← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62012: P Is

Click on a word for lexical analysis
Click on a red-colored coordinate for comments and/or translations of the line

previous chapter


32:01 ܗܐ ܒܙܕܝܩܘܬܐ ܡ̈ܠܟܐ܂ ܘܪ̈ܘܪܒܢܐ ܒܕܝܢܐ ܢܫܬܠܛܘܢ܂
32:02 ܘܢܗܘܐ ܓܒܪܐ ܐܝܟ ܓܢܝܐ ܠܪܘܚܐ܂ ܘܐܝܟ ܣܬܪܐ ܠܙܪܝܦܬܐ܂ ܘܐܝܟ ܬܦܐ ܕܡ̈ܝܐ ܒܨܗܝܐ܂ ܘܐܝܟ ܛܠܠܐ ܕܟܐܦܐ ܥܫܝܢܬܐ ܒܐܪܥܐ ܡܛܪܦܬܐ܂
32:03 ܘܠܐ ܢܬܬܫ̈ܝܥܢ ܥܝܢ̈ܝܗܘܢ ܕܐܝܠܝܢ ܕܚ݁ܙܝܢ܂ ܘܐ̈ܕܢܝܗܘܢ ܕܐܝܠܝܢ ܕܫܡ݁ܥܝܢ ܢܨ̈ܘܬܢ܂
32:04 ܘܠܒܐ ܕܣܟܠ ܢܣܬܟܠ ܝܕܥܬܐ܂ ܘܠܫܢܐ ܕܠܥܓܐ ܢܣܬܪܗܒ ܠܡܡܠܠܘ ܫܠܡܐ܂
32:05 ܘܠܐ ܢܩܪܘܢ ܬܘܒ ܠܫ݁ܛܝܐ ܫܠܝܛܐ܂ ܐܦ ܠܐ ܠܣܪܝܩܐ ܢܩܪܘܢ ܦܪܘܩܐ܂
32:06 ܡܛܠ ܕܫ݁ܛܝܐ ܫܛܝܘܬܐ ܡܡܠܠ܂ ܘܠܒܗ ܚܫ݁ܠ ܥܘܠܐ܂ ܕܢܥܒܕ ܚܠܦܘܬܐ ܘܢܡܠܠ ܥܠ ܛܥܝܘܬܐ܂ ܘܢܣܪܩ ܢܦܫܐ ܕܟܦܢܐ܂ ܘܡܫܬܝܐ ܕܨܗܝܐ ܢܓܝܙ܂
32:07 ܒܝܫܝܢ ܐܢܘܢ ܡܐ̈ܢܘܗܝ ܕܣܪܝܩܐ܂ ܘܗܘ ܬܪܥܝܬܐ ܡܬܚܫܒ܂ ܠܡܚܒܠܘ ܡܣ̈ܟܢܐ/ܠܡܣ̈ܟܢܐ#3#/ ܒܡܐܡܪܐ ܕܫܘܩܪܐ܃ ܘܡܠܬܗ ܕܒ݁ܝܫܐ ܒܕܝܢܐ܂
32:08 ܘܪܒܐ ܪܒܘܬܐ ܡܬܪܥܐ܂ ܘܗܘ ܥܠ ܪܒܘܬܐ ܢܩܘܡ܂
32:09 ܢܫ̈ܐ ܥܬܝܪ̈ܬܐ ܩܘܡ̈ܝܢ ܫܡ̈ܥܝܢ ܩܠܝ/ܠܩܠܝ#3#/܂ ܒܢ̈ܬܐ ܕܡܣܒܪ̈ܢ ܨܘ̈ܬܝܢ ܡ̈ܠܝ/ܠܡ̈ܠܝ#1##2#/܂
32:10 ܝܘܡ̈ܬܐ ܕܫܢܬܐ ܢܪ̈ܓܙܢ ܐܝܠܝܢ ܕܡܣܒܪ̈ܢ܂ ܡܛܠ ܕܓܡܪ ܩܛܦܐ ܘܐܬܚܡܠ ܘܠܐ ܐܬܐ܂
32:11 ܙܘ̈ܥܝܢ ܥܬܝܪ̈ܬܐ܂܂ ܘܪ̈ܓܙܝܢ ܐܝܠܝܢ ܕܡܣܒܪ̈ܢ܂܂ ܫ̈ܠܚܝܢ ܥܪܛܠ ܡܚ̈ܝܢ ܣܩ̈ܐ ܒܚ̈ܨܝܟܝܢ܂
32:12 ܘܥܠ ܬܕ̈ܝܟܝܢ ܐܪ̈ܩܕܝܢ܃ ܥܠ ܬܕܐܐ ܕܚܩܠܐ ܘܥܠ ܓܦܬܐ ܕܦܐܪ̈ܝܗ݀܂
32:13 ܘܥܠ ܐܪܥܗ ܕܥܡܝ ܟܘܒ̈ܐ ܘܝܥܪܐ ܢܐܥܘܢ܂ ܘܒܟܠܗܘܢ ܒ̈ܬܐ ܕܚܕܘܬܐ܃ ܘܒܩܪܝܬܐ/ܘܩܪܝܬܐ#3#/ ܥܫܝܢܬܐ܂
32:14 ܡܛܠ ܕܢܘܣܐ ܐܬܛܥܝ܂ ܘܚܝܠܐ ܕܩܪܝܬܐ ܐܫܬܒܩ܂ ܘܫܘܦܪܗܘܢ ܕܒ̈ܬܐ ܗܘܐ ܠܡܥܪ̈ܐ ܥܕܡܐ ܠܥܠܡ܂ ܟܘ̈ܒܐ ܘܚܕܘܬܐ ܠܥܪ̈ܕܐ܂ ܘܒܝܬ ܪܥܝܐ ܠܓܙܪ̈ܐ ܕܥܢܐ܂
32:15 ܥܕܡܐ ܕܬܬܥܝܪ ܥܠܝܢ ܪܘܚܐ ܡܢ ܡܪܘܡܐ/ܪܘܡܐ#3#/܂ ܘܢܗܘܐ ܡܕܒܪܐ ܐܝܟ ܟܪܡܠܐ܂ ܘܟܪܡܠܐ ܐܝܟ ܥܒܐ ܢܬܚܫܒ܂
32:16 ܘܢܫܪܐ ܕܝܢܐ ܒܡܕܒܪܐ܂ ܘܙܕܝܩܘܬܐ ܒܟܪܡܠܐ ܬܬܝܗܒ܂
32:17 ܘܢܗܘܐ ܥ݁ܒܕܗ݀ ܕܙܕܝܩܘܬܐ ܫܠܡܐ܂ ܘܦܘܠܚܢܗ݀ ܕܙܕܝܩܘܬܐ ܫܠܝܐ܂ ܘܣܒܪܐ ܠܥܠܡ ܥܠܡܝܢ܂
32:18 ܘܢܬܒ ܥܡܝ ܒܕܝܪܐ ܕܫܠܡܐ ܘܒܡܫܟܢܐ ܕܣܒܪܐ܂ ܘܒܝܬ ܡܫܪܝܐ ܕܣܒܪܐ܂
32:19 ܘܒܪܕܐ ܢܚܘܬ ܥܠ ܥܒܐ܂ ܘܐܝܟ ܦܩܥܬܐ ܬܬܡܟܟ ܡܕܝܢܬܐ܂
32:20 ܛܘܒܝܟܘܢ ܕܙܪܥ݁ܝܢ ܥܠ ܟܠ ܡ̈ܝܢ܃ ܟܪ ܕܕ݁ܪܟ ܬܘܪܐ ܘܚܡܪܐ܂

next chapter