The Comprehensive Aramaic Lexicon

61:01	ܪܘܚܗ ܕܡܪܝܐ ܐܠܗܐ ܥܠܝ܂ ܚܠܦ ܕܡܫܚܢܝ ܡܪܝܐ ܘܫܕܪܢܝ܃ ܕܐܣܒܪ ܠܡܟܝ̈ܟܐ ܘܐܥܨܘܒ ܠܬܒܝܪ̈ܝ ܠܒܐ܂ ܘܐܩܪܐ ܚܐܪܘܬܐ ܠܫܒܝ̈ܐ ܘܫܪܝܐ ܠܐܣܝܪ̈ܐ܂
61:02	ܘܐܩܪܐ ܫܢܬܐ ܕܨܒܝܢܐ ܠܡܪܝܐ܃ ܘܝܘܡܐ ܕܦܘܪܩܢܐ ܠܐܠܗܢ܂ ܠܡܒܝܐܘ ܠܟܠܗܘܢ ܐܒܝ̈ܠܐ܂
61:03	ܠܡܬܠ ܠܐ̈ܒܝܠܐ ܕܨܗܝܘܢ ܫܘܒܚܐ܂ ܚܠܦ ܩܛܡܐ ܡܫܚܐ ܒܣܝܡܐ/ܕܒܣܝܡܐ#3#/ܕܒܣܡܐ#3#/܂ ܚܠܦ ܐܒܠܐ ܥܛܦܐ ܕܬܫܒܘܚܬܐ܂ ܚܠܦ ܪܘܚܐ ܡܟܐܒܬܐ܃ ܢܬܩܪܘܢ ܕܟܪ̈ܐ ܕܙܕܝܩܘܬܐ܂ ܢܨܒܬܗ ܕܡܪܝܐ ܡܫܒܚܬܐ܂
61:04	ܘܢܒܢܘܢ ܚܪ̈ܒܬܐ ܕܡܢ ܥܠܡ܂ ܘܨܕܝ̈ܬܐ ܕܡܢ ܪܫܝܬܐ ܢܩܝܡܘܢ܂ ܘܢܚܕܬܘܢ ܩܘܪ̈ܝܐ ܚܪ̈ܒܬܐ ܘܨܕܝ̈ܬܐ ܕܕܪܕܪܝܢ܂

61:05	ܘܢܩܘܡܘܢ ܢܘܟܪ̈ܝܐ ܘܢܪܥܘܢ ܥܢܗܘܢ܂ ܘܒܢ̈ܝ ܢܘܟܪ̈ܝܐ ܢܗܘܘܢ ܠܗܘܢ ܐܟܪ̈ܐ ܘܟܪ̈ܡܐ܂

61:06	ܘܐܢܬܘܢ ܟܘܡܪ̈ܘܗܝ ܕܡܪܝܐ ܬܬܩܪܘܢ ܘܡܫ̈ܡܫܢܘܗܝ ܕܐܠܗܢ ܢܬܐܡܪ ܠܟܘܢ܂ ܢܟܣ̈ܝܗܘܢ ܕܥܡ̈ܡܐ ܬܐܟܠܘܢ܂ ܘܒܐܝܩܪܗܘܢ ܬܫܬܒܚܘܢ/ܬܫܒܚܘܢ#3#/
61:07	ܚܠܦ ܒܗܬܬܟܘܢ ܘܚܠܦ ܚܦܪܟܘܢ܂ ܝܘܪܬܢܐ/ܝܘܬܪܢܐ#3#/ ܬܢܝܢܐ/ܕܬܢܝܢܐ#3#/ ܬܐܪܬܘܢ ܒܐܪܥܗܘܢ܂ ܘܬܫܬܒܚܘܢ/ܘܬܫܒܚܘܢ#3#/ ܒܦܠܓܘܬܗܘܢ܂ ܚܕܘܬܐ ܠܥܠܡ ܬܗܘܐ ܠܟܘܢ܂
61:08	ܡܛܠ ܕܐܢܐ ܐܢܐ ܡܪܝܐ ܕܪܚ݁ܡ ܐܢܐ ܕܝܢܐ܃ ܘܣ݁ܢܐ ܐܢܐ ܚܛܘܦܝܐ ܘܥܘܠܐ܂ ܘܐܬܠ ܥܡܠܟܘܢ ܒܩܘܫܬܐ܂ ܘܩܝܡܐ ܕܥܠܡ/ܕܠܥܠܡ#3#/ ܐܩܝܡ ܠܟܘܢ܂
61:09	ܘܢܬܝܕܥ ܙܪܥܟܘܢ ܒܥܡ̈ܡܐ ܘܙܪܥܐ ܕܙܪܥܟܘܢ ܒܐ̈ܡܘܬܐ܂ ܟܠ ܚ̈ܙܝܝܟܘܢ ܢܫܬܘܕܥܘܢܟܘܢ܃ ܕܙܪܥܐ/ܙܪܥܐ#3#/ ܐܢܬܘܢ ܕܒܪܟ ܡܪܝܐ܀܂
61:10	ܡܬܒܣܡܘ ܐܬܒܣܡ ܒܡܪܝܐ܂ ܘܬܕܘܨ ܢܦܫܝ ܒܐܠܗܝ܂ ܡܛܘܠ ܕܐܠܒܫܢܝ ܠܒܘܫܐ ܕܦܘܪܩܢܐ܃ ܘܐܥܛܦܢܝ ܦܪܝܣܐ ܕܙܕܝܩܘܬܐ܂ ܐܝܟ ܚܬܢܐ ܫܒܝܚܐ ܘܐܝܟ ܟܠܬܐ ܡܨܒܬܬܐ܂
61:11	ܘܐܝܟ ܐܪܥܐ ܕܡܦܩܐ ܥܘܦܝܐ܃ ܘܐܝܟ ܓܢܬܐ ܕܡܘܥܝܐ ܙܪܥܐ܃ ܗܟܢܐ ܢܘܥܐ ܡܪܝܐ ܐܠܗܐ ܙܕܝܩܘܬܐ ܘܬܫܒܘܚܬܐ ܩܕܡ ܟܠܗܘܢ ܥܡ̈ܡܐ܂