The Comprehensive Aramaic Lexicon

66:01	ܗܟܢܐ ܐܡ݁ܪ ܡܪܝܐ܂ ܫܡܝܐ ܟܘܪܣܝ ܘܐܪܥܐ ܟܘܒܫܐ ܕܪ̈ܓܠܝ/ܕܬܚܝܬ ܪ̈ܓܠܝ#1##2#/܂ ܐܝܢܘ ܒܝܬܐ ܕܒܢ݁ܝܢ ܐܢܬܘܢ ܠܝ܂ ܐܘ ܐܝܢܘ ܐܬܪܐ ܕܢܝܚܬܝ܂
66:02	ܗܠܝܢ ܟܠܗܝܢ ܐܝܕܝ ܥܒܕܬ܂ ܘܕܝܠܝ ܐ̈ܢܝܢ ܗܠܝܢ ܟܠܗܝܢ ܐܡ݁ܪ ܡܪܝܐ܂ ܘܒܡ݁ܢ ܐܚܘܪ ܘܐܥܡܪ܂ ܐܠܐ ܒܢܝܚܐ ܘܒܡܟܝܟ ܪܘܚܐ ܕܙܐ݁ܥ ܡܢ ܡܠܬܝ܂
66:03	ܕܢ݁ܟܣ ܬܘܪܐ ܐܝܟ ܗ݀ܘ ܕܩ݁ܛܠ ܓܒܪܐ܂ ܕܕܒ݁ܚ ܐܡܪܐ ܐܝܟ ܗ݀ܘ ܕܩ݁ܛܠ ܟܠܒܐ܂ ܕܡܩܪܒ ܣܡܝܕܐ ܐܝܟ ܕܡܐ ܕܚܙܝܪܐ܂ ܕܡܩܪܒ ܠܒܘܢܬܐ܃ ܐܝܟ ܗ݀ܘ ܕܡܒܪܟ ܠܦܬܟܪ̈ܐ܂ ܐܦ ܗܢܘܢ ܐܬܪܥܝܘ ܒܐܘܪ̈ܚܬܗܘܢ܂ ܘܨܒܬ ܢܦܫܗܘܢ ܒܦܬܟܪ̈ܝܗܘܢ܂
66:04	ܐܦ ܐܢܐ ܐܨܒܐ ܒܒܘܙܚܗܘܢ ܘܐܦܪܘܥ ܐܢܘܢ ܥ݁ܒ̈ܕܝܗܘܢ܂ ܥܠ ܕܩ݁ܪܝܬ ܘܠܝܬ ܕܥ݁ܢܐ܃ ܘܡܠܠ݁ܬ ܘܠܐ ܫܡܥܘ܂ ܘܥܒܕܘ ܕܒܝܫ ܩܕܡܝ܂ ܘܓܒܘ ܡܕܡ ܕܠܐ ܨܒܝ݁ܬ܂
66:05	ܫܡܥܘ ܦܬܓܡܗ ܕܡܪܝܐ ܐܝܠܝܢ ܕܙܝܥ݁ܝܢ ܡܢ ܡܠܬܗ܂ ܐܡܪܘ ܠܐ̈ܚܝܟܘܢ ܣܢ̈ܐܝܟܘܢ ܡܣ̈ܠܝܢܝܟܘܢ ܡܛܠ ܫܡܝ܃ ܢܫܬܒܚ ܡܪܝܐ ܘܢܚܕܐ ܒܚܕܘܬܟܘܢ܂ ܘܗܢܘܢ ܢܒܗܬܘܢ܂
66:06	ܩܠܐ ܕܕܠܘܚܝܐ ܡܢ ܩܪܝܬܐ ܘܩܠܐ ܡܢ ܗܝܟܠܐ܂ ܩܠܗ ܕܡܪܝܐ ܕܦܪܥ ܦܘܪܥܢܐ ܠܒ̈ܥܠܕܒܒܘܗܝ܂
66:07	ܥܕܠܐ ܬܚܒܠ ܕܝ݁ܠܕܐ܂ ܘܥܕܠܐ ܢܡܛܘܢ ܚܒ̈ܠܝܗ݀܂ ܘܬܦܠܛ ܕܟܪܐ܂
66:08	ܡ݁ܢ ܫܡܥ ܐܝܟ ܗܕܐ܂ ܘܡ݁ܢ ܚܙܐ ܐܝܟ ܗܠܝܢ܂ ܕܡܚܒܠܐ ܐܪܥܐ ܒܝܘܡܐ ܚܕ܂ ܘܡܬܝܠܕ ܥܡܐ ܒܫܥܬܐ ܚܕܐ܂ ܡܛܠ ܕܚܒܠܬ ܘܝܠܕܬ ܨܗܝܘܢ ܠܒ̈ܢܝܗ݀܂
66:09	ܐܢܐ ܝܗ݀ܒܬ ܣܘܟܝܐ/ܣܘܟܢܐ#2#/ ܗܢܐ܃ ܘܠܐ/ܕܠܐ#3#/ ܡܘܠܕ ܐܢܐ ܐܡ݁ܪ ܡܪܝܐ܃ ܕܠܡܐ ܠܐ ܗܘܐ ܐܢܐ ܡܘܠܕ ܐܢܐ ܘܟܠܐ ܐܢܐ ܐܡ݁ܪ ܐܠܗܟܝ܂
66:10	ܚܕܘ ܒܐܘܪܫܠܡ ܘܕܘܨܘ ܒܗ݀܂ ܟܘܠ ܪ̈ܚܡܝܗ݀ ܐܬܒܣܡܘ ܥܡܗ݀ ܒܒܘܣܡܐ ܟܠ ܕܗܘܘ ܒܐܒܠܐ ܥܠܝܗ݀܂
66:11	ܘܬܐܢܩܘܢ/ܕܬܐܢܩܘܢ#3#/ ܘܬܣܒܥܘܢ ܡܢ ܬܕܐ/ܬܕܐܐ#1##2#/ ܕܒܘܝܐܗ݀܂ ܘܬܐܢܩܘܢ ܘܬܬܦܢܩܘܢ ܡܢ ܥܘܫܢܐ ܕܐܝܩܪܗ݀܂
66:12	ܡܛܠ ܕܗܟܢܐ ܐܡ݁ܪ ܡܪܝܐ܂ ܗܐ ܪܡ݁ܐ ܐܢܐ ܥܠܝܗ݀ ܫܠܡܐ ܐܝܟ ܢܗܪܐ܂ ܘܐܝܟ ܢܚܠܐ ܕܓܪܦ܂ ܐܝܩܪܐ ܕܥܡ̈ܡܐ ܬܐܢܩܘܢ܂ ܘܥܠ ܦܪ̈ܝܘܬܐ ܬܫܬܩܠܘܢ܂ ܘܥܠ ܒܘܪ̈ܟܐ ܬܬܪܒܘܢ܂
66:13	ܐܝܟ ܓܒܪܐ ܕܡܒܝܐܐ ܠܗ ܐܡܗ܂ ܗܟܢܐ ܐܢܐ ܐܒܝܐܟܘܢ܂ ܘܒܐܘܪܫܠܡ ܬܬܒܝܐܘܢ܂
66:14	ܘܬܚܙܘܢ/ܘܬܚܕܘܢ#3#/ ܘܢܚܕܐ ܠܒܟܘܢ܂ ܘܓܪ̈ܡܝܟܘܢ ܐܝܟ ܬܕܐܐ ܢܪܘܙܘܢ܂ ܘܬܬܝܕܥ ܐܝܕܗ ܕܡܪܝܐ ܥܠ ܥܒ̈ܕܘܗܝ܂ ܘܬܘܒܕ/ܘܬܘܩܕ#3#/ ܠܒ̈ܥܠܕܒܒܘܗܝ܀
66:15	ܡܛܠ ܕܗܐ ܡܪܝܐ/ܝܘ̈ܡܬܐ ܕܡܪܝܐ#3#/ ܒܢܘܪܐ ܐܬܐ܂ ܘܐܝܟ ܥܠܥܠܐ ܡܪܟܒܬܗ܂ ܕܢܗܦܘܟ/ܘܢܗܦܘܟ#3#/ ܒܚܡܬܐ/ܚܡܬܐ#3#/ ܕܪܘܓܙܗ܂ ܘܟܐܬܗ ܫܠܗܒܝܬܐ ܕܢܘܪܐ܂
66:16	ܡܛܠ ܕܒܢܘܪܐ ܕܐ݁ܢ ܡܪܝܐ܃ \ܘܒܚ݁ܪ ܒܗ݀ /ܘܒܚܪܒܗ݀#3#/ ܠܟܠ ܒܣܪ܂ ܘܢܣܓܘܢ ܩ̈ܛܝܠܘܗܝ ܕܡܪܝܐ
66:17	ܕܡܬܩܕܫܝܢ ܘܡܬܕܟܝܢ ܒ̈ܓܢܐ/ܣܓܝ̈ܐܐ#3#/܃ ܚܕ ܒܬܪ ܚܕ ܒܡܨܥܬܐ܂ ܘܐܟܠܝܢ ܒܣܪܐ ܕܚܙܝܪܐ ܘܫܪܨܐ ܘܥܘܩܒܪ̈ܐ܃ ܐܟܚܕܐ ܢܣܘܦܘܢ/ܢܘܣܦܘܢ#3#/ ܐܡ݁ܪ ܡܪܝܐ܂
66:18	ܘܐܢܐ ܝ݁ܕܥ ܐܢܐ ܥ݁ܒ̈ܕܝܗܘܢ ܘܬܪ̈ܥܝܬܗܘܢ܂ ܡܐ ܕܐܬܝ݁ܬ ܠܡܟܢܫܘ ܠܟܠܗܘܢ ܥܡ̈ܡܐ ܘܠܠܫ̈ܢܐ܂ ܘܢܐܬܘܢ ܘܢܚܙܘܢ ܐܝܩܪܝ܂

66:19	ܘܐܣܝܡ ܒܗܘܢ ܐܬܐ܂ ܘܐܫܕܪ ܡܢܗܘܢ ܡܫ̈ܘܙܒܐ/ܡܫܘܙܒܢܐ#3#/ ܠܥܡ̈ܡܐ܂ ܠܬܪܫܝܫ܂ ܘܠܦܘܠ܂ ܘܠܠܘܕ ܕܢܓ݁ܕܝܢ ܒܩܫܬܐ܂ ܘܠܬܘܒܝܠ܂ ܘܠܝܘܢ ܘܠܓܙܪ̈ܬܐ/ܓܙܪ̈ܬܐ#3#/ ܪ̈ܚܝܩܬܐ܂ ܕܠܐ ܫܡܥܘ ܫܡܝ ܘܠܐ ܚܙܘ ܐܝܩܪܝ܂ ܘܢܚܘܘܢ ܐܝܩܪܝ ܒܥܡ̈ܡܐ܂

66:20	ܘܢܝܬܘܢ ܠܟܠܗܘܢ ܐܚ̈ܝܟܘܢ ܡܢ ܟܠܗܘܢ ܥܡ̈ܡܐ ܩܘܪܒܢܐ ܠܡܪܝܐ܃ ܒܪ̈ܟܫܐ ܘܒܡܪ̈ܟܒܬܐ ܘܒܩܪ̈ܘܟܐ/ܘܒܩܘܪ̈ܘܟܐ#1##2#/܂ ܠܛܘܪܐ ܕܩܘܕܫܝ ܠܐܘܪܫܠܡ ܐܡ݁ܪ ܡܪܝܐ܂ ܐܝܟ ܕܡܝܬܝܢ ܒܢ̈ܝ ܐܝܣܪܝܠ ܣܡܝܕܐ ܒܡܐ̈ܢܐ ܕܟ̈ܝܐ ܠܒܝܬܗ ܕܡܪܝܐ܂
66:21	ܘܐܦ ܡܢܗܘܢ ܐܣܒ ܠܟܗ̈ܢܐ ܘܠܠܘ̈ܝܐ ܐܡ݁ܪ ܡܪܝܐ܂
66:22	ܐܝܟ ܫܡܝܐ ܚ̈ܕܬܐ ܘܐܪܥܐ ܚܕܬܐ ܕܥܒ݁ܕ ܐܢܐ܃ ܕܩܝ݁ܡܝܢ ܩܕܡܝ ܐܡ݁ܪ ܡܪܝܐ܃ ܗܟܢܐ ܢܬܩܝܡ/ܢܬܩܢ#3#/ ܙܪܥܟܘܢ ܘܫܡܟܘܢ܂
66:23	ܘܢܗܘܐ ܡܢ ܙܒܢ ܐܝܪܚ ܒܐܝܪܚ܂ ܘܡܢ ܙܒܢ ܫܒܐ ܠܫܒܐ܂ ܢܐܬܘܢ ܟܠ ܒܣܪ ܠܡܣܓܕ/ܠܡܣܓܕܘ#3#/ ܩܕܡܝ ܐܡ݁ܪ ܡܪܝܐ܂
66:24	ܘܢܦܩܘܢ ܘܢܚܙܘܢ ܫ̈ܠܕܝܗܘܢ ܕܓܒܪ̈ܐ ܕܐܥܠܝܘ ܒܝ܂ ܕܠܐ ܡܝ݁ܬܐ ܬܘܠܥܗܘܢ ܘܢܘܪܗܘܢ ܠܐ ܕܥܟ݁ܐ܃ ܘܢܗܘܘܢ ܕܘܡܪܐ ܠܟܠ ܒܣܪ܀