← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62012: P Is

Click on a word for lexical analysis
Click on a red-colored coordinate for comments and/or translations of the line

previous chapter


42:01 ܗܐ ܠܥܒܕܝ ܣܡܟ݁ܬ܂ ܘܒܓܒܝܝ ܨܒܬ ܢܦܫܝ܂ ܝܗܒ݁ܬ ܪܘܚܝ ܥܠܘܗܝ܂ ܕܢܦܩ ܕܝܢܐ ܠܥܡ̈ܡܐ܂
42:02 ܠܐ ܢܩܥܐ ܘܠܐ ܢܪܝܒ܂ ܘܠܐ ܢܫܡܥ ܩܠܗ ܒܫܘܩܐ܂
42:03 ܩܢܝܐ ܪܥܝܥܐ ܠܐ ܢܬܒܪ/ܢܬܬܒܪ#1##2#/܂ ܘܫܪܓܐ ܕܡܛܦܛܦ ܠܐ ܢܕܥܟ܂ ܒܩܘܫܬܐ ܢܦܩ ܕܝܢܐ܂
42:04 ܠܐ ܢܕܥܟ ܘܠܐ ܢܛܦܛܦ܂ ܥܕܡܐ ܕܢܣܝܡ ܕܝܢܐ ܒܐܪܥܐ܃ ܘܠܢܡܘܣܗ ܓܙܪ̈ܬܐ ܢܣ̈ܟܝܢ܂
42:05 ܗܟܢܐ ܐܡ݁ܪ ܡܪܝܐ ܐܠܗܐ܃ ܕܒܪܐ ܫܡܝܐ ܘܡܬܚ ܐܢܘܢ܃ ܘܪܩܥ ܐܪܥܐ ܘܟܠ ܕܒܗ݀܂ ܘܝܗܒ ܢܫܡܬܐ ܠܥܡܐ ܕܥܠܝܗ݀܂ ܘܪܘܚܐ ܠܕܡܗܠܟܝܢ ܒܗ݀܂
42:06 ܐܢܐ ܡܪܝܐ ܩ݁ܪܝܬܟ ܒܙܕܝܩܘܬܐ܂ ܘܐܚ݁ܕܬ ܒܐܝܕܟ ܘܚܝ݁ܠܬܟ܂ ܘܝܗ݀ܒܬܟ ܩܝܡܐ ܠܥܡܐ ܘܢܘܗܪܐ ܠܥܡ̈ܡܐ܂
42:07 ܕܬܦܬܚ ܥܝ̈ܢܐ ܕܥܘܝܪ̈ܐ܂ ܘܬܦܩ ܠܐܣܝܪܐ ܡܢ ‍<‍ܒܝܬ#3#‍>‍ ܚܒܘܫܝܐ܃ ܘܡܢ ܒܝܬ ܐܣܝܪ̈ܐ ܠܕܝ݁ܬܒܝܢ ܒܚܫܘܟܐ܂
42:08 ܐܢܐ ܐܢܐ ܡܪܝܐ ܘܗܢܘ ܫܡܝ܂ ܘܐܝܩܪܝ ܠܐܚܪܝܢ ܠܐ ܐܬܠ܂ ܐܦ ܠܐ ܬܫܒܘܚܬܝ ܠܓܠܝ̈ܦܐ܂
42:09 ܚ̈ܕܬܬܐ ܐܢܐ ܡܚܘܐ܂ ܘܩܕܡܝ̈ܬܐ ܗܐ ܐ̈ܬܝ܂ ܘܥܕ ܠܐ ܢܨܡܚ̈ܢ ܐܫ݁ܡܥܬ ܐ̈ܢܝܢ ܠܟܘܢ܂
42:10 ܬܫܒܘܚܬܐ ܕܐܫܥܝܐ܂ ܫܒܚܘ ܠܡܪܝܐ ܬܫܒܘܚܬܐ ܚܕܬܐ܂ ܬܫܒܘܚܬܗ ܡܢ ܣܘ̈ܦܝܗ݀ ܕܐܪܥܐ܂ ܢ݁ܚ̈ܬܝ ܝܡܐ ܒܡܠܐܗ܃ ܘܓܙܪ̈ܬܐ ܘܕܥܡ݁ܪܝܢ ܒܗܝܢ܂
42:11 ܢܚܕܐ ܡܕܒܪܐ ܘܩܘܪ̈ܝܗ݀܂ ܘܡܪ̈ܓܐ ܬܗܘܐ ܩܕܪ܂ ܘܢܫܒܚܘܢ ܝ݁ܬ̈ܒܝ ܫܩܝ̈ܦܐ܂ ܘܡܢ ܪܝܫܐ ܕܛܘܪ̈ܐ ܢܩܥܘܢ܂
42:12 ܘܢܬܠܘܢ ܬܫܒܘܚܬܐ ܠܡܪܝܐ܂ ܘܬܫܒܚ̈ܬܗ ܢܚܘܘܢ ܒܓܙܪ̈ܬܐ܂
42:13 ܡܪܝܐ ܐܝܟ ܓܢܒܪܐ ܢܦܘܩ܂ ܘܐܝܟ ܓܒܪܐ ܩܪܒܬܢܐ ܢܓܪܓ ܛܢܢܐ܂ ܢܩܥܐ ܘܢܬܓܢܒܪ/ܘܢܬܓܒܪ#3#/ ܘܢܩܛܘܠ ܠܒ̈ܥܠܕܒܒܘܗܝ܀
42:14 ܫܬܩ݁ܬ ܡܢ ܥܠܡ ‍<‍ܠܐ#3#‍>‍ ܐܫܬܘܩ܃ ܣܝ݁ܒܪܬ ܐܝܟ ܝܠܕܬܐ܂ ܐܬܡܗ ܘܐܬܘܪ ܐܟܚܕܐ܂
42:15 ܐܚܪܒ ܛܘܪ̈ܐ ܘܪ̈ܡܬܐ ܘܟܠܗ ܥܘܫܢܗܘܢ ܐܘܒܫ܂ ܐܥܒܕ ܢܗܪ̈ܘܬܐ ܠܓܙܪ̈ܬܐ܂ ܘܐ̈ܓܡܐ ܐܘܒܫ܂
42:16 ܐܕܒܪ ܥܘܝܪ̈ܐ ܒܐܘܪܚܐ ܕܠܐ ܝܕܥ݁ܝܢ ‍<‍ܗܘܘ#3#‍>‍܂ ܘܒܫܒܝ̈ܠܐ ܕܠܐ ܝܕܥ݁ܝܢ ܗܘܘ ܐܗܠܟ ܐܢܘܢ܂ ܐܥܒܕ ܚܫܘܟܐ ܩܕܡܝܗܘܢ ܢܘܗܪܐ܂ ܘܥܪܡܐ ܐܫܦܐ܂ ܗܠܝܢ ܦܬܓܡ̈ܐ ܥܒ݁ܕܬ ܐܢܘܢ ܘܠܐ ܫܒ݁ܩܬ ܐܢܘܢ܂
42:17 ܢܗܦܟܘܢ ܠܒܣܬܪܗܘܢ ܘܢܒܗܬܘܢ ܒܒܗܬܬܐ/ܒܗܬܬܐ#3#/܃ ܐܝܠܝܢ ܕܬܟܝܠܝܢ ܥܠ ܓܠܝ̈ܦܐ܃ ܘܐܡ݁ܪܝܢ ܠܢܣ̈ܝܟܐ ܕܐܢܬܘܢ ܐܢܘܢ ܐ̈ܠܗܝܢ܃
42:18 ܚܪ̈ܫܐ ܫܡܥܘ܂ ܘܥܘܝܪ̈ܐ ܐܣܬܟܠܘ ܘܚܙܘ܂
42:19 ܡܢܘ ܥܘܝܪܐ ܐܠܐ/ܐܝܟ#3#/ ܥܒܕܝ܃ ܘܚܪܫܐ ܐܝܟ ܡܠܐܟܝ ܕܐܫܕܪ܂ ܡܢܘ ܥܘܝܪܐ ܐܝܟ ܫܠܝܛܐ܃ ܘܥܘܝܪܐ ܐܝܟ ܥܒܕܗ ܕܡܪܝܐ܂
42:20 ܚ݁ܪܬ ܣܓܝ ܘܠܐ ܢ݁ܛܪܝܢ ܐܢܬܘܢ܂ ܘܦܬܚ݁ܬ ܐ̈ܕܢܐ ܘܠܐ ܫܡ݁ܥܝܢ ܐܢܬܘܢ܂
42:21 ܡܪܝܐ ܨܒܐ ܡܛܠ ܙܕܝܩܘܬܗ܃ ܕܢܘܪܒ ܢܡܘܣܐ ܘܢܫܒܚܝܘܗܝ܂
42:22 ܘܗܘ ܥܡܐ ܒܙܝܙܐ ܘܕܝܫܐ܂ ܦܚ̈ܐ ܐܢܘܢ ܟܠܗܘܢ ܓܕܘ̈ܕܐ܂ ܘܒܒܬ̈ܐ ܐܣܝܪ̈ܐ ܛܫܝܘ܂ ܗܘܘ ܠܒܙܬܐ ܘܠܝܬ ܕܡܦܨܐ܂ ܘܠܕܝܫܐ ܘܠܝܬ ܕܡܦܢܐ܂
42:23 ܡܢܘ ܐܝܬ ܒܟܘܢ ܕܢܫܡܥ ܗܕܐ܃ ܘܢܨܘܬ ܘܢܫܡܥ ܠܐܚܪܬܐ/ܠܐܚܪܝܬܐ#3#/܂
42:24 ܡܢܘ ܝܗܒ ܠܝܥܩܘܒ ܠܕܝܫܐ/ܠܒܙܙܐ#3#/ ܘܠܐܝܣܪܐܝܠ ܠܒܙܙܐ/ܠܕܝܫܐ#3#/ܠܒܙܬܐ#3#/܂ ܠܐ ܗܘܐ ܡܪܝܐ܃ ܥܠ ܕܚܛܝܢ ܠܗ܃ ܘܠܐ ܨܒܝܢ ܠܡܗܠܟܘ ܒܐܘܪ̈ܚܬܗ܂ ܘܠܐ ܫܡܥܢ ܢܡܘܣܗ/ܐܘܪ̈ܚܬܗ ܘܢܡܘܣܗ#3#/܂
42:25 ܐܫܕ ܥܠܝܗܘܢ ܚܡܬܐ ܕܪܘܓܙܗ ܘܥܘܫܢܐ ܕܩܪܒܐ܂ ܐܘܩܕ ܐܢܘܢ ܡܢ ܚܕܪ̈ܝܗܘܢ ܘܠܐ ܝܕܥܘ܂ ܘܚܒܬ ܒܗܘܢ ܢܘܪܐ ܘܠܐ ܐܝܬܝܘ ܥܠ ܒܠܗܘܢ܀

next chapter