The Comprehensive Aramaic Lexicon

06:01	ܒܫܢܬܐ ܕܡܝܬ ܥܘܙܝܐ ܡܠܟܐ܃ ܚܙܝ݁ܬ ܠܡܪܝܐ ܝܬ݁ܒ ܥܠ ܟܘܪܣܝܐ ܪܡܐ܂ ܘܫܩܠܐ ܕܫ̈ܦܘܠܘܗܝ ܡܠܐ ܗܝܟܠܗ܂

06:02	ܘܣܪ̈ܦܝܢ ܩܝ݁ܡܝܢ ܠܥܠ ܡܢܗ܂ ܫܬܐ ܫܬܐ ܓܦܝ̈ܢ ܠܚܕ ܡܢܗܘܢ܂ ܒܬܪ̈ܝܢ/ܕܒܬܪ̈ܝܢ#3#/ ܡܟܣܝܢ ܦܪܨܘܦܗ܃ ܘܒܬܪ̈ܝܢ ܡܟܣܝܢ ܪ̈ܓܠܘܗܝ܂ ܘܒܬܪ̈ܝܢ ܦܪܚܝܢ܂

06:03	ܘܩ݁ܪܝܢ ܗܢܐ ܠܗܢܐ ܘܐܡ݁ܪܝܢ܂ ܩܕܝܫ ܩܕܝܫ܂ ܩܕܝܫ ܡܪܝܐ ܚܝܠܬܢܐ܃ ܕܡܠܝܐ ܟܠܗ݀ ܐܪܥܐ ܬܫܒܚ̈ܬܗ܂
06:04	ܘܙܥ ܐ̈ܣܟܦܬܐ ܕܬܪ̈ܥܐ ܡܢ ܩܠܐ ܕܩ݁ܪܐ܂ ܘܒܝܬܐ ܐܬܡܠܝ ܬܢܢܐ܂
06:05	ܘܐܡ݁ܪܬ܂ ܘܝ ܠܝ ܕܬܘܝܪ/ܘܬܘܝ#3#/ ܐܢܐ܂ ܡܛܠ ܕܓܒܪܐ ܐܢܐ ܛܡܐ ܣ̈ܦܘܬܐ܂ ܘܒܝܢܬ ܥܡܐ ܕܛܡ̈ܐܢ ܣ̈ܦܘܬܗ ܥܡ݁ܪ ܐܢܐ܂ ܘܠܡܠܟܐ ܡܪܝܐ ܚܝܠܬܢܐ ܚ̈ܙܝ ܥܝ̈ܢܝ܂
06:06	ܘܦܪܚ ܠܘܬܝ ܚܕ ܡܢ ܣܪ̈ܦܝܢ܃ ܘܒܐܝܕܗ ܓܡܘܪܬܐ/ܓܘܡܪܬܐ#3#/ ܫܩܠ ܡܢ ܡܕܒܚܐ ܒܟܠܒܬܐ܃
06:07	ܘܩܪܒ ܠܦܘܡܝ ܘܐܡܪ ܠܝ܂ ܗܐ ܩܪܒܬ ܗܕܐ ܠܣ̈ܦܘܬܟ܃ ܕܢܥܒܪ ܥܘܠܟ ܘܚ̈ܛܗܝܟ ܢܫܬܒܩܘܢ܂
06:08	ܘܫܡ݁ܥܬ ܩܠܗ ܕܡܪܝܐ ܕܐܡ݁ܪ܃ ܠܡ݁ܢ ܐܫܕܪ ܘܡ݁ܢ ܢܐܙܠ܂ ܘܐܡ݁ܪܬ܂ ܗܐ ܐܢܐ ܫܕܪܝܢܝ܂
06:09	ܘܐܡܪ ܠܝ܂ ܙܠ ܐܡܪ ܠܥܡܐ ܗܢܐ܃ ܫܡܥܘ ܡܫܡܥ ܘܠܐ ܬܣܬܟܠܘܢ܂ ܘܚܙܘ ܡܚܙܐ ܘܠܐ ܬܕܥܘܢ܂
06:10	ܐܬܥܒܝ ܠܗ ܓܝܪ ܠܒܗ ܕܥܡܐ ܗܢܐ܂ ܘܐ̈ܕܢܘܗܝ ܐܘܩܪ ܘܥܝ̈ܢܘܗܝ ܥܡܨ/ܫܥ#3#/܂ ܕܠܐ ܢܚܙܐ ܒ̈ܥܝܢܘܗܝ ܘܢܫܡܥ ܒܐ̈ܕܢܘܗܝ܃ ܘܢܣܬܟܠ ܒܠܒܗ ܘܢܬܘܒ ܘܢܫܬܒܩ ܠܗ܂
06:11	ܘܐܡ݁ܪܬ܂ ܥܕܡܐ ܠܐܡܬܝ ܡܪܝܐ܃ ܘܐܡܪ ܥܕܡܐ ܕܢܚܪ̈ܒܢ ܩܘܪ̈ܝܐ ܡܢ ܒܠܝ ܕܝܬ݁ܒ܃ ܘܒܬ̈ܐ ܡܢ ܒܠܝ ܐܢܫܐ܂ ܘܐܪܥܐ ܬܚܪܒ ܘܬܨܕܐ܂
06:12	ܘܢܕܚܘܩ ܡܪܝܐ ܠܐܢܫܐ܃ ܘܬܣܓܐ ܫܒܝܩܘܬܐ/ܫܒܝܩܬܐ#3#/ ܒܓܘܗ݀ ܕܐܪܥܐ܂
06:13	ܘܕܦܝ݁ܫܝܢ ܒܗ݀ ܚܕ ܡܢ ܥܣܪ̈ܐ܂ ܘܬܬܘܒ ܘܬܗܘܐ ܠܝܩܕܢܐ܃ ܐܝܟ ܒܛܡܬܐ ܘܐܝܟ ܒܠܘܛܐ ܕܢܦܠ ܡܢ ܩܥܪܬܗ܂ ܙܪܥܐ ܗܘ ܩܕܝܫܐ ܢܨܒܬܗ܀