← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62012: P Is

Click on a word for lexical analysis
Click on a red-colored coordinate for comments and/or translations of the line

previous chapter


33:01 ܘܝ ܠܕܒܐ݁ܙ ܐܢܬܘܢ ܠܐ ܬܒܙܘܢ܂ ܘܕܓܠܐ ܠܐ ܢܕܓܠ ܒܟܘܢ܂ ܡܐ ܕܨܒܝܬܘܢ ܠܡܒܙ ܬܬܒܙܘܢ܂ ܘܡܐ ܕܨܒܝܬܘܢ ܠܡܕܓܠܘ ܢܬܕܓܠ ܒܟܘܢ܀
33:02 ܡܪܝܐ ܪܚܡ ܥܠܝܢ܂ ܡܛܠ ܕܥܠܝܟ ܗܘ ܣܒܪܢ܂ ܗܘܝ ܥܕܘܪܢ ܒܨܦܪܐ܃ ܘܦܪܘܩܢ ܒܙܒܢܐ ܕܐܘܠܨܢܐ܂
33:03 ܡܢ ܩܠ/ܩܕܡ#1##2#/ ܕܚܠܬܟ ܢܕܘ ܥܡ̈ܡܐ/ܛܘܪ̈ܐ#3#/܂ ܘܡܢ ܪܡܘܬܟ ܐܬܒܕܪܘ ܥܡ̈ܡܐ܂
33:04 ܡܟܝܠ ܬܬܟܢܫ ܒܙܬܟܘܢ ܐܝܟ ܟܢܘܫܝܐ ܕܙܚܠܐ܂ ܘܐܝܟ ܟܢܘܫܝܐ ܕܩܡܨܐ ܕܟܢܝܫ܂
33:05 ܐܬܬܪܝܡ ܡܪܝܐ ܕܥܡ݁ܪ ܒܡܪܘܡܐ܂ ܘܡܠܗ݀ ܠܨܗܝܘܢ ܕܝܢܐ ܘܙܕܝܩܘܬܐ܂
33:06 ܘܢܗܘܐ ܙܒܢܟ ܗܝܡܢܘܬܐ/ܒܗܝܡܢܘܬܐ#3#/ ܘܦܘܪܩܢܟ ܒܣܬܪܐ܂ ܚܟܡܬܐ ܘܐܝܕܥܬܐ ܕܚܠܬܗ ܕܡܪܝܐ ܗܝ ܗܝ ܓܙܗ܂
33:07 ܐܢ ܐܬܚܙܐ ܠܗܘܢ ܢܝܠܠܘܢ ܩܫܝܐܝܬ܂ ܘܡܠܐ̈ܟܐ ܕܫܠܡܐ ܢܒܟܘܢ ܡܪܝܪܐܝܬ܂
33:08 ܨܕܘ ܫܒ̈ܝܠܐ ܘܒܛܠܘ ܥܒ݁ܪ̈ܝ ܐܘܪܚܐ܂ ܘܒܛܠ ܩܝܡܐ ܘܩܘܪ̈ܝܐ ܐܣܬܠܝ܂ ܘܐܢܫܐ ܠܐ ܐܬܚܫܒܘ܂
33:09 ܐܠܬ ܘܝܬܒܬ ܒܐܒܠܐ ܐܪܥܐ܂ ܘܐܚܦܪ ܠܒܢܢ ܘܒܗܬ܂ ܘܗܘܐ ܫܪܘܢܐ ܐܝܟ ܦܩܥܬܐ ܚܪܒܬ ܒܝܫܢ ܘܟܪܡܠܐ܀
33:10 ܡܟܝܠ ܐܩܘܡ ܐܡ݁ܪ ܡܪܝܐ܂ ܡܟܝܠ ܐܬܬܪܝܡ ܘܡܟܝܠ ܐܫܬܩܠ܂
33:11 ܘܬܒܛܢܘܢ ܟܘ̈ܒܐ ܘܬܐܠܕܘܢ ܩܫܬܐ ܒܪܘܚܟܘܢ܂ ܢܘܪܐ ܬܐܟܘܠܟܘܢ܂
33:12 ܘܢܗܘܘܢ ܥܡ̈ܡܐ ܡܘܩܕܝܢ ܐܝܟ ܟܠܫܐ܂ ܘܐܝܟ ܟܘ̈ܒܐ ܕܟܢܝܫܝܢ ܒܢܘܪܐ ܢܐܩܕܘܢ܃
33:13 ܫܡܥܘ ܪ̈ܚܝܩܐ ܡܕܡ ܕܥܒ݁ܕܬ܂ ܘܕܥܘ ܩܪ̈ܝܒܐ ܓܢܒܪܘܬܝ܂
33:14 ܐܬܪܗܒܘ ܚ̈ܛܝܐ ܒܨܗܝܘܢ܃ ܘܐܪܬܝܬܐ ܢܦܠ ܒܚܢ̈ܦܐ܂ ܡܢܘ ܢܥܡܪ ܠܢ ܥܡ ܢܘܪܐ ܐܟܠܬܐ܂ ܘܡܢܘ ܢܥܡܪ ܠܢ ܥܡ ܡܘܩܕܬ ܥ̈ܠܡܐ܂
33:15 ܕܡܗܠܟ ܒܙܕܝܩܘܬܐ ܘܡܡܠܠ ܬܪܝܨܘܬܐ܃ ܘܣ݁ܢܐ ܢܟܠܐ ܘܛܠܘܡܝܐ܃ ܘܢ݁ܦܨ ܐܝܕܗ ܡܢ ܕܠܡܣܒ ܫܘܚܕܐ܃ ܘܡܣܟܪ ܐ̈ܕܢܘܗܝ ܕܠܐ ܢܫܡܥ܃ ܘܡܥܡܨ ܥܝ̈ܢܘܗܝ ܕܠܐ ܢܚܙܐ ܒܝܫܬܐ܃
33:16 ܗܢܐ ܒܡܪܘܡܐ/ܒܪܘܡܐ#3#/ ܢܥܡܪ܂ ܘܒܥܘܫܢܐ ܕܫܩܝܦܐ ܡܫܪܝܗ܂ ܠܚܡܗ ܝܗܝܒ ܘܡ̈ܘܗܝ ܡܗܝܡܢܝܢ܂
33:17 ܠܡܠܟܐ ܒܫܘܦܪܗ ܢܚ̈ܙܝܢ ܥܝܢ̈ܝܟ ܒܐܪ̈ܥܬܐ ܪ̈ܚܝܩܬܐ܂
33:18 ܘܠܒܟ ܢܬܝܠܦ ܕܚܠܬܐ܂ ܐܝܟܘ ܣ݁ܦܪܐ܂ ܐܝܟܘ ܬܩܘܠܐ܂ ܐܝܟܘ ܕܡ݁ܢܐ ܡ̈ܓܕܠܐ
33:19 ܠܥܡܐ ܥܫܝܢܐ܂ ܠܐ ܢܚܘܪ ܠܥܡܐ ܕܥܛܠ ܫܡܥܗ܃ ܘܠܥܓ ܠܫܢܗ ܘܠܐ ܡܣܬܟܠ܂
33:20 ܚܙܝ ܠܨܗܝܘܢ ܩܪܝܬܐ ܕܥܕܥܐ̈ܕܝܢ܃ ܘܥ̈ܝܢܝܟ ܢܚܘܪ̈ܢ ܒܐܘܪܫܠܡ ܕܝܪܐ/ܩܪܝܬܐ#3#/ ܥܬܝܪܬܐ܂ ܡܫܟܢܐ ܕܠܐ ܙܐ݁ܥ ܂ܘܠܐ ܡܬܥܩܪ̈ܢ ܣ̈ܟܘܗܝ ܠܥܠܡܝܢ܂ ܘܟܘܠܗܘܢ ܛܘܢܒ̈ܘܗܝ ܠܐ ܡܬܦܣܩܝܢ܂
33:21 ܡܛܠ ܕܡܪܝܐ ܫܡܐ/ܫܠܡܐ#3#/ ܗܘ ܠܢ ܡܫܒܚܐ܂ ܘܗܘ ܢܗܘܐ ܠܢ ܐܬܪܐ ܢܗܝܪܐ܂ ܘܢܗܝܪܘܬܐ ܘܐܪܘܚܬܐ ܕܐ̈ܝܕܝܐ܂ ܕܠܐ ܬܡܠܟ ܡܪܘܬܐ ܕܫܠܝܛܐ܂ ܘܥܫܝܢܐ ܕܢܫܬܟܚ ܠܐ ܢܥܒܪ ܒܗ݀܂
33:22 ܡܛܠ ܕܡܪܝܐ ܗܘ ܕܝ݁ܢܐ ܘܡܪܝܐ ܗܘ ܡܒܕܩܢܐ܂ ܘܡܪܝܐ ܗܘ ܡܠܟܢ ܘܗܘܝܘ ܦܪܘܩܢ܂
33:23 ܐܫܬܪܝܘ ܚܒ̈ܠܝܟܝ ܕܠܐ ܐܫܬܪܪܘ/ܐܫܬܕܪܘ#3#/܂ ܘܐܬܪܟܢܘ ܥܡܘܕ̈ܝܟܝ/ܥܡܘܪ̈ܝܟܝ#1##2#/ ܕܠܐ ܦܫܛܘ ܐܬܐ܂ ܥܕܡܐ ܕܦܠܓܘ ܒܙܬܐ܃ ܘܣܘܓܐܐ ܕܚܓܝܪ̈ܐ ܫܒܘ ܫܒܝܬܐ܂
33:24 ܘܠܐ ܢܐܡܪ ܥܡܘܪܐ ܕܟܪܝܗ ܐܢܐ܂ ܥܡܐ ܕܝܬ݁ܒ ܒܗ݀ ܩܒܠ ܚܛܗܐ܂ ܐܬܪܐ ܕܕܝܢܐ ‍<‍ܘܕܬܒܥܬܐ#3#‍>‍܃

next chapter