← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62010: P 1K

Click on a word for lexical analysis
Click on a red-colored coordinate for comments and/or translations of the line

previous chapter


21:01)1( ܘܗܘܐ ܡܢ ܒܬܪ ܦܬ̈ܓܡܐ ܗܠܝܢ܂ ܟܪܡܐ ܐܝܬ ܗܘܐ ܠܢܒܘܬ ܐܝܙܪܥܠܝܐ ܒܐܝܙܪܥܝܠ܂ ܥܠ ܓܒ ܗܝܟܠܐ ܕܐܚܒ ܡܠܟܐ ܕܫܡܪܝܢ܂
21:02)1( ܘܐܡܪ ܐܚܒ ܠܢܒܘܬ܂ ܗܒ ܠܝ ܟܪܡܟ ܘܢܗܘܐ/ܕܢܗܘܐ#3#/ ܠܝ ܠܓܢܬ ܝܪܩܐ܂ ܡܛܠ ܕܗܘ ܩܪܝܒ ܥܠ ܓܒ ܒܝܬܝ܂ ܘܐܬܠ ܠܟ ܟܪܡܐ ܚܠܦܘܗܝ ܕܛܒ ܡܢܗ܂ ܐܘ ܐܢ ܫܦܝܪ ܒܥܝܢ̈ܝܟ ܐܬܠ ܠܟ ܟܣܦܐ ܕܡ̈ܘܗܝ܂
21:03)1( ܘܐܡܪ ܢܒܘܬ ܠܐܚܒ܂ ܚܣ ܠܝ ܡܢ ܡܪܝܐ ܕܐܬܠ ܠܟ ܝܪܬܘܬܐ ܕܐ̈ܒܗܝ܂
21:04)1( ܘܐܙܠ/ܘܥܠ#3#/ ܐܚܒ ܠܒܝܬܗ܂ ܟܕ ܟܪܝܐ ܠܗ ܘܙܥܝܦ܂ ܥܠ ܦܬܓܡܐ ܕܐܡܪ ܠܗ ܢܒܘܬ ܐܝܙܪܥܠܝܐ܂ ܕܠܐ ܝܗܒ ܐܢܐ ܠܟ ܝܪܬܘܬܐ ܕܐ̈ܒܗܝ ܘܫܟܒ ܥܠ ܥܪܣܗ܂ ܘܐܦܢܝ ܐ̈ܦܘܗܝ ܘܠܐ ܐܟܠ/ܠܥܣ#3#/ ܠܚܡܐ܀܀܂
21:05)1( ܘܐܬܬ ܠܘܬܗ ܐܝܙܒܠ ܐܢܬܬܗ ܘܐܡܪܐ ܠܗ܂ ܡܢܘ ܟܪܝܐ ܠܗ ܠܪܘܚܟ܂ ܘܠܐ ܨܒܐ ܐܢܬ ܠܡܐܟܠ ܠܚܡܐ܂
21:06)1( ܐܡܪ ܠܗ܂ ܥܠ ܕܐܡܪܬ ‍<‍ܠܗ#3#‍>‍ ܠܢܒܘܬ ܐܝܙܪܥܠܝܐ ܗܒ ܠܝ ܟܪܡܟ ܒܟܣܦܐ܂ ܘܐܢ ܨܒܐ ܐܢܬ ܐܬܠ ܠܟ ܟܪܡܐ ܚܠܦܘܗܝ ܕܛܒ ܡܢܗ܂ ܘܐܡܪ ܠܝ ܠܐ ܝܗܒ ܐܢܐ ܠܟ ܟܪܡܝ܂
21:07)1( ܐܡܪܐ ܠܗ ܐܝܙܒܠ ܐܢܬܬܗ܂ ܐܢܬ ܬܟܫܪ ܕܬܗܘܐ ܡܠܟܐ ܥܠ ܐܝܣܪܝܠ܂ ܩܘܡ ܐܟܘܠ ܠܚܡܐ ܘܢܛܐܒ ܠܟ܂ ܐܢܐ ܐܬܠ ܠܟ ܟܪܡܗ ܕܢܒܘܬ ܐܝܙܪܥܠܝܐ܂
21:08)1( ܘܟܬܒܬ ܐܝܓܪܬܐ/ܟܬܒܐ#3#/ ܒܫܡܗ ܕܐܚܒ ܘܚܬܡܬܗ ܒܥܙܩܬܗ܂ ܘܫܕܪܬ ܐܝܓܪܬܐ ܠܣܒ̈ܐ ܘܠܚܐܪ̈ܐ ܕܝܬܒܝܢ ܒܩܪܝܬܐ ܥܡ ܢܒܘܬ܂
21:09)1( ܘܟܬܒܬ ܒܐܝܓܪܬܐ܂ ܕܓܙܘܪܘ ܨܘܡܐ܂ ܘܐܘܬܒܘ ܠܢܒܘܬ ܒܪܝܫ ܥܡܐ܂
21:10)1( ܘܐܝܬܘ/ܘܐܘܬܒܘ#3#/ ܬܪ̈ܝܢ ܓܒܪ̈ܝܢ ܒܢ̈ܝ ܥܘܠܐ ܘܐܘܬܒܘ ܠܩܘܒܠܗ܂ ܘܢ̈ܣܗܕܘܢ ܒܗ܂ ܘܢܐܡܪܘܢ܂ ܕܨܚܝ ܢܒܘܬ ܠܐܠܗܐ ܘܠܡܠܟܐ܂ ܘܐܦܩܘܗܝ ܘܪܘܓܡܘܗܝ ‍<‍ܒܟܐ̈ܦܐ#3#‍>‍ ܘܢܡܘܬ܂
21:11)1( ܘܥܒܕܘ ܐܢܫܐ ܕܩܪܝܬܗ ܣܒ̈ܐ ܘܚܐܪ̈ܐ ܕܝܬܒܝܢ ܒܩܪܝܬܐ ܥܡ ܢܒܘܬ܂ ܐܝܟ ܕܫܠܚܬ ܠܗܘܢ ܐܝܙܒܠ܂ ܐܝܟ ܕܟܬܝܒ ܒܐܓܪܬܐ ܕܫܠܚܬ/ܕܫܕܪܬ#3#/ ܠܗܘܢ܂
21:12)1( ܓܙܪܘ ܨܘܡܐ܂ ܘܐܘܬܒܘܗܝ ܠܢܒܘܬ ܒܪܝܫ ܥܡܐ܂
21:13)1( ܘܐ݁ܝܬܝ݁ܘ ܬܪ̈ܝܢ ܓܒܪ̈ܝܢ ܒܢ̈ܝ ܥܘܠܐ ܘܐܘܬܒܘ ܠܩܘܒܠܗ܂ ܘܐܣܗܕܘ ܓܒܪ̈ܐ ܗܢܘܢ ܥܠ ܢܒܘܬ ܘܐܡܪܘ܂ ܕܨܚܝ/ܨܚܝ#3#/ ܢܒܘܬ ܠܐܠܗܐ ܘܠܡܠܟܐ܂ ܘܐܦܩܘܗܝ ܠܒܪ ܡܢ ܩܪܝܬܐ܂ ܘܪܓܡܘܗܝ ܒܟܐ̈ܦܐ ܘܡܝܬ܂
21:14)1( ܘܫܠܚܘ ܠܐܝܙܒܠ ܕܐܬܪܓܡ ܢܒܘܬ ܘܡܝܬ܂
21:15)1( ܘܟܕ ܫܡܥܬ ܐܝܙܒܠ \ܕܡܝܬ ܢܒܘܬ /ܕܐܬܪܓܡ ܢܒܘܬ ܘܡܝܬ#3#/܂ ܐܡܪܬ ܐܝܙܒܠ ܠܐܚܒ܂ ܩܘܡ ܝܪܬ ܟܪܡܗ ܕܢܒܘܬ ܐܝܙܪܥܠܝܐ܂ ܕܠܐ ܨܒܐ ܕܢܙܒܢܝܘܗܝ ܠܟ ܒܟܣܦܐ܂ ܡܛܠ ܕܢܒܘܬ ܡܝܬ ܠܗ ܘܠܐ ܗܘܐ ܚܝ܂
21:16)1( ܘܟܕ ܫܡܥ ܐܚܒ ܕܡܝܬ ܢܒܘܬ܂ ܩܡ ܐܚܒ ܠܡܚܬ ܠܟܪܡܗ ܕܢܒܘܬ ܐܝܙܪܥܠܝܐ ܠܡܐܪܬܗ/ܕܢܐܪܬܝܘܗܝ#3#/܀
21:17)1( ܘܗܘܐ ܦܬܓܡܗ ܕܡܪܝܐ ܥܠ ܐܠܝܐ ܕܡܢ ܬܫܒܝ ܠܡܐܡܪ܂
21:18)1( ܩܘܡ ܚܘܬ ܠܐܘܪܥܗ ܕܐܚܒ ܡܠܟܐ ܕܐܝܣܪܐܝܠ ܕܒܫܡܪܝܢ܂ ܗܐ ܒܟܪܡܗ ܕܢܒܘܬ ܐܝܙܪܥܠܝܐ܂ ܕܢܚܬ ܠܬܡܢ ܠܡܐܪܬܗ܂
21:19)1( ܘܐܡܪ ܠܗ܂ ܗܟܢܐ ܐܡܪ ܡܪܝܐ܂ ܗܐ ܩܛܠܬ܃ ܘܗܐ ܝܪܬܬ ‍<‍ܐܡܪ ܠܗ#3#‍>‍܂ ܗܟܢܐ ܐܡܪ ܡܪܝܐ܂ ܒܕܘܟܬܐ ܕܠܥܘ ܟ̈ܠܒܐ ܕܡܗ ܕܢܒܘܬ܂ ܢܠܥܘܢ ܟܠܒ̈ܐ ܐܦ ܕܡܟ ܕܝܠܟ܂
21:20)1( ܐܡܪ ܠܗ ܐܚܒ ܠܐܠܝܐ܂ ܐܫܟܚܬܢܝ ܒܥܠܕܒܒܝ܂ ܐܡܪ ܠܗ ܐܫܟܚܬܟ܂ ܥܠ ܕܐܬܪܘܪܒܬ ܠܡܥܒܕ ܕܒܝܫ ܩܕܡ ܡܪܝܐ܂
21:21)1( ܗܐ ܡܝܬܐ ܐܢܐ ܥܠܝܟ ܒܝܫܬܐ܂ ܘܐܒܥܪ ܒܬܪܟ܂ ܘܐܘܒܕ ܠܐܚܒ ܕܬܐܢ ܒܐܣܬܐ܂ ܘܕܐܣܪ/ܘܐܣܪ#3#/ ܘܫܪܐ ܒܐܝܣܪܝܠ܂
21:22)1( ܘܐܥܒܕܝܘܗܝ ܠܒܝܬܟ ܐܝܟ ܒܝܬ ܝܘܪܒܥܡ ܒܪ ܢܒܛ܂ ܘܐܝܟ ܒܝܬ ܒܥܫܐ ܒܪ ܐܚܝܐ܂ ܥܠ ܪܘܓܙܐ ܕܐܪܓܙܬ ܘܐܚܛܝܬ ܠܐܝܣܪܝܠ܂
21:23)1( ܘܐܦ ܠܐܝܙܒܠ ܐܡܪ ܡܪܝܐ܂ ܟ̈ܠܒܐ ܢܐܟܠܘܢܗ ܠܐܝܙܒܠ ܒܝܪܬܘܬܐ ܕܐܝܙܪܥܝܠ܂
21:24)1( ܕܢܡܘܬ ܠܐܚܒ ܒܩܪܝܬܐ ܢܐܟܠܘܢ ܟ̈ܠܒܐ܂ ܘܕܢܡܘܬ ܠܗ ܒܕܒܪܐ ܬܐܟܘܠ ܦܪܚܬܐ ܕܫܡܝܐ܂
21:25)1( ܘܒܠܚܘܕ ܠܐ ܗܘܐ ܐܝܟ ܐܚܒ܂ ܕܐܬܚܫܒ ܠܡܥܒܕ ܕܒܝܫ ܩܕܡ ܡܪܝܐ܂ ܕܓܪܓܬܗ/ܪܓܪܓܬܗ#2#/ ܐܝܙܒܠ ܐܢܬܬܗ܂
21:26)1( ܘܐܬܛܢܦ ܛܒ܂ ܘܐܙܠ ܒܬܪ ܦܬܟܪ̈ܐ܂ ܐܝܟ ܕܥܒܕܘ ܐܡܘܪ̈ܝܐ ܕܐܘܒܕ ܡܪܝܐ ܡܢ ܩܕܡ ܒܢ̈ܝ ܐܝܣܪܝܠ܂
21:27)1( ܘܟܕ ܫܡܥ ܐܚܒ ܦܬܓܡܐ ܗܢܐ܂ ܨܪܝ ܠܒ̈ܘܫܘܗܝ܂ ܘܐܬܟܣܝ ܣܩܐ ܥܠ ܒܣܪܗ܂ ܘܨܡ ܘܫܟܒ ܒܣܩܐ ܘܗܠܟ ܚܦܝܝ܂
21:28)1( ܘܗܘܐ ܦܬܓܡܗ ܕܡܪܝܐ ܥܠ ܐܠܝܐ ܕܡܢ ܬܫܒܝ ܠܡܐܡܪ܂
21:29)1( ܚܙܝܬ܃ ܕܒܗܬ ܐܚܒ ܡܢ ܩܕܡܝ܂ ܚܠܦ ܕܒܗܬ ‍<‍ܐܚܒ#3#‍>‍ ܡܢ ܩܕܡܝ܂ ܠܐ ܐܝܬܐ ܒܝܫܬܐ ܒܝ̈ܘܡܘܗܝ܂ ܒܝ̈ܘܡܝ ܒܪܗ ܐܝܬܐ ܒܝܫܬܐ ܥܠ ܒܝܬܗ܂

next chapter