The Comprehensive Aramaic Lexicon

62:01	ܡܛܠ ܨܗܝܘܢ ܠܐ ܐܫܬܘܩ܂ ܘܡܛܠ ܐܘܪܫܠܡ ܠܐ ܐܫܠܐ܂ ܥܕܡܐ ܕܬܦܘܩ ܙܕܝܩܘܬܗ݀ ܐܝܟ ܢܘܗܪܐ܃ ܘܦܘܪܩܢܗ݀ ܐܝܟ ܠܡܦܐܕܐ ܢܕܠܩ܃
62:02	ܘܢܚܙܘܢ ܥܡ̈ܡܐ ܙܕܝܩܘܬܟܝ܃ ܘܟܠܗܘܢ ܡ̈ܠܟܐ ܐܝܩܪܟܝ܂ ܘܢܬܩܪܐ ܠܟܝ ܫܡܐ ܚܕܬܐ܃ ܕܦܘܡܗ ܕܡܪܝܐ ܢܣܝܡܝܘܗܝ܂
62:03	ܘܬܗܘܝܢ ܟܠܝܠܐ ܕܬܫܒܘܚܬܐ ܒܐܝܕܗ ܕܡܪܝܐ܃ ܘܬܓܐ ܕܡܠܟܘܬܐ ܒܐܝܕܗ ܕܐܠܗܟܝ܂
62:04	ܘܬܘܒ ܠܐ ܬܬܩܪܝܢ ܫܒܝܩܬܐ܂ ܘܐܪܥܟܝ ܬܘܒ ܠܐ ܬܬܩܪܐ ܨܕܝܬܐ܂ ܐܠܐ ܬܬܩܪܝܢ ܨܒܝܢܝ܂ ܘܐܪܥܟܝ ܒܥܝܠܬܐ܂ ܡܛܠ ܕܨܒܐ ܒܟܝ ܡܪܝܐ܂ ܘܐܪܥܟܝ ܬܬܒܥܠ܂

62:05	ܡܛܠ ܕܐܝܟ ܕܒ݁ܥܠ ܓܕܘܕܐ ܠܒܬܘܠܬܐ܃ ܗܟܢܐ ܢܒܥܠܘܢܟܝ ܒܢܝܟܝ܂ ܘܐܝܟ ܕܚ݁ܕܐ ܚܬܢܐ ܒܟܠܬܐ܃ ‍<‍ܗܟܢܐ#3#‍>‍ ܢܚܕܐ ܒܟܝ ܐܠܗܟܝ܂

62:06	ܥܠ ܫܘܪ̈ܝܟܝ ܐܘܪܫܠܡ ܐܩܝܡ݁ܬ ܢܛܘܪ̈ܐ ܟܠ ܝܘܡ܂ ܒܐܝܡܡܐ ܘܒܠܠܝܐ ܐܡܝܢܐܝܬ܂ ܕܠܐ ܢܫܬܩܘܢ ܘܠܐ ܢܫܠܘܢ ܡܕܟܪ̈ܢܐ ܩܕܡ ܡܪܝܐ܂
62:07	ܘܠܐ ܬܬܠܝܢ ܠܗܘܢ ܫܠܝܐ ܥܕܡܐ ܕܢܬܩܢܟܝ܃ ܘܥܕܡܐ ܕܢܥܒܕܟܝ ܐܘܪܫܠܡ ܬܫܒܘܚܬܐ ܒܐܪܥܐ܂
62:08	ܝܡܐ ܡܪܝܐ ܒܝܡܝܢܗ ܘܒܕܪܥܗ ܥܫܝܢܐ܃ ܕܠܐ ܐܬܠ ܬܘܒ ܥܒܘܪܟܝ ܡܐܟܘܠܬܐ ܠܒ̈ܥܠܕܒܒܝܟܝ܂ ܘܠܐ ܢܫܬܘܢ ܒ̈ܢܝ ܢܘܟܪ̈ܝܐ ܚܡܪܟܝ ܕܠܐܝܬܝ ܒܗ܂
62:09	ܐܠܐ ܡܟܢܫ̈ܢܘܗܝ ܢܐܟܠܘܢܗ ܘܢܫܒܚܘܢ ܠܡܪܝܐ܂ ܘܡܟܢܫ̈ܢܘܗܝ ܢܫܬܘܢܗ ܒܕܪ̈ܝ ܩܕܝܫ̈ܬܐ܀܀܂
62:10	ܥܒܪܘ ܥܒܪܘ ܒܬܪܥܐ/ܒܐܪܥܐ#3#/܂ ܦܢܘ ܐܘܪܚܐ ܠܥܡܐ/ܠܡܪܝܐ#3#/܂ ܕܪܘܫܘ ܫܒܝܠܐ ܘܩܘܠܘ ܟܐ̈ܦܘܗܝ܂ ܐܪܝܡܘ ܐܬܐ ܠܥܡ̈ܡܐ܂
62:11	ܗܐ ܡܪܝܐ ܐܫܡܥ ܠܣܘ̈ܦܝܗ݀ ܕܐܪܥܐ܂ ܐܡܪܘ ܠܒܪܬ ܨܗܝܘܢ ܗܐ/ܕܗܐ#3#/ ܐ݁ܬܐ ܦܪܘܩܟܝ܂ ܗܐ ܐܓܪܗ ܥܡܗ ܘܥ݁ܒܕܗ ܩܕܡܘܗܝ܂
62:12	ܘܢܩܪܘܢ ܐܢܘܢ ܥܡܐ ܩܕܝܫܐ ܦܪ̈ܝܩܘܗܝ ܕܡܪܝܐ܂ ܘܐܢܬܝ ܬܬܩܪܝܢ ܬܒܝܥܬܐ܃ ܩܪܝܬܐ ܕܠܐ ܐܫܬܒܩܬ܀