← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62011: P 2K

Click on a word for lexical analysis
Click on a red-colored coordinate for comments and/or translations of the line

previous chapter


02:01 ܘܗܘܐ ܕܟܕ ܡܣܩ ܡܪܝܐ ܠܐܠܝܐ ܒܥܠܥܠܐ ܠܫܡܝܐ܂ ܘܐܙܠܘ ܐܠܝܐ ܘܐܠܝܫܥ ܡܢ ܓܠܓܠܐ܂
02:02 ܘܐܡܪ ‍<‍ܠܗ#3#‍>‍ ܐܠܝܐ ܠܐܠܝܫܥ܂ ܟܬܪ ܠܝ ܗܪܟܐ܂ ܡܛܠ ܕܡܪܝܐ ܫܕܪܢܝ ܠܒܝܬ ܐܝܠ܂ ܘܐܡܪ ܐܠܝܫܥ܂ ܚܝ ܗܘ ܡܪܝܐ ܘܚܝܐ ܗܝ ܢܦܫܟ ܕܠܐ ܐܫܒܩܟ܂ ܘܢܚܬܘ ܠܒܝܬ ܐܝܠ܂
02:03 ܘܢܦܩܘ ܒܢ̈ܝ ܢܒ̈ܝܐ ܕܒܝܬ ܐܝܠ܂ ܠܘܬ ܐܠܝܫܥ ܘܐܡܪܝܢ ܠܗ܂ ܠܐ ܝܕܥ ܐܢܬ ܕܝܘܡܢܐ ܢܣܒ ‍<‍ܠܗ#3#‍>‍ ܡܪܝܐ ܠܡܪܟ ܡܢ ܪܝܫܟ܂ ܘܐܡܪ܂ ܐܦ ܐܢܐ ܝܕܥ ܐܢܐ ܫܬܘܩܘ܂
02:04 ܘܐܡܪ ܐܠܝܐ ܠܐܠܝܫܥ܂ ܟܬܪ ܠܝ ܗܪܟܐ ܡܛܠ ܕܡܪܝܐ ܫܕܪܢܝ ܠܐܝܪܝܚܘ܂ ܘܐܡܪ܂ ܚܝ ܗܘ ܡܪܝܐ ܘܚܝܐ ܗܝ ܢܦܫܟ ܕܠܐ ܐܫܒܩܟ܂ ܘܐܙܠܘ ܠܐܝܪܝܚܘ܂
02:05 ܘܩܪܒܘ ܒܢ̈ܝ ܢܒܝ̈ܐ ܕܒܐܝܪܝܚܘ ܠܘܬ ܐܠܝܫܥ ܘܐܡܪ̈ܝܢ ܠܗ܂ ‍<‍ܠܐ#3#‍>‍ ܝܕܥ ܐܢܬ ܕܝܘܡܢܐ ܢܣܒ ܡܪܝܐ ܠܡܪܟ ܡܢ ܪܝܫܟ ܘܐܡܪ܂ ܐܦ ܐܢܐ ܝܕܥ ܐܢܐ ܫܬܘܩܘ܂
02:06 ܘܐܡܪ ܐܠܝܐ ܠܐܠܝܫܥ/ܠܗ#3#/܂ ܟܬܪ ܠܝ ܗܪܟܐ܂ ܡܛܠ ܕܡܪܝܐ ܫܕܪܢܝ ܠܝܘܪܕܢܢ܂ ܘܐܡܪ ‍<‍ܐܠܝܫܥ#3#‍>‍܂ ܚܝ ܗܘ ܡܪܝܐ ܘܚܝܐ ܗܝ ܢܦܫܟ ܕܠܐ ܐܫܒܩܟ܂ ܘܐܙܠܘ/ܘܐܬܘ#3#/ ܬܪ̈ܝܗܘܢ܂
02:07 ܘܚܡܫܝܢ ܓܒܪ̈ܝܢ ܡܢ ܒܢ̈ܝ ܢܒ̈ܝܐ܂ ܐܙܠܘ ܘܩܡܘ ܡܢ ܩܒܘܠ ܡܢ ܪܘܚܩܐ܂ ܘܬܪ̈ܝܗܘܢ ܩܡܘ ܥܠ ܣܦܬܗ ܕܝܘܪܕܢܢ܂
02:08 ܘܢܣܒ ܐܠܝܐ ܡܥܦܪܗ/ܠܡܥܦܪܗ#3#/ ܘܟܪܟܗ܂ ܘܡܚܐ ܐܢܘܢ ܠܡ̈ܝܐ ܕܝܘܪܕܢܢ܂ ܘܐܬܦܠܓܘ ܦܠܓܐ ܠܟܐ ܘܦܠܓܐ ܠܟܐ܂ ܘܥܒܪܘ ܬܪ̈ܝܗܘܢ ܒܝܒܫܐ܂
02:09 ܘܟܕ ܥܒܪܘ܂ ܐܡܪ ܐܠܝܐ ܠܐܠܝܫܥ܂ ܫܐܠ ܡܢܐ ܐܥܒܕ ܠܟ ܥܕܠܐ ܐܬܕܒܪ ܡܢܟ܂ ܘܐܡܪ ܐܠܝܫܥ܂ ܢܗܘܐ ܚܕ ܬܪ̈ܝܢ ܒܪܘܚܟ ܥܠܝ܂
02:10 ܘܐܡܪ ܐܣܓܝܬ ܫܐܠܬ܂ ܐܢ ܬܚܙܝܢܝ ܟܕ ܡܬܕܒܪ ܐܢܐ ܡܢܟ܂ ܢܗܘܐ ܠܟ ܗܟܢܐ܂ ܘܐܢ ܠܐ ܠܐ ܢܗܘܐ ‍<‍ܠܟ#3#‍>‍܂
02:11 ܘܗܘܐ ܕܟܕ ܗܢܘܢ ܡܡܠܠܝܢ ܘܡܗܠܟܝܢ ‍<‍ܐܟܚܕܐ#3#‍>‍܂ ܘܗܐ ܡܪܟܒܬܐ ܕܢܘܪܐ ܘܪܟܫܐ ܕܢܘܪܐ܂ ܘܦܪܫܘ ܒܝܬ ܬܪ̈ܝܗܘܢ܀ ܘܣܠܩ ܐܠܝܐ ܒܥܠܥܠܐ ܠܫܡܝܐ܂
02:12 ܘܐܠܝܫܥ ܚܙܐ܂ ܘܗܐ/ܗܘܐ#3#/ ܡܝܠܠ ܘܐܡܪ܂ ܐܒܝ ܐܒܝ܂ ܪܟܒܗ/ܪܟܫܗ#3#/ ܕܐܝܣܪܝܠ ܘܦܪ̈ܫܘܗܝ܂ ܘܬܘܒ ܠܐ ܚܙܝܗܝ܂ ܘܐܚܕ ܒ̈ܠܒܘܫܘܗܝ܂ ܘܨܪܝ ܐܢܘܢ ܠܬܪ̈ܝܢ ܨܪ̈ܘܢ܂
02:13 ܘܐܪܝܡ ܡܥܦܪܗ ܕܐܠܝܐ ܕܢܦܠ ܡܢܗ܂ ܘܗܦܟ ܘܩܡ ܠܗ ܥܠ ܣܦܬܗ ܕܝܘܪܕܢܢ܂
02:14 ܘܩܪܐ ܠܡܪܝܐ ‍<‍ܘܢܣܒܗ ܠܡܥܦܪܗ ܕܐܠܝܐ ܕܢܦܠ ܡܢܗ ܘܡܚܐ ܠܡ̈ܝܐ#3#‍>‍ ܘܐܡܪ܂ ܐܘܢ ܡܪܝܐ ܐܠܗܗ ܕܡܪܝ ܐܠܝܐ܂ ܘܐܦ ܗܘ ܡܚܐ ܠܡ̈ܝܐ ܕܝܘܪܕܢܢ܂ ܘܐܬܦܠܓܘ ܦܠܓܐ ܠܟܐ ܘܦܠܓܐ ܠܟܐ܂ ܘܥܒܪ ܐܠܝܫܥ܂
02:15 ܘܚܙܘ ܒܢ̈ܝ ܢܒܝ̈ܐ ܕܒܐܝܪܝܚܘ ܡܢ ܩܒܘܠ ܘܐܡܪܘ܂ ܫܪܬ ܪܘܚܗ ܕܐܠܝܐ ܥܠ ܐܠܝܫܥ܂ ܘܐܬܘ ܠܐܘܪܥܗ ܘܣܓܕܘ ܠܗ ܥܠ ܐܪܥܐ܂
02:16 ܘܐܡܪܘ ܠܗ܂ ܗܐ ܐܝܬ ܗܪܟܐ ܥܡ ܥܒ̈ܕܝܟ܂ ܚܡܫܝܢ ܓܒܪ̈ܝܢ ܓܢܒܪ̈ܝ ܚܝܠܐ܂ ܢܐܙܠܘܢ ܢܒܥܘܢܗ ܠܡܪܟ܂ ܕܠܡܐ ܫܩܠܬܗ ܪܘܚܗ ܕܡܪܝܐ܂ ܘܐܪܡܝܬܗ ܒܚܕ ܡܢ ܛܘܪ̈ܐ ܐܘ ܒܚܕ ܡܢ ܢܚ̈ܠܐ܂ ܘܐܡܪ ܠܐ ܬܫܕܪܘܢ܂
02:17 ܘܐܬܟܬܫܘ ܥܡܗ ܥܕܡܐ ܕܒܗܬ ܡܢܗܘܢ܂ ܘܐܡܪ ܫܕܪܘ܂ ܘܫܕܪܘ ܚܡܫܝܢ ܓܒܪ̈ܝܢ܂ ܘܒܥܐܘܗܝ ܬܠܬܐ ܝܘܡ̈ܝܢ ܘܠܐ ܐܫܟܚܘܗܝ܂
02:18 ܘܐܬܘ ܠܘܬܗ܂ ܘܗܘ ܝܬܒ ܒܐܝܪܝܚܘ܂ ܘܐܡܪ ܠܗܘܢ܂ ܠܐ ܐܡܪܬ ܠܟܘܢ ܕܠܐ ܬܐܙܠܘܢ܂
02:19 ܘܐܡܪܘ ܐܢܫ̈ܝ ܩܪܝܬܐ ܠܐܠܝܫܥ܂ ܗܐ ܡܘܬܒܗ ܕܩܪܝܬܐ ܫܦܝܪ ܐܝܟ ܕܡܪܢ ܚܙܐ܂ ܘܡ̈ܝܐ ܒܝܫܝܢ ܘܐܪܥܐ ܡܓܙܝܐ܂
02:20 ܘܐܡܪ܂ ܐܝܬܘ ܠܝ ܩܘܩܬܐ/ܩܘܠܬܐ#3#/ ܚܕܐ ܚܕܬܐ܂ ܘܐܪܡܘ ܒܗ ܡܠܚܐ܂ ܘܐܝܬܝܘ ܠܗ܂
02:21 ܘܢܦܩ ܠܗ ܠܡܒܘܥܐ ܕܡ̈ܝܐ܂ ܘܐܪܡܝ ܬܡܢ ܡܠܚܐ܂ ܘܐܡܪ܂ ܗܟܢܐ ܐܡܪ ܡܪܝܐ܂ ܐܣܝܬ ܠܡ̈ܝܐ ܗܠܝܢ܂ ܘܬܘܒ ܠܐ ܢܗܘܐ ܬܡܢ ܕܡܐܬ ܘܕܡܓܙܐ܂
02:22 ܘܐܬܐܣܝܘ ܡ̈ܝܐ ܗܠܝܢ ܥܕܡܐ ܠܝܘܡܢܐ܂ ܐܝܟ ܦܬܓܡܗ ܕܐܠܝܫܥ ܕܐܡܪ܂܀
02:23 ܘܣܠܩ ܡܢ ܬܡܢ ܠܒܝܬ ܐܝܠ܂ ܘܗܘ ܣܠܩ ܒܐܘܪܚܐ܂ ܘܛ̈ܠܝܐ ‍<‍ܙܥܘܪ̈ܐ#3#‍>‍ ܕܩ̈ܕܩܐ ܢܦܩܘ ܡܢ ܩܪܝܬܐ܂ ܘܡܒܙܚܝܢ ܒܗ ܘܐܡܪܝܢ ‍<‍ܠܗ#3#‍>‍܂ ܣܩ ܩܪܚܐ ܣܩ ܩܪܚܐ܂
02:24 ܘܐܬܦܢܝ ܠܒܣܬܪܗ ܘܚܙܐ ܐܢܘܢ܂ ܘܠܛ ܐܢܘܢ ܒܫܡܗ ܕܡܪܝܐ܂ ܘܢܦܩ ܬܪ̈ܬܝܢ ܕܒܝܢ ܡܢ ܥܒܐ܂ ܘܦܪܬ ܡܢܗܘܢ ܐܪܒܥܝܢ ܘܬܪ̈ܝܢ ܛܠܝܝܢ܂
02:25 ܘܐܙܠ ܡܢ ܬܡܢ ܠܛܘܪܐ ܕܟܪܡܠܐ܂ ܘܡܢ ܬܡܢ ܬܘܒ ܠܫܡܪܝܢ܀܀

next chapter