘܢ ܢܣܒܘܢ ܒܐ̈ܝܕܝܗܘܢ ܘܢܐܬܘܢ܀
20:07)1(	ܘܩܪܐ ܡܠܟܐ ܕܐܝܣܪܝܠ ܠܟܠܗܘܢ ܣ̈ܒܐ ܕܐܪܥܐ ܘܐܡܪ ܠܗܘܢ܂ ܕܥܘ ܘܚܙܘ ܕܒܝܫܬܐ ܗܘ ܒܥܐ ܗܢܐ܂ ܕܫܠܚ ܠܝ ܥܠ ܢܫ̈ܝ ܘܥܠ ܒܢܝ ܘܥܠ ܟܣܦܝ ܘܥܠ ܕܗܒܝ܂ ܘܠܐ ܟܠܝܬ ܡܢܗ܂
20:08)1(	ܘܐܡܪܘ ܠܗ ܟܘܠܗܘܢ ܣܒ̈ܐ ܘܟܠܗ ܥܡܐ܂ ܠܐ ܬܫܡܥ ܘܠܐ ܬܬܛܦܝܣ܂
20:09)1(	ܘܐܡܪ ܠܐܝܙ̈ܓܕܐ ܕܒܪܗܕܕ܂ ܐܡܪܘ ܠܡܪܝ ܡܠܟܐ܂ ܟܠ ܕܫܠܚܬ ܠܥܒܕܟ ܒܩܕܡܝܬܐ ܐܥܒܕ܂ ܘܦܬܓܡܐ ܗܢܐ ܠܐ ܡܫܟܚ ܐܢܐ ܕܐܥܒܕ܂ ܘܐܙܠܘ ܐܝ̈ܙܓܕܐ ܘܐܬܝܒܘܗܝ ܦܬܓܡܐ܂
20:10)1(	ܘܫܠܚ ܠܗ ܒܪܗܕܕ ܘܐܡܪ ‍<‍ܠܗ#3#‍>‍܂ ܗܟܢܐ ܢܥܒܕܘܢ ܠܝ ܐ̈ܠܗܐ ܘܗܟܢܐ ܢܘܣܦܘܢ ܠܝ܂ ܐܢ/ܕܐܢ#3#/ ܢܣܦܩ ܥܦܪܗ ܕܫܡܪܝܢ ܫܘܥܠܐ ܫܘܥܠܐ ܠܥܡܐ ܕܥܡܝ܂
20:11)1(	ܘܥܢܐ ܡܠܟܐ ܕܐܝܣܪܝܠ ܘܐܡܪ܂ ܡܠܠܘ܂ ܠܐ ܢܫܬܟܚ ܡ݁ܢ ܕܐܣܪ ܐܝܟ ܡ݁ܢ ܕܫܪܐ܀
20:12)1(	ܘܟܕ ܫܡܥ ܦܬܓܡܐ ܗܢܐ܂ ܘܗܘ ܫܬܐ ܗܘܐ ܘܡ̈ܠܟܐ ܒܡ̈ܛܠܠܐ܂ ܘܐܡܪ ܠܥܒ̈ܕܘܗܝ܂ ܣܝܡܘ ܡܣܡ ܥܠ ܩܪܝܬܐ܂
20:13)1(	ܘܗܐ ܢܒܝܐ ܚܕ ܩܪܒ ܠܘܬ ܐܚܒ ܡܠܟܐ ܕܐܝܣܪܝܠ ܘܐܡܪ ܠܗ܂ ܗܟܢܐ ܐܡܪ ܡܪܝܐ܂ ܚܙܐ ܐܢܬ ܠܗ ܠܗܢܐ ܟܠܗ ܚܝܠܐ ܪܒܐ܂ ܗܐ ܡܫܠܡ ܐܢܐ ܠܗ ܒܐܝ̈ܕܝܟ ܝܘܡܢܐ܂ ܘܬܕܥܘܢ ܕܐܢܐ ܐܢܐ ܡܪܝܐ܂
20:14)1(	ܘܐܡܪ ܐܚܒ܂ ܒܡ݁ܢ܂ ܘܐܡܪ ܠܗ܂ ܒ̈ܥܠܝܡܐ ܘܒܪ̈ܘܪܒܢܐ ܕܡܕܝܢܬܐ܂ ܘܐܡܪ ܠܗ܂ ܡܢܘ/ܡܢ#3#/ ܢܣܕܘܪ ܩܪܒܐ ܠܘܩܕܡ܂ ܐܡܪ ܠܗ ܐܢܬ܂
20:15)1(	ܘܡܢܐ ܠܥ̈ܠܝܡܐ ܘܠܪ̈ܘܪܒܢܐ ܕܡܕܝܢܬܐ܂ ܘܗܘܘ ܡܐܬܝܢ ܘܬܠܬܝܢ ܘܬܪ̈ܝܢ܂ ܘܒܬܪܗܘܢ ܡܢܐ ܠܟܠܗ ܥܡܐ܂ ܘܠܟܠܗܘܢ ܒܢ̈ܝ ܐܝܣܪܐܝܠ ܫܒܥܐ ܐ̈ܠܦܝܢ܂
20:16)1(	ܘܢܦܩܘ ܒܛܗܪܐ܂ ܘܒܪܗܕܕ ܫܬܐ ܗܘܐ ܥܬܝܩܐ ܒܡ̈ܛܠܠܐ܂ ܗܘ ܘܡ̈ܠܟܐ ܬܠܬܝܢ ܘܬܪ̈ܝܢ ܕܐܬܘ ܠܡܥܕܪܘܬܗ܂
20:17)1(	ܘܢܦܩܘ ܥ̈ܠܝܡܐ ܘܪ̈ܘܪܒܢܐ ܕܡܕܝܢܬܐ ܒܩܕܡܝܬܐ܂ ܘܫܕܪ ‍<‍ܠܘܬ#3#‍>‍ ܒܪܗܕܕ܂ ܘܚܘܝܘܗܝ ܘܐܡܪܘ ܠܗ܂ ܗܐ ܓܒܪ̈ܐ ܢܦܩܘ ܡܢ ܫܡܪܝܢ܂
20:18)1(	ܘܐܡܪ܂ ܐܢ ܠܫܠܡܐ ܢܦܩܘ܂ ܐܚܘܕܘ ܐܢܘܢ ܟܕ ܚܝ̈ܝܢ܂ ܘܐܢ ܠܩܪܒܐ ܢܦܩܘ܂ ܟܕ ܚܝܝܢ ܐܚܘܕܘ ܐܢܘܢ܂
20:19)1(	ܘܗܠܝܢ ܢܦܩܘ ܡܢ ܡܕܝܢܬܐ/ܩܪܝܬܐ#3#/܂ ܥ̈ܠܝܡܐ ܘܪ̈ܘܪܒܢܐ ܕܡܕܝܢܬܐ ܘܚܝܠܐ ܒܬܪܗܘܢ/ܕܒܬܪܗܘܢ#3#/܂
20:20)1(	ܘܩܛܠܘ ܓܒܪ ܓܒܪܗ܂ ܘܥܪܩ ܐܕܘܡ܂ ܘܪܕܦ ܐܢܘܢ ܐܝܣܪܝܠ܂ ܘܐܬܦܠܛ ܒܪܗܕܕ ܡܠܟܐ ܕܐܕܘܡ ܥܠ ܡܪ̈ܟܒܬܐ ܘܦܪ̈ܫܐ܂
20:21)1(	ܘܢܦܩ ܡܠܟܐ ܕܐܝܣܪܝܠ܂ ܘܚܪܒ ܪ̈ܟܫܐ ܘܡܪ̈ܟܒܬܐ܂ ܘܡܚܐ ܒܐܕܘܡ ܡܚܘܬܐ ܪܒܬܐ ܕܛܒ܀܂
20:22)1(	ܘܗܐ ܢܒܝܐ ܕܐܠܗܐ ܩܪܒ ܠܘܬ ܐܚܒ ܡܠܟܐ ܕܐܝܣܪܝܠ ܘܐܡܪ ܠܗ܂ ܙܠ ܐܬܚܝܠ܂ ܘܕܥ ܚܙܝ \ܡܕܡ ܕܥܒܕ /ܡܢܐ ܥܒܕ#3#/ ܐܢܬ܂ ܡܛܠ ܕܠܗܦܟܬܐ ܕܫܢܬܐ܂ ܡܠܟܐ ܕܐܕܘܡ ܣܠܩ ܥܠܝܟ܂
20:23)1(	ܘܥܒ̈ܕܘܗܝ ܕܡܠܟܐ ܕܐܕܘܡ ܐܡܪܝܢ ܠܗ܂ ܐܠܗܐ ܗܘ ܕܛܘܪ̈ܐ ܐܠܗܗܘܢ܂ ܡܛܠ ܗܢܐ ܗܘ ܙܟܐܘܢ܂ ܒܪܡ ܢܬܟܬܫ ܥܡܗܘܢ ܒܦܩܥܬܐ܂ ܐܠܐ ܢܙܟܐ ܐܢܘܢ܂
20:24)1(	ܘܦܬܓܡܐ ܗܢܐ ܥܒܕ܂ ܐܥܒܪ ܡ̈ܠܟܐ ܓܒܪ ܡܢ ܐܬܪܗ܂ ܘܐܩܝܡ ܫ̈ܠܝܛܢܐ ܚܠܦܝܗܘܢ/ܥܠܝܗܘܢ#3#/܂
20:25)1(	ܘܐܢܬ ܡܢܝ ܠܟ ܚܝܠܐ ܐܝܟ ܚܝܠܐ ܕܢܦܠ ܡܢܟ܂ ܘܪܟܫܐ ܐܝܟ ܪܟܫܐ ܘܪ̈ܟܒܐ ܐܝܟ ܪ̈ܟܒܐ܂ ܘܢܬܟܬܫ ܥܡܗܘܢ ܒܦܩܥܬܐ܂ ܐܠܐ ‍<‍ܢܙܟܐ ܐܢܘܢ#3#‍>‍ ܢܥܫܢ ܡܢܗܘܢ ܘܫܡܥ ܠܩܠܗܘܢ ܘܥܒܕ ܗܟܢܐ܀
20:26)1(	ܘܗܘܐ ܠܗܦܟܬܐ ܕܫܢܬܐ܂ ܦܩܕ ܒܪܗܕܕ ܠܐܕܘܡ܂ ܘܣܠܩ ܠܐܦܩ ܠܡܬܟܬܫܘ ܥܡ ܐܝܣܪܝܠ܂
20:27)1(	ܘܒܢ̈ܝ ܐܝܣܪܝܠ ܐܬܡܢܝܘ ܘܐܣܬܕܪܘ/ܘܐܬܬܪܣܝܘ#3#/ ܘܩܡܘ ܠܘܩܒܠܗܘܢ܂ ܐܝܟ ܬܪ̈ܝܢ ܓܙܪ̈ܝܢ ܕܨܦܪ̈ܝܐ ܕܥ̈ܙܐ܂ ܘܐ̈ܕܘܡܝܐ ܡܠܐܘܗ ܠܐܪܥܐ܀
20:28)1(	ܘܩܪܒ ܢܒܝܐ ܕܐܠܗܐ ܠܘܬ ܐܚܒ ܡܠܟܐ ܕܐܝܣܪܝܠ ܘܐܡܪ ܠܗ܂ ܗܟܢܐ ܐܡܪ ܡܪܝܐ܂ ܥܠ ܕܐܡܪܘ ܐ̈ܕܘܡܝܐ ܕܐܠܗܐ ܗܘ ܕܛܘܪ̈ܐ ܡܪܝܐ܃ ܘܠܐ ܗܘܐ ܐܠܗܐ ܕܥܘܡܩܐ܂ ܐܫܠܡܝܘܗܝ ܠܗܢܐ ܟܠܗ ܚܝܠܐ ܪܒܐ ܒܐ̈ܝܕܝܟ܂ ܘܬܕܥܘܢ ܕܐܢܐ ܐܢܐ ܡܪܝܐ܂
20:29)1(	ܘܫܪܘ \ܗܠܝܢ ܠܘܩܒܠ ܗܠܝܢ /ܠܗܘܢ ܠܘܩܒܠܗܘܢ#3#/ ܫܒܥܐ ܝܘܡ̈ܝܢ܀ ܘܗܘܐ ܒܝܘܡܐ ܫܒܝܥܝܐ܂ ܘܐܩܪܒܘ ܩܪܒܐ܂ ܘܩܛܠܘ ܒܢ̈ܝ ܐܝܣܪܝܠ ܡܢ ܐܕܘܡ܂ ܡܐܐ ܐ̈ܠܦܝܢ ܓܒܪ̈ܝܢ ܪ̈ܓܠܝܝܢ ܒܝܘܡܐ ܚܕ/ܗܘ#3#/܂

20:30)1(	ܘܥܪܩܘ ܕܐܫܬܚܪܘ ܠܐܦܩ ܡܕܝܢܬܐ܂ ܘܢܦܠ ܫܘܪܐ ܥܠ ܥܣܪ̈ܝܢ ܘܫܒܥܐ/ܘܚܡ̈ܫܐ#3#/ ܐ̈ܠܦܝܢ ܓܒܪ̈ܝܢ ܕܐܫܬܚܪܘ܂ ܘܒܪܗܕܕ ܥܪܩ܂ ܘܥܠ ܒܓܘ/ܠܓܘ#3#/ ܩܪܝܬܐ ܬܘܢ ܒܓܘ ܬܘܢ܂

20:31)1(	ܘܩܪܒܘ ܥܒ̈ܕܘܗܝ ܘܐܡܪ̈ܝܢ ܠܗ܂ ܗܐ ܫܡܥܢ ܕܡ̈ܠܟܐ ܕܐܝܣܪܝܠ ܡ̈ܠܟܐ ܐܢܘܢ ܛܒ̈ܐ܂ ܢܐܣܘܪ ܣ̈ܩܐ ܒܪ̈ܝܫܝܢ܂ ܘܚܒ̈ܠܐ ܒܚ̈ܨܝܢ܂ ܘܢܦܘܩ ܠܘܬ ܡܠܟܐ ܕܐܝܣܪܝܠ܂ ܛܟ ܢܚܐ ܢܦܫܢ܂
20:32)1(	ܘܐܣܪܘ ܣܩ̈ܐ ܒܪ̈ܝܫܝܗܘܢ ܘܚܒ̈ܠܐ ܒܚ̈ܨܝܗܘܢ܂ ܘܐܬܘ ܠܘܬ ܡܠܟܐ ܕܐܝܣܪܝܠ ܘܐܡܪܘ ܠܗ܂ ܥܒܕܟ ܒܪܗܕܕ ܐܡܪ ‍<‍ܠܟ#3#‍>‍ ܬܚܐ ܢܦܫܝ܂ ܘܐܡܪ ܥܕܟܝܠ ܩܝܡ ܗܘ ܐܚܝ ܗܘ܂
20:33)1(	ܘܓܒܪܐ ܢܚܫܐ ܗܘܐ ܒܪܗܕܕ܂ ܘܓܒܪ̈ܐ ‍{‍ܪܚܫܘ‍}‍‍<‍ܢܚܫܘ‍>‍ ܘܐܣܬܪܗܒܘ ܘܦܠܛܘܗܝ ܡܢܗ܂ ܘܐܡܪܘ ܐܚܘܟ ܒܪܗܕܕ܂ ܘܐܡܪ ܙܠܘ ܕܘܒܪ̈ܘܗܝ܂ ܘܢܦܩ ܠܘܬܗ ܒܪܗܕܕ܂ ܘܐܘܬܒܗ ܥܡܗ ܒܩܪܘܟܐ܂
20:34)1(	ܘܐܡܪ ܠܗ܂ ܩܘܪ̈ܝܐ ܕܢܣܒ ܐܒܝ ܡܢ ܐܒܘܟ ܐܦܢܐ ܠܟ܂ ܘܫܘܩܐ ܐܥܒܕ ܠܟ ܒܕܪܡܣܘܩ܂ ܐܝܟ ܕܥܒܕ ܐܒܝ ܒܫܡܪܝܢ܂ ܘܐܢܐ ܒܩܝܡܐ ܐܫܕܪܟ܂ ܘܐܩܝܡ ܠܗ ܩܝܡܐ ܘܫܕܪܗ܀
20:35)1(	ܘܓܒܪܐ ܚܕ ܡܢ ܒܢ̈ܝ ܢܒ̈ܝܐ ܐܡܪ ܠܚܒܪܗ܂ ܒܦܬܓܡܗ ܕܡܪܝܐ ܡܚܝܢܝ܂ ܘܠܐ ܨܒܐ ܓܒܪܐ ܕܢܡܚܝܘܗܝ܂
20:36)1(	ܐܡܪ ܠܗ܂ ܥܠ ܕܠܐ ܫܡܥܬ ܒܩܠܗ ܕܡܪܝܐ ܐܠܗܟ܂ ܗܐ ܐܙܠ ܐܢܬ ܡܢ ܠܘܬܝ ܘܩܛܠ ܠܟ ܐܪܝܐ܂ ܘܐܙܠ ܡܢ ܠܘܬܗ܂ ܘܐܫܟܚܗ ܐܪܝܐ ܘܩܛܠܗ܂
20:37)1(	ܘܐܫܟܚ ܓܒܪܐ ܐܚܪܢܐ܂ ܘܐܡܪ ܠܗ ܡܚܝܢܝ܂ ܘܡܚܝܗܝ ܓܒܪܐ ܗܘ ܘܨܠܦܗ܂
20:38)1(	ܘܐܙܠ ܢܒܝܐ ܘܩܡ ܩܕܡ ܡܠܟܐ ܥܠ ܝܕ ܐܘܪܚܐ܂ ܘܚܦܝ ܒܩܛܡܐ ܐ̈ܦܘܗܝ܂
20:39)1(	ܘܗܐ ܡܠܟܐ ܥܒܪ/ܥܒܕ#3#/ ܘܗܘ ܡܙܥܩ ܩܕܡ ܡܠܟܐ ܘܐܡܪ܂ ܥܒܕܟ ܢܦܩ ܒܓܘ ܩܪܒܐ܂ ܘܗܐ ܓܒܪܐ ܣܛܐ ܘܐܝܬܝ ܠܝ ܓܒܪܐ܂ ܘܐܡܪ ܠܝ ܛܪܝܗܝ ܠܓܒܪܐ ܗܢܐ܂ ܘܐܢ ܡܛܥܐ ܢܛܥܐ܂ ܬܗܘܐ ܢܦܫܟ ܚܠܦ ܢܦܫܗ܂ ܐܘ ܟܟܪܐ ܕܟܣܦܐ ܬܬܩܘܠ܂
20:40)1(	ܘܥܒܕܟ ܥܕ/ܟܕ#3#/ ܡܬܦܢܐ ܠܟܐ ܘܠܟܐ܂ ܗܘ ܠܝܬܘܗܝ܂ ܐܡܪ ܠܗ ܡܠܟܐ ܕܐܝܣܪܝܠ܂ ܗܟܢܐ ܗܘ ܕܝܢܟ ܐܢܬ ܦܣܩܬ܂
20:41)1(	ܘܐܣܬܪܗܒ ܘܐܥܒܪ ܩܛܡܐ ܡܢ ܐ̈ܦܘܗܝ܂ ܘܐܫܬܘܕܥܗ ܡܠܟܐ ܕܐܝܣܪܝܠ ܕܡܢ ܢܒ̈ܝܐ ܗܘ܂
20:42)1(	ܘܐܡܪ ܠܗ܂ ܗܟܢܐ ܐܡܪ ܡܪܝܐ܂ ܥܠ/ܚܠܦ#3#/ ܕܫܕܪܬ ܠܓܒܪܐ ܚ݁ܪܡܐ ܡܢ ܚܕܐ܃ ܬܗܘܐ ܢܦܫܟ ܚܠܦ ܢܦܫܗ ܘܥܡܟ ܚܠܦ ܥܡܗ܂
20:43)1(	ܘܐܙܠ ܡܠܟܐ ܕܐܝܣܪܝܠ ܠܒܝܬܗ܂ ܟܕ ܟܪܝܐ ܠܗ ܘܙܥܝܦ ܘܥܠ ܠܫܡܪܝܢ܀