The Comprehensive Aramaic Lexicon

38:01	ܒܗܘܢ ܒܝ̈ܘܡܬܐ ܗܢ݁ܘܢ܃ ܐܬܟܪܗ ܚܙܩܝܐ ܠܡܡܬ ܘܐܬܐ ܠܘܬܗ ܐܫܥܝܐ ܢܒܝܐ ܒܪ ܐܡܘܨ ܘܐܡܪ ܠܗ܂ ܗܟܢܐ ܐܡ݁ܪ ܡܪܝܐ܂ ܦܩܕ ܥܠ ܒܝܬܟ܃ ܡܛܠ ܕܡܐ݁ܬ ܐܢܬ ܘܠܐ ܚ݁ܝܐ ܐܢܬ܂

38:02	ܘܐܦܢܝ ܚܙܩܝܐ ܐ̈ܦܘܗܝ ܠܐܣܬܐ܃ ܘܨܠܝ ܚܙܩܝܐ ܩܕܡ ܡܪܝܐ

38:03	ܘܐܡܪ܂ ܐܘܢ ܡܪܝܐ܃ ܐܬܕܟܪ ܕܗܠܟ݁ܬ ܩܕܡܝܟ ܒܩܘܫܬܐ ܘܒܠܒܐ ܫܠܡܐ܃ ܘܕܫܦܝܪ ܩܕܡܝܟ ܥܒ݁ܕܬ܂ ܘܒܟܐ ܚܙܩܝܐ ܒܟܬܐ ܪܒܬܐ܂
38:04	ܘܗܘܐ ܦܬܓܡܗ ܕܡܪܝܐ ܥܠ ܐܫܥܝܐ ‍<‍ܢܒܝܐ#3#‍>‍ ܠܡܐܡܪ܂
38:05	ܙܠ ܐܡܪ ܠܚܙܩܝܐ ܡܠܟܐ ܕܝܗܘܕܐ܃ ܗܟܢܐ ܐܡ݁ܪ ܡܪܝܐ ܐܠܗܗ ܕܕܘܝܕ ܐܒܘܟ܂ ܫܡ݁ܥܬ ܨܠܘܬܟ ܘܚܙ݁ܝܬ ܕܡ̈ܥܝܟ܂ ܗܐ ܡܘܣܦ ܐܢܐ ܥܠ ܝܘܡ̈ܬܟ ܚܡܫܥܣܪ̈ܐ ܫ̈ܢܝܢ܂
38:06	ܘܡܢ ܐ̈ܝܕܘܗܝ ܕܡܠܟܐ ܕܐܬܘܪ ܐܦܨܝܟ ܘܠܡܕܝܢܬܐ ܗܕܐ܂ ܘܐܓܢ ܥܠ ܡܕܝܢܬܐ ܗܕܐ ‍<‍ܘܐܦܪܩܝܗ݀#3#‍>‍܂
38:07	ܘܗܕܐ ܠܟ ܐܬܐ ܡܢ ܩܕܡ ܡܪܝܐ܃ ܕܥܒ݁ܕ ܡܪܝܐ ܦܬܓܡܐ ܗܢܐ ܕܐܡܪ܂
38:08	ܗܐ ܡܗܦܟ ܐܢܐ ܛܠܠܐ ܕܕܪ̈ܓܐ ܕܢܚ݁ܬ ܒܕܪ̈ܓܐ ܕܐܚܙ ܐܒܘܟ܃ ܫܡܫܐ ܠܒܣܬܪܗ ܥܣܪ̈ܐ ܕܪ̈ܓܝܢ܂ ܘܗܦܟ ܫܡܫܐ ܠܒܣܬܪܗ ܥܣܪ̈ܐ ܕܪ̈ܓܝܢ ܒܕܪ̈ܓܐ ܕܢܚܬ܂
38:09	ܟܬܒܗ/ܨܠܘܬܗ#3#/ ܕܚܙܩܝܐ ܡܠܟܐ ܕܝܗܘܕܐ܃ ܟܕ ܐܬܟܪܗ ܘܚܝܐ/ܘܐܬܚܠܡ#3#/ ܡܢ ܟܘܪܗܢܗ܃
38:10	ܐܢܐ ܐܡ݁ܪܬ ܕܒܦܠܓܘܬ ܝܘ̈ܡܝ ܐܙܠ܂ ܒܬܪܥܐ ܕܫܝܘܠ ܫܒ݁ܩܬ ܫܪܟܐ ܕܫ̈ܢܝ܂
38:11	ܐܡ݁ܪܬ ܕܠܐ ܐܚܙܐ ܠܡܪܝܐ ܒܐܪܥܐ ܕܚ̈ܝܐ܂ ܘܬܘܒ ܠܐ ܐܚܙܐ ܐܢܫܐ ܥܡ ܥܡ݁ܪ̈ܝ ܚܦܪܐ܂
38:12	ܕܪܝ \ܫܩܠ ܘܥܒܪ /ܥܒܪ ܘܫܩܠ#3#/ ܡܢܝ܂ ܐܝܟ ܡܫܟܢܐ ܕܪ̈ܥܘܬܐ܂ ܐܬܩܦܕܘ ܐܝܟ ܣܝܪ̈ܣ ܚ̈ܝܝ܂ ܘܐܝܟ ܢܘܠܐ ܕܩܪܝܒ ܠܡܬܓܕܕܘ܂ ܡܢ ܐܝܡܡܐ ܘܥܕܡܐ ܠܠܠܝܐ/ܠܠܝܐ#3#/ ܐܫܠܡܬܢܝ܂
38:14	ܐܝܟ ܣܢܘܢܝܬܐ ܕܡܢܨܪܐ ܢܨ݁ܪܬ܂ ܘܐܝܟ ܝܘܢܐ ܢܗ݀ܡܬ܃ ܐܪܝܡ݁ܬ ܥܝܢ̈ܝ ܠܡܪܘܡܐ܂ ܡܪܝܐ ܦܨܢܝ ܘܒܣܡܝܢܝ܂
38:15	ܘܡܢܐ ܐܡܠܠ ܐܡܪ ܠܝ܂ ܘܗܘ ܥܒܪ/ܥܒܕ#3#/ ܘܐܢܕ ܟܠܗ݀܂ ܫܢܬܝ ܥܠ ܡܪ̈ܪܐ ܕܢܦܫܝ܂
38:16	ܡܪܝܐ ܥܠܝܗܘܢ ܢܚܘܢ܂ ܡܛܠ ܗܠܝܢ ܚ̈ܝܐ ܕܪܘܚܝ܂ ܐܚܠܡܝܢܝ ܘܐܚܢܝ܂
38:17	ܗܐ/ܠܗܐ#3#/ ܠܫܠܡܐ ܡܪ ܠܝ ܡܪ̈ܪܐ܂ ܘܐܢܬ ܨܒܝܬ ܒܢܦܫܝ ܕܠܐ ܬܒܠܐ ܒܚܒܠܐ܂ ܡܛܠ ܕܫܕܝܬ ܒܣܬܪ ܓܘܫܡܟ ܟܠܗܘܢ ܚ̈ܛܗܝ܂
38:18	ܡܛܠ ܕܠܐ ܫܝܘܠ ܬܘܕܐ ܠܟ܃ ܐܦ ܠܐ ܡܘܬܐ ܢܫܒܚܟ܂ ܘܠܐ/ܐܦܠܐ#3#/ ܢܣܒܪܘܢ ܠܩܘܫܬܟ܂ ܐܝܠܝܢ ܕܢܚ݁ܬܝܢ ܠܓܘܒܐ܂
38:19	ܐܠܐ ܢܘܕܘܢ ܠܟ ܚ̈ܝܐ ܕܐܟܘܬܝ ܝܘܡܢܐ܂ ܘܐܒܐ ܠܒ̈ܢܝܐ ܢܚܘܐ ܗܝܡܢܘܬܟ܂
38:20	ܡܪܝܐ ܢܦܪܩܢ܂ ܘܬܫ̈ܒܚܬܗ ܢܫܒܚ ܟܠܗܘܢ ܝܘܡ̈ܬܐ ܕܚ̈ܝܝܢ ܒܒܝܬܗ ܕܡܪܝܐ܂
38:22	ܘܐܡܪ ܚܙܩܝܐ܂ ܡܢܐ ܗܝ ܐܬܐ ܕܣ݁ܠܩ ܐܢܐ ܠܒܝܬܗ ܕܡܪܝܐ܂
38:21	ܘܐܡܪ ܐܫܥܝܐ܂ ܢܣܒܘܢ ܕܒܠܬܐ ܕܬܐ̈ܢܐ܃ ܘܢܣܝܡܘܢ ܥܠ ܫܘܚܢܐ ܘܡܬܚܠܡ܂