← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

62012: P Is

Click on a word for lexical analysis
Click on a red-colored coordinate for comments and/or translations of the line

previous chapter


45:01 ܗܟܢܐ ܐܡ݁ܪ ܡܪܝܐ܃ ܠܡܫܝܚܗ ܠܟܘܪܫ ܕܐܚ݁ܕܬ ܒܝܡܝܢܗ܂ ܢܫܬܥܒܕܘܢ ܩܕܡܘܗܝ/ܩܘܕܡܘܗܝ#3#/ ܥܡ̈ܡܐ ܘܚܨܐ ܕܡ̈ܠܟܐ܂ ܐܫܪܐ ܠܡܦܬܚ ܩܕܡܘܗܝ ܬܪ̈ܥܐ܂ ܘܬܪ̈ܥܐ ܠܐ ܢܬܬܚܕܘܢ܃
45:02 ܐܢܐ ܩܕܡܝܟ ܐܙܠ܃ ܘܥܪܡܐ ܐܫܦܐ܂ ܬܪ̈ܥܐ ܕܢܚܫܐ ܐܬܒܪ܂ ܘܡܘ̈ܟܠܐ ܕܦܪܙܠܐ ܐܓܕܡ܂
45:03 ܘܐܬܠ ܠܟ ܣܝܡ̈ܬܐ ܕܒܚܫܘܟܐ ܘܛܡܝܪ̈ܬܐ ܡܣܬܪ̈ܬܐ܂ ܕܬܕܥ ܕܐܢܐ ܐܢܐ ܡܪܝܐ ܕܩ݁ܪܝܬܟ ܒܫܡܟ܂ ܐܠܗܗ ܕܐܝܣܪܝܠ܂
45:04 ܡܛܠ ܥܒܕܝ/ܕܥܒܕܝ#3#/ ܝܥܩܘܒ ܘܐܝܣܪܝܠ ܓܒܝܝ܂ ܩ݁ܪܝܬܟ ܒܫܡܟ ܘܟܢܝ݁ܬܟ ܘܠܐ ܝܕܥܬܢܝ܂
45:05 ܐܢܐ ܐܢܐ ܡܪܝܐ ܘܠܝܬ ܬܘܒ܂ ܠܒܪ ܡܢܝ ܠܝܬ ܐܠܗ܂ ܐܥܫܢ݁ܬܟ ܘܠܐ ܝܕܥܬܢܝ܂
45:06 ܕܢܕܥܘܢ ܡܢ ܡܕܢܚ̈ܝ ܫܡܫܐ ܘܡܢ ܡܥܪ̈ܒܘܗܝ܃ ܕܠܝܬ ‍<‍ܐܠܗ#3#‍>‍ ܠܒܪ ܡܢܝ܂ ܐܢܐ ܐܢܐ ܡܪܝܐ ܘܠܝܬ ܬܘܒ܂
45:07 ܕܓܒܠ ܢܘܗܪܐ ܘܒܪܐ ܚܫܘܟܐ܂ ܥܒܕ ܫܠܡܐ ܘܒܪܐ ܒܝܫܬܐ܂ ܐܢܐ ܐܢܐ ܡܪܝܐ ܕܥܒ݁ܕܬ ܗܠܝܢ ܟܠܗܝܢ܂
45:08 ܐܬܒܣܡܘ ܫܡܝܐ ܡܢ ܠܥܠ܂ ܘܥܢ̈ܢܐ ܢܪ̈ܣܢ ܙܕܝܩܘܬܐ ܬܬܦܬܚ ܐܪܥܐ ܘܢܣܓܐ ܦܘܪܩܢܐ܂ ܘܙܕܝܩܘܬܐ ܬܫܘܚ ܐܟܚܕܐ܂ ܐܢܐ ܐܢܐ ܡܪܝܐ ܕܒܪܝܬ ܗܠܝܢ܂
45:09 ܘܝ ܠܕܕܐ݁ܢ ܥܡ ܓܒܘܠܗ܃ ܚܨܦܐ ܡܢ/ܥܡ#3#/ ܚܨ̈ܦܝܗ݀ ܕܐܪܥܐ܂ ܕܠܡܐ ܐܡ݁ܪ ܛܝܢܐ ܠܦܚܪܐ ܡܢܐ ܥܒ݁ܕ ܐܢܬ܃ ܘܠܐ ܗܘ݁ܝܬ ܥ݁ܒܕܐ ܕܐܝ̈ܕܝܟ܃
45:10 ܘܝ ܠܕܐܡ݁ܪ ܠܐܒܐ ܡܢܐ ܡܘܠܕ ܐܢܬ܂ ܘܠܐܢܬܬܐ ܕܡܢܐ/ܡܢܐ#3#/ ܒܛܢܬܝ܂
45:11 ܗܟܢܐ ܐܡ݁ܪ ܡܪܝܐ ‍<‍ܐܠܗܐ#3#‍>‍ ܩܕܝܫܐ ܕܐܝܣܪܝܠ ܘܓܒܘܠܗ܂ ܡܪܝܐ ܚܝܠܬܢܐ ܫܡܗ܃ ܫܐܠܘܢܝ ܐܬ̈ܘܬܐ ܥܠ ܒܢ̈ܝ܃ ܘܥܠ ܥ݁ܒܕ ܐ̈ܝܕܝ ܦܩܕܘܢܝ/ܦܩܕܘܢܝ#3#/܂
45:12 ܐܢܐ ܥܒ݁ܕܬ ܐܪܥܐ ܘܒܪܢܫܐ ܥܠܝܗ݀܂ ܐܢܐ ܒܐ̈ܝܕܝ ܡܬܚ݁ܬ ܫܡܝܐ܂ ܘܦܩ݁ܕܬ ܠܟܠܗ ܚܝܠܗܘܢ܂
45:13 ܐܢܐ ܐܥܝ݁ܪܬܗ ܒܙܕܝܩܘܬܐ܃ ܘܟܠܗܝܢ ܐܘܪ̈ܚܬܗ ܐܫܦܐ܂ ܗܘ ܢܒܢܐ ܩܪܝܬܝ ܘܫܒܝܬܝ ܢܫܕܪ܂ ܠܐ ܒܕܡ̈ܝܐ/ܩܕܡ̈ܝܐ#2#/ ܘܠܐ ܒܫܘܚܕܐ ܐܡ݁ܪ ܡܪܝܐ ܚܝܠܬܢܐ܀
45:14 ܗܟܢܐ ܐܡ݁ܪ ܡܪܝܐ ܠܐܘܬܗ݀ ܕܡܨܪܝܢ܃ ܬܓܪ̈ܐ ܕܟܘܫ ܘܕܫܒܐ܂ ܓܒܪ̈ܐ ܕܡܫܘܚܬܐ ܥܠܝܟܝ ܢܥܒܪܘܢ܂ ܘܕܝܠܟܝ ܢܗܘܘܢ ܘܒܬܪܟܝ ܢܐܙܠܘܢ܂ ܘܒܫܫ̈ܠܬܐ ܢܥܒܪܘܢ܂ ܘܠܟܝ/ܘܒܟܝ#3#/ ܢܣܓܕܘܢ ܘܒܟܝ ܢܨܠܘܢ܂ ܕܒܟܝ ܗܘ ‍<‍ܗܘ#3#‍>‍ ܐܠܗܐ ܘܠܝܬ ܬܘܒ ܐܠܗ ܐܚܪܝܢ܂
45:15 ܫܪܝܪܐܝܬ ܐܢܬ ܗܘ ܡܣܬܪܐ/ܡܣܬܪܢܐ#3#/ ܐܠܗܗ ܕܐܝܣܪܝܠ ܘܦܪܘܩܗ܂
45:16 ܒܗܬܘ ܘܐܚܦܪܘ/ܘܚܦܪܘ#3#/ ܟܠܗܘܢ ܐܟܚܕܐ܂ ܕܡܗܠܟܝܢ ܒܚܦܪܐ ܘܓܠ݁ܦܝܢ ܦܬܟܪ̈ܐ܂
45:17 ܦܘܪܩܢܗ ܕܐܝܣܪܝܠ ܒܡܪܝܐ ܗܘ݁ ܦܪܘܩܐ/ܦܘܪܩܢܐ#3#/ ܕܥ̈ܠܡܐ܂ ܠܐ ܬܒܗܬܘܢ ܘܠܐ ܬܚܦܪܘܢ ܠܥܠܡ ܥܠܡܝܢ܂
45:18 ܡܛܠ ܕܗܟܢܐ ܐܡ݁ܪ ܡܪܝܐ ܕܒܪܐ ܫܡܝܐ܃ ܘܗܘܝܘ ܐܠܗܐ ܕܓܒܠ ܐܪܥܐ܃ ܘܥܒܕܗ݀ ܘܗܘܝܘ ܬܩܢܗ݀܂ ܠܐ ܗܘܐ ܣܪܝܩܐܝܬ ܒܪܗ݀܂ ܐܠܐ ܕܬܬܒ ܒܗ݀ ܒܪܝܬܗ܂ ܐܢܐ ܐܢܐ ܡܪܝܐ ܘܠܝܬ ܬܘܒ܂
45:19 ܠܐ ܗܘܐ ܒܛܘܫܝܐ ܡܠ݁ܠܬ ܒܐܬܪܐ ܕܐܪܥܐ ܚܫܘܟܬܐ܂ ܘܠܐ ܐܡ݁ܪܬ ܠܙܪܥܐ ܕܝܥܩܘܒ ܕܣܪܝܩܐܝܬ/ܣܪܝܩܐܝܬ#3#/ ܒܥܐܘܢܝ܂ ܐܢܐ ܐܢܐ ܡܪܝܐ ܕܡܡܠܠ ܐܢܐ ܙܕܝܩܘܬܐ ܘܡܚܘܐ ܐܢܐ ܬܪܝܨܘܬܐ܂
45:20 ܐܬܟܢܫܘ ܘܬܘ ܘܐܬܩܪܒܘ ܐܟܚܕܐ܃ ܐܝܠܝܢ ܕܡܬܦܨܝܢ ܡܢ ܥܡ̈ܡܐ܂ ܘܠܐ ܝܕܥܘ ܕܫܩܠܘ ܩܝܣܐ ܓܠܝܦܐ܃ ܘܨܠܝܘ ܠܐܠܗܐ ܕܠܐ ܦܪܩ܂
45:21 ܚܘܘ ܘܩܪܘܒܘ ܘܐܬܡܠܟܘ ܐܟܚܕܐ܂ ܡܢܘ ܐܫܡܥ ܗܕܐ ܡܢ ܩܕܝܡ܂ ܘܡܢ ܪܫܝܬܐ ܐܢܐ ܐܢܐ ܡܪܝܐ܃ ܘܠܝܬ ܬܘܒ ܐܠܗ ܠܒܪ ܡܢܝ܂ ܐܠܗܐ ܙܕܝܩܐ ܘܦܪܘܩܐ ܘܠܝܬ ܠܒܪ ܡܢܝ܂
45:22 ܐܬܩܪܒܘ ܠܘܬܝ ܟܘܠܟܘܢ ܥܒܪ̈ܝܗ݀ ܕܐܪܥܐ ܕܬܬܦܪܩܘܢ܂ ܡܛܠ ܕܐܢܐ ܐܢܐ ܡܪܝܐ ܘܠܝܬ ܬܘܒ܂
45:23 ܒܝ ܝܡ݁ܝܬ܃ ܘܢܦܩܬ ܡܢ ܦܘܡܝ ܡܠܬܐ ܕܙܕܝܩܘܬܐ ܘܠܐ ܬܗܦܘܟ/ܬܗܦܟ#3#/܂ ܕܠܝ/ܘܠܝ#3#/ ܬܟܘܦ ܟܠ ܒܪܘܟ܃ \ܘܒܝ ܢܐܡܐ /ܘܠܝ ܢܘܕܘܢ#3#/ ܟܠ ܠܫܢ܂
45:24 ܘܢܐܡܪܘܢ ܒܡܪܝܐ ܗܝ ܙܕܝܩܘܬܐ܂ ܘܥܫ̈ܝܢܐ ܠܘܬܗ ܢܐܙܠܘܢ܂ ܘܢܒܗܬܘܢ ܟܠ ܕܣܩ݁ܪܝܢ ܠܟ܂
45:25 ܒܝ ܢܫܬܒܚ ܘܢܙܕܕܩ ܟܠܗ ܙܪܥܗ ܕܐܝܣܪܝܠ܃

next chapter