The Comprehensive Aramaic Lexicon

09:01	ܘܐܠܝܫܥ ܢܒܝܐ܂ ܩܪܐ ܠܚܕ ܡܢ ܒܢ̈ܝ ܢܒ̈ܝܐ ܘܐܡܪ ܠܗ܂ ܐܣܘܪ ܚܨ̈ܝܟ܂ ܘܣܒ ܩܪܢܐ ܕܡܫܚܐ ܒܐܝܕܟ܂ ܘܙܠ ܠܪܡܬ ܓܠܥܕ܂
09:02	ܘܥܘܠ ܠܬܡܢ܂ ܘܚܙܝ ܬܡܢ ܠܝܗܘ ܒܪ ܝܡܫܝ܂ ܥܘܠ ܐܩܝܡܝܗܝ ܡܢ ܒܝ̈ܢܬ ܐܚ̈ܘܗܝ܂ ܘܐܥܠܝܗܝ ܬܘܢ ܒܓܘ ܬܘܢ܂
09:03	ܘܣܒ ܩܪܢܐ ܕܡܫܚܐ ܘܣܘܟ ܒܪܝܫܗ܂ ܘܐܡܪ ܠܗ܂ ܗܟܢܐ ܐܡܪ ܡܪܝܐ܂ ܡܫܚܬܟ ܕܬܗܘܐ ܡܠܟܐ ܥܠ ܥܡܝ ܐܝܣܪܝܠ܂ ܘܦܬܚ ܬܪܥܐ ܘܥܪܘܩ ܘܠܐ ܬܟܬܪ܀
09:04	ܘܐܙܠ ܥܠܝܡܐ ܢܒܝܐ ܠܪܡܬ ܓܠܥܕ܂
09:05	ܘܥܠ ܘܚܙܐ ܪ̈ܒܝ ܚܝ̈ܠܐ ܟܕ ܝܬܒܝܢ܂ ܘܐܡܪ܂ ܦܬܓܡܐ ܐܝܬ ܠܝ ܕܐܡܪ ܠܟ܂ ܪܒܐ܂ ܘܐܡܪ ‍<‍ܠܗ#3#‍>‍ ܝܗܘ ܠܡܢ ܡܢ ܟܠܢ܂ ܘܐܡܪ ܠܗ ܠܟ ܪܒܐ܂
09:06	ܘܩܡ ܘܥܠ ܠܬܘܢܐ܂ ܘܢܣܟ ܡܫܚܐ ܒܪܝܫܗ ܘܐܡܪ ܠܗ܂ ܗܟܢܐ ܐܡܪ ܡܪܝܐ ܐܠܗܐ ܕܐܝܣܪܝܠ܂ ܡܫܚܬܟ ܕܬܡܠܟ ܥܠ ܥܡܗ ܕܡܪܝܐ ܥܠ ܐܝܣܪܝܠ܂
09:07	ܘܬܡܚܐ ܠܕܒܝܬ ܐܚܒ ܡܪܟ܂ ܘܐܬܢܩܡ ܕܡܐ ܕܥܒ̈ܕܝ ܢܒ̈ܝܐ܂ ܘܕܡܐ ܕܟܠܗܘܢ ܥܒ̈ܕܘܗܝ ܕܡܪܝܐ ܡܢ ܐܝܕܐ ܕܐܝܙܒܠ܂
09:08	ܘܐܘܒܕ ܟܠܗ/ܠܟܠܗ#3#/ ܒܝܬܗ ܕܐܚܒ܂ ܘܐܘܒܕ ܠܐܚܒ ܕܬܐܢ ܒܐܣܬܐ܂ ܘܕܐܣܪ ܘܫܪܐ ܒܐܝܣܪܐܝܠ܂
09:09	ܘܐܥܒܕܝܘܗܝ ܠܒܝܬܗ ܕܐܚܒ܂ ܐܝܟ ܒܝܬ ܝܘܪܒܥܡ ܒܪ ܢܒܛ܂ ܘܐܝܟ ܒܝܬ ܒܥܫܐ ܒܪ ܐܚܝܐ܂
09:10	ܘܠܐܝܙܒܠ ܢܐܟܠܘܢ ܟ̈ܠܒܐ ܒܝܪܬܘܬܐ ܕܐܝܙܪܥܝܠ ܘܠܝܬ ܕܩܒܪ܂ ܘܦܬܚ ܬܪܥܐ ܘܥܪܩ܂
09:11	ܘܝܗܘ ܢܦܩ ܠܘܬ ܥܒ̈ܕܐ ܕܡܪܗ܂ ܘܐܡܪܝܢ ܠܗ ܫܠܡ܂ ܡܢܐ ܐܬܐ ܫܛܝܐ ܗܢܐ ܠܘܬܟ܂ ܐܡܪ ܠܗܘܢ܂ ܐܢܬܘܢ ܝܕܥܝܢ ‍<‍ܐܢܬܘܢ#3#‍>‍ ܠܓܒܪܐ ܘܠܫܛܝܘܬܗ܂
09:12	ܐܡܪܝܢ ܠܗ ܡܕܓܠ ܐܢܬ ܚܘܢ܂ ܐܡܪ ܠܗܘܢ܂ ܗܟܢܐ ܐܡܪ ܠܝ܂ ܗܟܢܐ ܐܡܪ ܡܪܝܐ܂ ܡܫܚܬܟ ܕܬܡܠܟ ܥܠ ܐܝܣܪܝܠ܂
09:13	ܘܐܣܬܪܗܒܘ ܘܢܣܒܘ ܓܒܪ ܠܒܫܗ܂ ܘܣܡܘ ܬܚܘܬܘܗܝ ܥܠ ܡܘܬܒܐ ܕܕܪ̈ܓܐ܂ ܘܩܪܘ ܒܫܝܦܘܪܐ ܘܐܡܪܘ܂ ܐܡܠܟ ܝܗܘ܂
09:14	ܘܡܪܕ ܝܗܘ ܒܪ ܝܡܫܝ ܥܠ ܝܘܪܡ܂ ܘܝܘܪܡ ܢܛܪ ܗܘܐ ܒܪܡܬ܆ܓܠܥܕ܂ ܗܘ ܘܟܠܗ ܐܝܣܪܝܠ ܥܡܗ܂ ܡܢ ܩܕܡ ܚܙܐܝܠ ܡܠܟܐ ܕܐܕܘܡ܂
09:15	ܘܗܦܟ ܝܘܪܡ ܡܠܟܐ ܠܡܬܐܣܝܘ ܒܐܝܙܪܥܝܠ܂ ܡܢ ܡܚܘܬܐ ܕܡܚܐܘܗܝ ܐ̈ܕܘܡܝܐ܂ ܟܕ ܡܬܟܬܫ ܥܡ ܚܙܐܝܠ ܡܠܟܐ ܕܐܕܘܡ܂ ܘܐܡܪ ܝܗܘ܂ ܐܢ ܨ̈ܒܝܢ ܢܦܫ̈ܬܟܘܢ܂ ܠܐ ܢܦܘܩ ܕܡܬܦܠܛ ܡܢ ܩܪܝܬܐ܂ ܕܢܐܙܠ ܘܢܚܘܐ ܒܐܝܙܪܥܝܠ܂

09:16	ܘܪܟܒ ܝܗܘ ܘܐܙܠ ܠܬܡܢ܂ ܡܛܠ ܕܝܘܪܡ ܪܡܐ ܗܘܐ ܬܡܢ܂ ܘܐܚܙܝܐ ܡܠܟܐ ܕܝܗܘܕܐ܂ ܢܚܬ ܠܡܚܙܐ ܠܝܘܪܡ ܒܪ ܐܚܒ ܕܟܪܝܗ ܗܘܐ ܒܐܝܙܪܥܝܠ܂

09:17	ܘܕܘܩܐ ܩܐܡ ܗܘܐ ܥܠ ܡܓܕܠܐ ܕܐܝܙܪܥܝܠ܂ ܘܚܙܐ ܪܟܘܒܐ/ܪܟܒܐ#3#/ ܕܝܗܘ ܟܕ ܐܬܐ ܘܐܡܪ ܕܘܩܐ܂ ܪ̈ܟܒܐ ܚܙܐ ܐܢܐ܂ ܘܐܡܪ ܝܘܪܡ܂ ܕܒܪ ܡܪܟܒܬܐ ܘܫܕܪ ܠܐܘܪܥܗܘܢ܂ ܘܢܐܡܪ ܫܠܡ܂
09:18	ܘܐܙܠ ܪܟܒ ܣܘܣܝܐ ܠܐܘܪܥܗ ܘܐܡܪ ܠܗ܂ ܗܟܢܐ ܐܡܪ ܡܠܟܐ ܫܠܡ܂ ܘܐܡܪ ܝܗܘ/ܠܗ#3#/܂ ܡܐ ܠܟ ܘܠܫܠܡܐ ܗܦܘܟ ܒܬܪܝ܂ ܘܚܘܝ ܕܘܩܐ ܘܐܡܪ܂ ܡܛܐ/ܕܡܛܐ#3#/ ܐܝܙܓܕܐ ܥܕܡܐ ܠܘܬܗܘܢ ܘܠܐ ܗܦܟ܂
09:19	ܘܫܕܪ ܦܪܫܐ ܐܚܪܢܐ ܠܘܬܗܘܢ ܘܐܡܪ܂ ܗܟܢܐ ܐܡܪ ܡܠܟܐ ܫܠܡ܂ ܘܐܡܪ ܝܗܘ܂ ܡܐ ܠܟ ܘܠܫܠܡܐ ܗܦܘܟ ܒܬܪܝ܂
09:20	ܘܚܘܝ ܕܘܩܐ ܘܐܡܪ܂ ܡܛܐ/ܕܡܛܐ#3#/ ܐܝܙܓܕܐ ܥܕܡܐ ܠܘܬܗܘܢ ܘܠܐ ܗܦܟ܂ ܘܕܒܪܐ ܐܝܟ ܕܒܪܐ ܕܝܗܘ ܒܪ ܝܡܫܝ܂ ܡܛܠ ܕܡܣܪܗܒܐܝܬ ܕܒܪ ܗܘܐ/ܗܘ#3#/܂
09:21	ܘܐܡܪ ܝܘܪܡ ܦܓܕܘ܂ ܘܦܓܕܘ ܡܪ̈ܟܒܬܐ܂ ܘܢܦܩ ܝܘܪܡ ܡܠܟܐ ܕܐܝܣܪܝܠ ܘܐܚܙܝܐ ܡܠܟܐ ܕܝܗܘܕܐ ܓܒܪ ܒܡܪܟܒܬܗ܂ ܘܢܦܩܘ ܠܐܘܪܥܗ ܕܝܗܘ܂ ܘܐܫܟܚܘܗܝ ܒܝܪܬܘܬܗ ܕܢܒܘܬ ܐܝܙܪܥܠܝܐ܂
09:22	ܘܟܕ ܚܙܝܗܝ ܝܘܪܡ ܠܝܗܘ ܐܡܪ ܠܗ܂ ܫܠܡ ܝܗܘ܂ ܐܡܪ ܠܗ ܝܗܘ ܡܢܘ ܫܠܡܐ܂ ܕܙܢܝܘܬܐ/ܕܙܢܝܬܐ#3#/ ܕܐܝܙܒܠ ܐܡܟ܂ ܐܘ ܕܚܪ̈ܫܝܗ ܣ̈ܓܝܐܐ܂
09:23	ܘܗܦܟ ܝܘܪܡ ܘܥܪܩ܂ ܘܐܡܪ ܠܐܚܙܝܐ܂ ܢܟܠܐ ܐܚܙܝܐ܂
09:24	ܘܝܗܘ ܡܠܐ ܐܝܕܗ ܒܩܫܬܐ܂ ܘܡܚܝܗܝ ܠܝܘܪܡ ܒܝܬ ܕܪ̈ܥܘܗܝ܂ ܘܢܦܩ ܓܐܪܐ ܡܢ ܠܒܗ܂ ܘܒܪܟ ܒܡܪܟܒܬܗ܂
09:25	ܘܐܡܪ ܝܗܘ܂ ܠܒܪ ܕܩܪ ܓܢܒܪܗ܂ ܫܩܘܠ ܐܪܡܝܗܝ ܒܝܪܬܘܬܗ ܕܢܒܘܬ ܐܝܙܪܥܠܝܐ܂ ܡܛܠ ܕܕܟܝܪ ܐܢܐ ܟܕ ܪܟܝܒܝܢ ܗܘܝܢ ܐܢܐ ܘܐܢܬ܂ ܘܕܒܪܝܢ ܒܬܪ ܐܚܒ ܐܒܘܗܝ܂ ܘܡܪܝܐ ܐܡܪ ܥܠܘܗܝ ܦܬܓܡܐ/ܡܫܩܠܐ#3#/ ܗܢܐ܂
09:26	ܐܠܐ ܕܡܗ ܕܢܒܘܬ ܘܕܡܐ ܕܒܢ̈ܘܗܝ܂ ܚܙܝܬ ܒܪܡܫܐ ܐܡܪ ܡܪܝܐ܂ ܘܐܦܪܥܟ ܒܝܪܬܘܬܐ ܗܕܐ ܐܡܪ ܡܪܝܐ܂ ܘܗܫܐ ܣܒ ܫܕܝܘܗܝ ܒܝܪܬܘܬܐ ܗܕܐ/ܕܢܒܘܬ#3#/ ܐܝܟ ܦܬܓܡܗ ܕܡܪܝܐ܂ ܘܫܕܐܘܗܝ ܒܝܪܬܘܬܗ ܕܢܒܘܬ ܐܝܙܪܥܠܝܐ܂
09:27	ܘܐܚܙܝܐ ܡܠܟܐ ܕܝܗܘܕܐ܂ ܚܙܐ ܘܥܪܩ ܒܐܘܪܚܐ ܕܒܝܬܓ̈ܢܐ܂ ܘܪܕܦ ܒܬܪܗ ܝܗܘ܂ ܘܐܡܪ ܐܦ ܠܗ ܩܘܛܠܘܗܝ܂ ܘܩܛܠܘܗܝ ܒܡܪܟܒܬܗ܂ ܒܡܣܩܢܐ ܕܓܘܕ ܕܥܠ ܓܒ ܢܒܠܥܡ܂ ܘܥܪܩ ܠܡܓܕܘ ܘܡܝܬ ܬܡܢ܂
09:28	ܘܫܩܠܘܗܝ ܥ̈ܒܕܘܗܝ ܘܐܘܒܠܘܗܝ ܠܐܘܪܫܠܡ܂ ܘܩܒܪܘܗܝ ܒܩܒܪܐ ܥܡ ܐ̈ܒܗܘܗܝ ܒܩܪܝܬܐ ܕܕܘܝܕ܀
09:29	ܘܒܫܢܬ ܚܕܥܣܪܐ ܠܝܘܪܡ ܒܪ ܐܚܒ܂ ܐܡܠܟ ܐܚܙܝܐ ܥܠ ܝܗܘܕܐ܂
09:30	ܘܐܬܐ ܝܗܘ ܠܐܝܙܪܥܝܠ܂ ܘܐܝܙܒܠ ܫܡܥܬ܂ ܘܟܚܠܬ ܒܨܕܝܕܐ ܥܝܢ̈ܝܗ܂ ܘܐܣܪܬ ܪܝܫܗ܂ ܘܐܕܝܩܬ ܡܢ ܟܘܬܐ܂
09:31	ܘܝܗܘ ܥܐܠ ܒܬܪܥܐ܂ ܘܐܡܪܬ܂ ܫܠܡ ܙܡܪܝ܃ ܩܛܠ ܡܪܗ܂
09:32	ܘܐܪܝܡ ܐ̈ܦܘܗܝ/ܥܝܢ̈ܘܗܝ#3#/ ܠܟܘܬܐ/ܠܣܬܐ#2#/܂ ܘܐܡܪ ܡ݁ܢ ܥܡܝ܂ ܘܐܬܚܙܝܘ ܠܗ ܬܪ̈ܝܢ ܬܠܬܐ ܡܗܝ̈ܡܢܝܢ܂
09:33	ܘܐܡܪ ܦܘܫܚܘܗ܂ ܘܦܫܚܘܗ܂ ܘܪܣܘ ܡܢ ܕܡܗ ܥܠ ܐܣܬܐ ܘܥܠܘ/ܘܥܠ#3#/܂ ܪ̈ܟܫܐ ܘܕܫܘܗ܂
09:34	ܘܥܠ \ܠܡܠܥܣ ܘܠܡܫܬܐ /ܐܟܠ ܘܐܫܬܝ#3#/܂ ܘܐܡܪ܂ ܦܘܩܕܘܗ ܠܠܝܛܬܐ ܗܝ ܘܩܘܒܪܘܗ܂ ܡܛܠ ܕܒܪܬ ܡܠܟܐ ܗܝ܂
09:35	ܘܐܙܠܘ ܠܡܩܒܪܗ܂ ܘܠܐ ܐܫܟܚܘ ܒܗ܂ ܐܠܐ ܐܢ ܪܝܫܗ ܘܪ̈ܓܠܝܗ ܘܦܣ̈ܐ ܕܐ̈ܝܕܝܗ܂
09:36	ܘܗܦܟܘ ܘܚܘܝܘܗܝ܂ ܘܐܡܪ܂ ܦܬܓܡܗ/ܕܦܬܓܡܗ#3#/ ܗܘ ܕܡܪܝܐ ܕܡܠܠ ܒܐܝܕܐ \ܕܥܒܕܗ ܐܠܝܐ /ܕܐܠܝܐ ܥܒܕܗ#3#/ ܕܡܢ ܬܫܒܝ܂ ܕܒܝܪܬܘܬܐ ܕܐܝܙܪܥܝܠ ܢܐܟܠܘܢ ܟܠܒ̈ܐ ܒܣܪܗ ܕܐܝܙܒܠ܂
09:37	ܘܬܗܘܐ ܫܠܕܗ ܕܐܝܙܒܠ܂ ܐܝܟ ܙܒܠܐ ܥܠ ܐ̈ܦܝ ܐܪܥܐ ܒܝܪܬܘܬܐ ܕܐܝܙܪܥܝܠ ܘܠܝܬ ܕܩܒܪ܂ ܕܠܐ ܢܐܡܪܘܢ ܗܕܐ/ܕܗܕܐ#3#/ ܗܝ ܐܝܙܒܠ܀