The Comprehensive Aramaic Lexicon

35:01	ܢܚܕܐ ܡܕܒܪܐ ܨܗܝܐ ܘܬܕܘܨ ܦܩܥܬܐ܂ ܘܬܦܪܥ ܐܝܟ ܚܡܨܠܝܬܐ܂

35:02	ܘܬܕܘܨ ܐܝܟ ܕܝܨܐ܂ ܘܒܫܘܒܚܐ ܐܝܩܪܐ ܕܠܒܢܢ ܢܬܝܗܒ ܠܗ݀܂ ܘܗܕܪܗ ܕܟܪܡܠܐ ܘܕܫܪܘܢܐ܂ ܗܢܘܢ ܢܚܙܘܢ/ܢܚܘܘܢ#3#/ ܐܝܩܪܗ ܕܡܪܝܐ ܘܗܕܪܗ ܕܐܠܗܢ܂ ܙܘܗܪܐ ܘܠܘܒܒܐ ܕܡܚ̈ܝܠܐ܃ ܕܐ݁ܬܐ ܦܪܘܩܐ ܘܦܪܩ ܠܗܘܢ܃

35:03	ܐܬܚ̈ܝܠܝܢ ܐ̈ܝܕܝܐ̈ ܕܡܪ̈ܦܝܢ܂ ܘܒܘܪ̈ܟܐ ܕܪ̈ܥܠܢ ܐܫܬܪ̈ܪܝܢ܂
35:04	ܐܡܪܘ ܠܙܥܘܪ̈ܝ ܠܒܐ܃ ܐܬܚܝܠܘ ܘܠܐ ܬܕܚܠܘܢ܂ ܗܐ ܐܠܗܟܘܢ ܬܒܘܥܐ ܐܬܐ܂ ܐܠܗܐ ܦܪܘܩܐ/ܦܪܘܥܐ#3#/ ܐ݁ܬܐ ܘܦܪܩ ܠܟܘܢ܂
35:05	ܗܝܕܝܢ ܢܬ̈ܦܬܚܢ ܥܝܢ̈ܝܗܘܢ ܕܥܘܝܪ̈ܐ܃ ܘܐ̈ܕܢܝܗܘܢ ܕܚܪ̈ܫܐ ܢܬܦܬ̈ܚܢ/ܢܫܡ̈ܥܢ#3#/܂
35:06	ܗܝܕܝܢ ܢܩܝܙ ܚܓܝܪܐ ܐܝܟ ܐܝܠܐ܃ ܘܢܬܦܫܛ ܠܫܢܗ ܕܦܐܩܐ܂ ܡܛܠ ܕܐܬܬܪܥܘ ܡ̈ܝܐ ܒܡܕܒܪܐ܃ ܘܢܚ̈ܠܐ ܒܦܩܥܬܐ܃
35:07	ܢܗܘܘܢ ܐ̈ܓܡܐ ܒܐܬܪܐ ܚܘܪܒܐ܃ ܘܡܒ̈ܘܥܐ ܕܡ̈ܝܐ ܒܝܬ ܨܗ̈ܘܢܐ܂ ܢܐܥܐ ܥܡܝܪܐ ܘܩܢܝܐ ܘܐܪܒܢܐ/ܘܪܒܐ#3#/ ܒܕܝܪܐ ܕܝܪ̈ܘܪܐ܂
35:08	ܘܢܗܘܐ ܬܡܢ ܫܒܝܠܐ܃ ܘܐܘܪܚܐ ܩܕܝܫܬܐ ܢܬܩܪܐ܂ ܘܠܐ ܬܥܒܪ ܒܗ ܛܢܦܘܬܐ܂ ܘܠܐ ܬܗܘܐ ܒܗ ܐܘܪܚܐ ‍<‍ܒܝܫܬܐ#3#‍>‍܂ ܘܣܟ̈ܠܐ ܠܐ ܢܛܥܘܢ ܬܡܢ܂
35:09	ܘܠܐ ܢܗܘܐ ܬܡܢ ܐܪܝܐ܂ ܘܚ̈ܝܘܬܐ ܒܝܫ̈ܬܐ ܠܐ ܢܣ̈ܩܢ ܘܠܐ ܢܫܬ̈ܟܚܢ ܬܡܢ܂ ܘܢܐܙܠܘܢ ܦܪ̈ܝܩܐ
35:10	ܦܪ̈ܝܩܘܗܝ ܕܡܪܝܐ܃ ܘܢܬܦܢܘܢ ܘܢܥܠܘܢ ܠܨܗܝܘܢ ܒܫܘܒܚܐ܂ ܘܠܥܠܡܝܢ ܬܗܘܐ ܚܕܘܬܐ ܥܠ ܪ̈ܝܫܝܗܘܢ܂ ܒܘܣܡܐ ܘܚܕܘܬܐ ܢܕܪܟܘܢ܂ ܘܢܥܪܩܘܢ ܕܘ̈ܘܢܐ ܘܬܐ̈ܢܚܬܐ܀܀܂