Click on a word for lexical analysis
Click on a red-colored coordinate for comments and/or translations of the line
| 64:01 | ܘܐܬܦܫܪܘ ܐܝܟ ܕܡܬܦܫܪܐ ܫܥܘܬܐ ܡܢ ܩܕܡ ܢܘܪܐ܂ ܘܬܘܩܕ ܢܘܪܐ ܠܒ̈ܥܠܕܒܒܝܟ܂ ܘܢܬܝܕܥ ܫܡܟ ܠܒ̈ܥܠܕܒܒܝܟ܂ ܘܢܬܕܠܚܘܢ ܥܡ̈ܡܐ ܡܢ ܩܕܡܝܟ܂ |
| 64:02 | ܟܕ ܥܒܕܬ ܕܚܝ̈ܠܬܐ/ܕܚ̈ܠܬܐ#3#/܃ ܠܐ ܣܟܝܢ ܠܟ܃ ܢܚܬܬ ܘܡܢ ܩܕܡܝܟ ܕܠܘ ܛܘܪ̈ܐ܂ |
| 64:03 | ܡܢ ܥܠܡ ܠܐ ܨܬܘ ܘܠܐ ܫܡܥܘ܂ ܘܥܝܢ ܠܐ ܚܙܬ ܐܠܗ ܠܒܪ ܡܢܟ܃ ܕܥܒ݁ܕ ܐܢܬ ܠܐܝܠܝܢ ܕܡܣܟܝܢ ܠܟ܂ |
| 64:04 | ܘܦܓܥ ܐܢܬ ܒܒܘܣܡܐ ܒܐܝܠܝܢ ܕܥܒ݁ܕܝܢ ܙܕܝܩܘܬܐ܂ ܘܒܐܘܪ̈ܚܬܟ ܢܬܕܟܪܘܢܟ܂ ܗܐ ܐܢܬ ܪܓܙܬ ܘܚܛܝܢ ܒܗܝܢ܃ ܒܥܠܡ ܢܬܦܪܩ܂ |
| 64:05 | ܕܗܘܝܢ ܐܝܟ ܛܡ̈ܐܐ ܟܘܠܢ܂ ܘܐܝܟ ܐܘܪܩܥܬܐ ܕܟܦܣܢܝܬܐ ܟܠܗ݀ ܙܕܝܩܘܬܢ܂ ܢܬܪܢ ܐܝܟ ܛܪ̈ܦܐ ܟܠܢ܂ ܘܐܝܟ ܥܠܥܠܐ ܫܩܠܘܢ ܚ̈ܛܗܝܢ܂ |
| 64:06 | ܘܠܝܬ ܕܩ݁ܪܐ ܒܫܡܟ܃ ܘܕܥܗ݀ܕ ܠܡܚܡܣܢܘ ܒܟ܂ ܡܛܠ ܕܐܗܦܟܬ ܐ̈ܦܝܟ ܡܢܢ܃ ܘܐܫܠܡܬܢ ܒܝܕ ܚ̈ܛܗܝܢ܂ |
| 64:07 | ܗܫܐ ܡܪܝܐ ܐܒܘܢ ܐܢܬ܂ ܚܢܢ ܛܝܢܐ ܘܐܢܬ ܓܒܘܠܢ܂ ܘܥ݁ܒܕ ܐ̈ܝܕܝܟ ܚܢܢ ܟܠܢ܂ |
| 64:08 | ܠܐ ܬܪܓܙ ܡܪܝܐ ܛܒ ܠܥܠܡ܂ ܘܠܐ ܬܬܕܟܪ/ܬܕܟܪ#3#/ ܠܥܠܡ ܚ̈ܛܗܝܢ܂ ܚܙܝ ܕܥܡܟ ܚܢܢ ܟܠܢ܂ |
| 64:09 | ܩܘܪ̈ܝܐ ܕܩܘܕܫܟ ܗ̈ܘܝ ܡܕܒܪܐ܂ ܘܨܗܝܘܢ ܗܘܬ ܡܕܒܪܐ ܘܐܘܪܫܠܡ ܚܪܒܬܐ܂ |
| 64:10 | ܒܝܬ ܩܘܕܫܢ ܘܬܫܒܘܚܬܢ ܕܫܒܚܘܟ ܐ̈ܒܗܝܢ܃ ܗܘܐ ܠܝܩܕܢܐ ܕܢܘܪܐ܂ ܘܟܠܗ݀/ܘܠܟܠܗ݀#3#/ ܪܓܬܢ ܗܘܬ ܠܚܘܪܒܐ܂ |
| 64:11 | ܥܠ ܗܠܝܢ ܚܡܣܢܬ ܡܪܝܐ܃ ܘܫܬܩܬ ܘܡܟܟܬܢ ܛܒ܃ |