The Comprehensive Aramaic Lexicon

30:01	ܘܝ ܠܒ̈ܢܝܐ ܡܪ̈ܘܕܐ ܐܡ݁ܪ ܡܪܝܐ܃ ܕܥܒܕܘ ܬܪܥܝܬܐ ܘܠܐ ܡܢܝ܂ ܘܢܩܝܘ ܢܘܩ̈ܝܐ ܕܠܐ ܡܢ ܪܘܚܝ܂ ܕܢܘܣܦܘܢ ܚ̈ܛܗܐ ܥܠ ܚ̈ܛܗܐ܂
30:02	ܕܐܙܠܘ ܠܡܚܬ/ܠܡܚܬܘ#3#/ ܠܡܨܪܝܢ܃ ܘܡܢ ܦܘܡܝ܃ ܠܐ ܫܐܠܘ܂ ܕܢܬܥܫܢܘܢ ܒܥܘܫܢܗ ܕܦܪܥܘܢ܃ ܘܢܣܬܬܪܘܢ ܒܛܠܠܗ݀ ܕܡܨܪܝܢ܂
30:03	ܢܗܘܐ ܠܟܘܢ ܥܘܫܢܗ ܕܦܪܥܘܢ ܠܒܗܬܬܐ܂ ܘܣܬܪܐ ܕܛܠܠܗ݀ ܕܡܨܪܝܢ ܠܬܚܦܝܬܐ܂
30:04	ܡܛܠ ܕܗܘ ܒܨܥܢ ܘܪ̈ܘܪܒܢܘܗܝ܂ ܘܡܠܐ̈ܟܘܗܝ ܚ̈ܠܦܐ ܢܠܐܘܢ܃
30:05	ܠܘܬ ܥܡܐ ܕܠܐ ܡܘܬܪ ܠܗܘܢ܂ ܠܐ ܠܥܘܕܪܢܐ ܘܠܐ ܠܗܢܝܢܐ܂ ܐܠܐ ܠܒܗܬܬܐ ܘܠܚܣܕܐ܂
30:06	ܡܫܩܠܐ ܕܒܥܝܪܐ \ܕܬܝܡܢܐ ܒܐܪܥܐ /ܒܐܪܥܐ ܕܬܝܡܢܐ#3#/ ܐܠܝܨܬܐ ܘܡܥܝܩܬܐ/ܘܡܥܩܬܐ#3#/܃ ܐܪܝܐ ܘܓܘܪܝܐ ܕܐܪܝܐ܃ ܘܡܢܗܘܢ ܐܣܦܣ ܘܚܪܡܢܐ ܕܦܪܚ܃ ܢܫܩܠܘܢ ܥܠ ܚܨܐ ܕܥܝ̈ܠܐ ܥܘܬܪܗܘܢ܃ ܘܥܠ ܓܒܐ ܕܓܡ̈ܠܐ ܓܙܝ̈ܗܘܢ܂ ܠܘܬ ܥܡܐ ܕܠܐ ܡܗܢܐ ܠܗܘܢ܃
30:07	ܘܡܨܪ̈ܝܐ ܒܣܪܝܩܘܬܐ ܘܒܕܓܠܘܬܐ ܡܥܕܪܝܢ܂ ܡܛܠ ܗܢܐ ܩ݁ܪܝܬ ܠܗܘܢ܂ ܕܣܪܝܩ ܗܘ ܬܘܟܠܢܗܘܢ ܗܢܐ܂
30:08	ܡܟܝܠ ܬܐ ܟܬܘܒ ܥܠ ܠܘܚ̈ܐ ܗܠܝܢ ܘܥܠ ܟܬܒܐ ܕܩܝܡܗܘܢ܂ ܕܢܗܘܐ ܠܝܘܡܐ ܐܚܪܝܐ ܠܣܗܕܘܬܐ ܠܥܠܡ ܥܠܡܝܢ܂
30:09	ܡܛܠ ܕܥܡܐ ܗܘ ܡܡܪܡܪܢܐ܂ ܒ̈ܢܝܐ ܐܢܘܢ ܕ̈ܓܠܐ܂ ܒ̈ܢܝܐ ܕܠܐ ܨܒܘ ܠܡܫܡܥ ܢܡܘܣܗ ܕܡܪܝܐ܂
30:10	ܕܐܡܪܘ ܠܚ̈ܙܝܐ ܕܠܐ ܬܚܙܘܢ܂ ܘܠܢܒ̈ܝܐ ܕܠܐ ܬܬܢܒܘܢ ܠܢ ܡܟܣܢܘܬܐ܂ ܡܠܠܘ ܠܢ ܦܠܓܘܬܐ/ܦܠܝܓܘܬܐ#3#/܂ ܘܚܙܘ ܠܢ ܟܕܒܘܬܐ܂
30:11	ܘܐܣܛܐܘܢ ܡܢ ܐܘܪܚܐ ܘܐܗܦܟܘܢ ܡܢ ܫܒܝ̈ܠܐ܂ ܘܒܛܠܘ ܡܢܢ ܠܩܕܝܫܐ ܕܐܝܣܪܝܠ܂
30:12	ܡܛܠ ܗܢܐ ܗܟܢܐ ܐܡ݁ܪ ‍<‍ܡܪܝܐ#3#‍>‍ ܩܕܝܫܐ ܕܐܝܣܪܝܠ܂ ܥܠ ܕܐܣܠܝܬܘܢ ܡܠܬܐ ܗܕܐ܃ ܘܐܬܬܟܠܬܘܢ ܒܛܠܘܡܝܐ܃ ܘܪܛܢܬܘܢ ܘܐܬܬܟܠܬܘܢ ܥܠܘܗܝ܃
30:13	ܡܛܠ ܗܢܐ ܬܗܘܐ ܠܟܘܢ ܚܛܝܬܐ ܗܕܐ ܐܝܟ ܬܘܪܥܬܐ ܕܢܦܠܬ܂ ܘܐܝܟ ܫܘܪܐ ܪܡܐ ܕܡܢ ܫܠܝܐ ܗܘܐ ܬܒܪܗ܂

30:14	ܘܬܒܪܗ ܐܝܟ ܬܒܪܐ ܕܡܐܢܐ ܕܦܚܪܐ ܕܬܒܝܪ ܕܠܐ ܚܘܣܢ܂ ܕܠܐ ܡܫܬܟܚ/ܡܫܟܚ#3#/ ܒܬܒܪ̈ܘܗܝ ܚܨܦܐ ܠܡܣܒ ܒܗ ܢܘܪܐ ܡܢ ܝܩܕܢܐ܂ ܐܦܠܐ ܠܡܓܪܦ/ܠܡܓܕܦ#1##2#/ ܒܗ ܡ̈ܝܐ ܡܢ ܓܘܒܐ܂

30:15	ܡܛܠ ܕܗܟܢܐ/ܗܢܐ ܗܟܢܐ#3#/ ܐܡ݁ܪ ‍<‍ܡܪܝܐ#3#‍>‍ ܩܕܝܫܐ ܕܐܝܣܪܝܠ܂ ܡܐ ܕܬܒܬܘܢ ܘܐܬܬܢܚܬܘܢ ܬܬܦܪܩܘܢ܂ ܘܒܫܠܝܐ ܘܒܣܒܪܐ ܬܗܘܐ ܓܢܒܪܘܬܟܘܢ܂ ܘܠܐ ܐܬܛܦܝܣܬܘܢ܂
30:16	ܘܐܡܪܬܘܢ ܠܐ ܗܟܢܐ܂ ܥܠ ܪ̈ܟܫܐ ܢܪܟܒ܂ ܘܥܠ ܩ̈ܠܝܠܐ ܢܥܪܘܩ܂ ܡܛܠ ܗܢܐ ܬܥܪܩܘܢ܃ ܘܢܗܘܘܢ ܩܠܝܠܝܢ ܪ̈ܕܘܦܝܟܘܢ܂
30:17	ܐܠܦ ܡܢ ܟܐܬܐ ܕܚܕ܂ ܘܡܢ ܟܐܬܐ ܕܚܡܫܐ ܬܥܪܩܘܢ܂ ܥܕܡܐ ܕܬܫܬܚܪܘܢ ܐܝܟ ܥܪ̈ܕܐ/ܥܪ̈ܪ̈ܐ#3#/ ܥܠ ܪܝܫ ܛܘܪܐ܃ ܘܐܝܟ ܐܬܐ ܥܠ ܪܡܬܐ܂
30:18	ܡܛܠ ܕܢܫܪܐ ܡܪܝܐ ܠܡܪܚܡܘ ܥܠܝܟܘܢ܃ ܘܢܬܬܪܝܡ ܠܡܪܚܦܘ ܥܠܝܟܘܢ܂ ܡܛܠ ܕܐܠܗܐ ܗܘ ܕܝ݁ܢܐ ܡܪܝܐ܂ ܘܛܘܒܝܗܘܢ ܠܟܠ/ܠܐܝܠܝܢ#3#/ ܕܡܣܟܝܢ ܠܗ܂
30:19	ܡܛܠ ܕܥܡܐ ܒܨܗܝܘܢ ܝܬ݁ܒ܂ ܘܒܐܘܪܫܠܡ܂ ܡܒܟܐ ܠܐ ܬܒܟܘܢ܂ ܡܪܚܡܘ ܢܪܚܡ ܥܠ ܩܠܐ ܕܓܥܬܟܘܢ܂ ܡܐ ܕܫܡܥ ܢܥܢܝܟܘܢ܂
30:20	ܘܢܬܠ ܠܟܘܢ ܡܪܝܐ ܠܚܡܐ ܒܐܘܠܨܢܐ ܘܡ̈ܝܐ ܒܐܘܠܨܢܐ܂ ܘܠܐ ܢܟܢܫ ܬܘܒ ܠܡܛܥܝܢ̈ܝܟܘܢ܂ ܘܢܚ̈ܙܝܢ ܥܝܢ̈ܝܟܘܢ ܒܡܛܥܝܢ̈ܝܟܘܢ܂
30:21	ܘܐ̈ܕܢܝܟܘܢ ܢܫ̈ܡܥܢ ܡܠܬܐ ܡܢ ܒܣܬܪܟܘܢ ܕܐܡ݁ܪܐ܂ ܗܕܐ ܗܝ ܐܘܪܚܐ ܙܠܘ ܒܗ݀܂ ܘܠܐ ܬܣܛܘܢ ‍<‍ܠܐ#3#‍>‍ ܠܝܡܝܢܐ ܘܠܣܡܠܐ/‍[‍ܘܠܐ‍]‍ ܠܣܡܠܐ#3#/܂
30:22	ܘܬܛܘܫܘܢ ܣܐܡܐ ܕܩܪܝܡ ܠܦܬܟܪ̈ܝܟܘܢ܃ ܘܦܕܬܐ ܕܢܣܟܬܐ ܕܕܗܒܗܘܢ܂ ܘܬܕܪܘܢ ܐܢܘܢ ܐܝܟ ܡ̈ܝܐ ܕܟܦܣܢܝܬܐ܂ ܘܐܝܟ ܢܦܬܐ ܬܦܩܘܢ ܐܢܘܢ܂
30:23	ܘܢܬܝܗܒ ܡܛܪܐ ܠܙܪܥܟܘܢ ܕܬܙܪܥܘܢ ܒܐܪܥܐ܂ ܘܥܒܘܪܐ ܕܙܪܥܐ ܕܐܪܥܐ܃ ܢܗܘܐ ܕܗܝܢ ܘܫܡܝܢ܂ ܪܥܝܐ ܕܒܥܝܪܟܘܢ ܒܝܘܡܐ ܗ݀ܘ܃ ܒܐܬܪܐ ܫܡܝܢܐ܂
30:24	ܘܒܩܪ̈ܐ ܘܐܪ̈ܘܢܐ ܕܦܠܚ݁ܝܢ ܒܐܪܥܐ܃ ܒܠܝܠܐ ܚܡܝܡܐ ܢܐܟܠܘܢ ܕܡܣܠܩ ܒܪܦܫܐ ܘܒܡܕܪܝܐ܀
30:25	ܘܢܗܘܐ ܥܠ ܟܠ ܛܘܪ ܕܪܡ ܘܥܠ ܟܠ ܪܡܬܐ ܕܪܡܐ܃ ܢܪܕܘܢ ܬ݁ܦܐ ܕܡ̈ܝܐ ܒܝܘܡܐ ܕܩܛܠܐ ܪܒܐ܃ ܘܒܣܘܚܦܐ ܕܡ̈ܓܕܠܐ܂
30:26	ܘܢܗܘܐ ܢܘܗܪܗ ܕܣܗܪܐ ܐܝܟ ܢܘܗܪܗ ܕܫܡܫܐ܂ ܘܢܘܗܪܗ ܕܫܡܫܐ ܢܗܘܐ ܚܕ ܒܫܒ̈ܥܐ܂ ܐܝܟ ܢܘܗܪܐ ܕܫܒܥܐ ܝܘܡ̈ܝܢ܂ ܒܝܘܡܐ ܕܢܥܨܘܒ ܡܪܝܐ ܬܒܪܐ ܕܥܡܗ܃ ܘܟܐܒܐ ܕܡܚܘܬܗ ܢܐܣܐ܀܂
30:27	ܗܐ ܫܡܗ ܕܡܪܝܐ ܐܬܐ ܡܢ ܪܘܚܩܐ܂ ܝܩ݁ܕ ܪܘܓܙܗ ܘܫܒܝܚ ܡܫܩܠܗ܂ ܘܣ̈ܦܘܬܗ ܡ̈ܠܝܢ ܪܘܓܙܐ܂ ܘܠܫܢܗ ܐܝܟ ܢܘܪܐ ܕܝܩ݁ܕܐ܂
30:28	ܘܪܘܚܗ ܐܝܟ ܢܚܠܐ ܕܓܪܦ܂ ܥܕܡܐ ܠܨܘܪܐ/ܠܨܘܪ#3#/ ܢܦܣܘܩ܂ ܠܡܕܠܚ ܥܡ̈ܡܐ ܡܛܠ/ܡܢ#3#/ ܛܥܝܘܬܗܘܢ/ܛܥܝܬܗܘܢ#3#/ ܣܪܝܩܬܐ܂ ܘܠܦܓܘܕܬܐ/ܘܠܦܘܓܕܬܐ#3#/ ܡܛܥܝܢܝܬܐ ܕܥܠ ܦܟܝ̈ܗܘܢ ܕܥܡ̈ܡܐ܃
30:29	ܬܫܒܘܚܬܐ ܢܗܘܐ ܠܟܘܢ ܟܠܝܠܐ ܕܐܬܩܕܫ ܒܚܓܐ܂ ܘܚܕܘܬܗ ܕܠܒܐ ܐܝܟ ܗܘ݁ ܕܡܗܠܟ ܒܚܕܘܬܐ܃ ܠܡܐܬܐ ܠܛܘܪܗ ܕܡܪܝܐ ܠܘܬ ܬܩܝܦܐ/ܩܕܝܫܐ#3#/ ܕܐܝܣܪܝܠ/ܕܝܥܩܘܒ#3#/܂
30:30	ܘܢܫܡܥ ܡܪܝܐ ܫܘܒܚܐ ܕܩܠܗ܂ ܘܡܚܘܬܐ ܕܕܪܥܗ ܢܚܘܐ܂ ܒܚܡܬܐ/ܒܡܚܘܬܐ#3#/ ܕܪܘܓܙܐ ܘܒܫܠܗܒܝܬܐ ܕܢܘܪܐ ܕܐܟܠܐ܂ ܒܙܪܝܦܬܐ ܕܚܒ݁ܛܐ ܘܟܐ̈ܦܐ/ܘܒܟܐ̈ܦܐ#3#/ ܕܒܪܕܐ܂
30:31	ܡܛܠ ܕܡܢ ܩܕܡ ܪܒܘܬܗ ܕܡܪܝܐ ܢܬܬܒܪ ܐܬܘܪܝܐ܃ ܘܒܫܒܛܐ ܢܒܠܥ܂
30:32	ܘܢܗܘܐ ܒܟܠܗܘܢ ܥ݁ܒ̈ܕܘܗܝ܃ ܚܘܛܪܐ ܕܫܘܥܒܕܐ ܕܢܢܝܚ ܡܪܝܐ ܥܠܘܗܝ܂ ܒ̈ܦܠܓܐ ܘܒܟܢܪ̈ܐ܂ ܘܒܩܪܒܐ ܥܫܝܢܐ ܢܬܟܬܫ ܒܗ܂
30:33	ܡܛܠ ܕܡܛܝܒ ܡܢ ܩܕܡ ܝܘܡ̈ܬܐ ܡܐܟܘܠܬܗ܂ ܐܦ ܗܝ ܐܬܛܝܒܬ ܕܬܡܠܟ܂ ܘܥܡܩܬ/ܘܥܩܡܬ#3#/ ܘܪܘܚܬ ܒܝܬ ܡܥܡܪܗ݀܂ ܣ̈ܓܝܐܝܢ ܩܝܣ̈ܐ ܘܢܘܪܐ܂ ܘܢܫܡܬܗ ܕܡܪܝܐ ܐܝܟ ܢܚܠܐ ܘܟܒܪܝܬܐ ܕܝܩ݁ܕܐ ܒܗ܂