The Comprehensive Aramaic Lexicon

58:01	ܩܪܝ ܒܓܓܪܬܟ ܘܠܐ ܬܚܘܣ܂ ܘܐܪܝܡ ܩܠܟ ܐܝܟ ܫܝܦܘܪܐ܂ ܘܚܘܐ ܠܥܡܝ ܥܘܠܗܘܢ/ܚܝܠܗܘܢ#3#/܂ ܘܠܒܝܬ/ܘܠܕܒܝܬ#3#/ ܝܥܩܘܒ ܚ̈ܛܗܝܗܘܢ܂
58:02	ܘܠܝ ܒܥ݁ܝܢ ܒܟܠܝܘܡ܂ ܘܨܒ݁ܝܢ ܠܡܕܥ ܐܘܪ̈ܚܬܝ܂ ܐܝܟ ܥܡܐ ܕܥܒܕ ܙܕܝܩܘܬܐ/ܕܝܢܐ#3#/ ‍<‍ܘܐܝܕܐ#3#‍>‍ ܘܠܐ ܫܒܩ ܕܝܢܐ ܕܐܠܗܗ܃ ܫܐ݁ܠܝܢ ܠܝ ܕܝܢܐ ܘܙܕܝܩܘܬܐ܃ ܘܨܒ݁ܝܢ ܠܡܬܩܪܒܘ/ܠܡܬܩܪܒ#3#/ ܠܐܠܗܐ܂
58:03	ܠܡܢܐ ܨܡܢ ܘܠܐ ܚܙܝܬ/ܚܕܝܬ#3#/܂ ܘܡܟܟܢ ܢܦܫܢ ܘܠܐ ܝܕܥܬ܂ ܗܐ ܒܝܘܡܐ ܕܨܘܡܟܘܢ ܥܒ݁ܕܝܢ ܐܢܬܘܢ ܨܒܝ̈ܢܝܟܘܢ܂ ܘܡܩܪܒܝܢ ܐܢܬܘܢ ܦܬܟܪ̈ܝܟܘܢ ܟܠܗܘܢ܂
58:04	ܗܐ ܠܚܪܝܢܐ ܘܠܡܨܘܬܐ ܨܝܡ݁ܝܢ ܐܢܬܘܢ܂ ܘܠܡܡܚܐ ܒܩܛܝܪܐ ܕܥܘܠܐ܂ ܠܐ ܬܨܘܡܘܢ ܐܝܟ ܕܝܘܡܢܐ܃ ܘܬܫܡܥܘܢ ܩܠܟܘܢ ܒܡܪܘܡܐ/ܒܪܘܡܐ#3#/܂

58:05	ܗܢܘ ܨܘܡܐ ܕܓܒ݁ܝܬ܃ ܕܢܡܟ ܐܢܫ ܢܦܫܗ܃ ܘܢܟܘܦ ܨܘܪܗ/ܢܦܫܗ#3#/ ܐܝܟ ܟܪܘܠܐ܃ ܘܣܩܐ ܘܩܛܡܐ ܡܐ݁ܟ ܠܗ܃ ܠܗܢܐ ܬܩܪܘܢ ܨܘܡܐ܃ ܘܝܘܡܐ ܕܨܒܝܢܗ ܕܡܪܝܐ܂

58:06	ܗܢܘ ܨܘܡܐ ܕܓܒܝ݁ܬ܂ ܕܬܫܪܐ ‍<‍ܟܠ#3#‍>‍ ܩܛܪܐ ܕܥܘܠܐ܃ ܘܬܦܣܩ ܡܐܣܪ̈ܝܬܐ ܕܢܟܠܐ܂ ܘܬܫܪܐ ܟܒܝܫ̈ܐ/ܠܟܒܝ̈ܫܐ#3#/ ܠܚܐܪܘܬܐ܂ ܘܟܠܗܝܢ ܡܐܣܪ̈ܝܬܐ ܬܦܣܩܘܢ܂
58:07	ܘܬܩܨܐ ܠܚܡܟ ܠܟܦܢܐ܂ ܘܠܐܟܣܢܝܐ ܬܥܠ ܠܒܝܬܟ܂ ܟܕ ܬܚܙܐ ܥܪܛܠܝܐ ܘܬܟܣܝܘܗܝ܂ ܘܠܐ ܬܗܡܐ ܡܢ ܒܪ ܒܣܪܟ܂
58:08	ܗܝܕܝܢ ܢܬܦܬܚ ܢܘܗܪܟ ܐܝܟ ܨܦܪܐ܃ ܘܙܕܝܩܘܬܟ ܒܥܓܠ ܬܕܢܚ܂ ܘܬܐܙܠ ܩܕܡܝܟ ܙܕܝܩܘܬܟ܃ ܘܐܝܩܪܗ ܕܡܪܝܐ ܢܟܢܫܟ܃
58:09	ܗܝܕܝܢ ܬܩܪܐ ܘܢܥܢܝܟ ܡܪܝܐ܂ ܘܬܓܥܐ ܘܢܐܡܪ ‍<‍ܠܟ#3#‍>‍ ܗܐ ܐܢܐ܂ ܐܢ ܬܥܒܪ ܡܢ ܓܘܟ ܢܟܠܐ ܘܬܫܪܐ ܠܟܒܝܫ̈ܐ܂ ܘܡܢ ܡܡܠܠܐ ܕܓܠܐ ܬܪܚܩ܂
58:10	ܘܬܬܠ ܠܚܡܟ ܠܟܦܢܐ܂ ܘܬܣܒܥ ܢܦܫܐ ܕܟܦܢܐ܂ ܢܕܢܚ ܢܘܗܪܟ ܒܚܫܘܟܐ܃ ܘܚܫܘܟܟ/ܘܢܚܫܘܟ#3#/ ܐܝܟ ܛܗܪܐ܂
58:11	ܘܢܕܒܪܟ ܡܪܝܐ ܐܡܝܢܐܝܬ܂ ܘܢܣܒܥ ܢܦܫܟ ܒܕܘܗܢܐ ܘܢܫܪ ܓܪ̈ܡܝܟ܂ ܘܬܗܘܐ ܐܝܟ ܦܪܕܝܣܐ ܕܪܘ݁ܙ܂ ܘܐܝܟ ܡܒܘܥܐ ܕܡ̈ܝܐ ܕܠܐ ܓܝ݁ܙܝܢ ܡ̈ܘܗܝ܂
58:12	ܘܢܒܢܘܢ ܡܢܟ ܚܪ̈ܒܬܐ ܕܡܢ ܥܠܡ܂ ܘܫܬܐ̈ܣܐ ܕܕܪܕܪܝܢ ܬܩܝܡ܂ ܘܢܩܪܘܢܟ ܣܐ݁ܓ ܬܘܪ̈ܥܬܐ܂ ܘܡܗܦܟ ܫܒܝ̈ܠܐ ܠܝܬܒܐ܂
58:13	ܐܢ ܬܗܦܟ ܪܓܠܟ ܡܢ ܫܒܬܐ܃ ܕܠܐ ܬܥܒܕ ܨܒܝܢܟ ܒܝܘܡܐ ܕܩܘܕܫܝ܂ ܘܬܩܪܐ ܠܫܒܬܐ/ܫܒܬܐ#3#/ ܡܦܢܩܬܐ܂ ܘܩܘܕܫܗ ܕܡܪܝܐ ܡܝܩܪܐ܂ ܘܬܝܩܪܝܗ݀ ܕܠܐ ܬܥܒܕ ܒܗ݀ ܐܘܪܚܟ܂ ܘܠܐ ܬܥܒܕ ܒܗ݀ ܨܒܝܢܟ܂ ܘܠܐ ܬܡܠܠ ܡܠܬܐ܂
58:14	ܗܝܕܝܢ ܬܬܟܠ ܥܠ ܡܪܝܐ܃ ܕܐܪܟܒܟ ܥܠ ܥܘܫܢܗ݀ ܕܐܪܥܐ܃ ܘܐܘܟܠܟ ܝܪܬܘܬܗ ܕܝܥܩܘܒ ܐܒܘܟ܂ ܡܛܠ ܕܦܘܡܗ ܕܡܪܝܐ ܡܠܠ܀