The Comprehensive Aramaic Lexicon

16:01	ܫܕܪ ܠܒܪ ܫܠܝܛܐ ܕܐܪܥܐ܃ ܡܢ ܟܐܦܐ ܕܡܕܒܪܐ ܠܛܘܪܐ ܕܒܪܬ ܨܗܝܘܢ܂
16:02	ܘܢܗܘܐ ܐܝܟ ܦܪܚܬܐ ܕܡܫܢܝܐ ܩܢܗ݀܂ ܘܒܢ̈ܬ ܡܘܐܒ ܫܒܝ̈ܩܬܐ ܢܗ̈ܘܝܢ ܒܡܥܒܪܬܐ/ܒܡܥܪܬܐ#3#/ ܕܐܪܢܘܢ/#3#/܂
16:03	ܐ̈ܝ݂ܬܝ ܬܪܥܝܬܐ ܘܥܒܕܝ/ܘܥܩܕܝ#3#/ ܬܘܓܢܐ܂ ܣܝܡܝ ܐܝܟ ܠܠܝܐ ܛܠܠܟܝ ܡܨܥܬ ܛܗܪܐ܂ ܛܫܝ ܠܕܛܥ݁ܝܢ ܘܠܕܡܒܕܪܝܢ/ܘܕܡܒܕܪܝܢ#3#/ ܠܐ ܬܓܠܝܢ܂

16:04	ܢܥܡܪܘܢ ܒܟܝ ܡܒܕܪ̈ܐ ܕܡܘܐܒ܂ ܗܘܝ ܠܗܘܢ ܣܬܪܐ ܡܢ ܩܕܡ ܒܙܘܙܐ܂ ܡܛܠ ܕܓܡܪ ܕܚܝܚܐ ܘܣܦ ܒܙܘܙܐ܂ ܘܓܡܪ ܕܝܘܫܐ ܡܢ ܐܪܥܐ܂

16:05	ܘܢܬܩܢ ܟܘܪܣܝܐ ܒܛܝܒܘܬܐ/ܒܛܝܒܘ#3#/܂ ܘܢܬܒ ܥܠܘܗܝ ܒܩܘܫܬܐ ܒܡܫܟܢܗ ܕܕܘܝܕ ܕܝ݁ܢܐ ܘܡܥܩܒ ܕܝ݂ܢܐ ܘܡܣܪܗܒ ܙܕܝܩܘܬܐ܂
16:06	ܫܡܥܢ ܓܐܝܘܬܗ ܕܡܘܐܒ ܕܛܒ ܐܬܓܐܝ܂ ܓܐܝܘܬܗ ܘܪܡܘܬܗ ܘܐܠܡܗ܂ ܠܐ ܗܘܐ ܗܟܢܐ ܒܕܩܘ ܥܠܘܗܝ ܩܨܘ̈ܡܘܗܝ܂
16:07	ܡܛܠ ܗܢܐ ܢܝܠܠ ܡܘܐܒ܂ ܘܥܠ ܡܘܐܒ ܟܠܗ ܢܝܠܠ܂ ܥܠ ܐ̈ܫܝܬܐ ܕܫܘܪ̈ܐ/ܕܛܘܪ̈ܐ#3#/ ܕܡܬܗ̈ܓܡܢ܂ ܬܢܗܡܘܢ ܐܝܟ ܟܪ̈ܝܗܐ܂
16:08	ܡܛܠ ܕܚ̈ܩܠܬܐ ܕܚܫܒܘܢ ܚܪܒ܂ ܓܦܬܐ ܕܣܒܡܐ܃ ܓܢܒܪ̈ܐ ܕܥܡ̈ܡܐ ܓܡܘ ܫܒ̈ܘܩܝܗ݀܂ ܘܥܕܡܐ ܠܝܥܙܝܪ/ܠܝܡܐ ܕܝܥܙܝܪ#3#/ ܡܛܘ܂ ܘܛܥܘ ܒܡܕܒܪܐ ܥܢܩ̈ܝܗ݀܂ ܢܓܕܘ ܘܥܒܪܘ ܝܡܐ܂
16:09	ܡܛܠ ܗܢܐ ܐܒܟܝܟܝ ܒܒܟܬܐ ܕܝܥܙܝܪ ܓܦܬܐ̈ ܕܣܒܡܐ܂ ܐܪܘܝܟܝ ܡܢ ܕܡܥܬܟܝ ܚܫܒܘܢ ܘܐܠܥܠܐ ܡܛܠ ܕܥܠ ܚܨܕܟܝ ܘܥܠ ܩܛܦܟܝ ܕܝܘܫܐ ܢܦܠ܂
16:10	ܘܬܥܒܪ ܚܕܘܬܐ ܘܕܝܨܐ ܡܢ ܟܪܡܠܐ܂ ܘܒܟܪܡܠܐ ܠܐ ܢܚܕܘܢ܂ ܘܠܐ ܢܥܨܪܘܢ ܚܡܪܐ ܒܡܥܨܪܬܐ܂ ܘܠܐ ܢܕܘܫ ܕܝܘܫܐ܂ ܡܛܠ ܕܠܕܝܘܫܐ ܐܒܛܠ܂
16:11	ܡܛܠ ܗܢܐ ܟܪܣܝ ܥܠ ܡܘܐܒ ܐܝܟ ܟܢܪܐ ܬܡܠܠ܂ ܘܓܘܝ ܥܠ/ܐܝܟ#3#/ ܫܘܪܐ ܕܡܬܗܓܡ܂
16:12	ܘܡܐ ܕܚܙܐ ܕܠܐܝ ܡܘܐܒ ܥܠ ܥ̈ܠܘܬܐ܃ ܢܐܬܐ ܠܡܩܕܫܐ ܠܡܨܠܝܘ ܘܠܐ ܢܫܟܚ܂
16:13	ܗܢܐ/ܗܫܐ#3#/ ܦܬܓܡܐ ܡܠܠ ܡܪܝܐ ܥܠ/ܥܡ#3#/ ܡܘܐܒ ܡܢ ܗܝܕܝܢ܂
16:14	ܘܗܫܐ ܡܠܠ ܡܪܝܐ ܘܐܡܪ܂ ܒܬܠܬ ܫ̈ܢܝܢ ܐܝܟ ܫ̈ܢܝܐ ܕܐܓܝܪܐ܂ ܢܨܛܥܪ ܐܝܩܪܗ ܕܡܘܐܒ ܥܠ ܣܘܓܐܐ ܕܥܡܗ܂ ܘܢܫܬܚܪ ܩܠܝܠ ܙܥܘܪ ܘܠܐ ܣܓܝ܂