The Comprehensive Aramaic Lexicon

11:01	ܘܢܦܘܩ ܚܘܛܪܐ ܡܢ ܓܘܙܥܗ ܕܐܝܫܝ܃ ܘܢܦܪܥ ܢܘܪܒܐ ܡܢ ܥܩܪܗ܂
11:02	ܘܬܬܢܝܚ ܘܬܫܪܐ ܥܠܘܗܝ ܪܘܚܐ ܕܐܠܗܐ܂ ܪܘܚܐ ܕܚܟܡܬܐ ܘܕܣܘܟܠܐ܂ ܪܘܚܐ ܕܬܪܥܝܬܐ ܘܕܓܢܒܪܘܬܐ܂ ܪܘܚܐ ܕܐܝܕܥܬܐ ܘܕܕܚܠܬܗ/ܘܕܚܠܬܗ#3#/ ܕܡܪܝܐ܂

11:03	ܘܢܕܢܚ/ܘܢܕܥ#3#/ ܒܕܚܠܬܗ ܕܡܪܝܐ܂ ܘܠܐ/ܘܠܘ#3#/ ܐܝܟ ܕܚ̈ܙܝܢ ܥܝ̈ܢܘܗܝ ܢܕܘܢ܃ ܘܠܐ/ܘܠܘ#3#/ ܐܝܟ ܕܫܡ̈ܥܢ ܐ̈ܕܢܘܗܝ ܢܟܣ܂

11:04	ܢܕܘܢ ܒܩܘܫܬܐ ܠܡܣ̈ܟܢܐ܃ ܘܢܟܣ ܒܬܪܝܨܘܬܐ ܠܒܝܫ̈ܝܗ ܕܐܪܥܐ܂ ܢܡܚܐ ܠܐܪܥܐ ܒܫܒܛܐ ܕܦܘܡܗ܃ ܘܒܪܘܚܐ ܕܣ̈ܦܘܬܗ ܢܡܝܬ ܠܪ̈ܫܝܥܐ܂
11:05	ܬܗܘܐ ܙܕܝܩܘܬܐ ܐܣܪ ܚ̈ܨܘܗܝ܃ ܘܗܝܡܢܘܬܐ ܚܙܩܐ ܕܕܦܢ̈ܬܗ܂
11:06	ܢܥܡܪ ܕܐܒܐ ܥܡ ܐܡܪܐ܂ ܘܢܡܪܐ ܥܡ ܓܕܝܐ ܢܪܒܥ܂ ܘܥܓܠܐ ܘܓܘܪܝܐ ܕܐܪܝܐ ܘܬܘܪܐ ܐܟܚܕܐ ܢܪܥܘܢ܂ ܘܛܠܝܐ ܙܥܘܪܐ ܢܕܒܪ ܐܢܘܢ܂
11:07	ܬܘܪܬܐ ܘܕܒܐ ܐܟܚܕܐ ܢܪ̈ܥܝܢ/ܢܒܝ̈ܬܢ#3#/܂ ܘܒ̈ܢܝܗܝܢ ܐܟܚܕܐ ܢܪܒܥܘܢ܂ ܐܪܝܐ ܐܝܟ ܬܘܪܐ ܢܐܟܘܠ ܬܒܢܐ܂
11:08	ܘܢܫܬܥܐ ܝܠܘܕܐ ܒܚܪܡܢܐ܂ ܘܒܚܘܪܐ ܕܐܣܦܣ ܢܘܫܛ ܐܝܕܗ ܚܣܝܠܐ܂
11:09	ܘܠܐ ܢܒܐܫܘܢ/ܢܐܒܫܘܢ#1##2#/ ܘܠܐ ܢܚܒܠܘܢ ܒܟܠܗ ܛܘܪܐ ܕܩܘܕܫܝ ܂ܡܛܠ ܕܬܬܡܠܐ ܐܪܥܐ ܐܝܕܥܬܗ/ܕܚܠܬܗ#3#/ ܕܡܪܝܐ܃ ܐܝܟ ܡ̈ܝܐ ܕܡܟܣܝܢ ܠܝܡܐ܀
11:10	ܘܢܗܘܐ ܒܝܘܡܐ ܗ݀ܘ ܥܩܪܗ ܕܐܝܫܝ ܕܩܐ݁ܡ ܐܬܐ ܠܥܡ̈ܡܐ܂ ܘܥܠܘܗܝ ܥܡ̈ܡܐ ܢܥܩܒܘܢ܂ ܘܬܗܘܐ ܢܝܚܬܗ ܐܝܩܪܐ܂
11:11	ܘܢܗܘܐ ܒܝܘܡܐ ܗ݀ܘ܃ ܢܘܣܦ ܡܪܝܐ ܬܢܝܐ ܕܐܝܕܗ ܕܢܩܢܐ ܫܪܟܐ ܕܥܡܗ ܕܐܫܬܚܪܘ܂ ܡܢ ܐܬܘܪ ܘܡܢ ܡܨܪܝܢ ܘܡܢ ܦܬܪܘܣ ܘܡܢ ܟܘܫ܂ ܘܡܢ ܥܝܠܡ ܘܡܢ ܣܥܝܪ܂ ܘܡܢ ܚܡܬ ܘܡܢ ܓܙܪ̈ܬܐ ܕܝܡܐ܂
11:12	ܘܢܫܩܘܠ ܐܬܐ/ܠܐܬܐ#3#/ ܠܥܡ̈ܡܐ܃ ܘܢܟܢܫ ܠܛܥ̈ܝܐ/ܛܥ̈ܝܐ#3#/ ܕܐܝܣܪܐܝܠ܂ ܘܠܡܒܕܪ̈ܐ ܕܝܗܘܕܐ ܢܟܢܫ ܡܢ ܐܪ̈ܒܥܬ ܟܢ̈ܦܝܗ݀ ܕܐܪܥܐ܂
11:13	ܘܢܥܒܪ ܛܢܢܐ ܡܢ ܐܦܪܝܡ܂ ܘܐ̈ܠܘܨܘܗܝ ܕܝܗܘܕܐ ܢܐܒܕܘܢ܂ ܐܦܪܝܡ ܠܐ ܢܛܢ ܒܝܗܘܕܐ܂ ܘܝܗܘܕܐ ܠܐ ܢܐܠܘܨ ܠܐܦܪܝܡ܂
11:14	ܘܢܦܠܚܘܢ ܒܟܬܦܐ ܕܦܠܫ̈ܬܝܐ ܥܠ/ܥܠ ܝܕ#3#/ ܝܡܐ܂ ܘܐܟܚܕܐ ܢܒܙܘܢ ܠܒ̈ܢܝ ܡܕܢܚܐ܂ ܒܐܕܘܡ ܘܒܡܘܐܒ ܢܘܫܛܘܢ ܐܝ̈ܕܝܗܘܢ܂ ܘܒ̈ܢܝ ܥܡܘܢ ܢܫܬܡܥܘܢ ܠܗܘܢ܂
11:15	ܘܢܚܪܒ ܡܪܝܐ ܠܫܢ ܝܡܐ ܕܒܡܨܪܝܢ܂ ܘܢܪܝܡ ܐܝܕܗ ܥܠ ܢܗܪܐ ܒܐܘܚܕܢܐ ܕܪܘܚܗ܃ ܘܢܡܚܝܘܗܝ ܠܫܒܥܐ ܢܚ̈ܠܝܢ ܕܢܬܥܒܪ ܒܡܣ̈ܢܐ܂
11:16	ܘܢܗܘܐ ܫܒܝܠܐ ܠܫܪܟܐ ܕܥܡܗ ܕܐܫܬܚܪܘ ܡܢ ܐܬܘܪ ܂ܐܝܟ ܕܗܘܬ ܠܐܝܣܪܝܠ ܒܝܘܡܐ ܕܣܠܩܘ ‍<‍ܒܗ#2#‍>‍ ܡܢ ܐܪܥܐ ܕܡܨܪܝܢ܂