The Comprehensive Aramaic Lexicon

47:01	ܚܘܬܝ ܘܬܒܝ ܥܠ ܥܦܪܐ ܒܬܘܠܬܐ ܒܪܬ ܒܒܠ܂ ܬܒܝ ܥܠ ܐܪܥܐ ܒܪܬ ܟ̈ܠܕܝܐ܂܂ ܠܝܬ ܟܘܪܣܝܐ܂ ܡܛܠ ܕܠܐ ܢܘܣܦܘܢ ‍<‍ܬܘܒ#3#‍>‍ ܠܡܩܪܝܟܝ ܡܥܕܢܬܐ ܘܡܦܢܩܬܐ
47:02	ܣܒܝ ܪܚܝܐ ܛܚܢܝ ܩܡܚܐ܂ ܓܠܝ ܬܚܦܝܬܟܝ ܓܘܙܝ ܚܘܪ̈ܬܟܝ܂ ܓܠܝ ܫܩ̈ܝܟܝ ܥܒܪܝ ܢܗܪ̈ܘܬܐ܂
47:03	ܢܬܓܠܐ ܦܘܪܣܝܟܝ ܘܢܬܚܙܐ ܚܣܕܟܝ܂ ܐܣܒ/ܐܥܒܕ#1##2#/ ܡܢܟܝ ܬܒܥܬܐ ܘܠܐ ܐܦܓܥ ܒܟܝ ܐܢܫ܂
47:04	ܦܪܘܩܢ ܡܪܝܐ ܚܝܠܬܢܐ܂ ܫܡܗ ܩܕܝܫܐ ܕܐܝܣܪܝܠ܂
47:05	ܬܒܝ ܒܬܘܪܐ ܥܘܠܝ ܒܚܫܘܟܐ ܒܪܬ ܟ̈ܠܕܝܐ܂܂ ܡܛܠ ܕܠܐ ܢܘܣܦܘܢ ‍<‍ܬܘܒ#3#‍>‍ ܠܡܩܪܝܟܝ ܓܢܒܪܬ ܡ̈ܠܟܘܬܐ܂
47:06	ܪܓܙ݁ܬ ܥܠ ܥܡܝ ܕܛܘܫܘ ܝܪܬܘܬܝ܂ ܘܐܫܠܡ݁ܬ ܐܢܘܢ ܒܐܝ̈ܕܝܟܝ܃ ܘܠܐ ܥܒܕܬܝ ܥܠܝܗܘܢ ܪ̈ܚܡܐ܂ ܘܥܠ ܣܒ̈ܐ ܐܥܫܢܬܝ ܢܝܪܟܝ ܛܒ܂
47:07	ܘܐܡܪܬܝ ܕܠܥܠܡ ܐܗܘܐ ܓܢܒܪܬܐ܂ ܘܠܐ ܣܡܬܝ ܒܠܒܟܝ ܗܠܝܢ ܘܠܐ ܐܬܕܟܪܬܝ ܚܪܬܐ܂
47:08	ܗܫܐ ܫܡܥܝ ܗܠܝܢ ܡܥܕܢܬܐ̈ ܕܝܬ݁ܒܐ ܒܫܠܝܐ܃ ܘܐܡ݁ܪܐ ܒܠܒܗ݀ ܐܢܐ/ܕܐܢܐ#3#/ ܐܢܐ ܘܠܝܬ ܬܘܒ܂ ܠܐ ܐܬܒ ܐܪܡܠܬܐ ܘܠܐ ܐܕܥ ܬܟܠܐ܂
47:09	ܢܐ̈ܬܝܢ ܥܠܝܟܝ ܗܠܝܢ ܬܪ̈ܬܝܗܝܢ ܡܚ̈ܘܬܐ ܒܝܘܡܐ ܚܕ܂ ܬܟܠܐ ܘܐܪܡܠܘܬܐ/ܘܐܪܡܠܬܐ#3#/ ܡܢ ܫܠܝܐ ܢܐ̈ܬܝܢ ܥܠܝܟܝ܂ ܒܣܘܓܐܐ ܕܚܪ̈ܫܝܟܝ ܘܒܣܘܓܐܐ ܕܡܓܘܫ̈ܝܟܝ܂
47:10	ܕܐܬܬܟܠܬܝ ܥܠ ܒܝܫܘܬܟܝ܂ ܘܐܡܪܬܝ ܕܠܝܬ ܕܚ݁ܙܐ ܠܝ܂ ܚܟܡܬܟܝ ܘܐܝܕܥܬܟܝ ܗܝ ܐܛܥܝܬܟܝ܂ ܘܐܡܪܬܝ ܒܠܒܟܝ ܕܐܢܐ ܐܢܐ ܘܠܝܬ ܬܘܒ܂

47:11	ܬܐܬܐ ܥܠܝܟܝ ܒܝܫܬܐ ܒܫܦܪܐ/ܒܨܦܪܐ#1##2#/ ܘܠܐ ܬܕܥܝܢ܂ ܘܬܦܠ ܥܠܝܟܝ ܬܘܗܬܐ ܘܠܐ ܬܫܟܚܝܢ ܠܡܥܒܪܘܬܗ݀܂ ܘܢܐܬܐ ܥܠܝܟܝ ܡܢ ܫܠܝܐ ܕܠܘܚܝܐ ܘܠܐ ܬܕܥܝܢ܂

47:12	ܩܘܡܝ ܢܐ ܒܡ̈ܓܘܫܝܟܝ ܘܒܚܪ̈ܫܝܟܝ ܣ̈ܓܝܐܐ܃ ܕܠܐܝܬܝ ܒܗܘܢ ܡܢ ܛܠܝܘܬܟܝ܂ ܛܟ ܬܫܟܚܝܢ ܬܘܬܪܝܢ܂ ܛܟ ܬܬܥܫܢܝܢ/ܬܬܥܕܪܝܢ#3#/܂
47:13	ܠܐܝܬܝ ܒܣܘܓܐܐ ܕܡܚܫ̈ܒܬܟܝ܂ ܢܩܘܡܘܢ ܢܦܪܩܘܢܟܝ ܟ̈ܠܕܝܐ܃ ܕܚܝ݁ܪܝܢ ܒܫܡܝܐ ܘܒܟܘ̈ܟܒܐ܃ ܘܡܘܕܥܝܢ ܠܟܝ ܒܝܪܚܐ ܡܕܡ ܕܐܬܐ ܥܠܝܟܝ܂
47:14	ܗܐ ܗܘܘ ܐܝܟ ܓ̈ܠܐ/ܓ̈ܠܠܐ#3#/ ܕܐܘܩܕܬ ܐܢܘܢ ܢܘܪܐ܂ ܘܠܐ ܢܦܨܘܢ ܢܦܫܗܘܢ ܡܢ ܐܝܕܐ ܕܫܠܗܒܝܬܐ ܠܝܬ ܓܘܡܪ̈ܐ ܠܢܘܪܗܘܢ/ܠܢܘܗܪܗܘܢ#3#/܂ ܐܦ ܠܐ ܙܗܪܐ ܠܡܬܒ ܠܩܘܒܠܗ܂
47:15	ܗܟܢܐ ܗܘܘ ܠܟܝ ܬܓܪ̈ܝܟܝ ܕܠܐܝܬܝ/ܘܠܝܬ#3#/ ܒܗܘܢ ܡܢ ܛܠܝܘܬܟܝ܂ ܘܐܢܫ ܠܣܛܪܗ ܛܥܘ܃ ܘܠܝܬ ܕܦܪܩ ܠܟܝ܂