The Comprehensive Aramaic Lexicon

27:01	ܒܝܘܡܐ ܗ݀ܘ܃ ܢܦܩܘܕ ܡܪܝܐ ܒܚܪܒܗ ܩܫܝܬܐ ܘܪܒܬܐ ܘܥܫܝܢܬܐ܃ ܥܠ ܠܘܝܬܢ ܚܘܝܐ ܚܪܡܢܐ܃ ܘܥܠ ܠܘܝܬܢ ܚܘܝܐ ܥܩܠܩܠܐ܂ ܘܢܩܛܘܠ ܠܬܢܝܢܐ ܕܒܝܡܐ܀
27:02	ܒܝܘܡܐ ܗ݀ܘ܃ ܟܪܡܐ ܕܚܡܪܐ ܥܢܘ ܠܗ܂
27:03	ܐܢܐ ܡܪܝܐ ܢ݁ܛܪ ܐܢܐ ܠܗ܂ ܐܡܝܢܐܝܬ ܐܫܩܝܘܗܝ܂ ܘܐܦܩܘܕ ܥܠܘܗܝ ܒܠܠܝܐ ܘܒܐܝܡܡܐ ܐܛܪܝܘܗܝ܂
27:04	ܫܘܪܐ ܠܝܬ ܠܟܝ܂ ܡ݁ܢ ܕܝܢ ܝܗܒ ܒܟܝ ܝܥܪܐ ܘܟ̈ܘܒܐ܂ ܒܩܘܪܒܐ ܐܦܘܚ ܒܗ ܘܐܘܩܕܝܘܗܝ ܐܟܚܕܐ܂
27:05	\ܐܘ ܢܐܚܘܕ /ܘܐܢܐ ܐܚܘܕ#3#/ ܒܥܘܫܢܝ ܘܐܥܒܕ ܠܗ ܫܠܡܐ܂ ܫܠܡܐ ܐܥܒܕ ܠܗ܂
27:06	ܐܝܠܝܢ ܕܡܢ ܥܩܪܗ ܕܝܥܩܘܒ܃ ܢܥܦܐ ܘܢܦܪܥ ܐܝܣܪܝܠ܂ ܘܢܡܠܘܢ ܐ̈ܦܝ ܬܒܝܠ ܦܐܪ̈ܐ܀܀
27:07	ܐܝܟ ܡܚܘܬܐ ܕܡܚܝܗܝ ܡܚܝܗܝ܂ ܘܐܝܟ ܩܛܠܐ ܕܩܛܠܗ ܩܛܠܗ܂
27:08	ܒܣܐܬܐ ܕܐܟܝܠ ܬܕܘܢܝܘܗܝ܂ ܒܕܪܢܐ ܒܪܘܚܗ ܩܫܝܬܐ ܒܝܘܡܐ ܚܡܝܡܐ܂
27:09	\ܡܛܠ ܗܢܐ ܒܗܕܐ /ܡܛܠ ܗܕܐ#3#/ ܢܫܬܒܩ ܥܘܠܗ ܕܝܥܩܘܒ܂ ܘܒܗܠܝܢ ܟܠܗܘܢ ܦܐܪ̈ܐ ܬܥܒܪ ܚܛܝܬܗ܃ ܡܐ ܕܣܐ݁ܡ ܟܠܗܝܢ ܟܐ̈ܦܐ ܕܡܕܒܚܐ܂ ܐܝܟ ܟܐ̈ܦܐ ܕܟܠܫܐ ܕܡ̈ܬܦܟܟܢ܂ ܗܟܢܐ ܠܐ ܢܬܩܝܡܘܢ ܦܬܟܪ̈ܐ ܘܕܚ̈ܠܬܐ܂
27:10	ܡܛܠ ܕܩܪܝܬܐ ܥܫܝܢܬܐ܃ ܒܠܚܘܕܝܗ݀ ܚܪܒܐ ܘܡܫܬܒܩܐ܂ ܘܚܪܒܐ ܐܝܟ ܡܕܒܪܐ܂ ܬܡܢ ܢܪܥܐ ܥܓܠܐ܂ ܘܬܡܢ ܢܪܥܐ ܘܢܓܡܪ ܬܕܐܗ܂
27:11	ܒܝܒܫܐ ܕܚܨܕܐ܃ ܢܬܬܒܪ̈ܢ ܢܫ̈ܐ ܕܐ̈ܬܝܢ ܡܢܗܪ̈ܢ ܠܗ݀܂ ܡܛܠ ܕܠܐ ܗܘܐ ܥܡܐ ܣܟܘܠܬܢܐ܂ ܡܛܠ ܗܢܐ ܠܐ ܢܪܚܡ ܥܠܘܗܝ ܥܒܘܕܗ܂ ܘܓܒܘܠܗ ܠܐ ܢܪܚܦ ܥܠܘܗܝ܀
27:12	ܘܢܗܘܐ ܒܝܘܡܐ ܗ݀ܘ܃ ܢܚܒܘܛ ܡܪܝܐ ܡܢ ܫܒܠܬܐ ܕܢܗܪܐ܃ ܘܥܕܡܐ ܠܢܚܠܐ ܕܡܨܪܝܢ܂ ܘܐܢܬܘܢ ܬܬܠܩܛܘܢ ܚܕ ܠܘܬ ܚܕ ܒܢܝ ܐܝܣܪܝܠ܀

27:13	ܘܢܗܘܐ ܒܝܘܡܐ ܗ݀ܘ܃ ܢܬܩܪܐ ܒܫܝܦܘܪܐ/ܫܝܦܘܪܐ#3#/ ܪܒܐ܃ ܘܢܐܬܘܢ ܕܐܒܕܘ/ܕܐܬܒܕܪܘ#3#/ ܒܐܪܥܐ ܕܡܨܪܝܢ܃ ܘܕܐܬܒܕܪܘ ܒܐܪܥܐ ܕܐܬܘܪ܃ ܘܢܣܓܕܘܢ ܒܐܪܥܗ ܕܡܪܝܐ܃ ܠܡܪܝܐ ܒܛܘܪܗ ܩܕܝܫܐ ܒܐܘܪܫܠܡ܂