The Comprehensive Aramaic Lexicon


03:01	ܡܛܠ ܕܗܐ ܡܪܐ ܡܪ̈ܘܬܐ ܡܥܒܪ ܡܢ ܐܘܪܫܠܡ ܘܡܢ ܝܗܘܕܐ܃ ܣܡܘܟܐ ܘܣܡܘܟܬܐ܂ ܟܠ ܕܣܡܟ ܒܠܚܡܐ ܘܟܠ ܕܣܡܟ ܒܡ̈ܝܐ܂

03:02	ܘܓܢܒܪܐ ܘܓܒܪܐ ܩܪܒܬܢܐ ܘܕܝ݁ܢܐ ܘܢܒܝܐ ܘܩܨܘܡܐ ܘܩܫܝܫܐ܂
03:03	ܘܪܝܫ ܚܡܫܝܢ܂ ܘܗܕܝܪ ܐ̈ܦܐ܂ ܘܡܠܘܟܐ ܘܚܟܝܡ ܢܓܪ̈ܐ܂ ܘܕܡܬܒܝܢ ܒܡܠ݂ܟܐ/ܒܡܠܬܐ#3#/܂
03:04	ܘܐܩܝܡ ܥܠܝ̈ܡܐ ܪ̈ܘܪܒܢܝܗܘܢ܂ ܘܡܒ̈ܙܚܢܐ ܢܫܬܠܛܘܢ ܒܗܘܢ܂
03:05	ܘܢܦܠ ܥܡܐ ܓܒܪ ܒܓܒܪ ܓܒܪܐ ܒܚܒܪܗ܂ ܘܢܬܓܪܘܢ ܥܠܝ̈ܡܐ ܥܠ ܣ̈ܒܐ܃ ܘܡܨܥܪ̈ܐ ܥܠ ܡܝܩܪ̈ܐ܃
03:06	ܡܛܠ ܕܢܐܚܘܕ ܓܒܪܐ ܓܒܪ ܠܐܚܘܗܝ ܡܢ ܒܝܬ ܐܒܘܗܝ ‍<‍ܒܝܘܡܐ ܗܘ#3#‍>‍ ܘܢܐܡܪ ܠܗ܂ ܢܚ̈ܬܐ ܐܝܬ ܠܟ܂ ܗܘܝ ܠܢ ܫܠܝܛܐ܂ ܘܬܘܩܠܬܐ ܗܕܐ ܬܚܝܬ ܐܝܕܟ܂
03:07	ܘܢܥܢܐ ܒܝܘܡܐ ܗ݀ܘ ܘܢܐܡܪ܃ ܠܐ ܗܘ݁ܐ ܐܢܐ ܪܝܫܐ܂ ܕܒܒܝܬܝ ܠܝܬ ܠܚܡܐ ܘܐܦ ܠܐ ܬܟܣܝܬܐ܂ ܠܐ ܬܥܒܕܘܢܢܝ ܫܠܝܛܐ ܥܠ ܥܡܐ܂
03:08	ܡܛܘܠ ܕܐܬܬܩܠܬ ܐܘܪܫܠܡ ܘܝܗܘܕܐ ܢܦܠ܂ ܡܛܠ ܕܠܫܢܗܘܢ ܘܥܒ݁ܕ ܐ̈ܝܕܝܗܘܢ ܡܪܡܪܘ ܩܕܡ ܡܪܝܐ܂ ܘܠܥܢܢܐ ܕܐܝܩܪܗ܂
03:09	ܡܣܒ ܒܐ̈ܦܝܗܘܢ ܣܗ݀ܕ ܒܗܘܢ ܘܚ̈ܛܗܝܗܘܢ ܐܝܟ ܣܕܘܡ ܚܘܝܘ܃ ܘܠܐ ܐܬܬܟܣܘ ܘܝ ܠܢܦܫܗܘܢ ‍<‍ܡܛܠ#3#‍>‍ ܕܐܪܡܝܘ ܠܗܘܢ ܚ̈ܘܒܠܐ ܒܝܫ̈ܐ܂
03:10	ܐܡܪܘ ܠܙܕܝܩܐ ܛܒ/ܕܛܒ#3#/ ‍<‍ܠܡܩܛܠ#3#‍>‍܂ ܡܛܠ ܗܢܐ ܦܐܪ̈ܝ ܥ݁ܒܕܝ̈ܗܘܢ ܢܐܟܠܘܢ܂
03:11	ܘܝ ܠܪܫܝܥܐ ܒܝܫܐ܂ ܡܛܠ ܕܥܒ݁ܕ ܐ̈ܝܕܘܗܝ ܡܬܦܪܥ܃
03:12	ܫ̈ܠܝܛܘܗܝ ܕܥܡܝ ܡܒܥܪܝܢ ܠܗ܂ ܘܢܫ̈ܐ ܐܫܬܠܛ ܒܗ܂ ܥܡܝ ܡܛܐ̈ܒܢܝܟ ܐܛܥܝܘܟ܂ ܘܐܘܪܚܐ ܕܫܒܝ̈ܠܝܟ ܕܠܚܘ܂
03:13	ܩܐ݁ܡ ܠܡܕܢ ܡܪܝܐ܂ ܘܩܐ݁ܡ ܠܡܕܢ ܠܥܡܗ܂
03:14	ܡܪܝܐ ܒܕܝܢܐ ܢܥܘܠ܃ ܥܡ ܣܒ̈ܐ ܕܥܡܗ ܘܥܡ ܪ̈ܘܪܒܢܘܗܝ܂ ܐܢܬܘܢ ܐܘܩܕܬܘܢ ܟܪܡܐ܂ ܘܚܛܘܦܝܐ ܕܡܣ̈ܟܢܐ ܒܒ̈ܬܝܟܘܢ܂
03:15	ܠܡܢܐ ܢܟܝܬܘܢ/ܢܢܝܬܘܢ#2#/ ܠܥܡܝ܂ ܘܐ̈ܦܐ ܕܡܣ̈ܟܢܐ ܐܒܗܬܬܘܢ ܐܡ݁ܪ ܡܪܝܐ ܚܝܠܬܢܐ܂
03:16	ܥܠ ܕܐܬܬܪܝܡ ܒܢ̈ܬ ܨܗܝܘܢ܃ ܘܗܠܟ ܒܨܘܪܐ ܪܡܐ܃ ܘܒܪܡܙܐ ܕܥܝ̈ܢܐ ܡܗ̈ܠܟܢ ܗ̈ܘܝ܃ ܘܡܛܪ̈ܦܢ ܒܪ̈ܓܠܝܗܝܢ ܘܡܪ̈ܓܙܢ܃
03:17	ܢܡܟܟ ܡܪܝܐ ܪ̈ܫܝܬܐ ܕܒܢ̈ܬ ܨܗܝܘܢ܂ ܘܡܪܝܐ ܐܣܟܡܗܝܢ ܢܦܪܣܐ܀
03:18	ܒܝܘܡܐ ܗ݀ܘ܃ ܢܥܒܪ ܡܪܝܐ ܫܘܒܚܐ ܕܢܚ̈ܬܝܗܝܢ܂ ܘܕܨܒܬܗܝܢ ܘܕܓܕܘ̈ܠܝܗܝܢ܂
03:19	ܘܐܣܦܪ̈ܐ ܕܣܥܪ̈ܝܗܝܢ܂ ܘܒ̈ܠܘܪܝܗܝܢ܂
03:20	ܘܨܕܥ̈ܝܗܝܢ܂ ܘܨܒܬܐ/ܘܨܦܬܐ#1##2#/ ܕܐ̈ܦܝܗܝܢ܂ ܘܩ̈ܕܫܝܗܝܢ ܘܥܩ̈ܝܗܝܢ܂ ܘܐܩ̈ܠܢܝܗܝܢ܂
03:21	ܘܩ̈ܘܠܒܝܗܝܢ ܘܫܐܪ̈ܝܗܝܢ܂
03:22	ܘܟܘܬ̈ܝܢܝܬܗܝܢ ܘܡܫ̈ܠܡܢܝܬܗܝܢ/ܘܡܫ̈ܠܡܢܝܗܝܢ#2#/ ܘܒܘܨܗܝܢ ܘܐܪ̈ܓܘܢܝܗܝܢ܂
03:23	ܘܢܚ̈ܬܝܗܝܢ ܘܬܟܠܝ̈ܬܗܝܢ ܘܙܚܘܪ̈ܝܬܗܝܢ܂ ܘܨܡܕܐ ܟܠܗ ܕܨܒܬܗܝܢ܂
03:24	ܘܢܗܘܐ ܚܠܐ ܚܠܦ ܪܝܚܗܝܢ ܒܣܝܡܐ܂ ܘܚܠܦ ܐܣܪ ܚ̈ܨܝܗܝܢ ܡܝܙܪ̈ܢܐ ܢܐܣܪ̈ܢ܂ ܘܚܠܦ ܒܠܘܪ̈ܐ ܩܘܕܚ̈ܬܐ܂ ܘܚܠܦ ܬܟ̈ܠܝܬܗܝܢ ܣ̈ܩܐ ܢܬ̈ܟܣܝܢ܂ ܡܛܠ ܕܢܬܚܒܠ ܫܘܦܪܗܝܢ܂
03:25	ܘܥܫܝ̈ܢܝܟܝ ܒܚܪܒܐ ܢܦܠܘܢ܂ ܘܓܢܒܪ̈ܝܟܝ ܒܩܪܒܐ܂
03:26	ܘܢܐܠܘܢ ܘܢܬ݂ܒܘܢ ܒܐܒܠܐ ܬܪ̈ܥܝܗ݀܂ ܘܙܟܘܬܗ݀ ܒܐܪܥܐ ܬܦܠ܂