The Comprehensive Aramaic Lexicon

05:01	ܐܫܒܚ ܠܚܒܝܒܝ܂ ܬܫܒܘܚܬܐ ܕܚܒܝܒܝ ܠܟܪܡܗ܂ ܟܪܡܐ ‍<‍ܐܝܬ#3#‍>‍ ܗܘܐ ܠܚܒܝܒܝ܃ ܒܩܪܢܐ ܕܐܬܪܐ ܫܡܝܢܐ܂
05:02	ܘܦܠܚܗ ܘܐܚܕܪܗ ܣܝܓܐ܂ ܘܢܨܒܗ/ܘܢܨܒ ܒܗ#3#/ ܫܒ̈ܘܩܐ܂ ܘܒܢܐ ‍<‍ܒܗ#3#‍>‍ ܡܓܕܠܐ ܒܓܘܗ܂ ܐܦ ܡܥܨܪܬܐ ܥܒܕ ܒܗ܂ ܘܣܟܝ/ܘܬܟܠ#3#/ ܕܢܥܒܕ ܥܢ̈ܒܐ ܘܥܒܕ ܚܪ̈ܘܒܐ/ܚܪ̈ܒܐ#3#/܂
05:03	ܗܫܐ ܓܒܪ̈ܐ ܕܝܗܘܕܐ ܘܥܡܘܪ̈ܝܗ݀ ܕܐܘܪܫܠܡ܃ ܕܘܢܘ ܒܝܢ̈ܝ ܠܟܪܡܝ܂
05:04	ܡܢܐ ܬܘܒ ܘܠ݁ܐ ܗܘܐ ܠܡܥܒܕ ܠܟܪܡܝ ܘܠܐ/ܕܠܐ#3#/ ܥܒ݁ܕܬ ܠܗ܃ ܕܣܟ݁ܝܬ ܕܢܥܒܕ ܥܢ̈ܒܐ ܘܥܒܕ ܚܪ̈ܘܒܐ܂
05:05	ܗܫܐ ܐܚܘܝܟܘܢ ܡܕܡ ܕܥܒ݁ܕ ܐܢܐ ܠܗ ܠܟܪܡܝ܂ ܥܩ݁ܪ ܐܢܐ ܡܓܕܠܗ ܘܢܗܘܐ ܠܒܙܬܐ܂ ܘܬܪܥ ܐܢܐ ܣܝܓܗ ܘܢܗܘܐ ܠܕܝܫܐ܂
05:06	ܘܐܥܒܕܝܘܗܝ ܕܢܚܪܒ܂ ܘܠܐ ܢܬܟܣܚ ܘܠܐ ܢܬܦܠܚ܂ ܘܢܐܥܘܢ ܒܗ ܟܘ̈ܒܐ ܘܝܥܪܐ܂ ܘܐܦܩܘܕ ܠܥܢ̈ܢܐ ܕܠܐ ܢܚ̈ܬܢ ܥܠܘܗܝ ܡܛܪܐ܂
05:07	ܡܛܠ ܕܟܪܡܗ ܕܡܪܝܐ ܚܝܠܬܢܐ ܒܝܬܐ ܗܘ ܕܒܝܬ ܐܝܣܪܝܠ܂ ܘܓܒܪ̈ܐ ܕܡܢ/ܕܒܝܬ#3#/ ܝܗܘܕܐ܃ ܢܨܒܬܐ/ܕܢܨܒܬܐ#3#/ ܚܕܬܐ ܘܚܒܝܒܬܐ܂ ܣܟ݁ܝܬ ܠܕܝܢܐ ܘܗܘܐ ܚܛܘܦܝܐ܂ ܘܠܙܕܝܩܘܬܐ ܘܗܐ/ܘܗܘܐ#3#/ ܐܝܠܠܬܐ܀
05:08	ܘܝ ܠܕܡܩܪܒܝܢ ܒܝܬܐ ܠܒܝܬܐ܃ ܘܚܩܠܐ ܒܚܩܠܐ ܚܠܛ݁ܝܢ܃ ܕܬܐܚܕܘܢ ܐܬܪܐ ܘܬܬܒܘܢ ܒܠܚܘܕܝܟܘܢ ܒܓܘܗ݀ ܕܐܪܥܐ܂
05:09	ܒܐ̈ܕܢܝ ܡܪܝܐ ܚܝܠܬܢܐ ܐܫܬܡܥ܂ ܒ̈ܬܐ ܣ̈ܓܝܐܐ ܠܚܘܪܒܐ ܢܗܘܘܢ ܡܢ ܒܠܝ ܕܝܬ݁ܒ܂
05:10	ܡܛܠ ܕܥܣܪ ܐܫܟܪ̈ܐ ܕܟܪܡܐ ܢܥܒܕ̈ܢ/ܢܥܒܪ̈ܢ#2#/ ܚܕܐ ܚܒܝܬܐ܂ ܘܙܪܥܐ ܕܟܘܪ ܢܥܒܕ ܣܐܐ܂
05:11	ܘܝ ܠܕܡܩܕܡܝܢ ܒܨܦܪܐ ܘܪܗ݀ܛܝܢ ܠܫܟܪܐ܃ ܘܡܘܚܪܝܢ ܒܪܡܫܐ ܘܚܡܪܐ ܡܘܩܕ ܠܗܘܢ܂
05:12	ܒܟܢܪ̈ܐ ܘܒܩܝܬܪ̈ܐ ܘܒ̈ܦܠܓܐ ܘܒܪ̈ܒܝܥܐ ܚܡܪܐ ܫ݁ܬܝܢ܂ ܘܒܥܒ̈ܕܘܗܝ ܕܐܠܗܐ ܠܐ ܡܣܬܟܠܝܢ/ܚܝܪܝܢ#3#/܂ ܘܒܥܒ݁ܕ ܐ̈ܝܕܘܗܝ ܠܐ ܚܝ݁ܪܝܢ܂
05:13	ܡܛܠ ܗܢܐ ܐܫܬܒܝ ܥܡܝ ܡܢ ܒܠܝ ܐܝܕܥܬܐ܂ ܘܣܓܝܘ ܡܝ̈ܬܝܗܘܢ ܡܢ ܟܦܢܐ ܘܥܫܢܘ ܡܢ ܨܗܝܐ܂

05:14	ܡܛܠ ܗܢܐ ܐܦܬܝܬ ܫܝܘܠ ܢܦܫܗ݀܃ ܘܦܥܪܬ ܦܘܡܗ݀ ܕܠܐ ܣܟ܂ ܢܚܬܘܢ ܠܗ݀ ܡܫ̈ܒܚܐ/ܡܫ̈ܒܚܢܐ#3#/ ܘܡܝܩܪ̈ܐ ܘܥܫ̈ܝܢܐ܂

05:15	ܘܢܬܡܟܟ ܐܢܫܐ ܘܢܫܬܦܠ ܓܒܪܐ܂ ܘܥܝ̈ܢܐ ܪ̈ܡܬܐ ܢܬܡ̈ܟܟܢ܂
05:16	ܘܢܬܬܪܝܡ ܡܪܝܐ ܚܝܠܬܢܐ ܒܕܝܢܐ܃ ܘܐܠܗܐ ܩܕܝܫܐ ܢܬܩܕܫ ܒܙܕܝܩܘܬܐ܂
05:17	ܘܢܪܥܘܢ ܐܡܪ̈ܐ ܒܙܕܩܗܘܢ܂ ܘܚܪ̈ܒܬܐ ܕܐܬܒܢܝ ܥܡܘܪ̈ܐ ܢܐܟܠܘܢ ܐ̈ܢܝܢ܀
05:18	ܘܝ ܠܕܡܘܪܟܝܢ ܚ̈ܛܗܝܗܘܢ ܐܝܟ ܚܒܠܐ ܐܪܝܟܐ܃ ܘܐܝܟ ܥܪܩܬܐ ܕܥܓܠܬܐ ܚܛܝܬܗܘܢ܂
05:19	ܘܐܡ݁ܪܝܢ ܒܥܓܠ ܢܣܪܗܒ ܡܪܝܐ ܥ݁ܒ̈ܕܘܗܝ ܕܢܚܙܐ ܐܢܘܢ܂ ܘܬܩܪܘܒ/ܘܬܬܩܪܒ#3#/ ܘܬܐܬܐ ܬܪܥܝܬܗ ܕܩܕܝܫܐ ܕܐܝܣܪܝܠ ܘܢܕܥܝܗ݀܀
05:20	ܘܝ ܠܕܩ݁ܪܝܢ ܠܒܝܫܐ ܛܒܐ ܘܠܛܒܐ ܒܝܫܐ܃ ܘܣ݁ܝܡܝܢ ܢܗܝܪܐ ܠܚܫܘܟܐ ܘܚܫܘܟܐ ܠܢܗܝܪܐ܃ ܘܣ݁ܝܡܝܢ ܡܪܝܪܐ ܚܠܝܐ/ܠܚܠܝܐ#3#/ ܘܚܠܝܐ ܡܪܝܪܐ܀
05:21	ܘܝ ܠܕܚܟܝܡܝܢ ܒܥܝ̈ܢܝ ܢܦܫܗܘܢ܃ ܘܠܘܩܒܠ ܐ̈ܦܝܗܘܢ ܣ̈ܟܘܠܬܢܝܢ܀
05:22	ܘܝ ܠܕܓܢܒܪ̈ܝܢ ܠܡܫܬܐ ܚܡܪܐ܃ ܘܠܓܒܪ̈ܐ ܚܝ̈ܠܬܢܐ ܕܡ݁ܙܓܝܢ ܫܟܪܐ܂
05:23	ܘܡܙܟܝܢ ܠܚܝܒܐ ܡܛܠ ܫܘܚܕܗ܃ ܘܙܟܘܬܗ ܕܙܟܝܐ ܡܥܒܪܝܢ ܡܢܗܘܢ܂
05:24	ܡܛܠ ܗܢܐ ܐܝܟ ܕܡܬܐܟܠܐ ܚܒܬܐ ܒܠܫܢܐ ܕܢܘܪܐ ܕܐܚ݁ܕܐ܃ ܡܢ ܫܠܗܒܝܬܐ ܕܡܫܬܒܩܐ ܢܬܐܟܠܘܢ܂ ܘܥܩܪܗܘܢ ܐܝܟ ܚܠܐ ܢܗܘܐ܂ ܘܦܪܥܗܘܢ ܐܝܟ ܥܘܪܐ/ܚܠܐ#3#/ ܢܣܩ܂ ܥܠ ܕܐܣܠܝܘ ܢܡܘܣܗ ܕܡܪܝܐ ܚܝܠܬܢܐ܃ ܘܠܡܐܡܪܗ ܕܩܕܝܫܐ ܕܐܝܣܪܝܠ ܐܪܓܙܘ܂
05:25	ܡܛܠ ܗܢܐ ܐܬܚܡܬ ܪܘܓܙܗ ܕܡܪܝܐ ܥܠ ܥܡܗ܂ ܘܐܪܝܡ ܐܝܕܗ ܥܠܝܗܘܢ܃ ܘܡܚܐ ܐܢܘܢ ܘܙܥܘ ܛܘܪ̈ܐ ܘܗ̈ܘܝ ܫ̈ܠܕܝܗܘܢ ܐܝܟ ܣܝܢܐ \ܒܓܘ ܫ̈ܘܩܐ /ܒܫܘ̈ܩܐ#3#/܂ ܘܒܗܠܝܢ ܟܠܗܝܢ ܠܐ ܗܦܟ ܪܘܓܙܗ܃ ܘܬܘܒ ܐܝܕܗ ܪܡܐ܀
05:26	ܘܢܪܝܡ ܐܬܐ ܠܥܡ̈ܡܐ ܡܢ ܪܘܚܩܐ܂ ܘܢܫܪܩ ܠܗܘܢ ܡܢ ܣܘ̈ܦܝܗ݀ ܕܐܪܥܐ܂ ܘܒܥܓܠ/ܕܒܥܓܠ#2#/ ܘܩܠܝܠܐܝܬ ܢܐܬܘܢ܂
05:27	ܠܐ ܢܬܛܪܦܘܢ ܘܠܐ ܢܬܬܩܠܘܢ܂ ܘܠܐ ܢܢܘܡܘܢ ܘܠܐ ܢܕܡܟܘܢ܂ ܘܠܐ ܢܫܪܘܢ ܐܣܪ ܚ̈ܨܝܗܘܢ܂ ܘܠܐ ܢܬܦܣ̈ܩܢ ܥܪ̈ܩܐ ܕܡܣܢܝ̈ܗܘܢ܂
05:28	ܓܐܪ̈ܝܗܘܢ ܫ̈ܢܝܢܝܢ ܘܩܫ̈ܬܬܗܘܢ ܡ̈ܠܝܢ܂ ܘܦܪ̈ܣܬܐ ܕܪܟܫܗܘܢ ܐܝܟ ܛܪ̈ܢܐ ܢܬܚܫ̈ܒܢ܂ ܘ̈ܓܝܓܠܝܗܘܢ ܐܝܟ ܥܠܥܠܐ܂
05:29	ܘܢܗܡܬܗܘܢ ܐܝܟ ܐܪܝܐ ܢܢܗܡ܂ ܘܐܝܟ ܓܘܪܝܐ ܕܐܪܝܐ ܕܢܗ݀ܡ ܘܐܚ݁ܕ ܬܒܪܐ܃ ܘܡܥܕܐ ܘܠܝܬ ܕܡܦܨܐ܂
05:30	ܢܢܗܡ ܥܠܝܗܘܢ ܒܝܘܡܐ ܗ݀ܘ܃ ܐܝܟ ܢܗܡܬܗ ܕܝܡܐ܂ ܘܢܚܘܪܘܢ ܒܐܪܥܐ܃ ܘܢܗܘܐ ܚܫܘܟܐ ܘܐܘܠܨܢܐ܂ ܘܢܘܗܪܐ ܢܚܫܟ ܒܥܡܛܢܗܘܢ܀