Click on a word for lexical analysis
Click on a red-colored coordinate for comments and/or translations of the line
| 02:01 | ܘܐܡܪ ܠܝ܂ ܒܪܢܫܐ܂ ܩܘܡ ܥܠ ܪ̈ܓܠܝܟ ܐܡܠܠ ܥܡܟ܂ |
| 02:02 | ܘܥܠܬ ܒܝ ܪܘܚܐ ܟܕ ܡܡܠܠ ܥܡܝ܂ ܘܐܩܝܡܬܢܝ ܥܠ ܪ̈ܓܠܝ܂ ܘܫܡܥܬ ܕܡܡܠܠ ܥܡܝ܂ |
| 02:03 | ܘܐܡܪ ܠܝ܂ ܒܪܢܫܐ܂ ܡܫܕܪ ܐܢܐ ܠܟ ܥܠ ܒܢ̈ܝ ܐܝܣܪܝܠ܂ ܥܠ ܥܡܐ ܡܪܘܕܐ ܕܡܪܕܘ ܥܠܝ ܗܢܘܢ ܘܐ̈ܒܗܝܗܘܢ܂ ܘܐܥܠܝܘ ܒܝ ܥܕܡܐ ܠܝܘܡܢܐ܂ |
| 02:04 | ܘܥܠ ܒܢ̈ܝܐ ܕܩܫ̈ܝܢ ܐ̈ܦܝܗܘܢ ܘܥܫܝܢ ܠܒܗܘܢ ܡܫܕܪ ܐܢܐ ܠܟ܂ ܐܡܪ ܠܗܘܢ܂ ܗܟܢܐ ܐܡ݁ܪ ܡܪܐ ܡܪ̈ܘܬܐ܂ |
| 02:05 | ܟܒܪ ܢܫܡܥܘܢ ܘܢܙܘܥܘܢ܂ ܡܛܠ ܕܒܝܬܐ ܐܢܘܢ ܡܡܪܡܪܢܐ܂ ܘܢܕܥܘܢ ܕܢܒܝܐ ܐܢܬ/ܐܝܬ#3#/ ܒܝܢܬܗܘܢ܂ |
| 02:06 | ܘܐܢܬ ܒܪ ܐܢܫܐ܂ ܠܐ ܬܕܚܠ ܡܢܗܘܢ܂ ܘܡܢ ܡ̈ܠܝܗܘܢ ܠܐ ܬܙܘܥ܂ ܕܣ݁ܪ̈ܒܝܢ ܘܡܣܠܝܢ ܠܟ܂ ܡܛܠ ܕܒܝܢܬ ܥܩܪ̈ܒܐ ܥܡ݁ܪ ܐܢܬ܂ ܠܐ ܬܕܚܠ ܡܢ ܡ̈ܠܝܗܘܢ܂ ܘܡܢ ܐ̈ܦܝܗܘܢ ܠܐ ܬܙܘܥ ܡܛܠ ܕܒܝܬܐ ܐܢܘܢ ܡܡܪܡܪܢܐ܂ |
| 02:07 | ܐܠܐ ܐܡܪ ܠܗܘܢ ܦܬ̈ܓܡܝ܂ ܟܒܪ ܢܫܡܥܘܢ ܘܢܙܘܥܘܢ܂ ܡܛܠ ܕܒܝܬܐ ܐܢܘܢ ܡܡܪܡܪܢܐ܂ |
| 02:08 | ܐܢܬ ܕܝܢ ܒܪܢܫܐ܂ ܫܡܥ ܡܕܡ ܕܐܡ݁ܪ ܐܢܐ ܠܟ܂ ܠܐ ܬܗܘܐ ܡܡܪܡܪܢ ܐܝܟ ܒܝܬܐ ܡܡܪܡܪܢܐ܂ ܐܠܐ ܦܬܚ ܦܘܡܟ ܘܐܟܘܠ ܡܕܡ ܕܝܗ݀ܒ ܐܢܐ ܠܟ܂ |
| 02:09 | ܘܚ݁ܙܝܬ ܘܗܐ ܐܝܕܐ ܐܬܦܫܛܬ ܠܘܬܝ܂ ܘܐܝܬ <ܗܘܐ#3#> ܒܗ݀ ܟܪܟܐ ܕܣܦܪܐ܂ |
| 02:10 | ܘܦܫܛܗ ܩܕܡܝ܂ ܘܟܬܝܒ ܡܢ ܩܕܡܘܗܝ ܘܡܢ ܒܣܬܪܗ܂ ܘܟܬ̈ܝܒܢ ܒܗ ܩܝܢ̈ܬܐ ܘܚܫ̈ܒܬܐ ܘܐ̈ܘܠܝܬܐ܂ |