The Comprehensive Aramaic Lexicon

40:01	ܒܝܐܘܗܝ ܒܝܐܘܗܝ ܠܥܡܝ ܐܡ݁ܪ ܐܠܗܟܘܢ܂
40:02	ܡܠܘ ܒܠܒܗ݀ ܕܐܘܪܫܠܡ ܘܩܪܘ ܠܗ݀܂ ܡܛܠ ܕܐܬܡܠܝܬ ܚܝܠܐ ܘܨܒܬ ܒܚܛܝܬܐ܂ ܘܩܒܠܬ ܡܢ ܐܝܕܗ ܕܡܪܝܐ ܐܥܦܐ ܕܟܠܗܘܢ ܚ̈ܛܗܝܗ܀
40:03	ܩܠܐ ܕܩ݁ܪܐ ܒܡܕܒܪܐ܂ ܦܢܘ ܐܘܪܚܐ ܠܡܪܝܐ܂ ܘܬܪܘܨܘ ܒܦܩܥܬܐ ܫܒ̈ܝܠܐ ܠܐܠܗܢ܂
40:04	ܟܠܗܘܢ ܢܚ̈ܠܐ ܢܬܡܠܘܢ܂ ܘܟܠܗܘܢ ܛܘܪ̈ܐ ܘܪ̈ܡܬܐ ܢܬܡܟܟܘܢ܂ ܘܢܗܘܐ ܥܪܡܐ ܠܫܦܝܐ܃ ܘܐܬܪܐ ܥܣܩܐ ܠܦܩܥܬܐ܂
40:05	ܘܢܬܓܠܐ ܐܝܩܪܗ ܕܡܪܝܐ ܘܢܚܙܘܢܗ ܐܟܚܕܐ ܟܠ ܒܣܪ܂ ܡܛܠ ܕܦܘܡܗ ܕܡܪܝܐ ܡܠܠ܂
40:06	ܩܠܐ ܕܐܡ݁ܪ ܩܪܝ܂ ܘܐܡܪ ܡܢܐ ܐܩܪܐ܂ ܟܠ ܒܣܪ ܥܡܝܪܐ܂ ܘܟܠܗ݀ ܝܐܝܘܬܗ ܐܝܟ ܥܘܦܝܐ ܕܚܩܠܐ܂
40:07	ܐܝܒܫ ܥܡܝܪܐ ܘܚܡܐ ܥܘܦܝܐ܂ ܡܛܠ ܕܪܘܚܗ ܕܡܪܝܐ ܢܫܒܬ ܒܗ܂ ܗܟܢܐ ܗܘ ܥܡܝܪܗ ܕܥܡܐ ܗܢܐ܂
40:08	ܝܒ݁ܫ ܥܡܝܪܐ ܘܚ݁ܡܐ ܥܘܦܝܐ܃ ܘܡܠܬܗ ܕܐܠܗܢ ܩܝܡܐ ܠܥܠܡܝܢ܂
40:09	ܥܠ ܛܘܪ̈ܐ ܪ̈ܡܐ ܣܩܝ ܠܟܝ ܨܗܝܘܢ̈ ܡܣܒܪܬܐ܂ ܐܪܝܡܝ ܩܠܟܝ ܒܚܝܠܐ ܐܘܪ̈ܫܠܡ ܡܣܒܪܬܐ܂ ܐܪܝܡܝ ܘܠܐ ܬܕܚܠܝܢ܂ ܐܡܪܘ ܠܩܘܪ̈ܝܐ ܕܝܗܘܕܐ ܗܐ ܐܠܗܟܝܢ܂
40:10	ܗܐ ܡܪܝܐ ܐܠܗܐ ܐܬܐ ܒܥܘܫܢܐ ܘܕܪܥܗ ܒܚܝܠܐ܂ ܗܐ ܐܓܪܗ ܥܡܗ ܘܥ݁ܒܕܗ ܩܕܡܘܗܝ܂
40:11	ܐܝܟ ܪܥܝܐ ܕܪܥ݁ܐ ܠܓܙܪܗ܃ ܘܒܕܪܥܗ ܡܟܢܫ ܐܡܪ̈ܐ܃ ܘܒܚܢܗ/ܘܒܚܢܢܗ#3#/ ܫܩ݁ܠ ܠܗܘܢ܃ ܘܠܕܡܝ̈ܢܩܢ ܡܬܪܣܐ܃
40:12	ܡܢܘ ܐܟܝܠ ܡ̈ܝܐ ܒܫܘܥܠܗ܃ ܘܫܡܝܐ ܡܫܚ ܒܙܪܬܗ܃ ܘܐܟܝܠ ܒܙܘܪܗ ܥܦܪܐ ܕܐܪܥܐ܃ ܘܬܩܠ ܛܘܪ̈ܐ ܒܡܬܩܠܐ܃ ܘܪ̈ܡܬܐ ܒܡܣܐܬܐ܂
40:13	ܡܢܘ ܬܩܢ ܪܘܚܗ ܕܡܪܝܐ܂ \ܐܘ ܡܢܘ /ܘܡܢܘ#3#/ ܗܘܐ ܠܗ ܒܥܠ/ܡ݁ܠܟ#3#/ ܡܠ݂ܟܐ܂
40:14	ܒܡܢܘ ܐܬܡܠܟ ܘܐܠܦܗ܃ ܘܣܟܠܗ ܐܘܪܚܐ ܕܕܝܢܐ܃ ܘܐܠܦܗ ܝܕܥܬܐ܃ ܘܐܘܪܚܐ ܕܣܘܟܠܐ ܚܘܝܗ܂
40:15	ܗܐ ܥܡ̈ܡܐ ܐܝܟ ܢܘܛܦܬܐ ܡܢ ܩܕܣܐ܂ ܘܐܝܟ ܢܙܠܐ ܕܡܣܐܬܐ܂ ܘܓܙܪ̈ܬܐ ܐܝܟ ܕܚܝܚܐ ܢܫ̈ܬܕܝܢ܂
40:16	ܘܠܒܢܢ ܠܐ ܚܫܝܒ ܠܗ ܠܝܩܕܢܐ ܘܚܝܘܬܗ ܠܐ ܚܫܝܒܐ ܠܗ ܠܥܠܬܐ܂
40:17	ܘܟܠܗܘܢ ܥܡ̈ܡܐ ܐܝܟ ܠܐ ܡܕܡ ܚܫܝܒܝܢ ܠܗ܂ ܠܐܒܕܢܐ ܘܠܚܪܒܐ ܚܫܝܒܝܢ ܠܗ܂
40:18	ܠܡ݁ܢ ܕܡܝܬܘܢܝܗܝ ܠܐܠܗܐ܂ ܘܠܐܝܕܐ ܕܡܘܬܐ ܕܡܝܬܘܢܝܗܝ܂
40:19	ܨܠܡܐ ܗܘ ܕܥܒܕ ܢܓܪܐ܃ ܘܩܝܢܝܐ ܒܕܗܒܐ ܩܪܡܗ܃ ܘܣܐܡܐ ܨܪܝܦܐ
40:20	ܩܒܥ ܒܗ܃ ܦܪܝܫ ܗܘ ܩܝܣܐ ܕܠܐ ܡܒܠܛ܂ ܘܓܒܐ/ܕܓܒܐ#3#/ ܢܓܪܐ ܘܒܚܟܡܬܗ ܓܠܦܗ܂ ܘܡܬܩܢ ܨܠܡܐ ܕܠܐ ܙܐ݁ܥ܂
40:21	ܠܐ ܫܡܥܬܘܢ ܘܠܐ ܝܕܥܬܘܢ܃ ܘܠܐ ܐܬܐܡܪ ܠܟܘܢ ܡܢ ܪܫܝܬܐ܃ ܘܠܐ ܐܣܬܟܠܬܘܢ ܫܬܐ̈ܣܝܗ݀ ܕܐܪܥܐ܃
40:22	ܘܠܡ݁ܢ ܕܝܬ݁ܒ ܥܠ ܚܘܓܬܗ݀ ܕܐܪܥܐ܃ ܘܥܡܘܪ̈ܝܗ݀ ܐܝܟ ܩܡܨܐ܂ ܕܡܬܚ ܫܡܝܐ ܐܝܟ ܟܦܬܐ܂ ܘܡܬܚ ܐܢܘܢ ܐܝܟ ܡܫܟܢܐ ܠܝܬܒܐ/ܕܝܬܒܐ#3#/܂
40:23	ܕܥܒܕ ܫ̈ܠܝܛܐ/ܫܠܝ̈ܛܢܐ#3#/ ܠܐ/ܠܠܐ#3#/ ܡܕܡ܂ ܘܕܝ݁ܢ̈ܐ ܕܐܪܥܐ ܐܝܟ ܕܠܝܬ ܐܢܘܢ܂
40:24	ܠܐ ܢܨܒܘܢ/ܢܚܨܕܘܢ#3#/ ܘܠܐ ܢܙܪܥܘܢ܂ ܘܠܐ ܢܪܡܘܢ ܥܩܪܐ ܒܐܪܥܐ܂ ܢܦܘܚ ܒܗܘܢ ܘܢܐܒܫܘܢ܂ ܘܥܠܥܠܐ ܬܫܩܘܠ ܐܢܘܢ ܐܝܟ ܕܠܚܒܬܐ܀
40:25	ܠܡ݁ܢ ܕܡܝܬܘܢܢܝ ܕܦܚ݁ܡ ܐܢܐ ܠܗ ܐܡ݁ܪ ܩܕܝܫܐ܂
40:26	ܐܪܝܡܘ ܥܝܢ̈ܝܟܘܢ ܠܡܪܘܡܐ܃ ܘܚܙܘ ܡܢܘ ܒܪܐ ܗܠܝܢ܂ ܕܡܦܩ ܒܡܢܝܢܐ ܚܝ̈ܠܘܬܗܘܢ܃ ܘܠܟܠܗܘܢ ܩܪܐ ܫܡ̈ܗܐ܂ ܒܣܘܓܐܐ ܕܐܝܩܪܗ ܘܒܥܘܫܢܐ ܕܚܝܠܗ ܐܢܫ ܠܐ ܛ݁ܥܐ ‍<‍ܠܗ#3#‍>‍܂
40:27	ܠܡܢܐ ܡܡܠܠ ܐܢܬ ܝܥܩܘܒ ܘܐܡ݁ܪ ܐܢܬ ܐܝܣܪܝܠ܂ ܕܡܛܫ̈ܝܢ ܐܘܪ̈ܚܬܝ ܡܢ ܡܪܝܐ܃ ܘܡܥܒܪ ܕܝܢܝ ܡܢ ܐܠܗܝ܂

40:28	ܠܐ ܝܕܥܬ ܘܠܐ ܫܡܥܬ܃ ܕܐܠܗܐ ܠܥܠܡ ܡܪܝܐ ܗܘ܃ ܕܒܪܐ ܣܘ̈ܦܝܗ݀ ܕܐܪܥܐ܂ ܠܐ ܡܬܛܪܦ ܘܠܐ ܠܐ݁ܐ܂ ܘܠܝܬ ܒܘܕܩܐ ܠܣܘܟܠܗ܂

40:29	ܝܗ݀ܒ ܚܝܠܐ ܠܡܛܪ̈ܦܐ܃ ܘܠܡܟܐ̈ܒܝ ܟܐܒܐ ܡܣܓܐ ܥܘܫܢܐ܂
40:30	ܢܬܛܪܦܘܢ ܥ̈ܠܝܡܐ ܘܢܠܐܘܢ/ܘܢܐܠܘܢ#1##2#/܂ ܘܓܕܘ̈ܕܐ ܡܬܬܩܠܘ ܢܬܬܩܠܘܢ܂
40:31	ܘܐܝܠܝܢ ܕܡܣܒܪܝܢ ܒܡܪܝܐ ܢܚܠܦܘܢ ܚܝܠܗܘܢ܂ ܘܢܘܥܘܢ/ܘܢܥܘܢ#3#/ ܓܦ̈ܐ ܐܝܟ ܕܝܘܢܐ܂ ܘܢܪܗܛܘܢ ܘܠܐ ܢܠܐܘܢ/ܢܐܠܘܢ#3#/܂ ܘܢܗܠܟܘܢ ܘܠܐ ܢܬܛܪܦܘܢ/ܢܬܬܩܠܘܢ#3#/܀