← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62011: P 2K

Click on a word for lexical analysis
Click on a red-colored coordinate for comments and/or translations of the line

previous chapter


04:01 ܘܐܢܬܬܐ ܚܕܐ ܡܢ ܢܫ̈ܝ ܒܢ̈ܝ ܢܒ̈ܝܐ܂ ܡܙܥܩܐ ܩܕܡ ܐܠܝܫܥ ܘܐܡܪܐ܂ ܥܒܕܟ ܒܥܠܝ ܡܝܬ܂ ܘܐܢܬ ܝܕܥ ܐܢܬ ܕܥܒܕܟ ܕܚܠ ܗܘܐ ܡܢ ܡܪܝܐ܂ ܘܡܪܐ ܚܘܒܐ ܐܬܐ ܠܡܕܒܪ ‍<‍ܠܗ#3#‍>‍ ܬܪ̈ܝܢ ܒܢ̈ܝ ܠܗ ܥܒ̈ܕܐ܂
04:02 ܘܐܡܪ ܠܗ ܐܠܝܫܥ܂ ܡܢܐ ܐܥܒܕ ܠܟܝ܂ ܚܘܐܝܢܝ ܡܢܐ ܐܝܬ ܠܟܝ ܒܒܝܬܐ܂ ܘܐܡܪܬ܂ ܠܝܬ ܠܐܡܬܟ ܡܕܡ ܒܒܝܬܐ܂ ܐܠܐ ܐܢ ܡܣܪܘܚܝܬܐ ܕܡܫܚܐ܂
04:03 ܘܐܡܪ ܠܗ܂ ܙܠܝ ܫܐܠܝ ܠܟܝ ܡܐ̈ܢܐ ܡܢ ܫܘܩܐ ܡܢ ܟܠܗܘܢ ܫܒ̈ܒܝܟܝ܂ ܡܐ̈ܢܐ ܣܦܝ̈ܩܐ/ܣܪ̈ܝܩܐ#3#/ ܠܐ ܬܙܥܪܝܢ܂
04:04 ܘܥܘܠܝ ܘܐܚܘܕܝ ܬܪܥܐ ܒܐ̈ܦܝܟܝ ܘܒܐ̈ܦܝ ܒܢܝܟܝ܂ ܘܣܘܟܝ ܒܗܠܝܢ ܟܠܗܘܢ ܡܐ̈ܢܐ ܡ̈ܝܐ܂ ܘܡܐܢܐ ܕܡܠܐ ܐܣܩܝ ܠܝ܂
04:05 ܘܐܙܠܬ ܡܢ ܠܘܬܗ܂ ܘܥܠܬ ܘܐܚܕܬ ܬܪܥܐ ܒܐ̈ܦܝܗ ܘܒܐ̈ܦܝ ܒܢܝܗ܂ ܗܢܘܢ ܡܩܪܒܝܢ ܠܗ ܘܗܝ ܢܣܟܐ܂
04:06 ܘܟܕ ܫܠܡܘ ܡܐ̈ܢܐ ܐܡܪܐ ܠܒܪܗ܂ ܩܪܒ ܠܝ ܬܘܒ ܡܐ̈ܢܐ܂ ܐܡܪ ܠܗ ܒܪܗ܂ ܠܝܬ ܬܘܒ ܡܐ̈ܢܐ܂ ܘܩܡ ܠܗ ܡܫܚܐ܂
04:07 ܘܐܬܬ ܚܘܝܬ ܠܢܒܝܗ ܕܐܠܗܐ܂ ܘܐܡܪ ܠܗ܂ ܙܠܝ ܙܒ݁ܢܝ ܡܫܚܐ ܘܦܪܘܥܝ ܚܘܒܬܟܝ܂ ܘܐܢܬܝ ܘܒܢܝܟܝ ܚܝܝ ܡܢ ܡܕܡ ܕܝܬܪ܀
04:08 ܘܗܘܐ ܡܢ ܒܬܪ/ܠܒܬܪ#3#/ ܝܘܡܐ܂ ܘܐܬܐ ܐܠܝܫܥ ܘܥܒܪ ܠܫܝܠܘ/ܒܫܝܠܘ#3#/܂ ܘܬܡܢ ܐܝܬ ܗܘܬ ܐܢܬܬܐ ܪܒܬܐ܂ ܘܐܚܕܬܗ ܕܢܐܟܘܠ ܠܚܡܐ܂ ܘܡܐ ܕܥܒܪ ܣܛܐ ܠܬܡܢ ܠܡܐܟܠ/ܕܢܐܟܘܠ#3#/ ܠܚܡܐ܂
04:09 ܘܐܡܪܬ ܠܒܥܠܗ܂ ܗܐ ܝܕܥܐ ܐܢܐ ܕܢܒܝܗ ܕܐܠܗܐ ܩܕܝܫ ܗܘ܂ ܘܥܒܪ ܥܠܝܢ ܐܡܝܢܐܝܬ܂
04:10 ܢܬܩܢ ܠܗ ܥܠܝܬܐ/ܠܥܠܝܬܐ#3#/ ܙܥܘܪܬܐ܂ ܘܢܪܡܐ ܠܗ ܬܡܢ ܥܪܣܐ ܘܦܬܘܪܐ ܘܟܘܪܣܝܐ ܘܡܢܪܬܐ܂ ܘܡܐ ܕܐܬܐ ܠܘܬܢ ܢܣܛܐ ܠܬܡܢ܂
04:11 ܘܗܘܐ ܝܘܡܐ ܘܐܬܐ ܠܬܡܢ܂ ܘܣܛܐ ܠܥܠܝܬܐ ܘܕܡܟ ܬܡܢ܂
04:12 ܘܐܡܪ ܠܓܚܙܝ ܬܠܡܝܕܗ܂ ܩܪܝܗ ܠܫܝܠܘܡܝܬܐ ܗܕܐ܂ ܘܩܪܗ ܘܩܡܬ ܩܕܡܘܗܝ܂
04:13 ܘܐܡܪ ܠܗ܂ ܗܐ ܐܢܬܝ ܕܚܠܬܝ ܡܢܢ ܗܕܐ ܟܠܗ ܕܚܠܬܐ܂ ܡܢܐ ܘܠ݁ܐ ܠܡܥܒܕ ܠܟܝ܂ ܡܕܡ ܐܝܬ ܠܡܐܡܪ ܥܠܝܟܝ ܠܡܠܟܐ ܐܘ ܠܪܒ ܚܝܠܐ܂ ܘܐܡܪܬ܂ ܫܦܝܪ ܒܓܘ ܥܡܝ ܝܬܒܐ ܐܢܐ܂
04:14 ܘܐܡܪ ܡܢܐ ܐܥܒܕ ܠܗ܂ ܐܡܪ ܠܗ ܓܚܙܝ܂ ܫܪܝܪܐܝܬ ܒܪܐ ܠܝܬ ܠܗ܂ ܘܒܥܠܗ ܣܐܒ܂
04:15 ܘܐܡܪ ܩܪܝܗ܂ ܘܩܪܗ ܘܩܡܬ ܒܬܪܥܐ/ܩܕܡܘܗܝ#3#/܂
04:16 ܘܐܡܪ ܠܗ܂ ܠܙܒܢܐ ܗܢܐ ܟܕ ܐܢܬܝ ܚܝܐ ܥܦܩܐ ܐܢܬܝ ܒܪܐ܂ ܘܐܡܪܬ܂ ܠܐ ܡܪܝ ܢܒܝܗ ܕܐܠܗܐ ܠܐ ܬܟܕܒ ܒܐܡܬܟ܂
04:17 ܘܒܛܢܬ ܐܢܬܬܐ ܘܝܠܕܬ ܒܪܐ ܠܙܒܢܐ ܗܢܐ ܟܕ ܗܝ ܚܝܐ܂ ܐܝܟ ܕܐܡܪ ܠܗ ܐܠܝܫܥ܂
04:18 ܘܪܒܐ ܛܠܝܐ܂ ܘܗܘܐ ܝܘܡܐ܂ ܘܢܦܩ ܠܘܬ ܐܒܘܗܝ ܠܘܬ ܚ̈ܨܘܕܐ܂
04:19 ܘܐܡܪ ܠܐܒܘܗܝ܂ ܪܝܫܝ ܪܝܫܝ܂ ܘܐܡܪ ܠܛܠܝܐ܂ ܫܩܘܠ ܐܘܒܠܝܗܝ ܠܐܡܗ܂
04:20 ܘܫܩܠ ܛܠܝܐ ܐܘܒܠܗ ܠܐܡܗ܂ ܘܝܬܒ ܥܠ ܒܘܪ̈ܟܝܗ ܥܕܡܐ ܠܛܗܪܐ ܘܡܝܬ܂
04:21 ܘܐܣܩܬ ܐܪܡܝܬܗ ܒܥܪܣܐ ܕܢܒܝܗ ܕܐܠܗܐ܂ ܘܐܚܕܬ ܒܐ̈ܦܘܗܝ ܘܢܦܩܬ܂
04:22 ܘܩܪܬ ܠܒܥܠܗ ܘܐܡܪܬ܂ ܫܕܪ ܠܝ ܚܕ ܡܢ ܛ̈ܠܝܐ ܘܚܕܐ ܐܬܢܐ܂ ܐܡܛܐ/ܕܐܡܛܐ#3#/ ܥܕܡܐ ܠܢܒܝܗ ܕܐܠܗܐ܂
04:23 ܐܡܪ ܠܗ܂ ܡܢܐ/ܠܡܢܐ#3#/ ܐܙܠܐ ܐܢܬܝ ܠܘܬܗ ܝܘܡܢܐ܂ ܕܠܐ/ܠܐ#3#/ ܪܝܫ ܝܪܚܐ ܘܠܐ ܫܒܬܐ܂ ܘܐܡܪܬ ܫܝܠܘܡܝܬܐ܂
04:24 ܘܐܪܡܝܘ ܠܗ ܥܠ ܐܬܢܐ܂ ܘܐܡܪܬ ܠܛܠܝܐ ܕܒܪ ܘܙܠ܂ ܠܐ ܬܟܠܐ/ܬܫܠܐ#2#/ ܠܝ ܠܡܬܒ ܐܠܐ ܐܢ ܐܡܪܬ ܠܟ܂
04:25 ܘܐܙܠܬ ܠܘܬ ܢܒܝܗ ܕܐܠܗܐ ܠܛܘܪܐ ܕܟܪܡܠܐ܂ ܘܟܕ ܚܙܗ ܢܒܝܗ ܕܐܠܗܐ ܡܢ ܩܒܘܠ܂ ܐܡܪ ܠܓܚܙܝ ܬܠܡܝܕܗ܂ ܗܐ ܫܝܠܘܡܝܬܐ ܗܕܐ ‍<‍ܐܬܝܐ#3#‍>‍܂
04:26 ܗܫܐ ܗܪܛ ܠܐܘܪܥܗ ܘܐܡܪ ܠܗ܂ ܫܠܡ ܠܟܝ ܘܫܠܡ ܠܒܥܠܟܝ ܘܫܠܡ ܠܛܠܝܐ܂ ܘܐܡܪܬ ܫܠܡ܂
04:27 ܘܐܬܬ ܠܘܬ ܢܒܝܗ ܕܐܠܗܐ ܠܛܘܪܐ ܕܟܪܡܠܐ܂ ܘܐܚܕܬ ܒܪ̈ܓܠܘܗܝ܂ ܘܩܪܒ ܓܚܙܝ ܠܡܦܪܩܘܬܗ ܘܐܡܪ ܠܗ ܢܒܝܗ ܕܐܠܗܐ܂ ܫܒܘܩ ܠܗ܂ ܡܛܠ ܕܢܦܫܗ/ܕܣܓܝ#3#/ ܡܪܝܪܐ ܠܗ܂ ܘܡܪܝܐ ܟܣܝ ܡܢܝ ܘܠܐ ܚܘܝܢܝ܂
04:28 ܘܐܡܪܬ܂ ܫܐܠܬ ‍<‍ܠܝ#3#‍>‍ ܒܪܐ ܡܢ ܡܪܝ/ܡܪܝܐ#3#/ ܠܐ ܐܡܪܬ ܠܟ܃ ܕܠܐ ܬܫܐܠ ܠܝ܂
04:29 ܘܐܡܪ ܠܓܚܙܝ܂ ܐܣܘܪ ܚܨ̈ܝܟ܂ ܘܣܒ ܚܘܛܪܝ ܒܐܝܕܟ ܘܙܠ܂ ܐܢ ܬܫܟܚ ܓܒܪܐ/ܠܓܒܪܐ#3#/ ܠܐ ܬܒܪܟܝܘܗܝ܂ ܘܐܢ ܢܒܪܟܟ ܓܒܪܐ/ܐܢܫ#3#/ ܠܐ ܬܥܢܝܘܗܝ܂ ܘܣܝܡ ܚܘܛܪܝ ܥܠ ܐ̈ܦܘܗܝ ܕܛܠܝܐ܂
04:30 ܘܐܡܪܬ ܐܡܗ ܕܛܠܝܐ ܚܝ ܗܘ ܡܪܝܐ ܘܚܝܐ ܗܝ ܢܦܫܟ ܕܠܐ ܐܫܒܩܟ܂ ܘܩܡ ܘܐܙܠ ܒܬܪܗ܂
04:31 ܘܓܚܙܝ ܥܒܪ ܩܕܡܝܗܘܢ܂ ܘܣܡ ܚܘܛܪܗ ܥܠ ܐ̈ܦܘܗܝ ܕܛܠܝܐ܂ ܘܠܝܬ ܩܠ ܘܐܦ ܠܐ ܕܨܐܬ܂ ܘܗܦܟ ܠܐܘܪܥܗ ܘܚܘܝܗ ܘܐܡܪ ܠܗ܂ ܠܐ ܐܬܬܥܝܪ ܛܠܝܐ܀
04:32 ܘܐܬܐ ܐܠܝܫܥ ܠܒܝܬܐ܂ ܘܚܙܐ ܘܗܐ ܛܠܝܐ ܡܝܬ ܘܪܡܐ ܒܥܪܣܗ܂
04:33 ܘܥܠ ܘܐܚܕ ܬܪܥܐ ܒܐ̈ܦܝ ܬܪ̈ܝܗܘܢ܂ ܘܨܠܝ ܩܕܡ ܡܪܝܐ܂
04:34 ܘܣܠܩ ܘܢܦܠ ܠܥܠ ܡܢܗ ܕܛܠܝܐ܂ ܘܣܡ ܦܘܡܗ ܥܠ ܦܘܡܗ܂ ܘܥܝ̈ܢܘܗܝ ܥܠ ܥܝ̈ܢܘܗܝ܂ ܘܐ̈ܝܕܘܗܝ ܥܠ ܐܝ̈ܕܘܗܝ܂ ܘܐܬܓܗܢ ܥܠܘܗܝ܂ ܘܚܡ ܒܣܪܗ ܕܛܠܝܐ܂
04:35 ܘܗܦܟ ܘܗܠܟ ܒܒܝܬܐ ܚܕܐ ܠܟܐ ܘܚܕܐ ܠܟܐ܂ ܘܣܠܩ ܘܐܬܓܗܢ ܥܠܘܗܝ܂ ܘܐܬܦܘܩ ܛܠܝܐ ܫܒܥ ܙܒܢܝܢ܂ ܘܦܬܚ ܛܠܝܐ ܥܝ̈ܢܘܗܝ܂
04:36 ܘܩܪܐ ܠܓܚܙܝ ܘܐܡܪ ܠܗ܂ ܩܪܝܗ ܠܫܝܠܘܡܝܬܐ ܗܕܐ܂ ܘܩܪܗ ܘܥܠܬ ܠܘܬܗ܂ ܘܐܡܪ ܠܗ ܫܩܘܠܝ ܒܪܟܝ܂
04:37 ܘܢܦܠܬ ܥܠ ܪ̈ܓܠܘܗܝ ܘܣܓܕܬ ܠܗ ܥܠ ܐܪܥܐ܂ ܘܫܩܠܬ ‍<‍ܫܝܠܘܡܝܬܐ ܗܝ#3#‍>‍ ܒܪܗ ܘܢܦܩܬ܀
04:38 ܘܐܠܝܫܥ ܗܦܟ ܠܓܠܓܠܐ܂ ܘܟܦܢܐ ܐܝܬ ܒܐܪܥܐ܂ ܘܒܢ̈ܝ ܢܒ̈ܝܐ ܝܬܒܝܢ ܩܕܡܘܗܝ܂ ܘܐܡܪ ܠܬܠܡܝܕܗ܂ ܬܦܝ ܩܕܣܐ ܪܒܐ܂ ܘܒܫܠ ܒܘܫܠܐ ܠܒܢ̈ܝ ܢܒ̈ܝܐ܂
04:39 ܘܢܦܩ ܚܕ ܠܚܩܠܐ ܠܡܠܩܛ ܪ̈ܘܥܢܐ܂ ܘܐܫܟܚ ܓܦܬܐ ܒܚܩܠܐ/ܕܚܩܠܐ#3#/܂ ܘܠܩܛ ܡܢܗ ܦܩ̈ܘܥܐ ܕܕܒܪܐ ܡܠܐ ܠܒܫܗ܂ ܘܐܬܐ ܐܪܡܝ ܒܩܕܣܐ ܕܒܘܫܠܐ܂ ܡܛܠ ܕܠܐ ܝܕܥ܂
04:40 ܘܢܣܟ ܠܗܘܢ ܠܓܒܪ̈ܐ ܠܡܐܟܠ܂ ܘܟܕ ܐܟܠܘ ܡܢ ܒܘܫܠܐ ܐܡܪܝܢ܂ ܡܘܬܐ ܐܝܬ ܒܩܕܣܐ ܢܒܝܗ ܕܐܠܗܐ܂ ܘܠܐ ܐܫܟܚܘ ܕܢܐܟܠܘܢ܂
04:41 ܘܐܡܪ ܣܒܘ ܩܡܚܐ ܐܪܡܘ ܒܩܕܣܐ܂ ܘܐܡܪ܂ ܣܘܟܘ ܠܥܡܐ ܘܢܐܟܠܘܢ܂ ܘܠܐ ܗܘܐ ܡܕܡ ܒܩܕܣܐ܀܂
04:42 ܘܓܒܪܐ ܐܬܐ ܡܢ ܡܕܝܢܬ ܓܢܒܪܐ܂ ܘܐܝܬܝ ܠܢܒܝܗ ܕܐܠܗܐ ܠܚܡܐ ܕܒܟܪ̈ܐ܂ ܥܣܪ̈ܝܢ ܕܠܚܡܐ ܕܣܥܪ̈ܐ ܘܦܪ̈ܝܟܬܐ ܒܣܕܘܢܐ܂ ܘܐܡܪ ܗܒܘ ܠܥܡܐ ܘܢܐܟܠܘܢ܂
04:43 ܘܐܡܪ ܠܗ ܡܫܡܫܢܗ܂ ܡܢܐ ܐܬܠ ܗܢܐ/ܠܗܢܐ#3#/ ܩܕܡ ܡܐܐ ܓܒܪ̈ܝܢ܂ ܘܐܡܪ ܠܗ ܐܠܝܫܥ܂ ܗܒ ܠܥܡܐ ܘܢܐܟܠܘܢ܂ ܡܛܠ ܕܗܟܢܐ ܐܡܪ ܡܪܝܐ܂ ܢܐܟܠܘܢ/ܕܢܐܟܠܘܢ#3#/ ܘܢܘܬܪܘܢ܂
04:44 ܘܣܡ ܩܕܡܝܗܘܢ܂ ܘܐܟܠܘ ܘܐܘܬܪܘ܂ ܐܝܟ ܦܬܓܡܗ ܕܡܪܝܐ܀

next chapter